領鮮鮮廚

營業中

休息中

今日同行四人大約1點入座，仲有好多空枱。13:07叫咗一個常餐，其他三個炒粉，炒飯和生炒骨飯。大約5分鐘左右上飲品，一杯熱奶茶，三杯凍檸茶。店員指住其中一杯話少甜，友人話係要少冰唔係少甜。店員話：咁幫你攞番啲冰出嚟。友人話咁都唔係少甜。店員企係度唔郁，我話，咁攞個杯嚟裝番啲冰，攞少少糖水或糖漿出嚟算啦。之後攞咗個空杯嚟，糖水冇咗影😐之後常餐到，13:33另外三個餐都未嚟，催咗兩三次，最後要到大約13:45先上齊🙄唔講食物質素，咁嘅服務唔會再嚟啦。

愛民邨係一個比較舊嘅地方，剛剛翻身，有比較大嘅停車場方便有揸車嘅人入嚟食嘢。所以嚟到依間冬菇亭，其實之前已經自己一個喺度食早餐有壞印象，就係叫過羅宋湯通粉，個湯底勁鹹，不過可能因為當時都就完左早餐時間，個湯底煮到好濃。而今次因為揸車緣故，入咗嚟愛民邨食晚餐。4人叫左5碟餸。椒鹽鮮魷、生炒骨、蓮藕餅、薑蔥鮑魚、同一個唔記得叫乜嘢嘅薑蔥咩煲。今次嘅晚餐令我另眼相看，尤其是每一樣野都熱辣辣，唔會太多味精，而且價錢不貴，就算薑蔥鮑魚容易入口（$70內），所以在此食海鮮亦是不錯的選擇，海鮮又新鮮又不貴。而每一碟餸嘅份量都算大份，就例如生炒骨同椒鹽鮮魷嘅肉嘅份量都算多，平均每人都分到兩至三舊。（每樣餸價錢都不用$100）蓮藕餅亦煎得很香脆，熱辣辣，食到有蓮藕嘅爽脆，唔錯！總結：鋪頭位置算寛敞，有4人座位、亦有大圓枱（坐10-12人），適合有揸車唔想煩搵車泊、家庭或團體聚聚。另外，亦見到門面擺設雙或三送飯，一進餐廳已被香氣，如果住在附近嘅市民亦可以落嚟買餸回家加送亦不錯。

午餐叫了常餐, 冬陰功肥牛米線配豬仔包炒雙蛋($48) 冬陰公湯底野味, 有酸辣味, 米線不會太軟, 份量充足。 牛油豬仔包可能放得耐, 唔夠熱,超硬,阿婆一定咬唔到😌 炒雙蛋唔夠滑。同行人士吃了其他常餐, 配叉燒意粉, 味道正本。 整體質素OK,價錢略貴,環境有少許擠擁, 搭檯無膠片隔住。

全程要客認錯的食店1/ 落單「召鹽九肚魚」，見到佢落錯單「召鹽鮮魷」，叫佢改，就話「召鹽九肚魚」無，「召鹽鮮魷」咪一樣？最後我叫佢改，再叫其他。(是我錯嗎？)2/ 後來都係叫「召鹽鮮魷」，就話「你之前又唔要，現在又要？」(是我錯嗎？)3/ 隔左10分鐘，都未落單，10分鐘後再問我「你係唔係真係要落『召鹽鮮魷』呀？(下，我唔係落左單咩？要DOUBLE CONFIRM，是我錯嗎？) 4/ 等了20分鐘，還沒來，追單後，侍應說：「你之前CANCEL左唔要嘛，你等下啦！」(哦！又係我錯！)5/ 中間我加了另一個「西檸煎軟雞」，等了另外的30分鐘。追單時問，呢個菜我又等左30分鐘喎，來不來，不來就取消！一個應該是老闆的人說「你要就要，唔要就取消！唔好講咁多野！」(哦！原來成間食肆就係咁！又係我錯！)又係我錯！我錯在幫襯左你呢間野！老實說，食物味道尚算OK，不過服務態度真係差到一個點！要個客不斷SAY SORRY!

領鮮鮮廚！其貌不揚的冬菇亭，但係熟食市場，從來隱世高手在民間的好例子，何文田領鮮鮮廚，絕對係其中之一！朋友推介可以來料加工，所以去旺角買海鮮。朋友鐘意東升斑拆肉炒，椒鹽骨腩頭。心想4斤東升斑俾人糟蹋了。但廚房大佬煮得極其美妙，炒完出嚟好似蒸熟咁，魚鮮肉軟美味可口。非讚不可👍🏽👍🏻👍🏼蟶子到：蒜蓉蒸蟶子皇，粉絲蒜蓉放在蟶子上面， 蒸煮時間剛剛好，蒜蓉粉絲惹味非常，不單止沒搶蟶子皇鮮味，反而令之更鮮味。入口有初戀打茄輪感覺，所以不自覺下食咗三大隻。椒鹽賴尿手臂咁大，原隻炒鎖住肉汁D羔超香，加上重手蒜蓉椒鹽，又係一個食到停唔到口既菜式。最後打包蒜蓉回家煎牛扒🤩🤩後加小餸食材新鮮，碟碟足料份量大，離開時發現佢有，過年套餐所以同朋友約定再來料加工絕對值得光臨！

今晚2個人又去領鮮鮮府食晚飯！😋😋😋之前已經成日幫襯，因為佢啲海鮮真係新鮮，師傅手勢亦都好好，仲有得食出面好少有嘅焗魚腸！正！👍🏼 但係今晚就非常之不愉快。一開頭叫咗個紅燒豆腐加一個椒鹽九肚魚，等咗40分鐘都冇得食！咁都明白星期日夜晚比較忙，但個幫我哋落單個𡃁仔，我哋問「啲嘢食？」佢check都冇check，就同我哋講「整緊整緊」！😡😡😡 再等多5分鐘，我哋加單，加多個芝士龍蝦伊麵，佢哋先發覺漏單，大約6分鐘後，我哋再追單，有個明顯醒啲又態度好嘅叔叔，佢見我哋追單，即刻同我哋道歉及走向廚房。而之前落單個𡃁仔就咁啱拎個九肚魚嚟喇！ 到我哋食完想打包個麵，一舉手叫人，有個阿姐見到竟然對我大叫「咩啊！」🤬🤯😡我又冇殺你家人，洗唔洗用兇狠眼神同咁惡語氣，我成餐飯都唔該前唔該後。我知街坊餐廳唔可以太高要求，但係都唔可以咁嘅語氣對客人㗎！ 到咗埋單嗰一刻，我哋嗰碟紅燒豆腐都係冇嚟到㗎！擺到明就係漏單。如果餐廳啲侍應個個都可以好似個叔叔咁好服務態度就好啦！ 我去食飯係因為好食而且價錢公道，但樓面態度差真係好趕客囉！

自從冬菇亭裝修之後就無去食過，經過見呢間新嘅海鮮食檔好多街坊排隊就決定試下。裏面嘅座位幾多，同埋都幾乾淨。首先嚟嘅係避風塘炒蝦，望倒個樣都覺得會好好食。面上嘅炸蒜粒好香好有鑊氣，仲有落少少辣椒去炒。同區d酒樓都冇咁正，可能呢d就係風味以$98(無加一) 呢講真係大件夾抵食，有成10隻蝦！跟住係紅燒豆腐，整得好有誠意。豆腐裏面好滑，又唔會太油膩。仲有唔少翠玉瓜、各種菇類一齊煮，好豐富嘅感覺。再嚟係蒜蓉炒通菜。大大份。好欣賞佢唔係太咸，味道啱啱好，因為好多時食肆都鍾意落好多蒜蓉醬，變得太油太咸。可能當日多生意，落左order之後都等左成25分鐘先有野食。不過佢煮d野咁好食、又新鮮，覺得等都值得嘅～ 見倒其他人食嘅餸，如蒸魚、扇貝等賣相都好吸引，強烈推薦呢間小菜館，一定會再嚟！影埋menu比大家睇睇fyi~~

開左幾個月，終於上週末試左，我兩個人六點鐘到，已經坐滿一半枱。今餐叫左二人套餐，有清蒸元貝二隻、白灼蝦半斤和豆豉鯪魚油麥菜，承惠$188。清蒸元貝，元貝洗得好乾淨，又新鮮味道有保證。白灼蝦半斤有11隻，大大隻，11隻中只有一隻唔新鮮，都已經算好好。豆豉鯪魚油麥菜都不失埸。呢家餐廳外面還有海鮮缸，還有其他游水海鮮，我下次都會試試。