影片
以上資料只供參考, 請與餐廳確認詳情
上星期五收工同姑姐去左元朗食韓國野，先前見到超多人排隊，揀左兩個拌飯，兩個小食share🐽香烤五花豬拌飯配辣醬 $88眼見五花豬既份量都幾多，仲有隻生雞蛋、牛油、粟米、辣醬撈埋一齊食🐽五花豬唔錯，唔會好油剛剛好，食到底會有飯焦，前菜有兩粒醬油醃春蛋、泡菜、辣蘿蔔、味噌湯，非常豐富。加左$15要凍頂烏龍茶(無糖) ~ 解下膩🍳秘製鵝肝煎蛋拌飯 $138鵝肝有兩件，好香外脆內綿密、同煎蛋、牛油、粟米、秘製醬油撈勻一齊食，好惹味。加左$15忌廉溝鮮奶 ~ 好耐無飲過小食：🍫🥔棉花糖朱古力配自家製薯餅(1塊) $30 自家製薯餅有薯仔絲，真材實料、上面有朱古力醬同半溶既棉花糖，鹹甜口感，一d都唔伏 ~ 幾有驚喜。🦀蟹肉三重奏(涼拌小食) $22海量蟹膏係面、加埋爽脆既蟹籽，撈勻蟹柳一齊食，蟹味濃郁，唔知係咪為左增加口感，食到有白蘿蔔絲，幾特別。怪不得咁多人排隊，下次會想黎試埋其他口味。
繼續閱讀
上次到元朗鳳悠南街搵食已留意到這間「韓奶奶拌飯」，把它放進了bookmark list。今日相約舊同學遊元朗，即時提議過來這間用膳，試一下韓式釜飯。拌飯配有海帶湯、泡菜和前菜，當天的前菜是涼拌鵪鶉蛋。明太子原條燒香，第一步先把所有食材和珍珠米飯拌勻。每口飯都有著明太子的顆粒感，帶少許鹹辣味道。另外還有蝦肉、蓮藕、菇菌等，口感豐富。這一款拌飯的材料非常豐富。飯面上放了一大個蟹殼作裝飾，賣相華麗。飯粒分別和蟹膏、蟹柳絲、蟹籽等食材拌勻，其中蟹膏令整鍋飯的蟹味更加濃郁。而且因為有牛油，飯的味道很香。吃到尾段就開始食到脆卜卜的飯焦，增加口感。餃子大隻，外皮經炸香，入口脆身，肉餡味道幾香。配上了秘制泡菜醬，酸酸辣辣的味道甚為惹味。這個很有驚喜！薯餅是由一條條薯絲圈成炸香，入口充滿香脆口感。薯香味道和鹹甜的雪花芝士乳酪醬更是非常搭！店舖供應的都是罐裝飲品，分別選了低卡橙汁以及雨前龍井茶。
繼續閱讀
行過幾次，都見到大排長龍，人氣都幾高！午市套餐價錢都幾抵，由$68起，已經可以吃到個豐富嘅韓式拌飯。特級牛頸脊拌飯 $118人氣No.1的拌飯，拌飯上舖上滿滿的牛頸脊，雞蛋黃也很搶眼，把全部食材攪拌，撈埋一齊食，記得逐步落醬汁，好惹味！增量版！！！66G Protein慢煮雞胸拌飯 $92蛋白質非常豐富嘅套餐，慢煮雞胸的份量很誇張！多得很！最適合健身的朋友，必吃！慢煮雞胸的口感很軟熟👍🏻另外跟套餐加兩份小食✨$18左右紅薯拉絲芝士條秘制泡菜醬拌餃子都很有韓式風味！套裝包飲品🥤
繼續閱讀
廳裝潢以棕色系為主，好有韓國傳統小店感覺。主打韓式釜鍋，選用台灣珍珠米，煮出來的飯粒粒分明又有飯香，每碗飯更獨立以韓國高壓釜飯機煮製，即叫即煲8分鐘。釜鍋拌飯有眾多款口味，每款主餐都包括泡菜、漬物、海帶湯等，吃起來很有儀式感！另外也有供應數款韓式特式小食。燒芝士泡菜醬漢堡扒拌飯 $78兩塊厚厚的漢堡肉質鮮嫩芝士奶香超級濃郁，加入酸辣泡菜，口感豐富。芝士韓式辣雞拌飯 $88雞件嫩滑，結合了濃郁的芝士和辣泡菜有著濃厚的香辣口味。自家製炸薯餅配雪花芝士乳酪醬 $30薯絲制成的薯餅，外酥內軟，搭配濃郁的芝士乳酪醬，芝士味香濃。秘制泡菜醬拌餃子 $26將餃子和泡菜醬混合，口感酸辣爽口，十分開胃。
繼續閱讀
又係時侯入元朗國尋寶，今次試下一間街坊話值得試下嘅韓國野。新張開業韓奶奶拌飯，釜飯共有9種口味選擇。每碗拌飯都獨立以韓國高壓釜飯即叫即煮，確保新鮮熱辣辣。每客拌飯配有海帶湯、泡菜和前菜(黑豆/蘿蔔乾/通粉沙律)，當天的前菜係涼拌鵪鶉蛋，而拌飯的食法是先加入醬汁，再將材料拌勻，賣相七彩繽紛，加強左小編的食慾。必食招牌新作🤤👍🏼😍墨爾本爆炒牛舌飯! 原價$88 搶先試食價 $72!!留學生店主在墨爾本一試難忘的爆炒牛舌飯，佢多年嘗試過無數嘅配方、食譜及不同牛舌後將其完美復刻。無論係醬汁火候味道都係100%完美還原咁話~28秒爆炒的薄身牛舌入口肉嫩彈牙! 撈飯真心頂呱呱~加埋少量芝麻及香蔥辣椒絲更加係畫龍點睛嘅惹味配搭!難怪最近排哂長龍都係為左呢個必吃無疑的人氣招牌!🍲燒鰻魚拌飯 $88鰻魚新鮮肉質結實彈牙，鰻魚首先用燒汁煮過之後，再加功夫炙燒令其加倍香口!配菜有蛋絲、香蔥、茹菌加埋醬汁拌勻，下面有脆卜卜飯焦十分滿足。🧆自家製炸薯餅配雪花芝士乳酪醬 $30小食有驚喜，薯餅由一條條薯絲圈組成炸香，薄脆口感加薯香味突出，配鹹甜雪花芝士乳酪醬原來可以咁Match!🥟秘制泡菜醬拌餃子$50餃子四大隻，外皮炸到金黃色漲卜卜，一口吳咬落去香脆，肉餡味道又香。配上了秘制泡菜醬，微辣偏酸味道惹味又令人滿足。🍹飲品加$15鬥罐裝飲品，揀左「雨前龍井茶」及「韓國檸檬七喜」平日下午及夜晚都客滿，街坊人氣新店值得一試。
繼續閱讀
您可能會有興趣的...