順聯薈

灣仔順聯薈真係厲害，連續四年攞到「香港最歡迎100家餐廳」嘅名銜，認真巴閉！佢哋係少數仲堅持主打順德菜嘅老字號，一直唔知道原來佢地原班人馬從中環搬到灣仔店，今次聽老友講起終於搵返佢哋，水準依然keep到。 即時揀咗三個日子，餐廳話週一到週三全滿，最後訂到週四晚先book到位。老豆一早就指定要點“均安煎魚餅”，“順德拆魚羹”、“蒸和順魚”、“柚子皮生扣水魚裙”同埋“蘆筍鮮百合炒釀羊肚菌”，其他就交俾關老闆發板。 「和順魚」係佢哋香港獨家，有淡水魚貴族之稱，肉質真係冇得輸，又香又滑，魚油香氣特別正，一啲泥腥味都冇，簡單用鹽油水清蒸已經超好味，食到連骨都唔放過！ 餐廳嘅「太史五蛇羹」同「順德拆魚羹」都係正宗順德風味，水準獨步全港。老闆話要等到下個月三蛇當造先有蛇羹，今次就試咗「傳統拆魚羹」先，老豆勁鍾意佢哋嘅湯羹，料足又順滑，味道層次豐富，鮮香到不得了！ 「柚皮生扣甲魚裙」，中秋過後食柚皮就最啱時節，老豆成日講廣東人一生最愛嘅「三樣菜」——「飛鳥掌中寶」（雞膝軟骨）、「游魚嘴邊肉」（煎焗魚嘴）、「甲魚裙上邊」（扣水魚裙），今次呢個「柚皮生扣水魚裙」正係時令同至愛嘅完美結合，佢食到勁滿足。 關老闆幫我哋推薦嘅「蘆筍鮮百合炒釀羊肚菌」真係炒功一流，蘆筍碧綠爽脆，百合鮮甜，加埋羊肚菌獨特香氣，炒工好正！跟住嘅「脆皮妙齡乳鴿」係佢哋多年招牌，皮脆肉嫩又多汁，真係冇得彈！ 主食系「炒陳村粉」，甜品就係「薑汁撞奶＋倫教糕」，款款都咁經典。 今晚老人家食到勁開心，已經訂定下個月再嚟，等蛇季到，一定要試埋佢哋嘅蛇宴！…查看更多

今次系我一個月來第二次幫襯灣仔順聯薈了，對上一次跟同事來吃他們的午市套餐已經感到驚豔，今次朋友盛邀，當然卻之不恭。 再一次體驗到順聯薈從商務常餐的家常菜及至宴請賓客，都會用水準之作體現他們的誠意，出品一直都非常穩定。一頓飯、一群美女、一致對食物有贊冇彈。 怪不得餐廳裝修純樸，睇起嚟其貌不揚，卻聽見名人商賈大名星常常光顧，而且在灣仔屹立不倒，那肯定有佢嘅獨到之處。 久違咁穩定和有水準的順德菜，好滿足的一餐，強烈推薦…查看更多

让朋友推荐附近经济实惠，方便中午餐聚且安静聊天的中餐廳，朋友回答"这种餐厅在湾仔除了顺联荟，真没什么适合的"。周五中午歇市，我约上三位证券朋友前往探店。老板很热情，了解到我们第一次来，居然安排了一间小房间，并介紹他们新推出的午市商务餐菜式，因为都是标准化点选，一个头盘，之後每人各选一味小菜，配甜品，完全清爽简洁直奔主题。碟头够份量，顺德菜味道非常地道，茶温水热服务很贴身，埋单AA，每位188元，好超值。 哈哈，安静，私隐，满足我朋友讲的所有条件。落电梯时，见到写字楼另一帮同事，大家相视一笑，英雄所见---又发现了一个好地方…查看更多

今日與好友品嚐一家有“香港順德菜標杆”美譽的順聯薈午市商務套餐，餐廳在群策大廈6樓，有獨立廂房，私密性極佳。 點了他們的招牌菜“順德拆魚茸羹”，“欖角陳皮骨”，“鳳城炒鮮奶”以及鑊氣十足的“豉油皇炒順德陳村粉”…… 兩小時安靜用餐，樓面小哥貼心茶水服務，完全沒有催台壓力。果然對得住該店宣傳語 “ 匠心薈萃，鳳城名馔；靜雅廂房，商敘兩宜”。 老友讚：“真是不負美譽，比大牌檔精緻，比酒店中菜有鑊氣！”人均不到200元落樓，能享匠心順德味，性價比超高。 已預約下周再訪，推薦客戶試試這間順德菜餐廳。 …查看更多

「今日老友殺上公司探班，到lunch time佢神秘兮兮話要帶我去食間隱世順德菜，話平靚正又夠靜可以慢慢傾。我即刻笑佢：『你同和尚借梳咩！灣仔返工邊有咁著數，平嘅中伏，貴嘅又肉赤！』點知條友仔即刻解畫：『杜老志道間順聯薈你知啦？最近出咗個午市套餐專攻我哋呢班寫字樓奴，成個TG group啲人試完都話性價比爆燈！』哎呀！連觀塘啲同事都食過返尋味，我竟然out到貼地！由新鴻基行過去明明五分鐘，餓起上嚟好似行咗半個鐘咁耐。入到去熟口熟面，懷舊裝修keep得幾好。坐低偏廳，伙記哥哥勁熱情推介新餐牌：「二拖二」套餐有前菜兩味[正到痺嘅麻辣豬肚絲+均安魚餅]，主菜任揀[啫啫雞煲同陳村粉爭崩頭]。阿姐仲好霸氣補句：「我哋啲餸街坊食開嘅，後來紅到要出menu之嘛！即叫即煮，唔新鮮你搵我！」12:30坐到夠鐘先走，埋單$376兩條友，人均唔使兩舊水。酒店級享受，大排檔價錢，個lunch飽到上心口[強][強]而家香港飲食業慘過食齋，仲搵到咁有heart嘅老字號真係要還神。希望你哋頂住呀，等我帶多幾轉同事嚟幫襯！」…查看更多