順。越南牛肉粉

營業中

休息中

去開中環，我I常會去中環街市食野，今次去左間叫 《 順。越南牛肉粉 》比較貼地和好味嘅 越南食店。✨️《順生牛肉生牛丸湯河》$62軟腍嘅牛肉 加埋 韌性Q彈嘅牛丸 一起吃天衣無蓬。湯頭濃郁，加白色粗身嘅河粉掛湯能力高，非常滑溜。旁邊仲有件白蘿白，予以解腻。✨️ 《春卷連藕蝦餅撈檬》$58春卷一條，外皮很脆，內面餡料滿滿。蝦餅，共有2件件，帶有連藕味，口感惹味。加埋香葱、生菜和青爪一起吃，非常香口。這兩碗麵嘅份量都幾多，男仔都夠食。點餐可以掃印在枱上的 QRCode 或 去櫃格付款。總括來說，好味、抵食又快上餐，真不錯。#中環# 順📍中環街市地下

作為係附近返工嘅打工仔，每次黎到中環街市，都見到好多人令住呢間越南餐廳嘅托盤周圍走搵位坐，睇落間餐廳都幾出名，食物望落都幾吸引，於是試試佢。-🌟番茄蟹膏蟹肉蝦丸扎肉湯濛 $72就咁聽個名已經覺得好足料同好特別。湯底酸甜度相當足夠，但又唔會太酸或太甜，調味拿捏得幾好，仲有陣陣蟹肉香味，同檬粉幾搭配，又真係幾好食，亦對得住個價錢👍🏻另外再加錢加配多份雞翼，香料調味幾香，咬落皮脆肉嫩，都幾唔錯，最緊要平！.🌟整體評分：7.5/10

8點黎到仲要等位。諗住唔伏得去邊la2人等左5分鐘左右就有位一定要試佢個越南粉蕃茄蟹檬粉都有7分嘅，雖然成個湯底好明顯係味精。但都係好味蒜蓉椰菜苗基本嘢啦，係我覺得呢一餐最好食嘅餸。香茅豬扒飯除咗啲飯之外，其他嘢都唔知搞咩嚟。個豬扒係偏乾身，上面啲蔥油係冇味嘅。。。隔離伴菜果舊蛋加木耳？ 都係冇味嘅。。。芝心蝦多士抱歉，我真係唔太識欣賞la…太油得黎又冇蝦味 ，芝士流心係okay ge…但成舊嘢真係現成到覺得返炸過。。。完全搞唔掂。要味道好難食嘅，但就冇下次啦。

👉中環街市行一圈揾食，好耐無食越南粉，有啲想食⋯📌順.生牛肉 牛肉丸湯粉 $78 ～ 湯頭牛味濃，牛肉少少肥，同河粉一樣入口嫩滑，牛丸細細粒，一口啱啱好。📌蕃茄蟹膏蟹肉蝦丸扎肉湯檬 $88 ～ 湯底充滿茄香，啖啖蟹肉，大大舊蟹膏，超足料，抵食‼️📌會安雞絲扎肉撈檬 $73 ～ 雞絲、扎肉份量不少，加入魚露甜酸汁，冰涼又開胃，好啱炎夏食。。。🏬 順。越南牛肉粉 (中環)🚦 中環皇后大道中93號中環街市地下G16號舖

我今日約同好友去位於中環皇后大道中93號中環街市地下G16號舖的順。越南牛肉粉食下午茶，環境闊落，經營方式是先購票，後取餐的自助型式。我點左個 蕃茄蟹膏蟹肉蝦丸扎肉湯檬$72，配蓮藕蝦餅 $48；好友點左個 傳统順化湯檬$68，配蓮藕蝦餅$48。蕃茄蟹膏蟹肉蝦丸扎肉湯檬是用蕃茄做湯底（鮮甜），蟹膏好味，蝦丸彈牙，扎肉和蟹肉拌著檬粉，好味又好食；傳统順化湯檬的湯底是小辣，配有牛肉、牛丸、扎肉和扎蹄，賣相不錯，好味道；蓮藕蝦餅炸得香脆肉嫩。

前牌同小朋友去開沙田整證件，整好之後見有啲肚餓，於是去左附近好運中心搵食☺️見到呢間黃綠配嘅招牌，非常清新，完全被吸引入去😂餐廳主打越南菜，我地點左飯、粉同小食，勁滿足咖哩燒雞飯半隻燒雞，份量好多，以呢個幾十蚊價錢，性價比真係好高👍而且燒雞外皮香脆又夠薄，配埋香濃黃咖哩，真係無得頂，超級下飯🤤豬扒粉豬扒口感軟腍唔會柴口，豬扒湯上，粉另上而家天氣咁熱，湯粉真係冇得輸🤤飯埋湯可以補充埋水份燒豬頸肉見到個賣相已經流晒口水，燒到少少焦香，點埋嗰醬食，口感一流💯

🚇交通：近香港站 C 出口, 步行約4分鐘到中環街市地下。🏠環境：鮮綠色的門面很顥眼，有大量的座位，需自行下單及取餐。🤵🏻服務：人手下單，不收取加一。🍽️午市：不提供套餐，有湯河和撈檬、小食，但不提供飲料。蕃茄蟹膏蟹肉蝦丸扎肉湯檬 $88紅色番茄湯底很清甜，麵底是幼身檬粉，口感十分滑溜；配料有金黃色蟹膏、去殼蟹肉、兩粒蝦丸、兩片扎肉、新鮮番茄和芽菜，味道不錯，爽口鮮甜，整體份量正常。蓮藕蝦餅 $48蝦餅很有驚喜，口感很紮實，內有粒粒的蓮藕肉來增加嚼口，每塊都很足料，炸得外脆內軟，如果有酸甜醬點就更好了。

-今日放lunch心思思 好耐冇食過pho😗竟然係food count搵到有 仲要價錢都唔貴喎😎順,生牛肉湯河💰$72湯底濃味清甜鮮美 有甜甜既牛肉香味😋湯河質地彈牙 唔會over cook☺️有好幾塊大塊生牛肉 牛肉入口即溶 肉質鮮嫩多汁🤩配少許青菜 增添清新味道🤗越南炸春卷（四件）💰$48春卷出色✌🏻外層金黃酥脆 一咬即開 內餡豐富😘 包括嫩滑的豬肉碎、彈牙的蝦肉、脆脆的金針菇等材料😛配左濃郁的甜酸醬汁作為沾碟 清新爽口既醬汁與酥脆的春卷好夾🥰順。越南牛肉粉📍中環皇后大道中93號中環街市地下G16號舖#hkfoodie #香港美食 #hkig #hkfood #hkfoodblogger #打卡一流 #打卡餐廳 #生日飯 #聚會之選 #美食餐廳推薦 #美食推薦 #份量班 #性價比餐廳#香港探店 #中環 #越南菜 #pho #中環街市 #生牛肉湯河

今日約咗朋友中環收工之後去食dinner，兩個人簡簡單單去中環街市食越南野會安雞絲扎肉湯粉$73雞絲扎肉湯粉跟牛骨清湯底湯底有濃郁嘅牛骨味，同個河粉好夾扎肉有四片，雞絲嘅份量亦都唔少，好飽足傳統順化湯檬$82材料有牛肉、牛丸、扎肉、扎啼，牛肉上嘅時候生生地，記得要做返落啲湯度食個湯底酸甜味啦，同平時食開嘅牛骨湯好唔同，夏天食會更加開胃蓮藕蝦餅（4件）$48蝦餅加咗蓮藕粒，食落去會有爽爽脆脆嘅口感越式香茅雞翼$52香茅雞翼同平時喺出邊食嘅差唔多

特別日子心情沉重，下班後到中環街市吃碗越南河粉再回家中環食坊乃一個室內大型美食集中地，座位設計優雅寬闊帶型格，更方便輪椅人士當中的越南餐廳裝修用上木系，配以橙及藍兩隻主色晚上六時後掃描桌上的二維碼點餐便有專人送上食物順. 生牛肉牛肉丸湯河湯底鮮甜不油膩，生牛肉呈半生熟粉嫩狀態，入口嫩滑！牛丸結實彈牙！加上青檸更清新傳統順化湯檬內有牛肉、牛丸、扎肉及扎蹄，微辣惹味小食順化香茅豬扒外香內軟，肉質鮮嫩，香茅味突出

順。越南牛肉粉 地址: 中環皇后大道中93號中環街市地下G16號舖 落雨無帶遮，人身處中環，咁食埋曬先坐車返屋企吧！反正落雨所有交通工具都塞，一係比人把倖的雨水弄濕，食完到8點，想人流都散得7788$88 蕃茄蟹肉蟹膏蝦丸扎肉湯濛,酸酸生生的湯中，有蟹肉碎同蟹膏。蟹膏可以用來點麵食，又可以弄在湯中，好重蕃茄味湯底中會散發多陣蟹膏香。雨天凍左，食碗熱湯河，個身無咁凍，幸福。順化香茅豬扒 $78同越式香茅雞翼 52小食，係貪心了，想食香口小食叫了兩碟 估唔到兩樣都勁大份。豬扒醃得比較甜，有點蓋了香茅香，肉質軟腍的

舉手成十分鐘都無人理，見到扮見唔到叫野食 問佢係咪可以八達通 佢望住我 問我你飲咩 之後就走左點解可以咁無禮貌野食就真係好麻麻等得又耐無咩事去返隔離food court食仲好

喺中環街市諗住簡單快脆食啲嘢見到呢間咁都唔諗咁多啦就決定買啲嘢同朋友一齊食🤣$48「越南🇻🇳炸春卷（4件）」：越南式春卷炸得好香口，仲有幾片大大片嘅生菜，可以用生菜包住春卷嚟食👍$73「會安雞絲扎肉檬粉」：有啲雞絲同埋幾片扎肉，檬粉🍜硬硬哋，簡單幾好食🤩$52「越式香茅雞翼」：雞翼有啲香茅嘅香味😋，做得都幾香口🤩$48「蓮藕蝦餅(4件)」：爽口嘅蓮藕撈埋蝦肉，咬落少少脆又軟軟哋仲煎得香口🤩

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。去counter落order比錢之後等食物出。隔離就有位坐。蕃茄蟹膏蟹肉蝦丸扎肉湯檬 $72蕃茄蟹膏蟹肉蝦丸扎肉湯檬個湯果然係紅色，濃濃番茄味，甜甜地好好飲，呢個湯配幼身檬粉又幾夾。檬粉份量超多，食極都有，好滑溜！主角係一pat鹹香金黃色蟹膏同有唔少去殼蟹肉，好有蟹味，令成個湯好有蟹鮮味！蝦丸兩粒，呈淺橙色，都算彈牙。扎肉兩片，彈牙多汁。除左芽菜，仲有唔少新鮮番茄，面頭再加上芫荽。呢碗蕃茄蟹膏蟹肉蝦丸扎肉湯檬都幾豐富，而且味道又濃蟹味又濃鮮茄味，非常出色！順。生牛肉牛肉丸湯河 $62順。生牛肉牛肉丸湯河個湯好清，唔似有落味精。生牛肉5片，記得唔好整太熟。牛丸3粒，雖然較細粒，不過彈牙多汁。伴有白蘿蔔一大件，洋蔥圈，大量蔥條，芽菜，蔥花同脆脆。另上一細片青檸同辣椒粒等你自己調味。河粉係幼身，好淋滑。自家手工牛肉丸湯 $56牛肉丸一客10粒，伴有白蘿蔔一塊，最後灑上蔥花。個湯都係好清，份量一大碗，飲唔晒。越南炸春卷 $48越南炸春卷一客4件，炸得外皮香脆，入面好足料，有肉，冬菇絲，同紅蘿蔔絲，

中環街市翻新後多左好多不同種類既食肆 類似food court 形式今次試左呢間越南菜 係舖頭落單後就可以自己搵位坐呀🙌🏻🌟生牛肉牛肉丸湯粉湯底濃郁 清澈鮮甜而不油膩搭配半熟粉嫩既生牛肉加非常彈牙爽口既牛丸同滑溜既河粉實在好不錯💯🌟傳統順化湯檬配料好豐富 有牛肉,牛丸,扎肉同扎蹄湯底 濃稠微辣 檬粉亦吸收哂湯底既精華食落特別惹味😋🌟越南炸春卷外皮酥脆 豐富既餡料一口咬落後香味四溢完全唔會好油膩🌟蓮藕蝦餅彈牙既蝦肉搭配蓮藕既清脆食落非常香口