疫後成為韓迷嘅會計小姐牛一，慶生要食韓國菜
，上星期就由佢揀咗去試「韓國釜山海鮮鍋」。樓上餐廳佔用面積全層，睇落個門口好似好細咁。真係估唔到個單位入面都幾大
，光亮嘅用餐大堂分開咗兩個區域，散座與散座間有充足嘅活動空間。白色牆上貼滿韓國地圖、韓劇海報、韓星廣告等，睇到壽星女不知幾開心。嘻嘻，童心未泯嘅XO仔反而覺得扒緊牆牆嘅蟹仔得意啲
！二人被安排入座最中間嘅四人枱。餐桌上擺有齊備嘅自用餐具、乾濕紙巾、廚具等，另外每二人都有個爐頭，衛生企理。電子落單流程方便快捷。底面兩頁餐牌中韓對照，並附有彩圖參考，簡單易明。點好菜，姐姐仔迅即呈上無限添加嘅三款韓式前菜，當中個人最愛清新爽脆嘅蘿蔔片。同事口味不同，較為欣賞厚潤嘅海帶同酸辣嘅泡菜。
韓國紫菜燒魚皮（$68）：新鮮燒製嘅魚皮熱辣辣，咬落脆卜卜，好似薯片咁巧薄，香口惹味
，送酒一流，必吃推介也
！韓國釜山海鮮鍋（$398/二人份）：姐姐仔放低個鍋時講明要煲多一陣，等湯滾先可以開始食。一滾起先飲咗碗湯，湯底鮮濃少辣，飲完仲有得添，冇錯，係加湯而唔係加水，所以絕對要加分
！除咗舖面橙亮鮮艷嘅蟹蟹同韓國虎蝦之外，鍋中仲有多款海材
，包括原隻爽脆彈牙嘅釜山魷魚，大隻到要剪開先食得架！其餘成雙成對嘅有Q彈嘅釜山鮑魚。外型脹卜卜，食落肥潤鮮甜嘅釜山元貝
。鮮嫩飽滿嘅釜山青口。甜美多汁嘅釜山白蜆。銅鑼灣樓上餐廳「韓國釜山海鮮鍋」開揚闊落，服務生友善且效率高，現以優惠價推廣嘅招牌「韓國釜山海鮮鍋」足料抵食，有心食肆值得一試。…查看更多
，上星期就由佢揀咗去試「韓國釜山海鮮鍋」。樓上餐廳佔用面積全層，睇落個門口好似好細咁。真係估唔到個單位入面都幾大，光亮嘅用餐大堂分開咗兩個區域，散座與散座間有充足嘅活動空間。白色牆上貼滿韓國地圖、韓劇海報、韓星廣告等，睇到壽星女不知幾開心。嘻嘻，童心未泯嘅XO仔反而覺得扒緊牆牆嘅蟹仔得意啲！二人被安排入座最中間嘅四人枱。餐桌上擺有齊備嘅自用餐具、乾濕紙巾、廚具等，另外每二人都有個爐頭，衛生企理。電子落單流程方便快捷。底面兩頁餐牌中韓對照，並附有彩圖參考，簡單易明。點好菜，姐姐仔迅即呈上無限添加嘅三款韓式前菜，當中個人最愛清新爽脆嘅蘿蔔片。同事口味不同，較為欣賞厚潤嘅海帶同酸辣嘅泡菜。韓國紫菜燒魚皮（$68）：新鮮燒製嘅魚皮熱辣辣，咬落脆卜卜，好似薯片咁巧薄，香口惹味，送酒一流，必吃推介也！韓國釜山海鮮鍋（$398/二人份）：姐姐仔放低個鍋時講明要煲多一陣，等湯滾先可以開始食。一滾起先飲咗碗湯，湯底鮮濃少辣，飲完仲有得添，冇錯，係加湯而唔係加水，所以絕對要加分！除咗舖面橙亮鮮艷嘅蟹蟹同韓國虎蝦之外，鍋中仲有多款海材，包括原隻爽脆彈牙嘅釜山魷魚，大隻到要剪開先食得架！其餘成雙成對嘅有Q彈嘅釜山鮑魚。外型脹卜卜，食落肥潤鮮甜嘅釜山元貝。鮮嫩飽滿嘅釜山青口。甜美多汁嘅釜山白蜆。銅鑼灣樓上餐廳「韓國釜山海鮮鍋」開揚闊落，服務生友善且效率高，現以優惠價推廣嘅招牌「韓國釜山海鮮鍋」足料抵食，有心食肆值得一試。…查看更多
