韓點 (紅磡)

營業中

休息中

跟朋友到紅磡食食食，原本我們是沒有打算到韓點的。但就在我們吃過上海生煎包後，朋友門離遠望見韓點的招牌，想起之前蘇玉華曾在電視飲食節目介紹過，就說要來試試。不說不知，原來韓點是香港首間韓食外賣店。雖然尖沙咀已有一條韓國街，但裡面的韓國店鋪不是韓式餐廳，就是韓國小賣店，早期是沒有韓食外賣店的。而韓點的老闆，韓國人許先生，有見及此就開了這間韓食外賣店。當然除此原因，也可能是因為香港的昂貴租金，外賣店所需要的地方不大，相對入場費又較低。食店由於主要做外賣，所以地方較小。除了廚房外，就只能放一張小摺枱讓食客在店內用餐。畢竟，食店的客源主要還是靠外賣。就跟韓國的外賣店一樣，店面雖小，但提供的食物款式，絕不失禮。年糕、魚蛋、煎泡菜餅、炸醬麵、蓋飯......都一應俱全。由於我們之前已進擊了三間食店，各人已「飽到反艇」，部份人更已棄械投降，所以雖然我們也六七個人，都只點了兩個辣炒年糕($25)分吃。雖然年糕只是廿多元，但份量絕不欺場，有一滿碗。每一塊年糕都沾滿特製甜辣醬，甜辣醬濃稠適中，甜甜辣辣，雖然邊吃會邊冒汗，但也吃得非常過癮。年糕煙韌有嚼勁，不會過硬，口感不錯。

紅磡開左咁多特色食店，但賣韓國野既真係唔多。今日黎到韓點，舖仔細細主打外賣韓食，不過我地都選擇左堂食。一黎到睇睇個餐牌先啦！ 都幾多野食揀，價錢又唔算好貴喎!(你知啦，而家出面食韓國野貴到hihi)#1 泡菜煎餅 $30本人熱愛泡菜煎餅，簡單得黎又食得出間野既泡菜正唔正。雖然上碟賣相頹頹地，但味道絕對唔頹。我鍾意佢泡菜夠味得黎爽脆，煎餅又有泡菜辣辣地既味道，食得出佢係夠料既！#2 水冷麵 $40呢個係因為唔知叫咩好，所以跟左人地叫…一上枱真係嚇左跳，咁多冰會唔會冇味嫁?所以撈兩撈之後就即刻試番啖。其實食落個味真係唔差喎。因為佢夠冰夠凍，所以個麵好彈牙爽口。不過個麵有d似蒟蒻咁，可能唔係個個都鍾意個味。不過有一點美中不足既係，個泡菜浸左水之後得番陣酸味，沖走左陣辣味…不過夏天食真係好爽，忍唔住一啖又一啖。雖然間舖細細又唔係好起眼，不過都幾多人黎買外賣。而且價錢都好合理，服務態度仲超好，一定會再黎食!!

食物在韓點必點料理炒年糕。看牆上的介紹寫著店主以十多種材料製成調味料加進年糕炒成。其中我比較在意的是有加進紅酒和類似鰹魚成份的味道，因為這兩款都是我挺喜歡的東西。雖然年糕在購買時已經一早炒好放在煎板上溫熱，不過吃時熱度卻剛剛好，也不會過腍，Q彈煙韌，而醬汁味道更是一絕，香甜帶辣，鹹但不是味精鹹，年糕咬開後蘸些醬汁更加惹味，結果吃完年糕連汁也完全喝掉了。環境一間小食店的格局，沒多少空間，沒多少位置，看著倒有點韓國小店的味道。總結猶記得第一次接觸韓國料理就是在韓點吃韓式炒年糕，無非也是招著由韓國人主理的正宗料理而試，結界這麼驚艷的料理種下了對韓國菜的情意結，近年韓式料理店開得成行成市，但無論價錢或是水平都是參差不齊。回頭一吃，以合理價錢吃到一份簡單而好吃的料理，非韓點莫屬。

店內貼住唔好食原銀奉還，都幾有自信 不過老老實實人地做生意，幾十蚊，唔好食都唔會叫佢回水禁衰！店面都幾細，貼左好多老闆自己一家人既生活照，感覺好似去左人地屋企咁樣。幾番思量，叫左韓式魚蛋、牛肉蓋飯同冷麵。小弟未去過韓國，唔知人地d魚蛋係咩樣，不過呢碗野又係幾盞鬼。魚蛋唔係一粒粒，而係一條條好似圖中咁卷埋，食落有咬口，白蘿蔔都算鮮甜 唔好睇個碗好似細細但其實幾深，個蓋飯份量對於我黎講真係珍寶級，醬料甚有韓式甜味洋蔥既甜煮晒出黎加埋d芝麻，簡簡單單都好食冷麵係截然不同既味道，涼涼的加上蔬菜感覺清新，有份酸味在其中好消膩，食完都唔會滯價錢平得黎食物物有所值，不過如果你對環境舒適度有要求，可能唔太適合喇。

小食店黎講真係唔錯！雖然要等下但係都值得啦！！唔好睇小其實都有好多選擇嫁！！主要係做外賣生意嫁！！韓式炒年糕 - 個汁真係一流，甜味同辣味平均，仲有少少蔬菜伴碟。韓式魚蛋串 - 比韓國街頭的薄身，不過味道好唔錯。什錦拌飯 - 個飯夾埋配菜同隻蛋撈埋一齊之後好香，好好食！煎泡菜餅 - 呢個一般般，但可接受!炸醬面 - 唔錯嫁，但可以更好。最後試炒粉絲, 有洋蔥九菜爽口健康，韓式粉絲的薯粉好鬼彈牙, 炒埋一堆好唔錯, 仲飽肚添。整體來說都幾好食，特別係個韓式炒年糕，下一次一定要再食！下次行過肯定又會停低買番一，兩樣先會走人ＫＥＫＥ！！ 

炒年糕: 算比較甜但係食多幾件就覺得辣 炒粉絲: 幾香,多菜,粉絲好食韓式魚蛋: 湯好飲,清得黎唔會冇味,感覺冇味精,魚蛋彈牙炸雞: 唔好食, 唔係韓國味, 唔辣唔地道, 好似茄汁味甘總體: 份量少左d, 味道方面普普通通, 最唔中意係, D 野好多都煮好, 然後有人點就叮返俾客

韓點呢間餐廳可以話係紅磡既平價韓式小店，店鋪面積細，亦冇特別好靚既裝飾，牆上會貼冇餐牌同菜式既相。基本上係只能外賣，因為如果堂食就只可坐係一張簡陋既枱用餐。但因為韓點價錢算平，所以愛麗絲成日都食🙈 今次，小新買左個韓式拌飯俾愛麗絲，再加$10要埋個海帶湯，個人覺得個湯係好飲，有好多海帶，但$10略嫌有啲貴😓至於個拌飯就約$35，有一塊熟蛋丶蘿蔔絲丶冬菇丶芽菜等。個飯會配埋包紅色既醬，係甜中帶微辣既，建議加約3/4包落個飯到撈😉 咁個飯唔會太乾，亦唔會太辣🙈 愛麗絲食個拌飯已經夠飽🙈 男士們如果怕分量唔夠，可以買個約$18既年糕串，都好正咖😁

平時有經過都想試，今日終於冇咁多人排隊。係下午茶時段就入咗去叫咗個炸雞，細嘅＄19。兩個內地廣東話口音嘅姐姐員工，一個負責收銀、整菜，另一個放飯中同埋傾計，最後見我坐咗喺度等，其中一個姐姐先記得要幫我整炸雞堂食。初時以為係會卜卜脆，點知食落實在太多醬汁，搞到我以為食緊蒸雞，一啲都唔脆，淋pat pat。醬汁尚算好味，但係$19分量就有啲太少，寧願去麥當勞食個炸雞翼仲好。p.s. 題外話，見唔少人都有order嗰份紫菜壽司卷，本身都想叫，但係係等佢整返炸雞嘅同時，見到佢用一把界刀就咁切啲壽司，而個界刀嘅刀片亦都開始變黑.....見到咁就已經卻步啦......

韓點鋪頭好細，只能容納八人堂食，不過亦無阻我食韓點的決心。韓點解宮廷壽司好好食，香麻油味 足料，堂食可以自己加辣醬。另外都叫咗個炸雞不過唔記得左影相就食晒，炸雞好香好夠辣，不過份量唔多。坐喺度堂食見到其他人叫拌飯、炒年糕覺得好吸引，下次一定要去試吓！自從韓流襲港，所有香港食到嘅韓國料理都變得好貴，韓點算係一間比較平嘅韓國料理，抵食又好味！一定會在黎！

雖然韓點曾經上過電視，但一直冇機會試，難得今日經過紅磡就試下啦，雖然店內鋪滿了分店資料、電視台訪問及家庭照，但其實店面比較細，只有三四個堂食位，所以我買左個牛肉飯外賣，而老闆好好人而且好有禮貌。牛肉飯的汁很濃，而且賣相十分吸引，飯用了珍珠米，十分有囗感，而牛肉煮得剛剛好，同時，我好欣賞佢外賣盒既設計，好巧合地將汁同飯分開，唔會令飯浸滿了肉汁，雖然唔係堂食，但隔了二十分鍾飯仍然很熱。整體來說不是十分傳統的牛肉飯，但有相當的質素，收這個價錢很合理。

之前去到葵芳的韓點,但一直都想試試在紅磡"主店"而每日返工搭車路過紅磡的我今次終於有機會親身去到紅磡的韓點!!order了炒年糕店舖面積比較少,所以決定外賣算~一入店舖已看到牆上全是menu和不少飲食節目介紹過的新聞等待的時間較長...我都是慢慢看牆上的內容,原來是有很多節目和報章都介紹過..辣炒年糕汁很濃郁,有點辣，亦有點甜味但原來愈食愈辣!!年糕是比較幼身，,煙煙韌韌~~質感比較軟易咬口炒年糕上面撒了芝麻,感覺更突出炒年糕的香味,而且中間還有少許泡菜,很入味炒年糕的份量都算多,一個人獨食剛剛好

韓點而家真係越做越多分店, 估唔到黎開呢頭都有黎到諗住係咁以食D做個午餐, 結果都OK飽個年糕質感唔錯, 唔會太幼, 個口感好好, 佢個味雖然辣, 但係又有D甜味, 又唔乾叫左份雞,好香! 炸得不錯, 個醬好特別, 甜甜酸咁, 都算啖啖肉ge飯卷就乾身左小小..不過都OK炸醫面真係不得了!雖然外相差D(個人認為), 個醬好特別下, D面又唔乾身!

依到有唔少既韓國小食,所以今日特登黎左試一試, 今次黎左依到當然要叫一個辣炒年糕，佢依到係用幼身既年糕,個人覺得依種好食D,因為佢依隻質感比起長粗個隻有咬口,佢個辣醬做得好好,辣得黎中間會有種甜,好正宗既做法,唔似有D得個辣字,上面再有少少芝麻,估唔到既就係仲有泡菜,真係幾好食既，不過份量都算係非常之多下嫁,所以一個人食會有少少過份左,不過今次幾個人分就唔會話太多。第二樣就食左一個甜辣雞，依個仲有驚喜過炒年糕,佢個味道真係好好,因為佢唔會太辣，又會有d辣中帶甜，最鍾意就係依種味道,因為咁樣幾特別覺得幾好味，炸過既雞加埋佢依間特別既醬汁，最重要係有d炒香左花生係面，食落有兩種唔同既口感,食緊時候加埋d醬汁一齊食，真係完美。 

睇左食評而黎, 見到韓國老闆,但冇想像中態度差。只係店面好細, 入面比較熱, 合適外賣。我地叫左：至尊年糕：好辣~~~老闆俾左少少湯我地沖淡啲辣, 啲年糕都幾好咬口, 煙煙韌韌好味~杯杯雞：呢個好食，比平時食個啲冇咁辣~~甜甜酸酸, 啲雞又唔乾。韓式飯卷：呢度普普通通~

今晚想食韓食，但又唔想去韓燒舖，整到全身都係燒烤味，於是響屋企周圍搵韓國館子，咁就見到尼間外買店，fine，都成7點鐘，其他地方堂食應該係冇咩可能，拎返屋企反而方便d～入去就見到好多人排緊隊，一路排隊一路撿食邊d餸，第一次來試，咁就order左 杯杯雞(細)，炸醬麵，魚肉串，炒粉絲，雜錦拌飯，炒年糕，⋯⋯都要成200蚊。跟住行出去等，見到更加多人過來排隊，有d人等到唔耐煩走左添～更加另我有所期待!正所謂期望越大，失望越大！聽小弟慢慢道來：1. 炒年糕唔見左⋯⋯可能搞錯左，俾左我一份海帶湯⋯OMG，我最憎海帶湯用海帶葉+味粉，同飲泡麵湯有咩唔同？泡麵得10蚊遮2. 炒粉絲用料好足，可惜敗在粉絲上，用最普通既粉條，點會做得出非常入味，又有彈力既炒粉絲呢？冇錯，炒粉絲冇味道，冇彈力，膠味重，非常失望。3. 杯杯雞，唔錯，味道okay，雞腥味都冇，尼味值得推介4. 炸醬麵，唔知點解有人讚好，我真係好唔明，都係敗在原料度，冇錯，係麵條。醬汁味道唔錯，又有馬鈴薯同肉塊，我個人係滿意既；可惜麵條類似泡麵，冇彈力，冇麵味⋯講多次，唔明點解有人會讚好⋯5. 雜錦拌飯，again，用料好足，但係失望，大家