風彩餐廳

營業中

休息中

大熱天時佐敦道玉器街附近搵地方食晏，剛巧路過風彩茶餐廳門口，阿姐熱烈咁樣推介，所以我就和朋友一齊入咗呢間餐廳，入到入面第一個感覺就係冷氣真係唔係好夠涼，可能天氣真係太熱，但都好彩有個卡位！見有持名嘅乾炒牛河咁當然就唔錯過啦，仲送例湯和奶茶，而奶茶都尚算香滑冇乜苦澀味，可見水吧員工有一定水準！乾炒牛河就真係唔錯，冇乜油淋淋嘅感覺，爽口彈牙嘅河粉，再加淋淋嘅牛肉真係水準之上；回鍋肉飯就變成四川炒豬肉多啲，完全冇回鍋肉嘅風味，雖然食落味道都尚可，但係完全唔係回鍋肉嘅味道！反而例湯唔錯感覺味精唔多，總括來說都係一間性價比高嘅地道茶餐廳。

服務態度差，落錯單，碟頭飯加熱飲72蚊 完全唔值。 煎豬扒飯其實都係炸返熱，豬扒唔熟見紅，侍應竟然講近骨位唔熟正常，講多2句個廚師都主動話炸多件比我 根本豬肉唔熟完全無抵賴既地方，影響食物安全 。呢間野係我近幾年食過最差既餐廳，純粹趕時間一落車隨便揀間餐廳食，估唔到可以中如此大伏。同埋一間餐廳 7點唔夠竟然話無蝦 呢d咁基本既雪藏食材有咩可能無 根本唔想做生意。 從未留過食評都忍唔住登入發表一下，希望大家唔好中伏。

呢間餐廳好奇怪，定唔知係個水吧大佬嘅情緒問題，平時都聽到佢成日鬧人（客人），仲見過同樓面姐姐喺度嘈交，今早叫個餐蛋麵要爽麵，多士走油，黎到當然係多士無走油都算啦，個麵淋過發水麵包，唉！之前試過叫餐肉腸仔麵有時一條腸，有時有二條，我估都係要睇水吧大佬心情，餐廳食物質素好重要，並唔係咁做生意架囉，唔係你幾好食都無用，但弊在你已經唔好食，仲可以咁，永久Blacklist……………………………………………

點解會黎主因係成日都聽同事講呢間茶記呢到簡直係佢地飯堂所以決定一嘗餐廳內的位置同一般茶記沒有分別中午午餐時間吾算多人每星期都有指定款式可以選如星期一都有6個不同款可選揀都算抵食的一個set 有湯有飯有野飲青蘿蔔牛腩湯飯湯好重味精其他都ok 啦PS: 發生左點少插曲，另我覺得呢度的服務態度好差事原係我地搵水浸住的食具，個服務員行過黎就話平時會地都用吾晒架啦一下子把餐具都放番晒去筷子筒到但我地的餐係未上晒桌真心茶記的服務我吾算好大要求，大家都明又吾係幫襯貴價的餐廳但呢間的服務係差到我覺得佢地點解可以甘對客人平心而論真係吾會再去

見50蚊唔洗有個lunch 諗住入去試下50蚊有湯有野飲 今時今日香港地算平本身見間舖無乜人都無乜為意後尾就明白點解入去叫左20分鐘都未有 都算無啦啦有個紫色衫丫叔行埋嚟話我哋飲唔晒d湯又叫3碗湯當時野食都未黎 我哋3個人叫3碗有咩問題我哋只係等埋野食先一次過飲 又無叫佢收走同佢講完重要係咁口upup 野食係正常嘅 但d staff咁既態度真係趕客食個lunch無啦啦比人鬧 莫名其妙未試過去一間餐廳會受到咁既對待難怪長期都無乜客

下午行過佐敦道，午飯食得唔係幾夠飽，又有排都未到時間食晚飯甘就梗係整反個下午茶先路經彩風餐廳，係門口見到個下午茶餐牌，上面寫住即刻好奇心大發，試一試距有啲咩黎自北韓甘架勢先餐廳裏面都係一般茶餐廳風格，側面有落地玻璃，有啲自然光会透射入黎坐位距離都幾夠，唔会太迫餐廳仲有電視播放足球賽事，啱哂想睇波又唔想去酒吧既朋友就係俾依個一号北韓深海潛艇吸引住左我我order完問侍應姐姐其實係咩黎，姐姐笑笑口甘話，點解你唔知係咩都叫黎食甘得意黎既原來北韓深海潛艇其實就係魚柳飽先唔好理有啲咩係黎自北韓先，個飽幾鬆脆，魚柳外面脆得黎，入面啲魚肉都好滑整體黎講係好食既埋單43蚊，有少少貴，不過可以接受

同朋友黎到呢間餐廳食早餐，感覺唔錯。我叫左呢個雞扒餐（好似係8A)。雞扒好味，肉汁juicy，表皮都煎得幾脆。薯餅就中規中矩。脆豬都值得一試，外面脆，內裡鬆軟，表面的牛油同煉奶都塗得均勻，不過厚少少就perfect卡。總的來說，份量充足，價錢合理，都抵食ge

話時話呢間餐廳我都之前試咗好多次啦，無論午餐晚餐我都試過，，我覺得去晚餐嘅小菜係特別好食，尤其係薑蔥豉油雞，麻辣豆腐煲，咕嚕肉，仲有好多撚手小菜，尤其是我好鍾意食嘅麻辣豆腐煲，佢嗰隻麻辣味係我最鍾意食，每次我都會成日碗白飯都可以食得晒，不太辣嘅味道再加上都幾惹味。

呢日一早嚟到佐敦道做嘢，見你食早餐就走咗入去呢間《風彩餐廳》幫襯。早餐共有七款選擇，全部都係$30幾蚊。我同朋友都點咗份鮑魚火腿絲通粉餐 ($34)。鮑魚火腿絲通粉 - 鮑魚火腿味道唔錯，但湯底味道一般，而且通粉口感比較粉同腍身。我配黑松露炒蛋 - 炒蛋都幾香滑，都有啲黑松露味，可惜餐包你凍嘅，如果熱或暖嘅就更加好。朋友揀餐包配煎雙蛋 - 雙蛋煎得幾靚，不過略嫌細隻，同樣餐包亦係凍嘅。熱奶茶／熱咖啡 - 普通茶記貨色。整體感覺，早餐價錢唔算貴，不過味道一般，仲有如果侍應阿姐送餐嘅時候手腳輕返少少，唔好咁粗魯就更加好啦。

是日工作路過此茶餐廳，係呢個地段，$48午餐有湯有茶真係算唔錯。飲左個羅宋湯(忘記影相)，上枱夠熱，凍天氣飲微辣非常正。到個意粉，賣相真係嚇一跳，非常好，份量十足。雖然因為個碗太大，D汁去唔到底，但味道都唔太差，茶餐廳黎講算係咁。用餐日期:7/1/2019是餐費用:$48味道:6.5/10環境:6/10性價比:6/10

作為街坊, 三年來第二次幫襯。 第一次, 是他們開張的那一段時間, 之後一直都唔敢再幫襯啦。其中一個原因, 佢哋嘅價錢偏貴。但隨著附近嘅店舖價錢都上升咗後, 感覺上佢哋又唔係太貴喇。所以一心打算畀個機會大家。真係唔好彩, 今日嚟到樓面嘅姐姐同水吧嘅阿哥嘈緊交, 所以氣氛麻麻地。點餐嘅時候舉手、 嗌咗好耐都冇人應; 叫攞多隻碗仔, 又攞嚟攞去都攞唔到。有一樣嘢係值得一讚嘅係: 佢哋嘅份量好多、好大。<羅宋湯> ok幾好味嘅, 唔會太辣, 有好多新鮮嘅蔬菜料。我哋叫咗個午餐嘅 <洋蔥汁豬扒飯>, 有兩塊都幾厚肉嘅豬扒, 份量十足, 可惜都幾勁醃肉粉嘅味道。<豉椒雞球飯> 比較淡口, 但啱我胃口, 我最有味精及太過鹹。<熱朱古力> OK<熱奶茶> 過得去。

等人收工，咁啱又落大雨。望住個天，應該有排落。醒目的我，梗係即刻鼠入茶記避吓風雨啦。其實唔肚餓，不過入得來坐，唔叫返個餐又點得呢？儘量叫個 light DD 啦 （原本打算........）突如其來的下午茶，有呢D選擇：北韓深海潛艇...... 潛艇就潛艇啦，又同北韓有乜關係？莫非加左泡菜？不過今日狀態不宜打探佢，太 heavy 了。望住一眾的茶餐，最後還是決定食西多士 。邪惡西多士茶餐 $32Standard size ，熱辣辣，香噴噴，望住半溶的牛油，未食已經知道好正！仲有成枝糖漿任加，正呀！食西多士我覺得最正係邊位，夠香夠趣，所以一早俾我食左一圈。中層夾左花生醬，唔太甜，唔太膩，幾好味。歎住西多檸水看雨景，想瘦都難！

呢間餐廳食物正常，但服務差到一個點，冇下次！搵個侍應姐姐落完單 (叫咗炒羅漢齋、蒸水蛋)，過咗五秒之後佢又返轉頭，叫我哋重複一次叫咩嘢飲，我心諗你啲記性差過金魚喎？但我當佢一時大意算數啦！點知等咗二十分鐘啲嘢食都未嚟，於是問下個樓面經理，佢個答案簡直當咗客人係白癡！佢話：「因為同一檯嘅餸，我哋會夾埋一次過先上。」下下下？我仲以為自己聽錯。經理再理直氣壯咁補充：「因為蒸水蛋要等，所以個羅漢齋會等埋先一齊上！」我真係第一次聽到啲咁荒謬嘅理由！我哋兩個人，一人叫一份晚市套餐各自食，因乜事要等埋先一齊上呢？你漏咗單咪漏咗單囉，做乜要作個咁低能嘅藉口？之後我仲聽到唔止我哋一檯客係漏單、錯單，好明顯唔係單一事件……故事仲未完喎，我哋兩個人落單時明明都講咗兩個餸要加錢轉套餐(即係加$10有飯有湯)，之後個侍應竟然話我哋只係轉咗一個做套餐。本身我已經想鬧爆佢，不過老婆話算數，下次唔好再嚟！

以前岩岩開，d野好精致有一排衰衰地，冇乜點去我返夜既，4點幾佐敦得幾個選擇有一次貪近回留見有改善，同班同事日日早餐今日真係最後一次幫襯諗住食好d，多d肉叫個6號早餐豬扒+煙肉面之前d面唔係淋就生，茶走，你堅係俾杯熱奶茶我話走咗甜，你第一日做水吧㗎？茶走落煉奶呀，我都忍你尋日第一次叫豬扒，都係面淋，不過豬扒作為主角冇乜野今日塊豬扒炸咗3日定擺咗3日㗎？乾到呢？？？咁岩有位4眼姐姐行過，我就問:"姐姐，今日水吧大佬心情唔靚呀？？？塊扒硬過我個頭"姐姐:"塊扒廚房調味㗎bor"我:"係炸到硬晒呀"姐姐會意話"我整過俾你啦"我見姐姐客客氣氣，又朝朝見''唔使啦，我都食到一半，由佢啦"不過，我打死都唔會再黎，以前幾多的士大佬，依家小喵三兩如果冇埋下午d 建築業大哥，風彩真係揾人食呀。望就望d樓起唔停啦!!!

每逄星期三我同衰佬都要做GYM，跑跑跳跳爆吓汗，為咗令自己可以有更多既Quota食好嘢。一般做完沖埋涼都已經十點幾，周圍啲餐廳就算無關門都Last order趕你走，難得風彩係開24小時，幾夜黎食都可以。佢個舖位喺佐敦道，喺正我返屋企嗰架巴士站旁邊，一食完就可以跳上巴士閃人。同衰佬一人叫咗個餸食，分別係魚香茄子炆班腩及西檸汁軟雞柳。首先要讚吓個例湯，滿滿的一碗，內有合掌瓜及豬肉，好夠味，不過如果可以唔好咁咸就真係十足屋企媽媽啲靚湯。魚香茄子炆班腩－明明做完運動好餓，不過都食唔晒，因為份量真係好多，小菜夠鑊氣。西檸汁軟雞柳－西檸芡汁好杰身，酸酸甜甜，整體上同魚香茄子炆班腩一樣都係好啱配飯食。小插曲係食到咁上下有姐姐清潔拖地，但可能漂白水落得太多，拖完之後變得好臭，整個食嘢既胃口都無晒。