韻味小廚

屋企團年飯，阿哥帶我地嚟食呢間，第一次試又幾好食，店舖不大，但又未算迫，牆上貼滿小菜相片，相當吸引。特別推薦仙鶴神針同家鄉炆鵝，仙鶴神針湯底淆得相當濃郁，鴿肉軟冧，翅份量都唔少，正👍。家鄉炆鵝炆得入味，肉質嫩身，食過返尋味😋，招呼服務都好友善，廚房師傅會出來問下我地餸菜味道如何，估不到小店都會做功夫菜，我地已經約好下次要試江南百花雞、釀鯪魚同要encore糯米飯。最後我地仲即場買左佢地自家製、無添加防腐劑嘅蘿蔔糕，好食不鬆散，蘿蔔絲平均分佈，好有住家製嘅感覺，出年一定會再買。…查看更多

朋友介紹佐敦好食小炒，果然無介紹錯，食得到廚師用心製作，地方雖然唔大，感覺氣氛熱鬧。預早訂左兩個私房菜，火焰豬腰花甲窩同焗糯米雞，另外老闆娘推介新鮮豉汁蒸金沙骨，因為仲早客人唔多，佢就提議可以加個煎米底，咁當然要試下啦，個脆米底吸左啲豉汁簡直係絕配。見隔離枱食左個麻辣魚春魚卜煲同薑蔥蠔都好似好正，下次一定要試下。…查看更多

間野環境狹窄，食飯時候要不停避人，地下十分油膩，要小心行。另外收銀個短髮女人態度極差。俾八達通，係我有啪卡情況下 佢部機自己嚮左嘟一聲，我以為俾左就準備走，點知話我冇俾，咁ok 我再啪多次。見我俾左即刻用粗口鬧我，話我未俾錢就想走人。另外見到舖內有曱甴自由自在係度爬。味道食物俾4星其他拜拜佢條尾完全唔係做生意的環境狹窄收銀個短髮女人態度極度惡劣及差，絕對要改善，唔會再幫襯，有啪卡情況下部機嚮左，嘟一聲，比完錢仲要受氣。…查看更多

午餐諗緊食乜之際,見到間小店玻璃門周圍貼滿美味嘅小菜相片,而且有精選午餐,於是同朋友入去試一試這間小店😋叫咗個~脆皮菠蘿咕嚕肉$54🐖 同~薑蔥炆鯇魚飯+時菜$57🐠午餐都是即叫即炒,鑊氣十足,咕嚕肉皮脆,薑蔥鯇魚又夠野味😋包湯或飲品,我哋揀佐養生湯今日~土茯苓糖排湯🍵真材實料,淨湯都值回票價👍…查看更多

到佐敦搵食亂行，無意中行過這小店，被門口貼滿小菜的相片吸引，價錢實惠，款式又多，店內光猛整潔，又有位，即沖入去試吓先。服務員態度友善，主動奉上熱水，並提醒是非清水，已加入檸檬！西蘭花牛仔粒 $108味道可以，但牛柳粒算少，相中攤開已是一整碟份量，牛不韌，花爽脆魷魚鬚 $78外面的脆醬與平時食開的不一樣，呢度薄身的，佢配上特製醬汁，酸甜美味煲仔飯 $68可能有雞件，飯內多碎骨，但有飯焦食，好香口，有咬口…查看更多

自從一次偶然入去試下食過之後，我同班波友都經常會係比賽之後黎呢度嘆佢既高汁小菜，今次冇訂翅不過我要係度強調煲野唔駛八百蚊，但真係值得一試，嫩滑既雞配合濃濃既雞湯翅，一煲已經足夠十個人飲仲有得食，係上上之選，呢轉相仲有啲冇嗌到既係個椒鹽豆腐都係我好鍾意食，外脆內滑，完美顯示既功架，環境係一般茶餐廳，但唔低食唔會知佢原來唔惹少呢次幫襯坐低就先黎一鍋湯$98主打冇味精真材實料，一鍋有5-8碗到，個人覺得好好味菠蘿咕嚕肉$98肉質鮮甜粉亦適中，做到汁同肉有掛勾，呢道菜可以話係開胃之選，無奈肉比較少黑椒金薯牛柳粒$98薯仔外面似香脆，咬落去有咬口腍身，好似食緊薯角咁但唔乾身，配合黑椒味只會令你一舊又一舊咁放入口香煎土魷肉餅$88一碟八件，同枱小朋友既至愛，呢個對我黎講普通啲，可能因為油太多，令我呢啲注重健康既冇特別喜好椒鹽魷魚鬚$78本來平平無奇既菜式，輕量既辣粉配合個醬汁令呢味菜昇華咗，佢唔會似大部份舖頭用好多粉去炸到粉多過肉，比例均衡紅燒雜菌豆腐$88呢個算係比較普通，但入口仍然會覺得好味，雜菌少量，豆腐夠滑黃金蝦$88蝦身彈牙厚實，炸物出黎攤一陣都仍然熱辣辣，唔錯水煮牛肉$188辣度適中，連唔太食得辣既朋友都入到口，肉既份量都多又夠入味，又係撈飯一流既餸蜜椒西蘭花魷魚鬚$108水準係中上等既小菜，但係佢食材揀得好賣相都會變好椒絲腐乳通菜$68大大碟通菜，腐魚冇慳皮到，而精於出水既通菜佢都令佢水份岩岩好，入口係會一食再食原味焗蜆$98大大推介既一個菜，話就話原味，其實佢落左青辣椒同酒去焗，食材又係揀得出色，隻隻蜆都大大粒，唔會得空殼，酒同椒既味道完全入哂落蜆到，每一隻都充滿香味同美味生炒糯米飯$98炒得出色，一碗又碗咁接住食都仲會好想繼續食上湯菜芯$68煮既時間岩岩好，菜又新鮮即磨腰果露$38盅每次黎菜式都會有唔同，但呢盅野係不能不嗌，即磨腰果露，每一啖入口都係腰果碎同溶係入面，好鬼死好味，最緊要係甜到變補品果下值得…查看更多

天氣有啲涼就想食煲仔飯，遇著同事都話想食，收工即刻去食返餐先！係公司附近嘅一間小廚，我之前食過幾次午飯都幾有鑊氣，記得餐牌有煲仔飯呢樣野，一於試試！臘腸滑雞煲仔飯$68等左20分鐘度，睇落都唔錯，黎到加啲豉油蓋返煲蓋焗一陣！焗左唔係好耐，一打開嘩！變晒飯焦🤭鍾意飯焦嘅人肯定會好開心…但我就覺得呢個太誇張啦！雞係幾滑的！臘腸都香！整體係唔差的！酥炸蠔仔餅$98都幾大份😬食落好香脆，不過蠔仔如果多返啲就好！薑蔥魚腩煲$88我一定唔會嗌嘅一樣野🤣但我好順得人嘅！惹味，但唔可以話好食。間唔中食下Lunch係OK嘅，但晚飯試一次就夠了！…查看更多

元旦偕屋企人試食韻味廚房，排骨臘腸煲仔飯得半條臘腸，鱆魚肉餅煲仔飯完全無鱆魚味。芥蘭煲得幾條芥蘭，仲要有加一服務費，令人有點失望的餐廳，唔係趕時間都唔會入泥食。…查看更多

呢間外面睇同埋餐廳名好似普通茶記，但係廚師應該幾有功力，平時食開啲蠔餅和蠔仔蛋角差不多，都係煎香佢再點魚露食，呢間蠔餅極邪惡，酥炸！口口咬落去都脆卜卜，配上少少酸少少辣的醬，幾惹味！蜜椒薯仔牛柳粒則夠鑊氣！最喜歡是他們無味精的養生湯$28/盅和即磨腰果露$38，無添加卻味道濃郁！…查看更多

由於疫情被迫三餐都要外賣，呢個凍凍地天氣好想食煲仔飯，見到呢間就試吓叫。外賣自取，竟然驚喜有飯焦，餸嘅份量好夠，總括嚟講，好味😋會再嚟幫襯👍🏻都有唔少人當食，希望好快可以同朋友嚟試啦！…查看更多

事隔兩日、 今晚一行四人再到「韻味小廚」、 今晚點了小炒皇、 香煎土魷肉餅、 還有一煲濃湯雞煲翅🐔😋、 湯底雞味濃、 雞肉滑、 最後再用雞湯煮米粉、 米粉吸引湯底精華、 十分之甜！ 👍👍👍這間小店菜式主打香口惹味、 夾啤酒一流🍻 ！…查看更多

昨天激戰鳳凰山之後、 夜晚當然要美食補充體力！ 朋友介紹來這間在佐敦「韻味小廚」吃飯。 😋😋😋1. 原味焗蜆 （蜆肉好甜、 焗得剛剛好、 冇過火）👍2. 麻辣筒蠔🦪 （少少辣、 夠惹味）👍3. 順德釀鯪魚 （百零蚊吃到手工菜👍）4. 真糯米雞🐔 （糯米釀入雞內、 吸收雞油的精華、 吃入口有雞油的香味😋、 雞肉都好滑👍）5. 黑椒牛柳粒炒金薯 （黑椒吾會搶走牛肉的味道👍）吃完之後、 自己感覺這裡有機會成為新飯堂！ 😂😂😂…查看更多

小菜有很多款，今晚例湯是赤小豆粉葛煲鯪魚湯，濃郁味甜，真材實料。椒鹽脆皮豆腐，脆皮是較厚脆那種的，內裏是滑豆腐。鹹中帶微辣。韻味小炒皇，食料豐富，有鮮魷、炸白飯魚、豬頸肉、腰果、紫洋葱、韮菜花等，有鑊氣。應脆的脆，應爽的爽口。臘腸滑雞煲仔飯，要等久一些，最後才上枱。臘腸因是切成一片片來煮，而且偏瘦，故煑完成後會變得較硬和乾，雞肉ok。飯粒粒分明，可個飯焦好韌，連在一起很難分開，要用很大的牙力才可𡁻爛。…查看更多

話說疫情期間日日外賣，大快樂老麥食到厭，見到屋企附近有呢間小廚，決定一試。打電話落Order，15分鐘搞掂4個餸好快手，餐廳自動Call你取餐，等都唔洗等。今次試左焗蜆，咕嚕蝦球，樟茶鴨同個菜，4個人4個送正常唔多夠，不過抱住一試既心態，唔敢叫甘多。行到番屋企10分鐘，一打開已經好香，開埋2罐啤酒似足大排檔！阿媽都話正，問我邊度搵間甘既野🤣食物質素認真好過翠X、酒樓，夠味夠鑊氣，最緊要夠新鮮！師傅話下次想食好野可以打去訂，真係諗定下次食乜囉…查看更多

上次朋友過咗嚟食晚飯，嗌咗半隻雞，又滑又夠味，啲小炒又夠鑊氣，比想像中更好食。而已埋單先發現好平好抵食(嗌果陣無睇價錢)，必定返食!最重要服務態度一流，老闆娘事事親力親為，全程晚飯滿分…查看更多