影片
開飯介紹
'韓珍' -直譯的意思為“韓國真正的味道”，提供優質的韓國燒烤。 亦是韓國肉店，提供優質肉類，專營熟成牛肉。
繼續閱讀
附加資料
用餐限時120分鐘
營業時間
今日營業
11:00 - 15:30
17:30 - 23:00
星期一至日
11:00 - 15:30
17:30 - 23:00
以上資料只供參考, 請與餐廳確認詳情
有關獎賞計劃
相關文章
上星期朋友訂咗VIP房慶生。前菜有四款，但都係唔好食，尤其係個泡菜，辣醬魷魚還可以。一嚟個阿姐過嚟同我哋落單，sell我地自家製沙冰，話係新鮮手打，我哋就叫咗兩杯，冇錯呀，真係新鮮手打，不過係用甜到漏嘅士多啤梨糖漿，面頭加忌廉（張相有），冇吹水飲咗兩啖轉叫可樂。。。同樣佢有Sell我哋咩糖醋肉同呠呠雞（唔知個名有冇叫錯），嚟到係分開嘅炸肉同糖酸汁（九成似咕嚕肉），個雞係炸雞加炸蒜撈埋，其實係可以嘅，唔算好食，但未叫難食。不過我哋笑話點解係中菜，或者我哋孤陋寡聞？個炸蛋疏乎厘平平無奇，似係焗咗嘅蒸蛋。但薯餅同牛肋骨湯唔錯係好食嘅。跟住叫了最貴嘅牛猪燒肉套餐，首先豬肉，阿姐燒到塊皮好韌，唔係好咬得開。牛話係熟成牛，但係冇之前食開嘅韓牛嘅牛肉味。。。花姐同店員燒嘅時候燒得唔夠香脆，舊肉超級腍。。。食到呢一轉烤肉都已經開始唔係太想食，唔係食唔落，係真係唔好食。。。明白房間有最低消費嘅，但阿姐中間至少睇過兩三次話我哋未夠數。。。我哋最後嗌咗個套餐打包砌夠左最低消費就算。呢間嘢冇下次了。今時今日香港做飲食都已經唔容易，但係呢個價sorry 對唔住個食物同埋服務質素，真係幾趕客。另外睇到好多評論都以五星居多，係我唔好彩？大家請三思。
繼續閱讀
I got attracted by so many happy faces in the rating of the restaurant. However, the food is completelu disappointed. Their service is ok and the area is ok. But the food is just not Korean food. I guess they are using Chinese way or some other culture to make the food.We ordered a Korean pancake. If no sauce, the pancake is tasteless. Not to mention sauce is a wrong match as well.We have also ordered a pork belly + lettuce wrap. Lettuce came in slices. So there is no way we can wrap the pork belly using lettuce. The pork belly was way overcooked in soy sauce. Overall, the food is not traditional Korean style. From the comments of other people, I guess the team has changed or so to other chef.
繼續閱讀
好耐無去韓國玩,朋友知我恨食韓國野,就帶左我來呢間走型格暗黑風既韓國料理餐廳,佔據一整層,地方好闊落,好多好大張既卡位,坐得好舒服,石面既枱好高級,仲好乾淨,係度食野好正呢度既前菜有泡菜,芽菜,八爪魚,蝦乾,醃洋蔥蘿蔔,酸酸地,咸咸地又甜甜地,食起來好開胃☆ 醬油蟹配牛油飯隻蟹好大隻好新鮮,拎出來爆哂膏,蟹肉嫩滑鮮甜,食唔到腥味,調味岩岩好唔會好咸,牛油飯鋪滿紫菜,放左隻蛋黃,攪勻加埋D蟹肉,蟹蓋入面既蟹膏一齊食好好味食☆ 韓式薯仔煎餅煎餅好大塊,外層微微焦香,薄身香脆,口感紮實,拌碟附有秘制醬汁,食個時沾來食幾好味☆ 海鮮嫩豆腐湯個湯好足料,有好多好滑既豆腐,蝦,魷魚同蜆等等,都好新鮮爽口,有少少辣,但又唔係好辣,加D湯落個飯食好好味☆ 紅豆麻糬刨冰刨冰份量好多,口感似雪花滑溜,頂上面鋪滿好甜既紅豆同煙韌既麻糬,同埋加左煉奶,食起來甜甜地,又唔會好漏,真係幾好食☆ 香蕉燕麥脆脆飲到淡淡既香蕉味,唔會好甜,沙冰上鋪滿燕麥脆脆,一邊食一邊飲好好味☆ 薄荷椰子沙冰椰子味道香濃,配上淡淡既薄荷,味道好清新唔會飲到好漏,真係幾好飲
繼續閱讀
喜歡吃韓國菜的朋友，相信對位於尖沙咀寶勒巷的樓上餐廳「韓珍」並不陌生，餐廳開業多了，主打韓燒及地道韓式料理，地方環境超寬敞，食韓燒設有無煙韓燒爐頭，食完唔會成身油煙，而韓式料理非常地道正宗，醬油蟹、牛骨湯、海鮮煎餅和醬包肉等等，都是必食之選👍▪️醬油蟹 $ 348必食之選，醬油蟹超巨型大隻，蟹膏蟹肉非常鮮甜，蟹蓋好多膏多膏，加左韓式醬油及芝麻好好味，蟹膏再配上紫菜蛋黃醬油飯一齊食，味道超香濃好好食，瞬間秒清▪️韓式菜包肉 $ 230醬包肉超級軟腍又入味，半肥瘦狀態，入口即化，味道帶醬油的甜香，配上泡菜和新鮮蔬菜 沙律，可平衡油膩感▪️韓式薯仔煎餅 $ 98薯仔餅煎得香口又香脆，外層香脆內裏薯仔軟腍腍充滿薯香，加上煙肉、芝士和香蔥，超級好食▪️牛肋骨湯 $ 138店員介紹湯頭用牛骨熬製10幾個鐘，呈奶白色牛味超濃，而且有多件軟腍嘅牛肋骨，味道就是牛的原汁原味，而且底部放滿粉絲，吸收了牛骨湯嘅味道，超好食，另配有白飯夠晒飽肚▪️芒果益力多刨冰 $ 98軟綿綿的刨冰充滿芒果和益力多的味道，綿密香甜，刨冰上再加上芒果醬和新鮮士多啤梨，口感豐富，仲有味道特別嘅益力多雪糕，甜品控表示很喜歡👍
繼續閱讀
韓珍 喺尖沙咀屹立多年，連G-Dragon都幫襯過,所以係一間我好有情意結嘅韓燒餐廳! 呢晚有d掛住韓國菜🇰🇷，就去韓珍回味一番!去到先發現原來韓珍開咗新品牌—主打韓式中餐嘅BONGRU ，兩間餐廳相連，所以喺韓珍既可以燒肉又可以散點BONGRU嘅菜式😋(調返轉，BONGRU冇燒烤盤，所以不設韓燒，但環境就更加幽靜，更加適合靜靜傾計)由於BONGRU嘅韓式中菜太吸引，所以我哋臨時決定散點，試多d菜式!一坐低，店員就熱情地送上5款前菜，包括:八爪魚、蝦乾、芽菜、泡菜，味道地道，而且跟足韓國，可以無限refill!醬油蟹($348)好耐冇食過醬油蟹啦！開心!用咗餐廳特製嘅醬油、酒簡單調味，蟹肉入味之餘又唔會過鹹，反而帶岀鮮味，蟹膏都好多，配麻油紫菜飯好夾！好食到想添飯呢!韓式菜包肉($230)包肉烤至香脆金黃，同泡菜、生菜絲一齊食,既減低膩感，又令味道更加豐富!跟住我哋點咗兩款BONGRU嘅招牌:韓式蝦多士($88)即點即炸，上枱時仲係熱騰騰，入口香脆鬆化，毫無油益味，多士夾住彈牙嘅蝦膠，口感十足!韓式糖醋肉($158)呢碟糖醋肉份量好誇張😱😱😱成碗裝得滿滿，呢個價錢抵食到癲😨原來韓式糖醋肉嘅糖醋醬汁會另上，而且比中式嘅版本杰身同較酸!豬里脊肉炸至薄脆，再逐條蘸醬汁，每件都被酸酸甜甜嘅糖醋汁包圍，同時唔會影響脆炸嘅口感。睇韓國節目🇰🇷，韓國人食糖醋肉通常都會配返碗炸醬麵，聽講BONGRU嘅炸醬麵都係招牌，可惜呢次太飽，唯有下次再試吓!紅豆麻糬刨冰($108)一餐飯冇甜品硬係覺得爭咗啲嘢。呢度供應刨冰及韓式手作雪糕，揀咗紅豆刨冰Bingsu! 刨冰好滑冇冰感，舖滿黃豆粉、杏仁片、紅豆醬及煉奶，甜度啱啱好! 麻糬細細粒，不過始終直接放上冰度，食到後期就會變硬，稍為影響口感!
繼續閱讀
您可能會有興趣的...