韓大叔大排檔

營業中

休息中

有留意開韓流嘅朋友仔都應該知道，韓國人好鍾意一邊用餐一邊小酌怡情。係銅鑼灣搵間坐得舒服，飲下酒又有K POP聽chill下，就揀左呢間位於永光中心10樓#韓大叔大排檔，其地點位於登龍街，睇完戲行過黎都非常方便!值得一讚，店員夠主動恩勤。九龍區新開左分店，方便埋新界嘅朋友仔。韓大叔醬油拼盤 $388全屬於冷盤全都由醬油制成，包括原隻蟹、4隻鮑魚、2隻海蝦，兩粒糖心蛋同一大盤紫菜拌飯。海鮮類的味道鮮甜，醬油唔會過鹹，飯落去個蟹蓋嗰度一齊食，簡直一流。甜辣炸雞（半份）$98即使半份份量足夠二人分享，新鮮炸起熱辣辣得黎又好鬼香脆，炸得好乾身，炸雞身不顯得油膩，好食又開胃。芝士泡菜煎餅 $78又拉絲芝士又泡菜令食慾大增，仲厚厚一層鋪系面 ，咬落夠實冇粉狀，比傳統煎餅冇咁dry!!辣炒韓式豬五花粉絲 $78再嚟大大碟韓式粉絲鍋，夏天食都好適合，熱辣辣香噴噴，細細件五花肉沾滿汁醬，粉絲勁有口感，飽肚感十足！椰漿柚子年糕 $78屬於韓式甜點，一般都是配辣醬，甜甜蜜蜜，又煙煙韌韌!!韓式傳統鍋物 $128跟住飲返碗熱湯暖下胃，湯內有好幾件牛尾，湯頭味道稍為偏淡，正好中和呢餐濃味晚餐。桂花烏龍水果茶 $6

銅鑼灣食肆好多，韓大叔大排檔，入到嚟佢真係好似一間大排檔咁樣，佈置得非常好似大排檔，燈光打出嚟嘅感覺，真係享受緊一個好好嘅晚餐。韓大叔醬油拼盤 鮮蝦刺身食得多，刺身膏蟹第一次，加埋溏心嫩滑嘅鮑魚類入口香甜冇得彈，再加埋溏心蛋，完全係我喺食物當中第一次嘅組合，仲有跟住海苔飯 撈埋一次食，加埋啲汁非常吸引。牛肉石頭鍋飯攞埋嚟熱辣辣，啲牛a4和牛蓋喺面上加一隻雞蛋，完全有免治牛肉飯嘅感覺，但係佢當然唔係免治啦，係a4牛肉呀，食到尾飯朝仲暖笠笠。韓式鐵板燒護心肉 呢個鐵板捲心，入面放咗啲香蔥再加埋特製嘅汁醬，肉汁果然非同凡響好味。韓式熔岩起司蛋捲 呢個蛋捲色彩鮮明， 橙色白色鋪得非常有意思，望落蛋味香濃，芝士亦可口，值得一試。芝士泡菜煎餅好難得㗎一個芝士餅，加埋泡菜亦都有佢一定香濃味，好味道。Cass 啤酒 500ml 清淡香慢慢飲，唔使一啖飲晒㗎。桂花烏龍水果茶 ，香濃厚重色澤清幽，茶味香甜。

星期日嘅夜晚8:00去到餐廳人吾係多坐得舒服☺️叫咗個韓式芝士炒雞$148份量唔算太多，但係醬汁好濃小小辣，雞肉同入面嘅蔬菜都好入味啱晒重口味人士🤤再嚟就係上次食唔到嘅熔岩芝士蛋卷$78呢個真係大大力推薦，唔會好鹹，亦都唔係偏甜口，加埋滿滿嘅芝士醬好滿足，每一啖都拉絲❤️份量都適中。兩個人食唔係好夠飽，最後叫咗個牛肉水冷麵$98個麵煮得唔夠腍，食落有啲硬硬哋，但係份量十足，個調味都好唔錯，唔會過鹹亦都唔會淡而無味👍🏻唯一唔好嘅就係個牛肉係肥牛🤣因為個麵凍嘅，所以好快就浮咗個油脂喺面🥹，如果可以轉用脂肪少啲嘅牛腱可能會好啲。餐廳入面每一位Staff都好有禮貌❤️呢一餐食得好開心🫶🏻

最近好想食韓國嘢，但係唔想食韓燒之類咁大油煙，先發現原來想搵一間非韓燒嘅韓國餐廳係咁難，Search咗一輪終於選擇咗韓大叔。荔枝真露梳打荔枝味清甜唔會好假，酒精濃度唔算太高，酒量淺嘅都唔使怕飲醉紅葡萄柚子梳打有少量果肉，感覺幾fresh。蜜糖芥茉炸雞（半份）半份炸雞兩個人share剛剛好，外皮炸得香脆，蜜糖芥末香甜而不嗆，雞肉嫩而多汁，不錯。醬油白貝白貝肉質細嫩，非常入味，雖然細細隻，但係滿滿一碗，食咗一個鐘都未食完。食韓國嘢點少得醬油蟹，我哋索性叫咗一個醬油拼盤。拼盤有醬油蟹、醬油蝦、鮑魚、糖心蛋。蟹雖不算太大，但肉亦不少，醬油蝦肉質緊實，不錯！雪濃湯（牛骨清湯）味道清甜，有幾塊牛肉骨，蘿蔔吸收了牛肉的精華，不錯！海鮮煎餅兩邊煎得略大焦香，很香口，海鮮很多，有青口，蝦肉，魷魚等等有點像我們的薄撐。閒日來吃，入座的人沒有間斷，看來是新一期的人氣熱店。

📍銅鑼灣上網見到呢排好多人食呢一間韓大叔，我都要跟風過嚟食吓先！$88 明洞燒汁牛肉粉絲以為份量細細碟係小食，點知原來都好大碟，完全可以當係主食！個汁好香，粉絲又煮得好好，肥牛份量都唔少，個人比較鍾意呢個。$88韓式豬五花炒年糕呢個份量都好足，朋友就鍾意呢個，佢話覺得個年糕好煙靭，而且五花肉份量都唔少，個汁甜得來帶少少辣🤣$$88 海鮮煎餅海鮮煎餅份量細細份，但share食都好夠，用料充足，有唔同嘅海鮮，外層仲煎得好脆。$88人蔘雞湯半份呢個價錢飲到人蔘雞湯超抵，以為係細細份，點知都係勁大碗，三四個人share都好夠！$68 醬油白貝呢個比較特別好少食到，醃得都啱啱好，唔會太過鹹，份量都有二三十隻添！$388 韓大叔醬油拼盤 醬油蟹一隻，醬油蝦兩隻，鮑魚兩隻，紫菜拌飯一次過可以食到幾樣嘢，除咗以上海鮮，仲另外有醃過嘅蛋，仲有小小糖心！個人覺得驚喜嘅係鮑魚都醃得好好食，好入味，口感軟身唔會硬😁$ 38荔枝梳打，草莓梳打兩杯梳打都好夠氣，朋友飲荔枝，我就飲草莓，草莓味好夠喎，平時好少何喺出邊可以飲到草莓味嘅梳打🤫第二杯半價

上網見到最近開咗間新新地嘅韓式餐廳，咁啱又想食醬油蟹，就去試一試佢啦！餐廳keep住播韓文歌，都幾有feel。先上兩份前菜。為咗醬油蟹而嚟，不過覺得叫拼盤好似抵食啲，所以叫咗醬油拼盤。拼盤有醬油蟹、醬油蝦、醬油鮑魚，以及糖心蛋。醬油蟹不算大隻，但肉質緊實，尚算新鮮，蟹膏亦多，拌飯一流！醬油蝦亦沒有令人失望，大大一隻，肉質大牙，個人認為比醬油蟹更出色。鮑魚口感軟糯，十分入味，亦是不錯。韓式牛仔骨炒年糕超多牛仔骨，油脂豐富，入口不柴。炒年糕口感彈牙，味道甜中帶辣，份量很大，建議多人share。蜜糖芥末炸雞（半份）半份炸雞會有四件，包含雞髀和雞翼，外皮炸得香脆而鬆化，醬汁掛力一流，每口都是蜜糖芥末的香甜。海鮮煎餅真正的海鮮煎餅，沒有用蟹柳等假海鮮充撐場面，有八爪魚、蝦肉等，煎餅厚薄適中，不會食到成口粉，兩邊煎得金黃香脆，與魚露同吃更添風味。焦糖窩夫牛角包把牛角包麵團壓成窩夫，千層酥皮份外鬆化，牛油香十足，面層吉士甜而不膩，是今餐的完美句號！

😎位於銅鑼灣區的這家韓式餐廳，門口掛著紅白藍的燈籠滿有特色🥳，牆身仲貼上韓國明星的海報，感覺就好似置身當地一樣🫶，令我即時想起炸雞與啤酒的超正組合🥂。餐牌很簡單只有兩頁☺️，不過包羅眾多韓式常吃的食物❤️，見到各樣都好想點來食😏，好彩今日約多咗朋友，咁就叫多少少可以開心share✨。佈置地道風味滿滿🌟《韓大叔醬油拼盤》🦐🦀🥢包括有醬油蝦🦐、醬油蟹🦀、鮑魚✨、紫菜飯🍚。每次去韓國都會揀呢個風味食物😎，係呢度見到當然興奮💯，醬油醃製蝦、蟹、鮑魚都有份鹹香味道，蝦肉結實入味，鮑魚口感煙韌，一碗紫菜飯有助平衡海鮮的鹹味。😋《雪濃湯(牛骨清湯）》🥣蘿蔔夠腍又唔會一咬即散😜，牛骨肉亦是住得腍又惹味😋，整個湯都唔會太濃郁所以飲落幾舒服。🍽️《甜辣炸雞》🐔去韓式餐廳怎能沒炸雞☺️，皮脆內肉嫩，配上醬汁甜辣很平均👍。炸雞配啤酒係絕配🍻《明洞燒汁牛肉粉絲》粉絲炒得很香🍝，粉絲夠腍身😘，唔會好乾，份量幾大，口感煙韌。《韓式熔岩芝士蛋捲》🌟🍳賣相吸引🫶，食落軟滑🥢，芝士不會太濃而蓋過了蛋嘅本質味道🧀，比例配搭恰當，又不油膩，很好，必食之選。👍👍👍《韓式豬手》🐷豬手肉已經夠味😘，唔使點任何醬油已足夠👌，配搭埋生菜嘅爽口

韓大叔大排檔位於銅鑼灣永光中心，主打傳統混合現代口味的韓國地道菜式，裝潢俾人感覺有當地大排檔的風味餐廳正招募會員，有興趣可以成為會員享有折扣及其他優惠入座後會送上三式前菜，有泡菜、醃蘿蔔及大豆芽醬油白貝白貝肉質肥嫩，以醬油醃製，味道甜辣蒜香，帶出白貝的鮮味韓大叔醬油拼盤醬油拼盤有原只醬油蟹、二只醬油蝦、二只醬油鮑魚及一只醬油流心蛋，再跟一碗紫菜拌飯醬油蟹味道鹹鮮，將蟹肉蟹膏混和紫菜拌飯一起同食，味道一流；醬油蝦經過醃製後蝦肉軟嫩富彈性，入口鮮甜；醬油鮑魚肉質爽口彈牙，入口甘甜鮮美泡菜牛肉豆腐湯泡菜牛肉豆腐湯有肉有湯有蔬菜，味道酸辣開胃韓式熔岩芝士蛋卷厚厚的蛋卷外層鋪滿半溶化的芝士，入口奶香味濃，蛋香嫩滑辣炒韓式豬五花粉絲豬五花肉薄切配搭蔬菜及粉絲以韓式辣醬炒製，味道香辣惹味蜜糖芥末炸雞(半份)炸雞外脆內嫩，入口酥脆富肉汁，配搭蜜糖芥末醬汁可中和炸雞的油膩感馬格利生米酒馬格利生米酒色澤濁白，入口甘甜順口，帶點奶味及微酸，酒精濃度低，適合女士飲用芒果梳打芒果味的香甜加上梳打的碳酸氣泡入口令人暑氣全消，口感清爽

韓大叔大排檔銅鑼灣店位於登龍街永光中心十樓銅鑼灣店年初開業主打韓式大排檔料理醬油白貝白貝肉質飽滿鮮嫩配搭醬油甜辣醒胃適合佐酒韓大叔醬油拼盤韓大叔醬油拼盤齊集醬油蟹以及醬油蝦以及醬油鮑魚配搭紫菜拌飯生醃愛好者必點韓式熔岩芝士蛋卷蛋卷質感滑嫩鬆軟層次豐富配搭瀑布熔岩芝士拉絲超級邪惡蜜糖芥末炸雞炸雞漿粉透薄金黃酥脆同時肉質柔軟濕潤嫩滑配搭蜜糖芥末醬可以平衡油膩感辣炒韓式豬五花粉絲豬五花肉脂肪豐腴油潤同時韓式粉絲口感柔韌配搭韓式辣醬兜炒辛辣惹味泡菜牛肉豆腐湯泡菜牛肉豆腐湯酸辣濃郁同時溫和暖胃完滿結尾馬格利生米酒/芒果梳打馬格利酒選用生米發酵味道甘甜順滑同時夾雜天然碳酸汽泡整體清爽輕盈；酒精飲品以外同時提供多款韓國經典梳打選擇

餐廳在永光中心內,一踏出𨋢門看到海報.燈籠,五光十色霓虹燈,已充滿韓國氣氛.內裡同樣參考韓式設計,播放着K-Pop音樂,吃著滿枱韓國菜,完全令韓迷朋友樂在其中~🔸韓大叔醬油拼盤($388)🔸醬油白貝($68）醬油拼盤有蝦,鮑魚,蟹及雞蛋,鹹味剛剛好,配上紫菜飯,更是最佳配搭.而白貝同樣用上醬油醃製,隻隻無沙,份量頗多🔸韓式熔岩芝士蛋卷($78)🔸海鮮煎餅($88)蛋捲軟熟,內外都充滿芝士,非常邪惡!煎餅薄身,圍邊煎得脆口🔸明洞燒汁牛肉粉絲($88)🔸傳統泡菜阿朱媽炒作糕($78)兩項主食類份量頗多,價錢合理.牛肉粉絲偏向港式做法,濃味多汁.牛肉份量亦不少.炒年糕煙靭微辣,入口不會太刺激🔸人蔘雞湯($88)雞隻唔算大,但勝在雞肉依然保持嫩度,人蔘味道足夠,糯米吸收雞湯及人蔘精華,養生暖笠笠🔸紅葡萄柚子真露梳打($48)🔸梅子果醋真露梳打($48)真露配梳打酒,精濃度不會太高,非常適合不勝酒力的朋友.加上果汁味道,清新爽口

今日同朋友嚟到銅鑼灣食韓國菜。餐廳環境好有特色，係懷舊韓式大排檔設計，四周都係韓文既標誌，門口啲布簾營造出韓國小食車嘅感覺。餐廳嘅午市套餐都幾抵食，所有套餐都會包三色前菜同埋國民大醬湯，仲可以加配小食、飲品同甜品。🦀韓大叔醬油拼盤 $388包括2隻醬油鮑魚、2隻醬油蝦同埋1隻醬油蟹，仲有粒糖心蛋同埋紫菜拌飯。醬油鮑魚同醬油蝦都質感彈牙，醬油蟹味道鮮甜，醬油味道鹹香，不愧係米飯小偷～🐟醬油三文魚 $43醬油三文魚係香港比較少見，哩到$43有8塊，性價比好高，而且都夠厚身。🧀芝士泡菜煎餅 $78一上枱爭啲以為係pizza🤣煎餅入面有唔少泡菜同韭菜，口感豐富，最重要係上面有唔少芝士～🧀🥚韓式熔岩芝士蛋卷 $78熔岩芝士蛋卷夠厚身，面頭係滿滿嘅芝士。🍗蜜糖芥末炸雞（半份） $98炸雞炸得香脆，炸皮唔會厚，而且配埋面頭既蜜糖芥末醬真係好正。🐷辣炒韓式豬五花粉絲 $78粉絲份量十足，配料有豬五花、芽菜、蘿蔔絲、翠玉瓜等，所以食落去口感豐富。🥥椰漿柚子年糕 $78年糕質感煙韌，加上椰漿及柚子汁調味，係比較少見，而且特別嘅烹調方式～🍹桂花烏龍水果茶 $68有淡淡桂花香味，烏龍茶底味道突出。

登龍街好多美食㗎，今日就去食韓大叔大排檔，以為真係好大排檔啦！原來好韓風㗎！佈置都好多韓國標誌，有啲韓字都唔係好識睇，淨係知道有喜歡字同埋食物品質好。侍應生好有禮貌遞過餐牌，今晚可慢慢享受韓國的味道。😋韓式開胃前菜~有大豆芽/韓式泡菜和涼拌海帶三款口味，好韓式啊！韓大叔醬油拼盤~醬油海鮮拼盤，外貌超吸引，有醬油蟹/醬油鮑魚/醬油蝦/仲有1隻溏心蛋，第一次食生嘢，好驚喜好特別，配自家秘製醬料，首先食蟹，滿滿蟹膏同蟹肉，好特別同熟咗味道唔一樣，肉質有少少煙煙韌韌又軟綿綿，鮑魚好淋又彈牙好味，醬油蝦好鮮甜全部都好入味好好食，帶點鹹香濃味和辣味，侍應生話配紫菜飯一流。👍牛肉石鍋飯~熱騰騰石鍋飯真係要小心呀，渣渣聲將流心蛋同啲牛肉一併攪勻先好食，入口熱辣辣好味。韓式鐵板燒護心肉~護心肉都幾特別不算油膩，可以配石鍋飯食。韓式熔岩芝士蛋捲~外貌好似甜品，蛋卷好香而且好厚，滿滿 芝士，入口軟綿綿又有另一驚喜，好好味。芝士泡菜煎餅~用網承載熱辣辣上抬，外貌似pizza泡菜味濃郁配粉漿煎，味道有啲似蚵仔煎 ，好得意。飲品~啤酒和桂花烏龍水果茶啤酒好抵飲又夠凍~桂花烏龍水果茶清清淡淡少少甜，好香濃嘅 百香果

這間位於銅鑼灣的餐廳，裝潢參照韓國大排檔設計，銀色的桌面，圓桶的椅子，令食客仿如置身韓國大排檔，體驗韓國地道風情。🌸韓大叔醬油拼盤 $388內容非常豐富的醬油拼盤，包括有醬油三文魚、醬油鮑魚、醬油蝦及醬油蟹，還有最愛的糖心蛋及紫菜拌飯，果腹滿足。🌸芝士泡菜煎餅 $78韓國菜的傳統菜式，煎餅上鋪滿了芝士，入口吃到啖啖泡菜，辛辣又滋味。🌸韓式熔岩芝士蛋卷 $78海量芝士覆蓋住蛋卷，同時充滿芝士香味及蛋香，叫人吃不停口。🌸蜜糖芥末炸雞（半份） $98半份的炸雞份量也不輕，炸雞香酥可口，肉質嫩滑，芥末增添多一份微辛風味。🌸辣炒韓式豬五花粉絲 $78Q彈的韓式粉絲加上肥瘦相間的豬五花，再配上韓式辣醬，口感豐富，惹味至極。🌸椰漿柚子年糕 $78口感煙煙韌韌的年糕配搭椰醬及柚子，椰香撲鼻，風味獨特。🌸桂花烏龍水果茶 $68茶味甘醇加上桂花香氣，解渴之選。

位於銅鑼灣的韓式居酒屋。但凡熟悉我的朋友都知道~ 韓式料理一向是我最愛；雖說韓式料理其實製法簡單，調味方法也偏單一，但情意結這種東西，you knows~放假日難得的好天氣，朋友不準我在家中頹廢，便以韓式午餐引誘我出門~餐廳環境不算特別闊落，但座位之間寬敞，用餐尚算舒適；加上主打木系的裝潢風格，完美還原韓式大排檔的風味呢! ⋆_____ᴛᴏᴛᴀʟ ᴏʀᴅᴇʀ______⋆ ❅ 醬油白貝 $68❅ 韓大叔醬油拼盤 $388❅ 韓式熔岩芝士蛋卷 $78❅ 海鮮煎餅 $88❅ 明洞燒汁牛肉粉絲 $88❅ 傳統泡菜阿珠媽炒年糕 $78❅ 人蔘雞湯 $88❅ 紅葡萄柚子真露梳打 $48❅ 梅子果醋真露梳打 $48___⋆ ⋆ ___ ✿  醬油白貝┆ 韓大叔醬油拼盤白貝以醬油醃製，鹹香入味，白貝不算大隻，但隻隻無沙，口感爽脆；醬油拼盤有蟹、大蝦、鮑魚及雞蛋，醬油醃得恰到好處，不會太鹹；撈入海苔飯內拌勻吃用，鹹鮮可口，味道鮮甜。.✿ 韓式熔岩芝士蛋卷  芝士加蛋就是長勝組合，蛋卷超軟熟，半熟的蛋漿加上熔岩芝士，視覺效果先滿分；切開後拉絲芝士伴隨著蛋液流出，蛋味香濃，質感綿滑。.✿ 海鮮煎餅一開四份

日前去咗銅鑼灣嗰間韓大叔大排檔食飯,真係超級好味架!呢間大排檔就係喺登龍街嗰棟永光中心大廈嘅10樓開嘅,環境算係幾舒服嘅,相當適合一個人或小朋友嚟食飯。我呢次點咗三道招牌菜,包括醬油蟹、年糕同埋炸雞,仲有一碗海鮮豆腐湯。首先上嚟嘅就係醬油蟹,蟹肉肥美多汁,配埋佢哋自家調配嘅醬汁,真係好好味!年糕就軟QQ彈牙,配埋辣醬更係絕配。炸雞嘅外層酥脆入口即溶,肉質又鮮嫩多汁,好正咁!最後嘅海鮮豆腐湯就更加是一大賣點,湯底鮮甜濃郁,仲有軟滑嘅豆腐同新鮮嘅海鮮,叫我一飽口福。總括嚟講,呢間韓大叔大排檔提供嘅韓式家常菜式既正宗又實惠,兼且環境幾靚仔,絕對值得大家嚟試下。如果你有機會嚟銅鑼灣,記住要光顧呢間韓大叔大排檔睇睇啦!