食神麗宮

營業中

休息中

行海味街行到間酒店旁邊食中菜的酒家，門面好有氣派，養著活海鮮魚缸，還有好多獎杯🏆放著門口，感覺同餐廳名一樣食咗變食神🤭一開茶位就會有懷舊嘅小食花生🥜開下味蕾先👍🏿特醬燒乳鴿$48妙齡乳鴿，味道剛好，一口一啖，肉質鮮嫩！皇室咖喱牛腩配香脆饅頭$168用印度皇室咖哩真係好濃烈味道，口味層次分明，味蕾急速襲來！翡翠炒鮮斑球$198清淡味香，斑肉肥厚，菜鮮甜！魔汁生煎蓮藕肉餅$108好有重量嘅蓮藕餅，肉多蓮藕少，食兩件都滿足😌仲有飯後甜品五谷糖水，真美味😋

自設大型魚缸近正門位置，那就不要錯過海鮮佳餚。翻看菜牌，即時注意到這個菜「大海斑兩味」。餐前小食 - 花生大海斑兩味✨️ 清蒸頭腩清蒸斑頭腩，火候控制得宜。大海斑魚鮮味突出，完全沒有魚腥味，魚肉新鮮嫩滑，原汁原味。魚皮爽口，膠質豐富。✨️ 翡翠炒斑球厚肉鮮班球魚味濃厚，肉質爽滑彈牙。魚肉不散，嫩滑得來帶鑊氣，火候掌握得恰到好處。✨️ 鮑汁海參鵝掌以鮑汁燜煮海參鵝掌，香氣濃郁，軟腍得來有咬口，油潤爽口。✨️ 椒絲腐乳通菜炒牛肉以鮮牛肉來烹製，份量不少。通菜爽脆可口，加上腐乳的鹹香和椒絲的微辣，是最好下飯的小菜。✨️ 南瓜西米露吃得飽飽的，店員送上糖水。內含南瓜、 西米和粟米粒，味道清甜，也不錯。

我和大學同學很久沒有行水街這一邊，今晚就在大學樓下吃個晚飯懷緬一下過去，餐廳就在電車站旁邊十分方便。內裏裝修簡單得來樓底夠高而且又乾淨，很適合一大班人的聚會。【醬皇煎黑豬腩肉】店家秘製的醬汁有點像檸檬混入蜜糖芥茉醬，味道甜甜地很開胃，先豬腩肉中間肉汁流出，又帶點肥膏的脂香味，外皮更有香脆口感。配料的蜜桃和西蘭花就剛好中華和了油膩。【炸魚塊配山楂汁】漁塊肉是滑溜溜的，炸得十分香脆，夾着長方形的饅頭一起吃，滋味十足，加上山楂汁甜甜地又開胃。【千本漬物豆炒帶子】帶子彈牙鮮甜，夾著三色椒、筍和四季豆一起，炒得香口。【魚香茄子煲】端出來的時候鍋還是熱辣辣，醬汁還是起泡的，充滿鹹香味的魚香茄子送飯一流！

昨晚二人晚飯，點了龍蝦伊麵、乳鴿、戲棚龍蝦湯泡粥和金銀蛋莧菜。雖然嫌乳鴿比較鹹，但其他餸菜味道不錯，份量也足。埋單時，我沒有細看就結帳了，正想離座，丈夫說可能收貴了錢。我拿出menu，上邊寫著金銀蛋時蔬$88，為何收據寫$108？於是走去收銀處問個究竟。收銀員說現在很忙，等經理來搞清楚。我唯有回座位等，可是等了良久，仍然沒見她處理退款。丈夫再上前詢問，她才說我們點的是金銀蛋莧菜，要加$20。我們說落單時你們沒有說明，menu也沒有這個菜式，難道莧菜不是時蔬？何以突然加價？如果加價也應該落單時先告訴客人；再者，收據也是寫金銀蛋時蔬，而非莧菜。至此她才退款。其實$20只屬小數，但一家食客盈門的飯店，如果有這樣態度傲慢，言辭狡辯的員工，就太可惜了！

食神麗宮 位於西環西營盤, 有兩個入口, 正門設於德輔道西, 門面很有氣勢. 側門可由  華大盛品酒店 入. 酒家內有食家明星照片, 相當耀眼.存有不少中外名酒,   可供食客品嚐.不乏飲食行業頒發的獎杯和金牌.食堂燈飾華麗美觀, 座位舒適, 並設有 VIP房,侍應安排座位,  開茶及送上餐牌, 好有規律. 大家飲口茶食些餐前小吃,  感覺水滾茶靚, 花生好脆口. 餐牌有多頁,  第一頁介紹食神總策劃戴龍師傅, 之後彩頁餐牌介紹菜式好清晰, 選擇冇難度, 價錢豐儉由人.  我們叫了燉湯和小菜,  上檯夠熱, 雲腿螺頭鮑魚燉雞:  冬天飲燉湯最好,  滋潤暖胃. 真材實料, 有雲腿, 螺頭, 鮑魚,  雞, 瑤柱碎, 瘦肉. 燉湯夠火候, 香濃可口, 有益又好味.特醬燒乳鴿一隻,  皮脆脆, 肉厚厚,  特別喜歡那 鹵水料的香味,   脆皮底下的 肉好鬆軟,   肉厚而不肥,   很滋味,  山楂汁脆蝦球, 蝦球好巨型, 有六隻, 伴有菠蘿, 三色椒炒, 有鑊氣. 蝦球肉質新鮮彈牙, 山楂汁開胃, 調味非常好, 酸甜度剛好.蒜子火腩紅炆班腩,   上檯已香氣撲鼻,  蒜子好香又惹味, 

今日去西營盤探朋友，佢帶我去一間充滿富麗堂皇的酒樓食飯。飯店裝修新潮設計，燈火輝煌，而且掛上一些新年的裝飾，更添新年氣氛。餐廳裝修好中式，好精緻好靚，坐得好舒服。1特醬燒乳鴿首先我哋嗌咗隻乳鴿。乳鴿即叫即炸，熱辣辣，非常美味。乳鴿外皮脆卜卜，肉質好Juicy，有好多油。廚房整得好好，唔會炸完就好柴。而且醬汁味都好濃郁，好味。2粉絲大蝦球呢個係一個粉絲煲，表面有香蔥作點綴。粉絲份量非常多，而且沾滿晒醬汁，食落特別惹味。蝦球大大個，而且份量多，食落好彈牙，令人食完一個又想食下一個。3雲腿螺頭鮑魚燉雞湯本身我就好期待呢個燉雞湯，果然冇令我失望。湯品好清甜，雞味濃郁，但又唔會太油。另外仲用上咗火腿肉、螺頭同鮑魚燉高級材料，飲落特別香甜。螺同鮑魚食物質地啱啱好，好淋，唔會煮到好韌咬唔到。湯頭整體好鮮甜，食得出用料好。4扣8頭鮑魚花膠鵝掌花膠鵝掌賣相好好，醬汁非常濃郁。鮑魚係八頭包，大大隻，食落好腍，而且好入味。鵝掌都好入味！另外仲配有花膠，花膠大大條，充滿膠質，黏黏地，好好味，啱晒補充骨膠原。最後仲有一條新鮮嘅生菜，整體配搭都非常好。

過年前要搵老公整吓個頭，整完在附近搵野食.. 門口見到入面裝修乾淨企理，華麗，仲有一排既吊燈香煎糯米雞$88糯米雞煎到外脆內軟,加埋入面既餡料非常之多，當你一口咬落去果吓，好有層次感，個層次感會令你一次感受到香口，煙韌，軟綿綿口感！上湯波士頓龍蝦伊麵$298呢個真材實料，成隻龍蝦煮，望落去隻龍蝦都有1.5 斤左右，啖啖肉，肉質彈牙，新鮮，伊麵被龍蝦汁浸透哂，好入味，食神叉燒拼腩仔$128腩仔外皮超脆，熱辣辣，加埋芥辣醬一齊食，夾到不得了😍😍叉燒半肥瘦… 軟硬程度參半，有𡁻口👍🏻👍🏻

朋友介紹呢間係西環食中菜好出名，餐廳名都好特別叫食神麗宮，果然野食都好好食我地主要叫左幾道菜，蝦籽山根燴花膠 $168花膠好滑嫩軟淋淋，仲帶有淡淡蝦籽鮮甜味，好好味簡直係回味無窮——令外仲叫左蒜子火腩紅炆斑腩 $168火腩超軟嫩，味道好入味又濃郁，好味美，送飯一流——最後叫左個熱辣辣既靚湯海味雜菜煲 $108，天氣有啲凍飲湯最合適，呢個係海鮮湯底味道好鮮甜，有集種蔬菜，蔬菜口感爽脆又fresh，唔會煮得over左

這個食神叉燒非常驚喜！好吃到忘記拍照😅 叉燒是很少見的五層花腩，非常均勻漂亮一層肥肉一層瘦肉，還連著皮。味道是典型的港式叉燒，甜甜地，皮軟軟糯糯，賣相口感味道都一樣，為了這個叉燒會再幫襯！對上一次覺得好吃的叉燒還是柴灣新桂香那間。乳鴿也有驚喜，成隻上，姐姐唔幫手剪開幾份。自己動手撕開才明白箇中奧妙是要求保留汁水俾客人。看上去色水一般，也有些干身，但食落好juicy，連胸肉都嫩滑有味，犀利！其他我地就點左常見點心，如蝦餃、燒賣、芋頭糕之類的，無唔好吃的，每樣都平均水準以上。要彈一彈的是服務態度，可能見我們不是街坊，生面口，毫無服務可言，如果不是出品可以，下次真是不會特意來幫襯啦⋯⋯

由電影《食神》開設的中菜館: 食神麗宮位於西營盤，距離地鐵站幾分鐘路程，搬咗過嚟港島之後終於有機會試吓特醬燒乳鴿為體現原汁原味，我地叫嘅乳鴿竟然係原隻上飯店有埋即棄手套比我地落手食，滋味加倍乳鴿烤到乾身無乜油，肉質有咬口又夠入味送啤酒一流✌️✌️豉汁蟠龍鱔 例味道唔錯，調味嘅豉汁唔似平時食嘅汁咁一味死咸，鱔肉十分肥美得黎又唔多骨，面頭鱔皮口感爽脆好似食緊涼拌魚皮，啱哂我食呀😋支竹火腩台山蠔煲材料非常入味，每一隻生蠔足足有成隻手掌咁大，肥美得黎都好有蠔味，支竹炆完都唔爛，仍然有咬口😎加埋火腩簡直就惹味啦戲棚粥第一次食呢道菜，估唔到原來係潮州粥稀飯質地配埋魚乾碎、土魷粒、冬菜粒感覺好地道，加埋啲脆脆一齊食唔覺意就食哂成碗粥喇👍最後仲有糖水花生麥米粥送🫶

間餐廳都唔知轉左幾多手，看似普通中菜館，聽侍應姐姐介紹餸菜款式係參照電影「食神」，裝修都好有食神Feel。價錢比附近餐廳還要高，入座後點了以下食物：1. 紅燒乳鴿：熱辣辣，絕對唔凍&唔乾，好好食，一人一舊夠滋味，個皮仲有少少脆，好驚喜。2. 白切雞半隻：隻雞好白，肉質幾嫩滑，又啖啖肉，幾好食。3. 果皮蒸鮑魚 + 清蒸海石斑：鮑魚殼好明顯同隻鮑魚係唔成正比，所以個殼鮑魚好細，都爽口彈牙。條石斑熱辣辣上枱，蒸時間岩岩好，最新鮮好食就係條魚。4. 食神皇帝炒飯：其中招牌菜，成條錦鯉形，有蝦仁帶子蟹子菜粒等，每人都食到2-3碗，只係唔慣食濃味炒飯，係即叫即炒，夠熱夠鑊氣。姐姐都知我地第一次去，主動介紹招牌菜，又推介例湯，即叫即制黎講速度算快，款款餸都好夠熱，特別條蒸魚連汁都撈埋，服務態度親切有禮，讚讚讚!!!!

尋找到一家能讓味蕾舞蹈的餐廳，是一種享受。這次，我們來到一家名為「食神麗宮」的餐廳，這裡的菜式豐富，懷舊味道，讓人回味無窮。 首先，我們品嚐了招牌菜式叉燒拼燒腩仔。叉燒色澤鮮紅，外層燒至微焦，內裡肥肉和嫩肉一半一半，肥而不膩。燒腩仔外皮則燒到香脆金黃，肥瘦相間，肥肉部分軟綿綿的，瘦肉部分則是紮實有嚼勁。兩者搭配在一起，既有豐富的口感，又有濃郁的香味，讓人回味無窮。 戲棚龍蝦湯泡粥，這道菜的由來我就不太清楚了，但用龍蝦湯作泡粥底，創造出一種鮮美無比的味道。粒粒墨魚肉滑、榨菜粒、蝦皮和脆脆粒加入粥內，更是讓這道泡粥的口感和味道層次豐富，讓人食指大動。 鮑魚汁北菇鵝掌，用鮑魚汁餵過的鵝掌和北菇，十分腍滑入味，香氣相互融合，一試難忘。 蒜香玉乳脆鱔球，鱔球肉質肥厚，經南乳醃製後炸香，外層酥脆，肉質鮮嫩，炸蒜與南乳的香氣互相融合，真是絕配。 總的來說，菜色豐富，口味獨特，絕對是你不能錯過的一家食市。 📍食神麗宮西環西營盤德輔道西308號華大盛品酒店地舖Tel : 28576268

食神麗宮位於西營盤酒店地下，地點方便容易搵。一入到餐廳，見到餐廳獲得了很多獎項，鍾意食中菜的可以試試。這次的用餐品嚐了幾道招牌菜，包括皇室咖哩牛腩、工夫小炒王等。皇室咖哩牛腩這道菜是他們的招牌之一，這道菜出名在於1992年曾經被北京鵰爺牛腩用天價向食神戴師傅買下這牛腩秘方。聽到都覺得厲害，一定要試下。咖哩的香氣濃郁，飄散出來讓人垂涎欲滴。牛腩肉在咖哩的熬煮下非常軟嫩，入口即化，伴隨着微微的咖喱香辣非常開胃。這個咖喱會配上香脆長城饅頭，饅頭十分鬆脆，配上咖喱汁又是另一番風味，不知不覺令不喜歡饅頭的我也食了好幾個！咖喱牛腩下面會用火烘熱著，所以由頭食到落尾，咖喱牛腩依然保持熱烘烘。工夫小炒王味道不會讓人失望。小炒王的材料非常豐富多樣，有魷魚鬚、魚乾仔、魚片頭等。吊片蒸肉餅外觀簡單，但充滿了誘人的香味。肉餅在蒸煮過程中保持了它們的鮮嫩口感，吊片味道鮮，為肉餅帶來咸香味。蒜蓉豆苗蒜蓉和豆苗是我喜愛的配搭。食客可以選擇喜歡的烹調方法。下次再來可以試一試乳鴿，今次太夜，乳鴿已經賣晒。除咗晚餐食小菜，這裏還有早茶飲，點心款式都幾多。

食神麗宮放咗係我嘅餐廳list一段時間，見佢係一向評語都係唔錯嘅，咁我同一班朋友最近一次嘅生日飯就決定去食神麗宮度試下啦。我哋都無抱任何特別大嘅期望，只求佢係正正常常嘅中餐，去食個飯聚個會咁。點知，不論係食物定係服務態度，都令我哋大開眼界！唔想再為呢間嘢浪費太多時間，大概列點講下1. 食物質素差a. 例如個款咩皇室咖哩，顏色睇落去唔開胃，味道亦都好奇怪b. 個奇幻汁，講到尾就係美極嘅味道c. 有好幾味餸都過份地咸，咬兩啖已經食唔到落去2. 服務態度差a. 落完單佢哋覺得有問題，返嚟問我哋，我哋問返佢到底係指邊道菜，侍應大條道理話唔知 （？？？）b. 問親任何嘢都表示唔清楚唔知道，無人能夠解答我哋任何疑問c. 問侍應拎汁醬，相信對方唔記得咗，等到佢哋再嚟上菜我哋先再問佢，對方態度敷衍話去拎，但望一望就話：你哋都就嚟食完啦，唔使拎啦下話？ （下？？？）全晚客人唔算多，人手亦都唔係嚴重不足，但全晚想搵個人過嚟都好難，講完。

傳統粤菜餐單晚上人在西環電車路，剛探訪了住在區內朋友，正在盤算晚飯落脚地時，看見這食店門樑勁形的横額招牌"食神"二字，店外内頗有派頭，又在品牌酒店地廳，正好走訪一次😉高高樓底，令客人有寬敞舒適感😃傳統粤菜餐單，款式繁多，先點了:原味白切雞(半隻)，白切雞 擺設上碟有功架，肉質滑嫩，雞皮綿溜，畧帶咸香味😋再來碟:鮮百合炒蜜糖豆，快炒火候到位，熱度保持好😋續上海鲜:大海斑兩味，翡翠炒班球，西芹爽脆，斑球夠厚片，魚肉鲜嫩😋清蒸斑頭腩，上桌時熱氣騰騰，頭腩有骨有肉，味道恰好，最欣賞見到一大片厚滑溜口斑皮😋飽餐一頓後，店長送上紫米露作甜品👏