韓米 (東廣場)

營業中

休息中

臨近聖誕好多party要開😆今日係觀塘book左partyroom同朋友玩所以就係附近到買左啲外賣上鬼食😍呢間韓米係觀塘東廣場到都排長龍好多人買原來老闆娘係真韓國人黎架🤩佢識少少廣東話仲超級nice🎄🎄我地就試左佢嘅幾款紫菜包飯💖-🐮牛肉紫菜卷 $48🐷豬肉紫菜卷 $48🥩五花腩紫菜卷 $58🧀芝士牛肉紫菜卷 $58叫左四款 貪佢易分同埋衛生👍🏻👏🏻四款都好好味😋牛肉同芝士牛肉都正宗豬肉就有少少辣五花腩舊肉就好厚😍

💖近排好掛住韓國菜🇰🇷，見到觀塘呢間外賣店🥡賣嘅全部都係經典韓國美食，即刻決定買返去試下🤤！除左單點仲有午餐set，更抵食，啱曬附近上班族🧑‍💼。1⃣️韓式拌飯（牛肉）🐂 $58💖職員推薦嘅果然無介紹錯！配料好豐富，有牛肉、 翠玉瓜、冬菇、芽菜、泡菜、雞蛋絲同紫菜，其中牛肉甜甜地好香嫩，泡菜辣得嚟幾惹味，雞蛋絲有咬口；飯粒飽滿圓潤好好咬，一大碗份量十足🙌🏻！2⃣️牛肉紫菜卷🌯 $48💖推薦！紫菜卷飯粒飽滿，我攞到番屋企擺左陣濕潤度仲好好🤤。除左軟糯嘅牛肉仲有醃黃瓜、蛋絲、青瓜、蘿蔔絲等，餡多飯少咬落大滿足，出面嘅芝麻油又香。做正餐小食或者帶去picnic🧺都正！3⃣️韓式炒年糕🍚 $48💖又係經典嘅韓國街頭小食，份量比想像之中飽肚，煙靭帶米香嘅年糕軟硬度適中，口感比較彈牙🦷，配上辣嘅醬汁冬天食好正！另外仲有Q彈嘅魚餅，索曬啲醬汁好香口。💖另外食左佢地嘅小菜醃蘿蔔，酸香開胃，好下飯。下次想試埋店員推薦嘅五花腩🐷！

觀塘東廣場一直都係觀塘嘅一個搵食天堂, 最近韓米竟然都係呢度開咗外賣店分店, 可以隨時黎食紫菜卷飯啦! 除咗紫菜卷飯, 仲有其他選擇, 炸雞, 炒年糕, 拌飯、便當小食都有, 多人食仲可叫多人份量嘅到會開party, 價錢都唔貴, 人均都係$130-$150左右!醬汁無骨炸雞(8件) - $98我叫咗一份8件韓式醬汁無骨炸雞, 佢地自家製嘅辣醬好正, 帶少少甜味, 唔算好辣。沿途攞返屋企嘅時候一路聞到香噴噴, 炸皮好酥脆, 一啲都唔厚粉, 雞肉亦都好滑溜, 而且啖啖肉, 又有肉汁, 幾惹味! 牛肉紫菜卷$48除咗炸雞之外，我亦都叫咗佢哋嘅紫菜飯卷, 飯卷真係好味！牛肉紫菜卷望落非常足料, 貌相一流, 牛肉多汁, 多餡少飯, 又有紅蘿蔔絲, 醃蘿蔔, 蛋絲, 青瓜等, 一條有八件, 大滿足, 係高質足料飯卷。泡菜煎餅- $38煎餅都係多餡, 而且都大大件, 食落唔太辣, 值得試下嘅小食。前菜$10/款仲有多款前菜, 老闆話係佢地自家醃製的, 有醃酸蘿蔔, 醃甜嘅蓮藕, 泡菜, 醃辣蘿蔔條, 我哋就揀醃辣蘿蔔條, 好有韓國泡菜既味道, 佢既辣度係同係韓國食到既辣度好接近, 仲有一樽樽大樽

阿妹話呢一間紫菜飯卷正，收工就買個炸蝦紫菜卷返去同佢分享。.炸蝦個炸蝦皮好薄，紫菜好香唔會好淋，$58都幾多卷，我阿妹share都完全夠食，除咗蝦之外，裏面都有好多蔬菜，例如紅蘿蔔🥕、青瓜、日式小黃瓜等等，成件事balance得好好，可以Encore。.韓式炒粉絲就炒得好乾爽，上面有一堆蛋絲、黑木耳，紅蘿蔔絲等等，最近天氣凍，攞到返屋企凍咗少少，但係都仲好食，帶頗重胡椒香氣。.另外佢哋嘅雞翼都非常不錯，size都幾大，外皮脆脆香香，同阿妹一人兩隻感覺意猶未盡

供應多款韓式家庭菜，如芝士蛋捲、泡菜煎餅、韓式紫菜飯捲等，部份小食更加為每日限量供應！小店的紫菜卷飯有好多款口味，包括芝士、牛肉、烤豬肉等等，每件人手即包，有齊多款配料，用料好足㗎！點了芝士牛肉紫菜飯卷😍芝士味完全加哂分呀🤭每舊都好大舊，好扎實好滿足😜韓烤牛肉拌飯😝同埋韓烤豬肉拌飯，韓式涼拌菠菜、大豆芽、紅蘿蔔、白蘿蔔切成細絲製成韓式涼拌小菜，加入韓式辣醬，重點是烤牛肉，好香口喔😚而豬肉，亦都唔輸蝕，好香嘅泡菜味，完全相當送飯喔♥️原來呢度仲有韓式晚餐，下次要試埋先，因為有前菜又有湯又有飲品，再加埋拌飯或者紫菜卷，選擇困難症嘅我相當之適合♥️

多餡少飯高質足料飯卷～～～媽咪唔得閒煮飯，今日就喺屋企附近買個外賣自己食。～～～呢間新開左唔係好耐嘅韓國料理見到都幾多人買，襯媽咪去打牌，冇人管住我唔俾我食熱氣嘢，即刻揀番個炸雞try try。～～～8件韓式原味無骨炸雞，配搭佢哋自家製嘅🍅辣茄醬，沿途攞返屋企嘅時候一路聞到香噴噴，返到屋企咬落去果然冇令我失望，炸皮好酥脆，雞肉亦都好滑溜，而且啖啖肉，好正，下次等媽咪冇打麻雀嘅時候買返去俾佢試吓。～～～除咗炸雞之外，我亦都叫咗佢哋嘅紫菜飯卷，芝士豬肉紫菜卷望落非常足料，貌相一流，芝士味道香濃，配搭入味嘅豬肉，多餡少飯，滿足。～～～韓米 (觀塘)觀塘成業街7號東廣場地下G53A號舖

韓國既街頭小食都非常美味✨及多款式，韓式炸雞🍗、炒年糕、紫菜飯卷等等，我都非常鐘意食，觀塘東廣場既「韓米」就有齊我想食既韓式美食😋，放工可以買返屋企慢慢食。牛肉紫菜卷🐮$48紫菜卷材料豐富，牛肉夠香，口感豐富👏🏻，而且份量夠多，一條長長既飯卷，食一條已經飽曬。豬肉紫菜卷🐷$48另外豬肉紫菜卷同樣好味，豬肉更加有咬口。炒粉絲$48炒粉絲係我最愛韓式食品之一，粉絲炒得乾多唔油膩✨，簡單既配菜已經好好味😋。魚餅湯$20最後魚餅湯湯底清甜好味，不同類型既魚糕都有，彈牙好味，十分抵食。

芝士牛肉紫菜卷🧀🥩本身係芝士愛好者 所以揀牛肉紫菜卷既時候都揀左有芝士既～😍成份芝士牛肉紫菜卷令我喜出望外！芝士同牛肉同飯既比例岩岩好 入口每一啖都食到牛既香 而且每件飯卷切開既厚薄都好均勻👍🏼韓式炒粉絲🇰🇷平時食既韓式炒粉絲會有麻油既香味 呢一間除左麻油既香味之外 仲有黑椒味可以令到成個炒粉絲既味道昇華～💯粉絲既份量一d都唔吝嗇～真係多到可以兩個人一齊食都可以！讚讚 推介🤗原味無骨雞🐔即炸既無骨雞 就算外賣食都好熱辣辣～雞肉十分嫩滑同入味 炸得好脆口👍🏼鍾意食辣既可以加個特色醬 但我覺得就咁食原味都已經好出色💯泡菜🌶️前菜揀左泡菜 好有韓國泡菜既味道 因為佢既辣度係同係韓國食到既辣度好接近～鍾意食辣泡菜既朋友都一定要試呀😃整體來講食物既質素都係性價比高👍🏼地點都好方便 好適合下晝外賣返公司食或者放工買返屋企做晚餐！店員服務都好好 會用心推介♥️係會令人回頭一食再食既靚靚裝修韓式外賣店～韓米 (觀塘)觀塘成業街7號東廣場地下G53A號舖

觀塘東廣場係觀塘嘅一個美食天堂，最近韓米竟然喺度開咗分店🥰可以隨時黎食紫菜卷飯啦🥰🥰芝士豬肉紫菜卷（$58）份量好多，一個人食應該好好夠飽。我豬肉味道有少少辣，食落幾惹味韮菜煎餅（$38）韭菜煎餅煎得好香口好味，麵粉唔會好多，值得一試魚餅湯（$20）最近天氣凍想飲啲熱湯，呢個魚餅湯加咗黑胡椒，好啱冬天食雲呢拿奶（$13）本身想叫香蕉奶，但店員話返咗呢隻辛未而且冇香蕉奶咁甜，所以試下，味道真係冇咁甜，所以比較健康嘅人士飲呢間外賣店仲好細心，知我嗌咗個湯，特登幫我個外賣擺得好整齊，咁拎返屋企途中就唔會都溢出

喺觀塘東廣場發現咗一間應該係新開嘅韓式外賣店見到佢啲飯卷好吸引，價錢都唔貴之後我哋就揀咗個二人套餐C韓式拌飯套餐$198，份量都唔少，而且有好多款熱門產品，因為想飲魚糕湯，所以就揀咗呢個餐二人餐加埋都唔使$200 ，性價比都算幾高💟魚糕湯$20套餐有兩碗，不過本身以為係韓式小食嗰種魚板，佢就比較似普通魚蛋，不過佢湯底加咗少少胡椒，但係有少少辣味，一飲成個人都暖晒，好適合冬天飲💟牛肉紫菜卷$48飯卷好味！我哋今次揀咗牛肉紫菜卷，一條有八舊，遲啲買去野餐都好方便！💟韓式拌飯（牛肉）$58分量比想像中大碗，相信女仔兩至三個人share都會夠飽💟原味雞翼（4隻）$42雞翼即叫即炸，原味嘅都俾咗茄汁，咬落Juicy💟前菜$10/款前菜四選二，我哋就揀咗泡菜同白蘿蔔，兩款都唔錯，白蘿蔔無澀味，亦唔會過分酸💟飲品$10/款我地就揀咗梨汁🍐同提子汁🍇， 2款中間都有果肉，少少偏甜，不過好特別，可以一試！佢哋仲有啲到會套餐，價錢都唔貴，人均都係$130-$150左右，下次開party都可以試吓！

東廣場新開韓食外賣店，個人鍾意食紫菜卷，所以揀左2款食🤤 揀食咩嘅時候，店員好好咁會問想食咩類型，食唔食辣咁👍🏻 除左紫菜卷，仲有其他選擇，拌飯、便當小食都有～🥢 芝士牛肉紫菜卷 $58份量十足！芝士、牛肉、蛋絲、紅蘿蔔絲、醃蘿蔔、青瓜，樣樣有，成條紫菜卷超飽滿☺️✨ 牛肉味幾香，咬入口都juicy！👍🏻🥢 五花腩紫菜卷 $58同樣份量十足，燒汁幾好味，有五花腩同時其實有好多蔬菜，唔駛怕會油膩～🙆🏻‍♀️🥢 魚餅湯 $20天氣涼所以都加多個魚餅湯，暖粒粒！有成4樣魚餅，所以$20都幾抵～ 🥢 香蕉奶 $13另外私心加多左包香蕉奶嚟飲😁 另外都仲有啲韓國罐裝果汁可以揀！覺得整體都唔錯，性價比都算高，觀塘返工嘅去買個紫菜卷食應該都好足夠👍🏻 多個外賣選擇👍🏻

提供多款韓國菜式，質素好有驚喜，款款菜式都食得津津有味，很滿意，絕對值得一試！☺️ 屯門同柴灣都有分店 食物即叫即製，份量多，價錢合理，性價比高，店員服務態度好👍🏻 觀塘上班人士必收藏！ 晚市二人消費：$144 🫧不設加一服務費🫧═ ═ ═ ═ ═ ═ ═ ═💖💖💖食評💖💖韓式拌飯(牛肉) ($58)✨大量配料😚 有牛肉、冬菇、泡菜、翠肉瓜、芽菜、紫菜、蛋絲好味又飽肚之選😚 攪拌在一起吃，口感層次豐富，泡菜味道突出，好滿足😍炒粉絲 ($48)✨大力推薦！好好味😋 將用一個小外賣盒裝起，其實份量非常多，絕對夠二人食用！香濃惹味，配上豐富配菜 有豬肉片、香蔥、黑木耳、紅蘿蔔絲、洋蔥、蛋絲、黑椒，啖啖滋味😋 口感味道一流，好飽肚🤤👍🏻 外賣回家仍是熱騰騰 （這菜式屬於小食類別，份量也太多了吧😂👍🏻）泡菜煎餅 ($38/4塊)✨有驚喜！看上去平平無奇，其實好好味！酸酸辣辣好惹味，口感軟糯有咬口😋（P.S. 拎住外賣回家一路聞到外賣盒傳出十分香濃的泡菜味，太誇張了😂）

中午剛運動完買外賣公司用噢⋯⋯ 新店 唔係唔試呀嘛店員推介 皇牌《芝士牛肉紫菜包飯》心中牛魔王的呼喚 在腦中盤旋一咬～～肉汁～～在口腔內盪漾 充滿牛肉味 滲出淡淡的甜 但也沒有把紫菜與芝士嘅咸味都掩蓋其他的蔬菜也為飯卷帶嚟清脆的口感當第一件進入食道后 立馬要續下一件佢另推《芝士泡菜豬肉》👋🏼👋🏼下次啦