順豐排骨麵

營業中

休息中

已很久沒有來這店, 一直都好懷念, 今天去開工展會掃貨, 順路來回味吓. 中午12點半來到, 初時都怕午飯時間滿座, 幸好還有好多位, 不過直至食完都係唔多客人, 事出必有因既.今次回味我喜歡既排骨菜飯, 菜飯調味剛好, 不會過咸, 用上白菜綠色還翠綠.  反而排骨就失望....炸粉厚了; 豬扒薄了, 肉質乾了; 而且醃味淡了, 雖仍舊用薑汁, 但今次的只是有薑汁及甜味, 無咸味.  點解會唔同了.....?? 而且還在1年內由$45加到$52.  以往我食完都好回味那塊豬扒, 但現在.........  難怪到1點到不是太多客, 希望他們能改善做回以往既好質素啦.  (本來無計劃寫食評所以無影相, 但食後有感要舒發)

好耐冇食上海排骨係openrice見到有去試試,先講講排骨擔擔麵,排骨作為招牌菜肉質又鞋又硬又冇味又食到成口油失敗,好彩湯底夠濃好香花生味麵又唔會太林夠連湯食好味,但俾太小湯啦,酸辣湯雲吞等得比較耐,來到估唔到湯唔係熱辣辣係雲吞好熱,包得好好又平均好多菜新鮮皮又滑,冇煮定唔會糊口,酸辣湯較得甜酸度適中,唔多餡但我鐘意可以再去

第一次食呢間，見到招牌話排骨擔擔麵，覺得一定幾好味。後來先發現距d排骨係炸噶，同埋好似唔係新鮮炸噶，就有d失望。但總體來講個擔擔麵都ok好味。同埋見到原來好多明星都去過🌝 睇翻d食評好似話呢間店換左大舖後d排骨冇咁好食@@ 咁我又未試過 但係因為個排骨麻麻地 可能短期都唔會去

這晚我們一個朋友cheese cake 而去party，之前在電器找間野食，差不多走到街尾，找到這間順豐。夜已深，客人稀少，店員已圍圈閒聊。我們點了招牌排骨麵，排骨和麵條分開上，排骨明顯是貨尾，微熱，麵質還可以，但排骨偏甜，但味道還不算太差吧！因為我倆原本打算兩人只食一碗，但竟然 encall點了一個牛腩麵，但這個就水準之下了，麵和牛腩一齊上，走晒味……

天后既餐廳都食過60-70%, 順豐排骨麵未試過, 今日就走去試下. 其實同事同我講左唔好食, 不過自己覺得未試過就斷定人地唔好食又唔係咁好...黎度當然係試順豐排骨担担麵啦, 初初黎到見到個樣都諗住唔差...點知原來真係中伏.....先講個排骨, 講真的, 黎到真係好香, 一咬落去好油好油, 入面勁多肥膏, 當我食到第2啖, 就發現原來個排骨係甜架.......係甜到入唔到口果種....呢個係我最估佢唔到....担担麵, 我覺得接受到既, 因為出面好多都好重花生味同埋好杰, 呢度就唔會, 我加左辣, 食落冇咁膩, 不過食到尾D花生味愈黎愈勁, 開始頂唔順, 由於個排骨太難食, 唯有碗麵扒多兩啖個餐有杯豆漿跟, 飲落有少少豆香, 但唔濃, 不過入口口感好稀, 唔似豆漿我諗可能我自己唔岩呢種味道就覺得唔好味掛...不過舖頭應該係家族開既, 有老人家, 有中年人, 講既係鄉下話, 好好笑容, 招呼唔錯~ 

排骨擔擔面，回鍋肉菜飯，麻辣豬耳，麻辣鳳爪麻辣豬耳同鳳爪都係凍既，之前一早醃製好了的，臨上菜之前再加多小小調味料落去，爽口。排骨擔擔麵的排骨都係酸辣風味，湯汁就反而無再系酸酸辣辣咁樣，正正常常。食唔出係咩做湯底既，泰國野多數都好多地方既食材，所以分辨唔到，但係味道就好濃，d面混合小小湯汁一齊食落口，岩岩好。而回鍋肉菜飯則是菜飯似系主打多d，因為回鍋肉都比較貴，所以肉片都唔系太多。但係菜飯好吸引。我唔知入面加落去既系咩菜，但係菜飯入面系加左d有香茅味既油咁，甘香，帶dd鹹，又有d菜既蔬菜味道。十分吸引。

我記得大約兩年前來過，當時人山人海，印象中係好食嘅，但近幾次經過都幾乎只有一兩個客，究竟係熱潮已過還是食物退步了？今日叫咗碗排骨擔擔麵$50，送一杯豆漿。擔擔麵可選辣同唔辣，我選唔辣。 擔擔麵仍然keep到水準，麵質爽口，湯底花生味濃得黎唔會好“傑”，但中伏位係件排骨！唔熱、唔脆，最奇怪係唔知點解甜嘅，仲有好重薑味。反而老公個雲吞就幾好味，如果我下次再黎會叫雲吞擔擔麵囉。

係條街到行嚟行去揾野食,見到間舖頭咁舊式,食上海野一定無死.入到去伯伯好熱情咁招呼,笑容和藹可親,服務好親切.嚟到當然要叫個招牌排骨擔擔麵$48. 塊排骨好大件,啱啱整起,外皮薄薄一層脆皮,入面肉質夠軟,又入味！之後叫左個好少地方有嘅 鱔糊菜飯$58. 嘩嘩嘩,碟鱔糊真係好好味!首先夠鑊氣,一送上嚟已經香噴噴.鱔肉好鮮甜,肉質夠嫩,一食落口就知係用新鮮嘅鱔肉.一碟至少有十幾件鱔肉,真係物超所值!個汁因為d鱔肉,都好鮮甜,芽菜同葱索哂d汁,撈飯一流呀!原本以為碗菜飯好大碗,但配上個鱔糊,好快就將碗飯食哂! 另外仲有杯豆漿送. 哩到所有野都係原汁原味,住家嘅感覺. 望住老店上面嘅舊風扇轉呀轉,唔知老店經歷左幾多個歲月呢？答案從伯伯滿頭白髮就可以知道.好慶幸香港仲有哩類型嘅老上海店.唔需要餐餐都大魚大肉,普通嘅食物只要用心做,都已經令人心滿意足!

今日毛毛雨，天氣小涼。到了天后，坐下叫了排骨擔擔麵。不要5分鐘就熱騰騰麵就到枱上。我叫了少辣，唔知係咪因為咁，湯唔係太香。除麵熱外，排骨都好熱，凉風天食最好。雖然味道的確一般，但老闆娘的招呼很好。不錯。

記得好耐之前無意行過偶遇這塊豬扒後, 自此念念不忘, 我印象中佢好有住家味, 肉地林林的........終於再有機會經過此地可以再次與佢相遇呵!!!    好期待, 佢一出來, 我已忍唔住要咬佢一啖, 噢.......就是那種味道......好似我家媽媽小時候常用薑汁酒醃製既豬扒, 那種好香甜既味道係好難食到的.  雖然我唔知這裏既豬扒是否真係用薑汁酒醃, 但我見到有好薄既細塊薑片在豬扒上.   雖然見好多食評都話佢甜, 但我就偏愛這種香甜味道, 真係各有各口味  雖然我一向只愛煎既豬扒更似住家feel, 但這裏既炸方法唔會沾上好厚炸粉, 亦唔會炸到乾爭爭, 咬落去仍然好juicy, 肉質好鬆軟, 但又唔會食到疏打粉嗱過既味道, 雖然係炸有油份, 但又唔會食到好肥膩好飽滯.......今次我配菜飯食, 雖然菜不多, 但個飯好有味道.  但一塊豬扒我唔夠喉, 我要食兩塊先滿足............我真係好愛佢......  

OT 同同事食飯，得$50飯錢，唯有平平地求其食上海野叫左雞絲擔擔麵，雞絲OK, 仲份量唔少，不過湯底一般，可揀辣或唔辣，要左辣，變左得個辣字，D麵幾好，粗幼適中，唔太硬同唔太冧，覺得如果個湯底再調教一下，唔好咁辣，多d 花生味就更好啦～仲有豆漿送，不過偏淡，有改善空間～

這裡的湯麵分陽春及幼兩種，但點了担担麵後才知道原來担担麵只配一種麵條，因此沒有選擇。麵條算是可以的，只是失望在湯底。只有少許的麻醬，因為選了不辣的，味道就更淡了。另上的豬扒算是一般。不知道是這類店舖的特式，還是怎樣，每一次都認為豬扒不夠新鮮、肉有點霉、有很多的炸粉及很油。雖說不是不能入口，但如果可以改善就會更好。最後附送的凍豆漿算清甜，不錯。

Easily the worse restaurant I have eaten at in Hong Kong. We ordered 3 dishes and left 2 of them almost untouched. Soup - it was corn starch liquid, with the occasional piece of mini veg or ham floating on it, it was horrible. Cold chicken noodle - it was extremely greasy, dripping with oil, could not eat it at all. Stir fried Shanghainese cake - also very greasy, but less awful than the other 2 dishes. We asked for extra small bowls to share out the food, but the lady did not seem very happy ab

和女友來到天后，本來打算試試新開的泰國粉麵小店，想經過門口覺得唔太對路，店舖的裝修、餐牌內容、以至侍應都熟口熟面，咦，這裡以前不是賣花雕雞湯麵的嗎？士別才三個月，竟然改名換性轉 channel 賣泰式粉麵？！為免中伏，我們決定過其門而不入，乾脆過對面吃順豐排骨麵！順豐的老闆出身自銅鑼灣美味廚，而美味廚的「名物」就是排骨菜飯，所以在順豐，也可以吃到好好味的酥炸排骨、菜飯及擔擔麵。不過，我對上一次幫襯已經是三年前的事，現在店舖大了，坐得舒服了，排骨擔擔麵的價錢亦由 $31 加至 $40，究竟水準能否保持呢？排骨擔擔麵很快便送來了，先吃剛剛炸起的排骨，誰想到第一口便差點令舊夢幻滅，外層不脆，有點油膩，再吃，肉地不夠鬆，亦嫌調味甜得過份，肉味蕩然無存，而那酥香餘韻也是虛無飄渺的，味道比以往差遠了，這真是順豐的出品嗎？擔擔麵也好不了多少，湯底沒有以往濃郁，味道偏辣，是單調的辣，灑了些花生碎也無補於事，麵條．．．軟淋淋的，不好吃。女友點了醉雞擔擔麵 ($40)，醉雞另上，雖然雞件雞皮欠奉兼賣相麻麻，但食落反而更驚喜，肉地不嚡，而且富有酒香，比是日失準的酥炸排骨好吃。隨麵免費附送豆漿兩杯，味道還可以

中秋夜，在維園看完花燈和舞火龍，場內亦熄燈，走入天后找宵夜。「順豐」一直是我想吃的食肆，於是入內吃碗麵償心願，點了豬扒擔擔麵，要不辣，本附送豆漿，但豆漿已送完。豬扒是另上的，切得不太厚，試一小件，炸得香脆鬆化，唯調味略帶甜，而薑味則不錯，麵條方面不爽也不腍，普普通通，但最欣賞是其湯底，很稠，充滿花生香濃味，很好味，難怪賣四十元一碗仍有多人光顧。