食代館 (MOKO新世紀廣場) (已結業)

約左朋友拎喜帖。。年尾收到特別多炸彈大家都係咩都食。。咁就食中菜喇。。個套餐有麵線。。又有菜。。又有鍋貼。。都幾又野食。。最鐘意個菜。。夠健康同新鮮。。。祝朋友新婚快樂

間麻辣燙啲態度完全唔得，去到俾錢後就等餐啦，咁啲嘢食就放晒喺枱面，個收銀話全部都係我地，咁我就拎晒返去，點知有個女人衝出嚟，仲要勁大聲用（普通話講）話有兩碟要收錢咁我地話你話全部都係我地，跟住有個經理出嚟調停，佢話見到晒知咩事希望我地唔好介意，跟手送咗杯野飲俾我地但係條氣點都唔順。真係唔知點解喺香港打工仲可以用普通話衝出嚟罵人，明明佢地自己做錯令人誤會，仲要講普通話，下次一定唔會幫襯如果係香港人希望可以抵制佢呢間大陸店！

話說今日我就因公事 忙左全日 無食過野落肚之後夜晚9點鐘又見行經新世紀廣場(moko)咪試下去個食代館求其搵野食完就算數叫左個燒雞脾飯 $53賣相可以話係無架啦，見個師父仔都趕收工唸住今餐都是但入到口就算點知估唔到食落個燒雞幾嫩口 完全唔”鞋”雖然個皮係淋既 味道唔差 好過好多餐廳食到既！青瓜正常味個湯都可以 熱辣辣 味精都幾重應該總結，呢一個價錢 性價比算中間就黎收市都食到呢個水準既雞 真係唔知係好彩定全部雞既水準一樣啦，下次有機會再同大家試下，之後分享個分別

今日去左中旅社換回鄉證，整好仲有成個幾鐘先返工，所以行去Moko food court搵食🤣可能未到lunch time, 所以都容易搵位，而且坐得好舒服👍🏻行左幾間，就揀左呢間食醬油牛肉炒河套餐，有個中湯，加埋個小食。牛肉炒河：炒得都好夠鑊氣，唔會太油，牛肉都幾大塊下，河粉都算幾滑，唔硬唔淋，河粉口感岩岩好👍🏻套餐跟中湯，唔多似係老火湯，飲到有啲味精😅不過算係咁，有湯飲下，無咁dry。另外仲有個涼拌木耳，酸酸甜甜，都幾開胃。其他套餐都好抵食，下次要試埋其他先得。

要去moko睇戲，想醫肚先，就去左最近嘅食代館food court行左一個圈，都幾多野食揀，分別係兩個檔叫左兩個飯。叫左一份鰻魚拼肥牛蛋包飯，鰻魚係細舊到無左影味道正常的，跟餐有個麵豉湯。另一個係海南雞飯，正常發揮啦，送左碗有藥材味嘅湯。

早上8點幾就到達新世紀，參加活動之前先吃個早餐，商場3樓有food court食代館，有數家食店在營業，其中一間新記雞粥，食碗粥都唔錯喎。早餐選擇有粉麵和粥，見有生滾豬潤粥就想食，配個豉油皇炒麵，久違的粥早餐。現煮生滾粥烹煮需時，俾完錢去搵位坐底先，等咗5-8分鐘有得食喇。新鮮滾熱辣嘅生滾粥豬潤，攞完自己加蔥花，小心燙口，太熱要抖吓無咁熱先至食豉油皇炒麵豉油香氣撲鼻而來，銀芽份量唔孤寒喎，麵條有蛋香，不油膩，口感乾身得嚟軟硬適中，好吃！生滾粥豬潤豬潤好新鮮，而且天然沒添加，正！(加料醃過的豬潤口感會變得漲浮)工作忙沒時間煲豬潤水，可以間中食碗豬潤粥，補吓。好大兜粥，食完炒麵已經飽咗大半，食唔哂要打包一半走。

呢家嘅海南雞飯雖然唔算十分出名，我係我的朋友圈中也算是小有名氣，有唔小朋友都話幾好食，今日同女朋友睇完戲就一於去試一試。係下午茶時間去到，佢賣嘅海南雞飯大約40蚊左右，算係合理價錢，大約等了3分鐘便到手，我隱約更看見位於廚房的師傅已預先做了數份，有客人點時，便會拿出，所以感覺不太新鮮。至於味道方面，雞件食得出雖然是冰鮮雞，但解凍的動作做得不錯，加上足夠的調味，帶上濃濃的香味，雞件也幾滑，米飯是用上雞油所浸泡，很濃的雞香，以價錢作考慮的話，算是超值

鹽酥雞配阿仔煎 50蚊呀有塊雞扒 有阿仔煎仲有埋湯喎！！ 今日嚟到見到條隊都有好多人 雖然排隊排得耐咗 但係佢哋出餐出得快 所以好快都有得食 整體嚟講都幾好食但係呢塊雞就乾咗少少 😆

一個人晚餐最方便就是到美食廣場，台日韓中，甚麼食物也有。逛了逛，看到台式食物，忽然想起很久沒有到台灣旅行了，麵線癮起動，所以就叫了麵線餐吃了。麵餐包括了大腸麵線，煎餃及青菜，還算健康吧，哈哈。價錢約$40，可惜的是沒有包含飲品。店員很有禮，笑容可掬，因為很快便有餐點，也細心著我不要走開。味道方面，當然不可能及得上在台灣吃的味道，就是正常的麵線，個人覺得比八方差了一點。青菜跟煎餃也正正常常。青菜不老，煎餃脆口。如果想便宜飽肚，也算是合格的選擇呢。

*午市*抵食大份，就腳叫左 豬軟骨配柯仔煎($58左右)，包白飯及湯另外 白汁磨菇海鮮意粉($40樓下好似)，包羅宋湯豬軟骨用煲上菜，煲入面仲有乾豆腐及菜，豬軟骨起碼有6大件，送飯一流，而且好大份不過個人覺得豬軟骨有少少鹹，柯仔煎就普普通通，畢竟唔可以同正宗既柯仔煎比較碟意粉份量多，有海鮮，唔會食食下冇哂d白汁，個羅宋湯好多料，簡單lunch總體，交通方便，而且多選擇，多座位，食咩菜式eg泰式/雲吞麵/韓燒都得

食代館餐廳總類眾多，有日式、港式、泰式等等。咁我就去左間日式餐廳叫左碟吉列大蝦蛋包飯，咁個餐就包個味噌湯。個湯比較淡味。而個飯係淋左d日式咖哩，幾易入口，但個吉列蝦就麻麻，因為比較細隻，有d失望。

係旺角行完街，搵野食，個度有個food court食代館。裏面有好多唔同菜式嘅餐廳，最後就去左一間泰國野叫左碟泰式乾炒金邊粉，望落個色水都ok，但食落就無乜味，普通到不得了。

本身好鐘情於蛋包飯，所以見到就第一時間衝過去，叫咗鰻魚蛋包飯同芝士漢堡扒蛋包飯。價錢同啲日式餐廳差唔多，所以完全冇諗過會難食。點知非常失望，賣相唔靚都唔緊要，重點係味道，結果令人唔可以接受，真係非常非常失望！炒飯有啲硬，又唔夠熱，漢堡扒食落好似蒸豬肉餅咁，而且味道好怪，有啲雪藏味，芝士完全好穩固咁黏住塊扒食唔到芝士味，啲蛋過熟唔夠滑。雖然係food court 但冇諗過會咁令人失望！個人覺得唔值呢個價錢，朋友話冇諗過會咁伏。

今次係新世紀睇完戲，唔想搵餐廳行黎行去，就去左foodcourt 到搵野食。呢個foodcourt食物選擇都算多，上海、台灣、韓國、燒味、鐵板燒都有。今次就又揀左食麻辣湯。叫左個肥牛麻辣湯，有得揀大中小辣，我呢個係小辣，不過食落都幾辣下，麻味幾重，都見到好多辣椒。加左錢換薯粉，起初係另外，不過我鍾意加埋入個湯到一齊食。肥牛份量唔算多，食材都有乜特別，係食個湯底。

喺food Court入面見到有麻辣燙覺得非常過癮，就叫咗個雜錦麻辣燙。佢會幫你淥好晒啲嘢食，配上一個米線，喺food court入面都可以好似食麻辣火鍋咁，一個人都可以食。佢個湯底唔算煮得好入味，個味道比較化學，一般般。