食得棧清湯腩王

營業中

休息中

今天一早，本想跑去花虚品尝粥但是途径此店被吸引住了。让我们停下脚步的是店里一大早竟然坐满人，其他周围的除了富记点心视乎就这家店了。出门在外，以往的经验告诉我们去最多人吃的食店一定不会错，果然汤底味道十足，老板娘亲切，共点了四碗面条，有越式排骨捞面，四宝紫菜汤面±潮州鱼丸面和牛杂米线。面条咬劲QQ弹牙，很爽口加上非常美味的鱼丸整碗面真的是好味道。越式排骨面，排骨味道满满香料味，厚厚的肉炸得蛮酥软的。四碗面条足以看得出老板在食材上的用心。

下午茶時間，來到廟街那麼多好野食既地方隨便找一間熱食去試一試清湯牛腩河 $40牛腩軟身，牛肉陣陣牛肉香，帶著女人會怕但又要食既牛脂肪。因為有脂肪才夠甘香。河粉偏幼而滑。配上一件白蘿蔔，沒多味精但卻清甜的清湯。這個下午茶有點肥，但好味

(純文字食評系列)因為當日太肚餓既關係, 竟然完全唔記得左要相機食先😅😅😅不過又好想介紹下呢間男朋友推介既『清湯牛腩王』, 只好以純文字系列贊寫文章~~店子門口細細, 位置唔多, 不過可能平日關係唔算好多人入面真係好多大字報導呢間清湯牛腩王有幾咁出名, 而且眼見好多都係慕名而黎, 手渣旅遊書黎呢度食既遊客!咖喱牛肉飯, 除左眼見既牛肉之外, 成碗都係滿滿既咖喱汁, 雖然咖喱汁睇落好似橙紅色, 但食落一d都唔辣.. 咖喱汁唔算好香咖喱味而且個人認為個咖喱汁比一般既稀,咖喱汁似係自家製作既特製~至於牛肉方面處理得幾好~牛肉燉煮到好軟熟. 整體味道唔算好有驚喜! 🙈🙈🙈個人比較中意香料味較重 & 杰身d既咖喱🙈招牌 – 清湯牛腩河男朋友order左個招牌清湯牛腩河, 牛腩唔係下欄貨而係高檔既靚牛腩!!!收得你$40碗 (都唔算平)不過牛腩都算幾大舊而且整得幾林幾入味, 而且每碗都放左一舊白蘿蔔,口感綿密. 整體而言都ok~唔錯!👌🏻

哎呀，我都差D唔記得上來推薦呢間店添，真系罪過！我已經寫食評寫上癮了！呢間野店鋪唔算非常大，但都算闊落啦D牛腩真系無得彈，招牌阿嘛，我今日食左呢度嘅清湯腩粉，真系好味，仲加咗D蘿蔔，蘿蔔牛腩最搭啦！D奶茶一般般，如果真系追求完美，我就建議唔好抱太大期望咯！

我朋友特別中意食牛肉，今日佢得閒過來探我，我本身想自己系屋企煮餐牛腩煲比佢食，但系因為買唔到靚嘅牛肉，所以我就帶佢出來食。呢度呢間腩王都幾唔錯！我地點咗一個飯同一個粉佢食清湯腩粉，佢話好好味，以後都要來食，哈哈，好彩佢無嫌棄我我點咗咖喱牛肉飯，超多咖喱汁，而且咖喱味道特別香，配上牛肉，無得頂，我就將醬汁直接淋在飯上邊，直接撈飯食，雖然樣衰咗少少，但系好食就得了！

每次過來食得棧，都會必點嘅一樣野就系——清湯腩粉。佢系呢度嘅招牌菜式來噶，味道真系無得彈嘎！最近得閒，終於可以再過來食翻餐啦！開心死我啦！呢度嘅牛腩都系出咗名嘎啦，所以大概你地都試過吧！腩肉特別大塊，可想而知老闆人有幾大方，而且佢應該系有醃制過，味道醃得剛剛好味，河粉都好好食！ 

我嘅早餐有無數種選擇，牛腩粉就係其中一種。呢間系廟街，店名寫著砵蘭街店，店入面又貼著澳門九記各種見報資料，唔知佢地究竟系邊間？？一入座，就直接點單——牛腩粉。清湯牛腩$40.牛腩有5舊，蘿蔔1舊，蔥花就裝系隻羹到，呢點好鐘意，好似我呢啲唔鐘意食蔥嘅人，就可以直接唔落啦！！！牛腩燉得好爛，好入味。不過口感我個人唔太鐘意，比較粗糙~~~河粉系寬粉，份量好大，有半個碗咁多，絕對食得飽，清湯都唔錯！！

老公帶我到這裡試試清湯腩所以我就點了最原汁原味的清湯牛腩河!!老公則點了雲吞麵牛腩河一上桌,,先試試湯底湯很清但不會淡,,也不會過鹹!!湯底不錯~河粉是幼身那種,,不會煮得太碎~~主角牛腩,,肥瘦適中,,煮得稔滑入味!!白蘿蔔亦吸收湯汁~很甜很好吃!!老公也分了雲吞我吃~~雲吞也皮薄多餡啊!!整體來說..食物味道不錯~~

今日個朋友話想食牛腩，甘附近就有一間比較出名嘅牛腩店，食得棧清湯腩王嘅牛腩幾好味，老字號嘅店都系唔起眼，店面一般唔大，但出品唔錯，嚟到已經坐滿人，有幾個人要排隊，不過等左唔系好耐，十分鐘左右。咖哩牛腩每次嚟都會點，我中意比較中意重品嘅菜，咖哩好正宗，牛腩燜得好入味，蘿卜系當季蔬菜，特別清甜，又吸收曬D咖哩味，有時覺得比牛腩仲好食，中意食咖哩嘅朋友仔呢款一定唔好錯過，值得推薦。蛋撻睇落覺得唔好食，但我就中意呢種，烤得比較香脆，蛋液好香滑，加上牛奶嘅香味，唔錯哦。朋友點左個清湯腩牛河，睇落清淡，但牛腩依然好出色，腌得好入味，蘿卜對比咖哩嘅，呢款就更顯清甜，牛腩煮得好淋，口感同味道都好好。

下午系俾人拉過來一起揾野食嘅，我之前都未留意果呢度仲有間咁嘅店。好有舊事香港feel，人數都幾多下，但系服務好快，不會浪費好多時間。我系真系好鍾意食青菜嘅，所以一來就點咗嘅時蔬，菜心條條筆直，大細均勻，菜葉完整入味，軟得來又唔會過，關鍵系食落覺得油好多吖，呢點就無系好岩我喇，碟底特別多。咖喱牛腩就正喇，好好味，我用來送飯，居然不知不覺食咗成大半，牛腩味同咖喱味合二為一，肉味搭咖喱，真系味道上面嘅最佳搭檔吖!咖喱送飯簡直再好不過，牛腩都唔會嚡，好爽口，同時都誤會韌啫，足見人地有落足功夫喇，價錢就正常度，唔高唔底，。

今日同同事過去油麻地辦事，做完都差唔多十二點，就淋住食完飯先返公司喇，兩個人就係附近揾下有咩好食啦，行過食得棧時見到有人系度排隊，就打算入去試下，好多年前食過一次，唔知有無變味喇，不過人氣咁旺，味道同水準應該仲OK嘅。我地點左個清湯牛腩，睇落好清淡，但試下就知肉好夠味道，可見呢煲野煲左好耐，牛腩全部都好軟，好易咬，放左蘿卜去燜，蘿卜本來就清甜，再吸收埋D肉味，好好味啊，煮得好淋，難怪甘多人排隊食呢個喇。中意重口味D嘅朋友仔可以點呢咖哩牛腩，同臺嘅人點呢個，聞到咖哩都好香，聽到距地都話幾唔錯。鮮蝦云吞面，我覺得出品都可以，云吞皮薄餡靚，有一只鮮蝦係入邊，面好細，但又唔會爛，本質唔錯，值得一試。

今日係油麻地食晏，突然好想食清湯腩，就去咗呢間自稱清湯腩專門店嘅餐廳。我叫咗一碟咖喱牛腩飯，心諗呢個應該是穩陣之選，點知碟飯嚟到嘅時候，就發覺D牛腩唔係好對路，舊舊都好多肥膏，瘦嘅部份得好少，而且味道好像有啲似煲過湯嘅豬肉；薯仔得兩小舊而且質素都係麻麻，唔夠林。至於個咖喱汁，顏色偏紅有D奇怪，辣度ok但味道偏咸。 我已經好努力咁樣去食，但最後食咗一半都要放棄，轉去附近食米線。我自問要求唔係好高，只係希望食一碟正常嘅咖喱牛腩飯，點知佢就連大XX都比唔上，仲學人自稱做清湯腩專門店，今次真係中伏了！

唔舒服搵間清清地既食，意外收穫好食過荃灣果間，牛腩好林一咬即散唔(痴)牙又入味，撈麵應該有落豬油撈好香麵底夠滑，跟湯蝦子大地魚味都正，咖哩牛腩反而唔夠林，汁好味夠濃但概過牛腩浪費薯仔超入味，春卷油膩料唔得可以不吃

喺香港以牛腩作招徠嘅舖頭唔少，有啲以湯底取勝，有啲喺牛腩上下苦功，只能顧此而難免失彼。但要湯底、牛腩、配料都全面兼顧，估唔到反而喺廟街街角食得到。         做牛腩無速成，一定要夠時間燜，先會入味同鬆化。同理，蘿蔔要好食，無根入味同樣靠時間。呢度嘅湯底係用珍珠貝同魚熬成，湯清鮮甜，蘿蔔盡吸湯頭精華，無渣腍甜。牛腩全部半肥瘦，可能我好彩，牛腩重牛味，無渣，盡得清湯腩之妙。最驚喜係上枱前，除咗葱，仲會落唐芹， 配上熱湯，令香味提升，十足潮洲風味。        煮牛腩各師各法，但要湯、腩、蘿蔔都同時有高水準，暫時只喺呢度搵到。

清湯牛腩河粉，牛腩沒有肥瘦相融的口感，瘦肉處較硬，但有清甜。蘿蔔甜而無渣，但我更傾向不削邊的蘿蔔，雖然難熬，但考驗功力。也許是受了料理仙姬影響罷。湯鮮。河粉少勁道。下回來和老闆說多放蘿蔔少放牛腩好了。