韓點 (紅磡)

營業中

休息中

韓點開咗咁耐都幫襯左好多次啦，最近雖然轉左手但都去試下😂雜菜炒粉絲味道五錯 一d都唔油膩 乾爽的粉絲加多d辣醬會好食好多😆其實系香港好難食到好味既炸醬麵 呢間亦係一般般麵ok但醬麻麻地🇰🇷 同朋友一致通過拌飯最好味 由於呢間野價錢都幾平所以個人覺得都值得一試嘅🤣

韓式魚蛋串有蘿白塊在內，煑得夠淋，吸收了魚蛋湯味道，好好味。魚蛋唔係圓圓的一粒粒，而是薄薄長長的炸魚片一大串，似炸魚片多些，肉質軟淋外亦很彈牙，真是不錯的小食。豬肉韓式便當，配菜有是自家製的泡菜，泡菜爽脆，看見舖滿辣椒，以為會很辣，只是微辣但略鹹。菠菜芽菜，拌有麻油，香爽。冬菇片，亦很入味。炒豬肉，炒豬腩片，都有頗多肥肉。可個醬汁調得相當惹味，加上微辣，混飯或混豬腩片一起吃都是超配，唔理豬肉肥定瘦，全部清空。

好耐無嚟「韓點」，好掛住豬肉蓋飯，趁住今日經過紅磡買日用品，就順便過嚟食個午餐。呢個泡菜豬肉蓋飯無令我失望, 不太辣但香口，泡菜及菠菜芽菜的份量足夠，豬肉亦比之前多，間中嚟食下，唔錯，適合香港人味道嘅泡菜豬肉飯

每次唔知食咩時就會來食韓點，最愛點佢架手卷（又有口感又有爽感）、炸醬麵（想要有韓國感覺一定要在店內食，唔好外買）、雞肉飯（有點辣，如果怕辣就唔好叫，但真係幾野味）都係我必食款項！價錢唔算貴

唔知食乜好，朋友推介去食韓國野，雖然冇乜興趣但都跟左去食。鋪面好細，感覺似家庭式經營咁，但其實有好多分店。同朋友一齊夾左個人蔘雞湯，一打開個賣相醜到有小小嚇親，隻雞散晒。個湯得雞味冇乜人蔘味，食落有啲溜，但雞肉都幾多。不過九十蚊真係幾貴。至於泡菜豬肉飯冇乜特別，少少辣，怕辣嘅就唔好叫呢個。結論係味道一般但偏貴。

韓國小食小店！雖然價錢比幾年前已經上調啲但有啲食物質素仲維持到！今次買咗個紫菜包飯外賣份量keep到 餡料都算足 有腸仔黃蘿蔔青瓜紅蘿蔔牛蒡肚餓食嚟充一充飢都幾方便不過份量又未多到會飽😂味道還可以就得啦 $28當小食都唔錯！

I've been craving cheese tteobokki for such a long time, so I ended up going to this restaurant since it looked good! I got cheese tteobokki! The only reason why I regret getting it is because it was too spicy for me to handle 😂😅 But it was pretty good, especially with the melted cheese! The tteobokki was so soft and chewy and the sauce was spicy with a hint of sweetness to it. There were also bits of kimchi in it. Topping the dish off with melted cheese made it heavenly! Only downside was that

夜晚屋企冇煮飯 自己一個行行下見到就入左去食😂😂成個格局係好有地道韓國小店feel☺️不過鋪頭唔大 好易就滿坐～好多野都想試不過得自己食又揀唔到咁多 下次一定要同frd黎試多啲😋佢地仲有好多小食 年糕串 炸雞 杯杯雞都好吸引！價錢都係非常平民 值得一試😄我叫左個「酸辣泡菜湯飯」大大碗湯配一個飯個湯對我黎講頗酸 不過辣味就岩岩好！入面有泡菜豆腐仲有吞拿魚😍最後成個飯連湯都飲哂🤣🤣不過缺點係佢地冇石窩整湯 所以唔會保溫到好耐 要食快啲～

係紅磡既大街小巷裡面穿梭，比我發現左呢間食韓國菜既小店，舖頭放左幾張枱仔，好有韓國街頭上店既感覺，而且價錢都幾平民化，三四十蚊就有一個主食，今次叫左個韓式拌飯同埋紫菜壽司，埋單都係七十幾蚊，拌飯味道都幾好，中意佢個辣醬，甜而少少辣，就算唔太食得辣既朋友都handle到。

上星期友人突然有空相約飯聚，傾下計，我地行行下未係覺得好肚餓，就心想不如食韓國🇰🇷野。但其實我係好多年之前已經幫襯過，嗰時嘅老闆係韓國人，滿心懷疑轉手後，會吾會中伏，所以就入去一試。入左呢間韓點，我同朋友2人分別點了，泡菜豆腐跟白飯，韓式伴飯，但朋友點之前，詢問了一下應該老闆，是個男人，拌飯有沒有泡菜，他說沒有。但我心想正宗的韓式拌飯係一定有泡菜係入邊，但咁岩我朋友是不太吃辣的，所以心想就算了。一來泡菜煲，只見入面只有泡菜和豆腐，還有一隻蛋吧，白飯只是暖暖的，40元呢個價錢，就不能有什麼要求吧？！而韓式伴飯，只有紅蘿蔔🥕絲，紫菜，芽菜，菠菜絲，翠玉瓜絲，冬菇絲，蛋一隻。我朋友不停話，點解d飯係凍既，暖都談吾上。都好明白以40元，這個價錢又係唔能夠要求啲咩。求其填飽肚子就快些離開。喺朋友強烈嘅要求下，要我寫呢篇食評📝所以我要完成呢個任務✏️最後一提，呢間野啲抽風系統極度差，全身d衫👕都係一浸油煙味，而店內環境頗擠迫所以沒有拍照📷加上全店的店員都係講唔鹹唔淡嘅廣東話，所以有理由相信佢哋應該唔係韓國人。。。絶對無下次👎🏻👎🏻👎🏻

超級懷疑轉左手 味道份量同以前差幾皮炸醬飯 無任何肉粒，薯仔 。有小小洋蔥 真係得醬甘制打電話去問 話肉粒已經溶晒係入面🤯(洋蔥都未溶 肉粒究竟點溶)😵話我太小食 不嬲都係甘 。話佢自己甘忙 吾得閒即煮 所以佢煮完好耐(究竟係煮左幾耐先可以咩餸都無 得pat醬）仲話只有去韓國食先會有一粒粒餸係入面 叫我去問韓國人🤷🏻‍♀️仲非常親切 叫我即刻落反去望下佢煮左勁耐既個㷛炸醬 係米耐到啲肉溶曬😂明明以前真係韓國人個陣 就又多醬又有一粒粒既餸

韓點開咗咁耐都幫襯左好多年啦，不過最近嚟就唔見咗韓國老闆啦，可能轉左手啦，今次我嗌外賣叫咗一個壽司，同埋雜錦拌飯，食落同以前嘅味道都係一樣鍾意佢個飯夠晒足料了，就算冇肉都好好食！

宜條有好多不同的美食，想搵間特別一點的餐廳。宜間韓式餐廳的食物有好多款，基本上你係韓國食開果d，宜家全部都有。由於本人近期比較熱氣，好多想食既韓式美食都食唔到。最後，本人叫左個炸醬麵，眾所皆知，韓國炸醬面一向都係賣相一般，但醬汁好香口。宜家炸醬面都唔例外，食完有D去左韓國既感覺。佢個面底同個醬好夾，好彈牙。在香港的韓式餐廳好少做到宜個質素。以宜個價錢食到宜個質素，本人絕對會俾高分。地方較細，適合一個人或情侶去。

我好鍾意食韓點嘅壽司以前住附近日日都食今日出黃埔為咗食佢 大熱天時行過去 再行返紅磡搭車去到個姐姐問我要一條定兩條 我已經打晒問號我指要圖片個set$28 壽司佢話係2條 點知比錢個陣先知$28條我懷疑佢聽唔明廣東話，因為佢操普通話口音😂我堅持我係要一set佢仲要鬧返我轉頭態度奇差以前老細人好好 韓國人依家呢位姐姐令我O咗嘴唔緊要 如果野食好 我可以忍一睇 size細咗 以前大大舊好多料一食 d飯硬嘅，d料無味嘅唯獨是個辣醬同以前嘅一樣仲難食過7仔個d韓式手卷我真係想喊出黎因為我的最愛韓點壽司已不再😭

下午茶時間，行咗去紅磡，諗咗好耐，決定試吓韓點。小店係韓國人開，菜色好地道，老闆好友善，座位唔多但算舒適。唔係好肚餓，所以叫咗兩個小食。一個點點串，一個杯杯雞。兩個都係用秘製醬汁，甜甜辣辣。首先講吓點點串，其實係炸年糕，外脆內軟，加埋醬汁好正。跟住杯杯雞係炸雞，份量都幾多，食落唔會好熱氣，只有韓國人先整到唔熱氣嘅炸雞。兩樣小食都食得飽，價錢唔算貴，加多枝飲品都只係$64, 幾抵食，下次會試埋其他菜色。