頂立

營業中

休息中

今次試左公司附近人氣拉麵每次經過都見到好多人今日見早收工所以約左同事黎食無論系拉麵定咖啡定甜品都係無可挑剔一如既往係超級好味🤤！！！我點左個貝汁拉麵配廚師手沖咖啡 同埋 昭和風硬布甸估唔到拉麵係可以同咖啡配搭拉麵係超爽口尤其係個湯好味道黐線我全部飲晒廚師都有教我哋 一邊食豚肉一邊食無花果感覺好奇妙 第一次試呢個感覺呢間餐廳好有誠意 完全自家研發我真係推薦大家一定要去試下💕人均食咗$200左右我覺得都OK因為好味值得食

小店位置得幾個，要有心理準備可能要排隊😂，老闆會問係唔係第一次去，係嘅會建議睇下本書（menu) ，有講佢創作理念等等嘅資料，值得睇下，除左食仲可以了解更多一間有心機做料理嘅人想法👍🏻🐤雞白湯拉麵 （$95）每次去日本都會食一餐雞白湯拉麵，哩到帶到日本感覺，面質有彈性，湯濃郁得嚟唔會好漏好口渴，似飲緊一碗煮淆左好耐嘅雞湯🤤，鐘意食拉麵飲咖啡相信會再二刷或更多👻老闆強烈推介咖啡，本人唔飲咖啡所以無試到，咖啡愛好者可以考慮去試吓

山長水遠入屯門食咖啡☕️拉麵🍜頂立，第一☝️次食閉門羹，第二次再去。叫咗蝦汁🦐面 🍜 ($105)，湯底好濃蝦🦐味，面就冧咗d，有鯖魚。升級拉面🍜套裝（$75），有埋cold brew ☕️ ，比較酸同苦，同昭和風硬布甸🍮，似芝士🧀蛋糕🍰既感覺。店員健談

之前食過佢地天地海Menu,覺得要再Encore~ 原來佢地已經轉左Menu😂今次見佢地Menu自家高湯(分別用左鯖魚鰹魚同沙甸魚乾調配),再有白醬,黑醬,貝汁同蝦汁比客人揀唔同口味既醬汁做湯底👀BFF's choice - 貝汁: 極鮮甜,係夏天會愛上既味道~ 除左肉塊,仲會配上4-5粒花甲~粒粒都肉汁滿滿ME Choice - 蝦汁: 因為之前食過,所以有啲掙扎今次Encore佢地既蝦湯🦐店員表示佢地今次既蝦湯同之前天地海有唔同~採用左時令既蝦類煮個湯汁~我食個日就加左瀨尿蝦🥰總括來講，佢哋今期採用比較清淡既湯頭, 比較驚喜既係佢地有鯖魚片~再嚟佢哋今期既手沖咖啡以微酸既豆去做~我飲到既係:前段微微果酸,後段比較醇,甚至有輕微酒香感

屋企人知我好鍾意飲咖啡，適逢今日又反屯門，佢哋就帶我去左一間令人耳目一新的咖啡拉麵店。由幾位年熱心年青人創立，為區內拉麵愛好者帶來嶄新的體驗。他們的主打菜式以品味咖啡配特色湯麵，嘗出濃郁動人的風味。今日中午去，已經好唔少食家等位，餐廳亦好細心為等待者準備凍飲及解釋咖啡及美食。🌟#黑醬油拉麵黑大豆及小麥釀製，低鹽味道，突出大豆風味，呈現出誘人的黑色色澤，散發出濃烈的香氣。麵條Q彈有勁,與湯頭交織出絕妙的韻味。店家特別加了說明，喝一口季節單品咖啡，再嘗一啖湯頭，味道更鮮，口感層次更高，好特別。🌟#貝湯拉麵同樣出色！湯底由多種貝殼海鮮熬製而成，濃郁醇厚，帶有一絲海鮮的甜味。麵條與湯頭的搭配恰到好處，令人回味無窮。🌟#冷萃咖啡除了拉麵,店內亦提供#特色咖啡，由精品咖啡師主理，他們有嚴格的咖啡豆挑選標準，再以專業手法沖煮，帶來濃郁醇厚的咖啡體驗。🌟#布丁和提拉米蘇兩款甜品都唔會太甜，味道剛好，布甸滑蛋味香濃，Tiramisu好大件，十分抵食，大受歡迎！我哋見店內展示多款型格tee，原凡購買店內特色Tee可以有獨有優惠，當日穿着其品牌Tee可指定產品免費，免加一，優先入坐。仲有其推出自家品牌咖啡，

頂立（屯門）今次又嚟到我最鍾意嘅拉麵店之一，今次店家就換咗個餐牌換咗幾種唔同湯底都幾吸引，貝湯同埋白醬油湯底仲推出新嘅會員制，如果買咗佢哋Tshirt等等嘅紀念品就可以享有特快排隊嘅福利🤩今次季節限定嘅冷泡咖啡飲落去頭段有少少烏龍茶嘅味道而尾韻就有少少芒果嘅香氣飲落去香濃得來又清新貝汁（$105）貝汁嘅湯底10分少見，飲落去清甜清爽得來而且貝殼嘅鮮味非常濃郁，而且伴上新鮮蜆肉非常鮮甜再配搭咗全新嘅面底非常掛湯加上慢煮嘅雞胸肉非常滑嫩白醬油（$95）白醬油嘅湯底都係比較清新嘅一類，清甜亦都非常開胃仲有兩種唔同嘅叉燒一嚿就偏肥少少但係食落去都唔會太油膩油脂嘅香味更加好咁樣配搭咗個清湯底，另一個就肉質厚實食落去肉味比較濃厚😋朱古力巴斯克蛋糕（$65）呢個為當日限定嘅巴斯克口味蛋糕，朱古力味香濃得來仲有少少可可嘅香，食落去唔會太甜口感非常滑仲有一層脆脆嘅餅底非常香口

今日去左屯門做嘢，去返之前食過好好味嘅拉麵店，間拉麵店好有特色，係度食拉麵有去左日本食麵嘅感覺一開始，店員會介紹餐廳嘅特別配搭，就係咖啡配拉麵及甜品套餐！呢個食法真係好特別，都好好味😋今次我要左貝湯，有大大隻白貝，個湯底非常清甜，而拉麵嘅質地都好正👍🏻 配埋杯咖啡就一流最後緊係要食埋個布甸🍮 有香濃嘅奶香味😋 加埋杯咖啡就一流餐廳都有出自家制嘅產品，例如T-shirt，都好有心思，設計都好特別，我都好想買返一件😍

聽聞屯門虹橋巷弄有一間隱世拉麵小店，呢個週未去開搵朋友，帶埋佢一齊去尋味～到埗見到鋪仔細細但裝潢充滿好多日本🇯🇵元素同掛咗傳統裝飾頂立運用拉麵配合珈啡帶出「鮮味x珈啡」獨有主題，店長堅持會對每個客人講解佢地意念同流程，除咗對拉麵、咖啡出品背後理念試咗佢地新出貝汁湯底，利用鮮貝及白醬油混合調製，利用貝類鮮味加強湯底中鮮甜，麵底斬係佢地自家製，口感適中，帶顆粒感滿滿麥香限定特濃角切再試頂立最濃湯底，搭配新鮮食材與原汁高湯燉煮，赤味噌搭配厚切叉燒，讓香氣更有層次，完全唔會死咸抵讚昭和風硬布丁＋ 冷萃珈琲 另加70用咗日本雞蛋，口感顯紥實綿密，味道非常濃厚噴香，焦糖醬會略帶一點淡淡的微苦；冷萃珈啡初嚐先帶黃梅，慢慢有種焦糖朱古力味道，最後就像烏龍茶 的後調，更可以將湯底同咖啡交織品嘗😳提拉米蘇巴斯克蛋糕試埋另一款甜品❤️蛋糕中間軟心至外層口感較為紮實，中層口感軟滑而且不會太膩，滿滿咖啡酒香，味道濃郁但唔會好甜📍頂立屯門井財街9號錦發大廈地下20B號

今次試左屯門出名拉麵小店，店內坐位不多，長期都要排隊～唔想排好耐，就試試係開店前早少少到😂 店裡選擇唔多，但選餐前店員會為你介紹各拉麵特色及配搭～可作參考😏➡️<限定> 地、烏梅子拉麵 🍜$108濃郁豬骨湯再配烏梅子醬，入口已感受厚厚豬骨嘅骨膠原☺️，惜唔係好食倒烏梅子味，慢煮叉燒有點過肥，但肉質係腍滑～拉麵方面，唔太喜歡，似食緊蕎麥麵，麵質過冧，冇咩咬口😔➡️套餐 +$75🔹冷萃珈琲☕️：冇咩咖啡味，反而果香味較重，唔識欣賞～感覺較適合喜愛Fruity coffee 愛好者 🔹昭和風硬布丁🍮同一般軟綿布丁不同，蛋香較重，奶香較淡，食落紮實微苦，唔鍾意太甜嘅甜品愛好者可以一試😂整體一般，如果要花時間排咁耐，試一次便足夠～～

香港要搵到好食嘅拉麵，真係唔容易，拉麵同咖啡crossover仲要好食，呢樣真係屈😃作為咖啡狂熱者真係要來試吓！偷聽隔離係熟客仔，職員仲傾返上次飲咗邊種咖啡，記性咁好嘅🤣佢哋推緊自家品牌，着佢哋舖頭出嘅Tee會有獨有優惠，着住佢哋嘅tee指定產品免費同埋免加一，仲有得優先入座！貝汁拉麵上面首先有靚靚無花果乾裝飾，有三隻大蜆一片薄叉燒，仲有一件厚叉燒。湯底由大量貝熬製而成，所以飲落去鮮甜十足☺️湯底真係好香！白醬油高湯拉麵湯底非常清，清到可以見到碗底😋未食之前我就已經係咁飲啲湯，配上佢哋自家製嘅拉麵底，感覺唔錯都幾有咬口。叉燒超大片可以放心咬。甜品方面真係屈機，奶凍巴斯克蛋糕❤️芝士味香濃，上面加咗啲糖，然後用火槍燒過，所以脆脆地，成個味道配搭都好好食。雞蛋布甸用日本蛋「曉」做，用咗蒸焗方式，布甸特別硬淨😃雞蛋味濃。手沖咖啡體驗都非常之好，咖啡豆係Seasonal mix有菊花、花生嘅香氣，重茶感😃啱晒我呢啲好鍾意飲茶嘅人，咖啡清得嚟好香咖啡味。After taste會有少少似茶嘅感覺，係一種新體驗。📍 頂立 (屯門)屯門井財街9號錦發大廈地下20B號舖

當日平日來到，只供應黑、白醬油高湯，無供應限定湯，專程來到難免有點失望白醬油高湯拉麵熟成時間較短咸味較重 呈現琥珀色 突顯高湯魚嘅鮮味黑醬油高湯采用二段熟成時間低鹽味道 突出大豆風味 呈現深褐色 令高湯混入香純味道若只論拉麵 兩款湯質地比較清個人偏好白醬油配料、麵質都屬普通而佢入面加左無花果無花果嘅果甜中和左醬油湯食耐左嘅咸感，是一加分位「頂立」最大特色就係拉麵 x 咖啡.ᐟ.ᐟ.ᐟ本身唔鐘意飲咖啡但冷萃咖啡易入口配埋拉麵交替飲食 真係會撞到難以形容嘅「鮮味」岀嚟 呢個神奇嘅組合真係有點衝擊味蕾同認知！💥如果單純為左拉麵 我估我唔會再專登入屯門🤫但如果為左一個鮮味體驗 成個𝑐𝑜𝑛𝑐𝑒𝑝𝑡幾新奇都值得到訪𝑶𝒓𝒅𝒆𝒓𝒆𝒅⁂♒︎頂立高湯拉麵〔白醬油〕$95♒︎頂立高湯拉麵〔黑醬油〕$95+$75 昭和硬布丁 及 冷萃咖啡📍頂立屯門井財街9號錦發大廈地下20B#eatwithrachel屯門 #eatwithrachel新界西#eatwithrachel西鐵線 #香港拉麵 #屯門拉麵 #屯門美食 #屯門紅橋

今次特登黎到屯門就係為左試依間聞名已久既特色拉麵店😍好值得‼️成個用餐體驗都好滿足👍從店舖由內到外既裝修都好有特色🇯🇵以「鮮味x珈啡」作為主題，店員提議我地交替地享用拉麵同珈啡，令到兩者味道昇華💫 真係勁有Heart既小店‼️大推俾大家💯💯🔸白醬油拉麵🤍琥珀色既湯底豚骨底同醬油味配撘得好好，鹹香味適中👍🔸頂立白味噌清酒蜆湯（變調冬陰功）今次見到依款限定既湯底，唔試唔得啦🤣一碗拉麵食到兩款湯底！先係白味噌清酒蜆湯，鮮甜又帶有淡淡既清酒香！之後將冬陰功加入，完全變成另一口味，香香辣辣令到拉麵變得好惹味😍　🔸追加 AddOn頂立拉麵套裝昭和硬布丁+冷萃珈琲自家製❤️雖然係硬布丁，但係食落好嫩滑🍮滿滿既蛋香味，焦糖香得黎甜度又啱啱好！冷萃咖啡係採用，先有白桃香味，跟住會飲到焦糖、烏龍茶嘅味，好有層次感，好好飲！🔸泰式巴斯克蛋糕同平時既巴斯克完全唔同！食落層次分明，奶茶味香濃😍頂立會員專屬Damn Lab membership：持有頂立信物（不包括貼紙），或穿著「TenGoKu」品牌衣服，免加一‼️仲可以以特快專區排隊入座😆📍#頂立 (#屯門美食) #屯門 井財街9號錦發大廈地下20B號舖

又要飲咖啡又要食拉麵，香港真係無幾多間，而餐牌上招牌菜只賣拉麵的，就非屯門的頂立莫屬，不過另一方面看，這有可能由於頂立的舖位細小，小廚房不可能做到食品種類多元化。在此聲明，我沒有受過任何店方任何邀請及優惠折扣，純以現金支付。由於時間尚早是晚上19:10，門外沒有人排隊等候，，外面第二輪有十個人在排。頂立的客人大多數以女性客人居多，我離開時19:40麵店外面已有六人在排隊。本人曾經在日間經過頂立，看到門外擺放櫈枱，客人可以在門外進餐，感覺很舒服自在，飲完咖啡食完拉麵，也可以吸煙或與狗隻嬉戲。頂立很有自己獨特的文化同氛圍，客人進入麵店，會看到好幾塊告示，上面寫了很多說明和規矩，需要客人遵從，這樣雖然是很正確地享用食物及飲品，這個我認為有點受到限制，全身不自在。我入到店，經過店長一番詳盡介紹後，我叫了套餐，之前品嚐過銅鑼灣富山麵家的黑醬油拉麵，於是這裡也選擇了黑醬油。拉麵未到之前先喝一杯冷萃咖啡，店長說了是兩隻什麽什麽水洗咖啡豆混合，之後說了一堆我將會在這杯冰萃咖啡感覺得到的味道，有士多啤梨味/焦糖味/烏龍茶味/白桃味。以前學飲咖啡，你喝完是自己去聯想有什麼關連的形容詞。現在的多是先分享經驗

今次係第二次嚟呢間麵店，之前仲係腐皮烏冬+咖啡。宜家改咗Menu，係黑醬油/白醬油/貝汁拉麵。加set多杯coldbrew咖啡同埋雞蛋焦糖布丁。今次食呢個貝汁拉麵，有三隻大蜆一片豬叉燒。店員先介紹，加埋cold brew一齊食嘅方法。先飲一啖cold blew，之後再飲一啖湯，感受一下鮮味。拉麵而家改用自家製麵更加彈牙爽口。叉燒會跟一舊無花果，夾埋一齊食甜甜鹹鹹咁又幾好味。食完拉麵就食布甸，佢個雞蛋布甸係用日本蛋「曉」做嘅，所以布甸特別硬淨同埋深色，雞蛋味都非常之濃。另外佢哋而家做緊Membership ，買T恤之後逢親返去食就免加一，又可以特快入座。

今日食既呢間係位於屯門既頂立, 淨係睇門面完全唔覺得係拉麵店, 非常之特別同有型格既店舖呢間店係開5點, 當日未到5點已經有幾個人排緊隊, 店入面既座位數應該只有8個, 所以要排隊我諗都真係有排得呢間店有自己既規矩, 店員好細心咁解說一次, 拉麵x咖啡呢個組合都係第一次聽, 新鮮又特別首先黎左既係咖啡, 店員都講明, 咖啡既款式只係得一款, 所以唔需要揀好香同好特別既咖啡, 店員介紹一口拉麵一口咖啡, 呢個口味同味道都真係第一次食到咁拉麵既軟硬度都冇得揀, 只係可以選不同既湯底, 估唔到味道係超乎想像地咁好味, 特別係個鯛白魚湯底, 超香既味道!!最後係甜品, 呢個係昭和硬布丁, 唔好以為叫硬布丁就會好硬, 其實只係「實」一點既口感, 味道濃而且更有口感, 愛了!!呢度咁有性格, 仲有埋會員制同賣tee, 都係一d有創意既設計, 值得支持