韓珍園

營業中

休息中

我和老公兩個人星期六路過Vcity晚餐，第一次食，見有座位就入內試吓，當時明明有吉枱，但店員仍然要客人搭枱，位置較為狹窄落單叫了一個蒲燒饅魚傳統蒸飯，和一個牛肋骨湯定食前菜每人只有兩小碟，份量很少，餸亦不多，味道一般，而且飯量很少，而且偏硬偏乾，鍋底痴底令飯量更少，應該蒸左好耐男士食完投訴完全唔夠飽，結果我們要再去其他地方食糖水和買宵夜一向愛食韓國菜但非常失望，對我來說都算是食過最差的韓國餐廳試一次不會再幫襯

唔知由幾時開始，屯門嘅韓式餐廳就愈黎愈少。見到呢間韓國菜係Vcity新開，又被IG Foodie 推薦，就係下午茶時間黎試一試。烤牛肉傳統蒸飯 $68從來冇食過韓式蒸飯，多數都只係食開石鍋飯，亦都唔知道蒸飯真實嘅味道應該係點。嚟到賣相唔錯，蒸飯配上韓式小菜、湯、醬汁。但湯飲落口完全唔知道係咩味，只係得鹹味，你話佢似海帶湯又唔太似，昆布湯都唔似，感覺似醬油湯😓。有炒牛肉鋪面，下層就有南瓜、豆角、薯仔。蒸飯配上醬汁比你隨個人喜好加落個飯度，本身炒牛肉都帶有麻油味幾香，整體不過不失，冇乜特別。個人真係第一次食韓式蒸飯，亦都唔知道傳統嘅做法應該係點。個飯食落口第一個感覺係，好濕，軟飯。自己喜歡食粒粒分明嘅飯，加入咗醬汁之後，蒸飯只會變得更濕，食到底層已經似係食韓式粥🫠。呢個蒸飯同幻想中，軟熟口感有唔同。如果鍾意食乾爽軟熟嘅飯，咁你就要留意，可能選擇其他餐點會更適合你。

二人食，分別叫咗一個清燉牛肉湯同豆腐湯，先講清燉牛肉湯得個兩粒牛肉 大佬呀尖沙咀韓國嘢價錢 但份量絕對不可相提，味道更加唔使講，垃圾，衰過自己煮公仔麵🙄🙄🙄🙄🙄 牛肉份量真係用「粒」黎形容 差 好差，味道無層次。豆腐湯唔知點解可以咁難食，同對面牛x燒肉比嘅豆腐湯又細份，味道更不值一提，仲有個飯唔係正常嘅飯焦，佢個飯係未熟透，變咗係一個痴牙嘅燶咗嘅飯，唔識整就正正常常比個白飯啦大佬，懶係多花神 又整得唔好👎🏻仲有拎餐具嘅櫃要用九牛二虎之力先開到🙄

諗住新開張，所以同朋友就去一齊試吓我哋係佢一開門就入去坐低用手機落單，先發現有好多係售罄叫定食套餐係唔包嘢飲，唔化算😓朋友叫咗個部隊鍋，湯底比較淡只係得火腿，茄汁豆，午餐肉，香腸，少少菜，年糕都無😥份量唔多，朋友食完只係覺得半飽我原本想食牛肋湯定食，但售罄但係叫牛肋湯蒸飯就有，好奇怪🤔份牛肋骨¼都係骨，只有一點點係肉所以我食完都係得半飽🫠整體嚟講，如果男人當中午飯會吳飽反而見到隔籬枱點咗一盤炸雞，賣相都幾好，份量都ok下次再去試嘅話，一定唔會再嗌套餐囉反而會試吓佢啲炸雞，不過諗到食炸雞冇套餐冇嘢飲，又好似唔抵食😕

炸雞味道不錯，其它就...新開，走去試下，一心諗住食Jjamppong，坐低自行掃QR Code落單，手機畫面Jjamppong標示售罄？！Jajangmyeon亦標示售罄？！吓，無麵食？！牛肋骨湯十分淡，定食入面嘅大豆芽、泡菜、撈飯醬油同個有料嘅飯都OK，但係個靈魂～牛肋骨湯no good，兩舊白蘿蔔都唔想食海鮮嫩豆腐湯同樣淡，雖然有辣味但無預期中嘅調味，海鮮有細細粒嘅雪藏(?)魷魚蝦蜆肉，可讚係豆腐夠嫩份量又都夠，定食入面嘅大豆芽、泡菜、撈飯醬油同個有料嘅飯都OK，但係個靈魂～湯no good蒜香奶油醬炸雞～雞嫩滑，有配炸芝士棒同炸年糕，醬淋喺上面，三樣嘢點埋醬係正，味道不錯，不過跟餐沙律no good，韓國係椰菜絲上面淋一堆茄汁係沙律！？茄汁仲唔少，淋白色沙律醬或千島醬或胡麻醬或少少沙律醋等對我嚟講都OK，一堆茄汁就都唔想食，勉強食咗幾條椰菜絲總結嚟講，回頭率就一般

應該開咗兩三個禮拜左右，見都多人入去食就諗住試吓啦。入到店裏面見每台都係食蒸飯，就係冇人食炸雞。咁我都點咗一份原味炸雞試下，啲雞份量係多嘅，但就唔係好Juicy囉，原味炸雞又咩汁都冇跟，我覺得自己喺度乾啃，食得好辛苦。點餐嗰張圖明明有三碟嘢，但係最細嗰碟又話唔跟嘅，店員都唔知果碟咩嚟。明明佢話係餐，但係又唔跟嘢飲要另外加錢，食食下覺得肯德基都好食過佢，最後都係冇食晒。奉勸大家都係唔好點炸雞，試其他餐吧

屯門V city新開韓國菜同朋友嗌咗幾樣share蒜香奶油醬炸雞餐 $128望到成盤炸雞 已經莫名地覺得有種開心😂除咗炸雞仲有炸年糕 好豐盛炸雞炸得好香脆 入面嘅雞肉又好juicy蒜香奶油醬絕對係畫龍點睛 蒜味再加淡淡奶香味 好夾好好味耶仲配咗一個沙律解吓膩韓式炸醬麵 $78麵身食落好彈牙 而炸醬份量都幾多 好香好濃郁撈埋食唔錯耶調味牛肋骨傳統蒸飯 $78第一次食韓國菜嘅蒸飯牛肋骨炆得好淋 肉味好香仲跟咗一個湯炸雞好味 而且價錢合理

❀ 韓珍園 #屯門 ❀❗屯門新開傳統韓式料理 醬油蝦及炸雞超抵食❗——————————————————千里迢迢入到屯門V city食呢間新開張嘅傳統韓式料理，冇諗過剛剛開張一星期已經坐爆滿，當時仲有新開張送炸雞優惠添🥳餐廳主打韓式中華料理，有唔少款式嘅蒸飯選擇，感覺就似日式蓋飯x 韓式味道，平時較為少見😙.✷𝑀𝑒𝓃𝓊✷☞ 調味牛肋骨傳統蒸飯 $78 (3.7/5)挑選咗牛肋骨口味，牛肋條份量就唔算好多，不過去咗切條幾軟腍，而且夠入味👌🏻蒸飯用上唔少健康食材，包括南瓜、蘿蔔粒，加埋秘製醬油，有溫暖家庭菜嘅感覺。另外亦附上泡菜及海帶湯。.☞ 醬油蝦配紫菜飯 $88 (4/5)係我見過最抵食嘅醬油蝦🦐$88有三大條醬油蝦，而且夠晒入味，蝦肉又爽口。同樣係蒸飯，不過今次就加埋紫菜，更加香口😚想食平平哋嘅醬油蝦過下口癮不妨試吓呢一間。.☞ 蒜香奶油醬炸雞餐 $128 (3.8/5)炸雞都非常抵食🤩份量十分多，有齊炸雞髀、雞翼，仲要有芝士條及年糕。炸雞香脆口唔刮口，雞肉都算幾嫩滑。至於蒜香奶油醬就正常發揮，有啲似普通沙律醬，不過呢個價錢嚟講都算唔錯😋——————————————————✨整體味道:

見Vcity開咗新嘅韓式餐廳即刻諗住去食吓kimbap !!! 點知5點幾去到已經話售罄了😿😿可能新開張備料個啲未係好充足或者人手未足夠，但都諗住試吓新餐廳🫧嗌咗個下午茶套餐有海鮮辛拉麵同炸雞，呢個味道算係最足夠的，辛拉麵都唔會太辣炸雞就正常小食水準～但定食水平真係非常麻麻(｡ ́︿ ̀｡)嗌咗牛肋骨湯同豆腐海鮮鍋，調味都係非常～～～清淡，牛肋骨湯相比之下算清甜少少但入面嘅蘿蔔硬到連筷子都吉唔入🪨豆腐海鮮湯都有蜆花枝等海鮮，但味道真係同差強人意🥲好似清湯豆腐帶少少辣味食完出嚟見好多人等位，應該都係見新開，但對我嚟講就冇next time ☹︎

要炸雞冇炸雞，要炸醬麵冇炸醬麵，我夜晚八點幾嚟食飯，唔會預你乜都冇囉，甜品又冇你賣咩啊？你搵我食部隊鍋，食垃圾食物啊頂你，happy Friday 你百無 叫餐叫到我全家女人著晒火 你都得架喇你問佢哋牛肋條點解冇條骨嘅嗰碟嘢成個牛肉飯咁㗎咋喎，個女侍應係答唔到你叫你直接問隔籬嗰個呢勁冇禮貌泡菜味道OK雞肉量極少牛肋條量少得五條白飯濕到喊條女侍應上飯都搞笑叫咗三次大人嗰邊上飯佢去細路嗰邊度上咩啊？駁熱水淥面啊。醬油蝦，得個鹹字啲肉入邊冇味唔入味嘅味道一般份量又細，唔夠大人飽香港作為曾經嘅美食天堂俾件咁嘅垃圾上枱面搞到我要唔寫食評既 特登上嚟分享祝你生意順利人氣沸騰個個紅光滿面

【今個月新開韓國菜·多款自家料理🩵🇰🇷】/////香港有多間傳統新式口味嘅韓國菜小店😍新到連Openrice都未搵到㗎🤫佢哋主打韓式中華料理 傳統蒸飯等等美食 就連平時食嘅年糕口感都有啲分別 ♪(´ε｀ ).👉🏻蒲燒鰻魚傳統蒸飯 ($78)附上泡菜同芽菜 海帶湯 鰻魚魚肉滑嫩帶芝麻香 有南瓜 青豆 蘑菇配料 食到最底仲有飯焦 好似煲仔飯🤤.👉🏻蜜汁豉油炸雞餐 ($118)醬汁鹹甜平衡恰到好處 炸雞份量適中 年糕較厚身實淨 芝士條介乎煙韌脆身口感😼.👉🏻韓式糖醋肉 ($88)菜式似中式咕嚕肉🤣外皮炸得酥脆 加上菠蘿 整體酸酸甜甜～.👉🏻朱古力旋風沙冰 ($38)👉🏻絲絨草莓沙冰 ($38)沙冰質感方面 草莓比朱古力略勝一籌 維持得更長時間 可以品嚐到草莓味 但鮮果味需要再重啲 朱古力攪拌後 味道濃郁自然😁

屯門Vcity新開韓國餐廳韓珍園，主打各式韓國Style中華料理，與及各式韓式丼飯！韓式中華料理香港比較少見！十分推薦什錦海鮮傳統蒸飯什錦海鮮傳統蒸飯海鮮包括蝦、魷魚、蜆等等，啖啖海鮮香味！蒸飯比石頭鍋飯少了股熱氣，仲有D養生😊配上秘製醬汁，鮮味十足！-牛肋骨湯定食愛吃肉的可以叫牛肋骨定食😊牛肋骨肉質鮮嫩，蘿蔔湯頭濃郁，配上韓國蒸飯，簡單好食！蜂蜜柚子大麥茶清甜解渴，非常適合配搭韓國料理！韓珍園屯門鄉事會路83號V City L1-2A#屯門 #Vcity #韓珍園 #韓國餐廳 #韓式中華料理 #韓式丼飯 #什錦海鮮傳統蒸飯 #牛肋骨湯定食 #打卡

屯門新開的一間地道韓式料理餐廳「韓珍園 Hancham Bistro」！首先位置十分方便，位於V city商場內，就在屯門地鐵站D出口步行3-5分鐘直達！適合一眾新界人到訪，甚至其他市區人相對來說，因為近地鐵站，所以也方便！一來到店面，採用木系設計帶有暖色系，而餐廳logo亦運用了韓國國旗的色彩，令人感覺溫暖舒適也十分獨特！還有自行掃QR Code下單，非常先進方便，能減少誤會、下錯單的可能性。說到食物&飲品：蒜香奶油醬炸雞餐$128，份量之大令我們十分驚喜！！足夠三至四人份量，還有芝士條及年糕，而炸雞脆口而不膩，雞肉鮮嫩多汁，抵讚👍韓式炸醬麵$78，同樣地份量很足，與中式炸醬麵不同的是，韓式多了一份甜味，也十分惹口，配上青瓜絲，多了點清爽的口感，不錯👌辣海鮮湯麵$78，十分大碗，朋友喜歡吃辣的所以很喜歡，加上海鮮令整碗的湯底多了點鮮甜，很快便把整碗吃完呢，很喜歡💕蜂蜜柚子大麥茶$28，我們兩人同樣點了這飲品，大麥茶很解膩，加上蜂蜜柚子的微甜與清新，是很好的配搭🥰值得一提的是，餐廳的店員服務態度親切有禮有笑容，有需要時隨時幫助，看見我們的筷子不太好用便立即換過另一對給我們！👍👍整體來說

餐廳位於ᴠ ᴄɪᴛʏ商場內, 是新開的韓式料理, 店內是採用木系設計帶暖色系, 餐廳ʟᴏɢᴏ亦運用了韓國國旗的色彩, 令人感覺溫暖舒適, 主打韓式蒸飯、韓式中華料理及特飲✨自行掃ǫʀ下單、非常方便, 有系統完全沒有漏單情況, 值得一讚👍🏻我們點了原味炸雞餐🍗份量比想像中多, 可以足夠三至四人份量, 除了炸雞還有芝士條及年糕, 建議可以sʜᴀʀᴇ食, 金黃脆口的炸雞, 每一塊都是鮮嫩多汁的雞腿肉, 非常滋味😍烤牛肉傳統蒸飯🐮配料十分豐富, 有烤牛肉、薯仔粒、豆角及甘筍粒, 健康又營養, 非常特別的蒸飯, 保持溫度之外, 充滿濃濃香氣, 熱力均勻、米飯粒粒層次分明, 帶香脆的飯焦👍🏻部隊鍋🍲湯頭的味道十分濃郁, 配上火腿、香腸、大蔥、腩肉及粉絲的味道融合, 提升口感同味蕾, 非常開胃飲品🍹士多啤梨絲絨🍓士多啤梨奶質感像奶昔, 酸酸甜甜, 味道不錯朱古力旋風🍫朱古力味道濃郁, 奶味較重帶幼滑、甜度適中, 夏日之選服務態度親切有禮有笑容, 親民又夠地道、ᴄᴘ值高, 上菜有效率, 晚市坐無虛席, 值得再回顧💕