韓閣 (新都城中心二期) (已結業)

韓國菜係好食呀不過喺香港食一啲都唔平，依間小店嘅規模比較小型不過勝在價錢貼地而且餐牌款式都算多，寶琳同荃灣有分店。👓秘製甜酸醬油味 $118/半份有5-6舊，有雞胸雞鎚雞翼，新鮮熱辣辣所以好香脆，肉質滑，個皮脆，甜酸醬好食，好惹味偏韓風。評分：7.5/10👓三重芝士 $118/半份 有芝士味亦有拉芝，不過芝士粉味比較濃烈，同埋芝士味同炸雞吾太夾，相比下甜酸醬好食啲。評分：7/10👓石鍋飯 五花腩片 $52見到足料配料豐富嘅，味道好食，但同普通石鍋飯一樣，質素正正常常😂評分：7/10👓韓式醬油燴雞配有粉絲雜菜 $62有啲似韓式安東雞醬油味，粉絲索晒醬油好入味，雞件都多亦有薯仔紅蘿蔔。評分：7.5/10👓大韓無骨豬手 $52/半隻肉好多，好淋，唔係傳統滷水味，似韓式醬汁，入味但唔算好重味好咸。有生菜墊底可以用黎包肉食。肉的確多，所以少滯，但好食嘅。評分：7/10👓紫菜肉鬆蛋卷 $52蛋卷好大份不過都正常嘅配合返呢個價錢。中間有好多拉芝，配上肉鬆同芝士好夾！評分：7/10👓芝士岩漿炒飯 $98之前都介紹過，有豬腩片不過冇乜洋蔥等配料太單調。食落唔覺得有太大辣味亦沒有泡菜，唔食得辣的朋友覺得亦

估唔到呢到都有一人火鍋食🍲1. 蟹將軍鍋 $88蟹有兩小隻 雖則肉唔算多 但係88蚊黎講都幾抵 仲有兩大條蟹柳 最開心係佢有蟹膏食 勁鮮甜 撈粉絲食好正2. 鐵板牛柳絲 $68個醬好好味 甜甜地 佢仲有蒜粒 所以好香 牛柳絲幾有咬口 仲有啲椰菜絲食下 冇咁肥膩 3. 紫菜肉鬆蛋卷 $52呢三個組合冇得輸 三樣都好鍾意食 又十分之夾 蛋香足夠 又熱辣辣 整得又靚 推介4. 海鮮煎餅 $78好耐冇食 入面有蔥有魷魚蝦呢啲料 薄薄地 好有蔥香 好惹味Overall推介指數：4/5味道唔錯 韓國野黎講幾抵食 仲有一人鍋食 好耐冇食了 佢嘅野食種類真係幾多 想食唔同類型嘅韓國嘢可以一戰

🥘虎蝦肥牛雜錦鍋 $88（跟粉絲，麵，飯，地獄辣湯/豬骨湯）我隻手掌好大，估唔到虎蝦同我手掌差不多大韓式粉絲冇得輸，好彈牙雖然地獄辣湯先似去咗韓國，但係今日決定清清地揀過豬骨湯，味道真的好清甜，🥘甜辣芝士年糕 $58呢個一定要趁熱食，年糕面上的芝士加上年糕來夾着的芝士 cream 好好味，面上的芝士加上芝士cream又不會硬起一塊。芝士味道濃郁，不鹹不膩🥘牛骨例湯散叫 $12 優質清湯叫做例湯實在有點貶低意思純淨不油膩、肉汁甜味🍹夢幻碟豆花特飲 $22不太甜，食完辣雞最啱飲碟豆花香味，顏色又夠靚不知是否應該叫做色香味俱全😂🍗傳統甜辣味炸雞 $118看上去有點深色，想不到咬落去好juicy，我選了小辣，加上果醬帶有少少甜味，甜甜辣辣好醒胃，味道調得剛好，剩下的醬汁，我還攞芝士年糕點來食

食過幾次佢d炸雞都幾ok，不過我又點會諗到係韓國餐廳食all day breakfast 係咁對版😂其實本身都係貪玩試下，無咩特別期望，點知佢又每樣野都好食，蛋又滑，牛肉包又脆，其他炒菇個d都好食。價錢又唔貴，其實真係好ok！但係就要星期六日先有得食。(果然物以罕為貴🤣)PS：個all day breakfast 有泡菜架，不過我唔食所以走左，其實都幾得意呀，無乜all day breakfast 係會有泡菜。

晚飯時間黎到，入面已經差唔多坐滿，好彩岩岩好有位～整體全部野既份量都好大，價錢又唔貴，性價比好高既韓國菜。🔸芝士部隊雜錦鍋 - 泡菜辣湯一人份量超級足料，泡菜辣湯唔會好辣，容易入口，肉類同時有豬同牛肉，另外有配飯或麵，我就揀左粉絲，份量驚人，兩個人食都覺得多🔸甜辣芝士年糕🔸紫菜粉絲卷芝士年糕口感相比部隊鍋既煙韌，芝士仲拉到絲，魚糕既份量好多，每次食韓國野都一定會叫紫菜粉絲卷，外層炸到好脆🔸鐵板辣醬雞 - 芝士板一上枱好吸引，滿滿既芝士同大量雜菜同雞肉，拉絲效果滿分，芝士味唔算超級濃，所以食落唔會好易膩🔸芝士銀絲煎餅其實姐係芝士薯仔煎餅，芝士同薯仔十分夾，比起泡菜煎餅，我更鍾意薯仔煎餅，煎到外脆內軟，中間會有少少煙韌，不過就有少少多油

即興和朋友去寶琳兜一轉，天氣咁熱，大家都想食啲辣嘢令自己開開胃，第一時間就諗起食韓國菜！中午時段，呢間餐廳已經全場坐滿，睇價錢亦都唔貴，所以我哋毫不猶豫就入咗去食。香葉鹹蛋黃炸雞翼鹹蛋黃香好突出，超級好吃！雞翼皮脆肉嫩，兩個人得5隻唔係好夠分！🤣因為我同我朋友都好鍾意食❤️！芝士岩漿炒飯炒飯帶點微辣，令人醒胃！旁邊的芝士有很多，拉絲的芝士特別令人垂涎三尺🤤！整體味道和口感都不錯，性價比高👍🏻芝士部隊雜錦鍋雖然是一人一鍋，但份量真的是超級多！我特別喜歡他的牛肉，肉質軟䭃，而且仲可以用芝士嚟整韓式撈麵，認真好味！兩個人食咗一個非常豐富的午餐，不用$300已經非常飽足！好抵！😍

個日要去寶林攞野，咁就順便係個邊食個lunch啦～ 搵左一輪就決定試呢間囉～芝士岩漿炒飯 $66男人好掛住呢款炒飯，所以menu見到佢都唔洗點諗就點左佢不過結果有尐失望（無計啦，之前我自己整過，佢覺得好好食XD），一來個量唔係話好多，二黎似撈飯然後就咁加pet芝士，有少少頹頹地咁牛肉石鍋飯 $48正常野咁囉，相有咩就咩魚膏湯 $6咁平唔係唔試啊？不過... “湯底”係雞湯粉滾水，魚膏就正常，不過都唔少流心芝士條 $12呢個雖然唔算得上有驚喜，但唔差，幾好食閃爍藍銀河特飲 $22每次見到呢個都會叫，因為我好少似尐咁重色素既野，但因為我第一次試過就覺得好好飲，但可惜都唔係個回事，而今次呢杯好甜，比起一般既甜好多...橙汁菠蘿梳打 $6有尐artificial,但比咪另一杯好飲真心，好食唔算得試，難食又唔係，我會覺得以呢個價就好似細個讀書去食餐好既農場啊，紅螞蟻啊個種囉～

約朋友去韓閣，朋友話等疫情過咗先，實情係我約佢去"韓閣"餐廳午膳(笑！)。唔知係咪晏晝太肚餓，見到餐牌有咁多嘢食，令到食慾大增餐。餐牌上有不同食物選擇，好似有一人鍋系列、手卷、炸物等等，唔使計加一確係實際。《豆乳味噌帆立貝豚肉鍋》鍋物有珍寶帆立貝、花腩肉片、泡菜牛排餃子、特選魚片、豆腐、雜菜、粉絲。一人分量嘅鍋物基本足夠，帆立貝新鮮肉爽，放在湯中灼得稍為縮小點就撈上來吃就唔會太韌。個人喜歡泡菜牛排餃子，涵內的泡菜本身惹味但唔會太濃烈而覆蓋牛排味道，甚有咬口。《爆脆雞搥(蜜糖芥末醬)》一個字：脆！淋上面嘅蜜糖芥末醬，甜甜辣辣夠特別，咬落去肉汁仍保持到，果真是皮脆肉嫩。《芝士泡菜軟殼蟹手卷》吸引在於芝士淋在手卷上，軟殼蟹唔算脆，但有泡菜令口感豐富。《紫薯奶》原本睇杯嘢以為好滯，但飲落去幾滑而紫薯冇想像中滯，紫色白色混和一起的藝術視覺更係賞心樂事，不錯。食飽飽後，我又再同朋友講，呢間係"韓閣"唔係"韓國"，講完自己都笑。

開咗大半年嘅餐廳到午巿依然坐到密密麻麻，除咗價錢抵之餘質素都唔錯。其實我都自己一個人嚟食過兩次午餐，今次我同兩個同事喺下午茶時間嚟，人少啲，選擇多啲。追加小食：+$12流心芝士條，芝士有啲凝固。午餐：海鮮炒烏冬(大蝦，魷魚圈，魚膏片)，好足料，個醬又惹味，魚膏片好好味。下午茶：必食皇牌茶餐(炸特厚黑毛豬扒拼太陽蛋烏冬/豬骨湯/紫菜粉絲卷)，呢個茶餐咩都有啲好豐富，豬扒外脆內嫩夠厚身。炸雞特餐，蜂蜜牛油味(韓閣炸雞半隻，蟹肉田園沙律，香草薯條)，之前一直想試呢個茶餐，今次終於有機會喇，份量比想像中多，相入面已經少咗一件，雞唔係好嫩，不過唔鞋，味都唔錯，薯條都好食。+$6夢幻蝶豆花特飲熱奶茶+$6凍榛子朱古力凍紅豆奶茶

忽然心血來潮想食韓國野🇰🇷見到呢間韓閣都幾多人推薦，而且價錢都好親民，午市都幾抵食，於是決定試一試佢😆🥘芝士岩漿炒飯 $66呢個炒飯係依度嘅招牌菜✨試過之後果然冇令我失望，飯既外圍比芝士蛋漿包圍住🧀趁熱撈勻都做到啲拉絲效果，炒飯加左泡菜、五花腩肉同洋蔥，食落有啲微辣幾惹味🌶撈埋芝士一齊食口感好豐富，每一啖飯都食到好多芝士，食完都唔會覺得好漏💯🍲海鮮豆腐湯飯 $48呢兩日天氣又凍返啲，飲個湯暖下身先🔥個海鮮湯好足料，配料有蝦、蜆、青口同豆腐🦐飲落有少少辣唔會太鹹，飲完個身即刻暖笠笠☺️

係將軍澳附近行完山，肚餓所以碌左黎個商場搵野食。果日勁凍，突然好想飲泡菜湯，所以揀左呢間韓國餐廳。2個人叫左半份炸雞，紫菜包飯同泡菜湯。頭2樣無乜特別唔多講，個湯係比較濃味既，飲多幾啖可能會覺得少咸，不過幾岩我食。

今晚終於試左屋企附近既韓閣叫左兩個一人鍋，壽司卷同兩客炸物小食落左單之後首先送上兩個打邊爐鍋仔跟住壽司卷炸物好快就送上牛肉壽司，芝士條，黃金帶子都好好味😋食完小食諗住等湯滾就開始打邊爐😋點知係😖😫😑既開始...等左25分鐘個鍋都未滾起過...完全唔係可以打到邊爐既火...一輪唔順利既過程...叫左兩個一人鍋只有一個鍋先用到黎滾熟食物另一個鍋係全程冇滾起過...求求其其地熟熟地就食如果唔係10點都未食完...雖然一人鍋過程十分唔順利但係有兩個特別貼心既灰衫男仔好好一個係高大黑頭髮冇帶眼鏡佢特別問左幾次個火得唔得有留意住我地個鍋滾起未有幫我地換過火種又好主動幫忙同埋講左幾次唔好意思另一個係冇噤高大黑頭髮有帶眼鏡佢都有特別留意我地個湯幾時滾同埋主動去換左一個特別火種比我地就係佢呢個特別換過黎既火有一個鍋先可以滾起到就係因為呢兩個灰衫哥哥就算幾無奈都真係投訴唔落😅食物味道唔錯會再番黎食野下次會試其他野😅 唔會再叫鍋

芝士銀絲煎餅 hkd 72本身想叫泡菜煎餅但冇哂, 就試下芝士銀絲煎餅, 其實姐係芝士薯仔煎餅。煎餅煎到外脆內軟, 薯仔配上芝士超夾, 而且呢個煎餅食多幾舊都唔會覺得好油膩, 超好食!紫菜粉絲卷 hkd 8上湯泡菜餃hkd 12餐廳做緊優惠主餐牌點餐可以以優惠價加小食, 好多款式, 最平$6咋。我地叫左紫菜粉絲卷, 有4件, 炸得超脆, 好抵食!  上湯泡菜餃都好出色, 好Juicy, 值得一試。甜辣年糕泡麵跟餃子 hkd 65呢個超大份好足料, 有年糕、魚糕、炸餃子、雞蛋同泡麵, 不過味道就較普通, 如果辣D就更好。

《 意想不到嘅韓式炒飯 🇰🇷》近日因為要出去工作，實在無時間慢慢揀餐廳，唯有邊間快就去邊間啦。咦，估唔到咁匆忙都食到好野喎～🍳泡菜五花腩片拼太陽雙蛋 $54炒飯飯底表現幾好，加左少少韓式辣醬拌炒，每粒飯粒都有好好吸收到醬汁，夠曬入味。五花腩亦都香脆入味，咬開後鹹香嘅油花四溢，好正。配太陽蛋真係錦上添花，配加蛋香花更令人食指大動，太吸引啦。整個套戲除左飯仲送個前菜同牛骨清湯，性價比極高，抵食！

今日返將軍澳行街，知道終於可以4人同枱，緊係帶埋2個出去食飯喇。咁耐冇出街食好西，知道開左間韓國食品，緊係要黎打下卡。Tea既時間一大2細食lunch，本來都以為只可以叫飯食或者小食，入到去發現原來有火鍋食，仲要係一人鍋，真係岩晒我自己自私食。點知俾大果個見到有蟹鍋，佢鐘意食貝殼類，咁做大就讓下佢，叫左個蟹將軍俾佢，細果個就叫左個兒童餐，我就叫左韓式小食拼盤，覺得大果個未必食得晒一個火鍋。點知睇少左一個發育中既小朋友胃口，最後我要叫多個韓國牛肉拌飯先夠飽🤣🤣點解我咁講？因為蟹將軍入邊係有粉絲跟（仲可以選擇烏冬），仲有魚片，特長皇帝蟹柳同菜，正常應該夠食，但係今次因為佢鐘意我仲加多份蜆同肥牛俾佢食，都食晒，以後食物都係要預多小小先夠。唔好以為蟹仔細細就冇肉食，其實都有，D肉同蜆仲好鮮甜好好味。皇帝蟹柳又大又長，啖啖肉，仲俾左細果個食，食到想再添，而我就食左入邊跟埋既蟹膏醬，加埋入粉絲食，真係好正，成個層次升晒。細果個既兒童餐就好大份，有牛肉壽司、魚餅、超巨型豬肉粉絲餃，同埋小朋友最愛既香噴噴薯條，細細就一定食唔哂，唯有叫大果個幫手食，薯條熱辣辣，應該係即炸，夠晒新鮮滾熱辣。韓式小食拼盤，