韓點 (紅磡) (已結業)

要去黃埔的新城電台取東西, 順便睇下附近有甚麼美食!找到了這間..相信有很多朋友可能和我一樣認識韓國的炸醬麵, 是源於韓劇<茶煲阿四>..每集失憶的女主角都捧著一碗黑漆漆的東西, 吃到嘴巴烏卒卒加一副黑色的牙齒嘔心的像相卻包含了那份滋味那份滿足之後刻意四出找尋這烏卒卒的東西..吃過超市賣的品牌: 一品, 三養, 八道..撈味粉的, 撈醬包的甚至碗麵也通通唔放過..有些偏甜, 有些偏咸..未至於令人想再三回味..始終不是吃慣的味道最近再在韓國電影hello ghost, 看到車太炫被迫吃了10幾碗的慘況, 由享受變成酷刑..又觸動了吃炸醬麵的神經細胞.. 心想今次一定要試試由廚房弄出來的炸醬麵..這天機會來了!店子很少, 才中午12時許, 兩張桌子已坐滿了...四周很整潔, 從膠袋, 紙碗, 紙杯..都印上店舖的名字與資料, 很認真去經營..由於車程遠, 韓藉女店東特意把麵留待我自己回到家才煮..免得麵身過淋..很體貼菜單款式不多, 大約只有12-3款, 但全都是香港人較熟識的人氣食品:韓式炒粉絲, 韓式拌飯, 年糕, 泡菜煎餅, 韓式冷麵, 紫菜壽司..價錢已略為調高,

佛誕假期紅磡搵食~第二站~韓點~友人極愛韓國年糕，平時都會煮黎食，黎到當然要試啦~韓式炒年糕︰友人話好好味，辣醬香濃，但一個人食晒一兜會有點滯~ 我只試了一塊年糕，覺得好辣~韓式魚旦︰有魚湯浸住，彈牙，好味~炒水晶粉絲︰WA，好大盒呀，粉絲好滑好彈牙，有菠菜/甘荀/冬菇/蔥/洋蔥，仲有芝麻，好香口~ 不過試完炒年糕後覺得粉絲味道稍淡~街坊價錢，抵食又好味~!

早就喜歡上韓流好耐lu其實蘇玉華介紹呢間野既節目我都有睇想試架，問題係唔知係邊你知呢啲飲食節目介紹親野都唔提地址點算呢你話，好彩有openrice。三月呢間野上榜，我先搵到。呢到要多謝一下openrice咁多位今日就比人點左去佐敦，近近地搭小巴去到呢到，幾亂既一間鋪，衛生都未有做足，但都點左好多野啊。炒年糕 - 韓國菜我最喜歡既一道，甜甜地，食食下又好辣。口感都好正，配野飲一流，呢間認真做得唔錯。韓式魚蛋 - Openrice啲巴打讚得好行既一味，我試完覺得真係唔錯，韓式但其寅有啲似腐皮，價錢唔貴，黎到試下無彷炒水晶粉絲 - 我覺得味道麻麻，但口感唔錯，我啊媽話好好食，我打包左呢味黎屋企薄餅 - 名唔記得，編號好似係A6，味道一流，好復雜既味道，形容唔到，只係價錢上貴左少少，不過堅係好食。喜韓流既一定要試下。

去完韓國旅行之後，對當地美食，由其係海苔卷念念不忘。呢日想搵少少嘢食又唔想食太飽，就想起韓點了。買了韓式魚蛋及海苔卷個連湯魚蛋係冇問題的，好地道，魚湯靠好多魚仔來敖，好鮮，與在首爾吃到的相差不大。不過，條海苔卷就失望，塊紫菜唔夠油潤。在首爾，就算係STORYWAY/FAMILY MART買到的便利店貨式都好味過佢。涵料亦只得一個組合，失望。以前試過蓋飯、辣炒年糕及炸醬麵，都好好味

三月二十五日 (星期五)終於找到韓點之前雜誌曾經多次提過這家韓國小店韓國人許氏夫婦以外賣為主,小食計有20多款食物全是自家製韓式魚蛋其湯底是自製的魚湯,清清的魚蛋浸在海鮮湯中魚香味和海帶的鮮味混合其中雖不是真正的蛋形,但絕不遜色本身想試試它的年糕,但是怕太飽,一陣間又要吃尾張屋,算吧!下次再吃!牆上貼了一些雜誌報導,知道韓式魚蛋都是另一推介多口的問了一句年糕是不是很辣店主很客氣,請了我們試吃了一塊年糕更不是用現成貨,找來婆婆鄉里每日新鮮製造醬汁香辣,但不是死辣,絕不會令人噴火

最近起左韓國癮~成日都想搵好味又正宗既韓國美食但係自己又未去過韓國喎，唔知正唔正宗不過唔緊要，好味未得囉=] 黎緊既暑假一定要搵個機會去韓國! 咁而家未到暑假，係香港都要搵韓國美食止止癮先=]某一個下午，走左晏奏既堂去搵野食~嘻嘻，我認我為食架=]今次既目的地係紅磡既韓點係電視未介紹呢間之前，我已經想試好耐，不過一直夾唔到時間而作罷。其實間鋪有D唔顯眼同細，因為佢已經係紅橙色等搶眼既顏色，我都可以唔覺咁行過左都唔知~堂食只係得幾個位，唔想阻住佢地做生意所以外賣另搵地方食~唔特別，似細個學校旅行同學仔媽媽整個D住家壽司好味，特別係湯~有昆布木魚香，而魚蛋似腐皮彈牙版!味道唔錯，不過唔貼題，成個煎餅我都食唔到海鮮，得幾條似有還無既章魚。好味!辣辣既年糕胃口大増，味道好夾，盒底既菜勁入味，我覺得比年糕更好味甜甜既醬汁混和拉麵，中間有些薯仔粒，雖然唔少人讚好，但嘗後顯然唔係我杯茶。 另外我仲買左泡菜返屋企，雪係雪櫃一日先食，但係一食唔知點解有D「拿」口。食唔哂就掉左啦.....係咪我既問題呢?我鍾意既泡茶味係吉野家既泡菜，請問各位除左吉野家仲有邊度係呢隻味既泡菜架?

想食回korea trip 食到的!特登去試一試~有d失望,唔係唔好味,不過又真係食唔返一樣的!3個人食左4樣野韓式魚蛋-好味!係korea 冇食到,不過真係幾好味",lum lum "地!炒年糕-有d辣,雖然係korea 的老闆的product,不過又唔係好正宗炸醬麵-朋友話都ok,都有korea feel ,不過我就ma ma 地壽司-都幾好味,清清地!3個人都係食左$9x,唔貴!都好飽下!食過一次都ok ,不過唔會登特再去!

一直都好想去食呢間架啦~~於是有一日放學同朋友一起去試下。間店好細~所以多數都會叫外賣拎走。我叫左韓國壽司~d料好多~d飯唔似日本的珍珠飯~比較煙un~~有自家製feel朋友叫左個炒粉絲~好好食~d粉絲好入味道~而且份量多^^d粉絲唔會好un~~好多野都好像好好食咁~~^^下次要試唔同的菜色!!

這篇本來不想這麼快就出的，仲想試多幾樣，可是我明白到打鐵要趁熱這個道理，所以決定就提前出呢篇食評，是因為飲食男女就韓國呢個主題介紹了這間舖頭，而且係紅磡內簡直是人氣小賣店，每逢食飯時間，總排著一條長長的人龍。店內細小，其實絕對不適宜坐下來食，可是偏偏就有一張枱放在店舖內，感覺好辛苦，但嚐過這裡的食物後，也會念念不忘。這間小店的食物絕不比大型的韓食店差，反而可能地方所限，用料及成本可以比一間大舖更好，而且價錢也因應下降。試想一下，平時去食韓國野，平如漢城也要6X-9X左右，正常的也要16X-19X左右，這裡4X-5X已經可以食到人飽，再加上店主是韓國人主理，見到真人處理，感覺更加正宗。當我回到家裡，第一時間去拿出來試的是紫菜宮廷壽司，真的不要小看這件平平無奇的壽司，材料勁度簡單，黃蘿蔔、甘荀、牛蒡、腸仔等等，但出來的味道真的十分好，而且有家的感覺，令人回想起以前在家整壽司的回憶。請不要奢望紫菜會脆口，但醋飯卻有煙靱口感，或會有人不喜歡，可是我卻十分喜歡。再來的是十分普通的食物，韓式魚蛋有別於香港的魚蛋，它們的外型有趣，扁扁的一大塊，質地都幾彈牙，可是味道欠奉，只被它的外型吸引。來一個飽肚

其實之前有讀POLY的朋友介紹過,但一直未有時間去見連蘇玉華都有介紹就想試試係咪真係咁得因為好晏先去.沒有大家所說排哂長龍的情況同朋友2人點了炒年糕同炸醬面其實剩係睇價錢就平既.但睇埋份量就會知道其實正常而已炸醬面其實同平日食開既差不多.算合格但炒年糕就差少少因為D醬感覺上好似係辣椒醬加左其他料根本唔似韓式炒年糕的醬而且平日食開既都會加一點韓國年糕的配料但這家就只有年糕加醬.感覺有點DRY.所以我覺得咁多人食可能都只不過係電視效應又或者紅磡比較少平價韓食可以選擇

這間由韓國夫婦經營的韓食小店,經過阿蘇介紹,火速變成熱店。對上一次來,很快買完,走得。今天,要欄開左右買&等候,出現排隊情況。電視力量,可是無械可擊。晚上買點晚餐回家。炸醬麵$30─由於食材、調味均由老闆&老闆娘包辦,所以味道絕對韓味。薯仔粒、肉粒、洋蔥,口感&咸味啱啱好。唯獨麵條腍,口感一般。而且外賣,沒有即做即吃,在大碗裡撈吓撈吓,那種實在感。另買了一串魚蛋$12。在韓國吃過,便念念不忘。魚蛋彈牙得來,有黏糯。最欣賞那湯汁,很有魚蛋味,與在當地吃,完全一樣!(魚蛋相唔小心delete左)

食完超好味魚柳之後, 出到黎竟然見到韓點門口條人龍消失左?!即刻衝過去買串韓式魚蛋先! 原來鋪裡面都有人排緊隊, 不過都好快等左5分鐘到就到我買~ 可能係電視節目效應la, 多左人食, 食物都加哂價…魚蛋有幾串已經整定放左響度. 有order先將佢地剪開裝落個杯仔度加d湯水比客人, 所以杯野拎上手仲係好熱, 要等一陣先可以食!魚蛋有三大塊, 剪開左之後都裝滿成個杯甘濟! 個texture有d似腐皮, 但唔太淋, 可惜無咩魚蛋味~同堆我覺得除左個外型之外, 其實佢同我地平時食開既魚蛋無咩分別///如果以食物黎講我覺得只係值ok, 但服務唔錯! 老闆娘好友善好有禮貌, 雖然有幾個員工幫手, 但佢都親力親為, 值得一讚!

由於都係電視效應既關係...所以令到我想去食...加上自己都好鐘意食韓國野...雖然知道舖頭細..而外賣又唔知拎去邊到食..但係去到先算la...好彩都唔算難搵..但係對面馬路望過去已經見到成個舖都係人la...舖入面原來得一張2人枱..3個企位..其他人都係外賣拎走的...不過排隊買得野食黎都等到位la..就係坐唯一既一張枱.係韓國時已經食過..我覺得另有一番風味係唔同香港ga..係一片好長條形..但佢地為左易裝所以緊係唔會用竹籤串起佢la...味道確係同韓食既一樣..佢個杯入面仲有湯浸住ga~睇韓劇就見得多la..仲話好好食tim但我一直都未有機會食過連去韓國都冇食過..今次有機會la一定要下la..佢d炸醬同麵係分開裝的..要自己動手撈..玩完之後試下味la...味道完全唔識點形容...我未食過唔知點為知好食..只係形容到有少少甜又唔會話好咸...枺料有d肉碎, 薯仔, 洋蔥..清清地咁都唔錯..但食到最後會出水..我見韓劇個d係好"杰"只會越食越"杰"都有好多料...有紫菜..蘿蔔線..芽菜等等...同炸醬麵一樣都係分開要自己撈ga..一拎起個盒餸入面係飯而飯上面係有一隻蛋ga

第1次黎食,間鋪好細,但好多人,排左個幾字到我地,叫左1.魚旦 $12 串,片狀的,味道無特別,所以覺得12蚊貴,我都係鍾意港式圓型的2.炒年糕 $25 份量幾大,有幾塊菜,個醬幾惹味,甜甜辣辣的 年糕軟硬適中3.壽司 $20 內有青瓜,蛋,醃黃瓜,腸仔,味道普通食物質素一般 應該唔會再黎

其實很早之前已經知道有這家店的存在不過由於自己太懶,沒有的起心肝出來覓食早排去poly睇福音電影,順手試下這家人氣韓式小食店雖然唔太岩自己口味,但整體上都ok加店主又nice 待客之道又好,值得一去!下次要試下買泡菜