韓國宮

營業中

休息中

前兩晚同左女友同幾個fan去左呢間店食晚飯,我地被安排入左間房坐,都幾舒服,我地叫左個8-10人餐,有烤雞,豬,牛肉,跟住有烤牛肋骨,煎魚,炒年糕,炒粉絲,海鮮煎餅,人參雞湯,同十幾碟前菜,如泡菜,青瓜,大豆牙等.....佢總括來講都幾好味,d泡菜好好味,一開頭食唔辣,但過一陣d辣味會散出來,d烤肉類都好好好味,好甜,尤其係牛肋骨,正.不過人參雞湯只可以分到四碗,實在太少了....佢d小二同老闆都好有禮貌,但佢地太少人,做到死死下,個老闆跑到出曬汗....賣單一人都$200到,抵到爛啦,會再來.

一向對韓國菜情有獨鍾, 行過見到「韓國宮」三個字就唔理本來想去嘅果間餐廳, 即刻轉彎走入去試吓!燈光較昏暗, 但裝修很有韓國色彩。基本午餐有烤肉、飯和湯, 都只是$39, 算係好平喎。我哋揀咗貴啲嘅嘢食:什錦石頭鍋飯($59) - 呢個係另一款午餐, 如果唔係跟餐要$110! 材料方面有好多菜, 牛肉唔係好多, 不過對我嚟講就啱啱好, 味道不錯, 亦都有少少飯焦, 如果再多啲就好嘞! 剛剛好一人份量, 加埋啲八小碟, 真係好滿足!辣豆腐湯($90) - 呢個係散叫, 所以貴啲。上菜時, 啲湯仲係好滾, 豆腐浮喺面度震緊! 啲豆腐好滑, 個湯亦好夠辣, 啱晒天寒地凍食!老闆娘特別多送咗兩碟小食畀我哋: 紫菜同魷魚, 叫我哋要撈埋啲飯一齊食, 佢話韓國人就係咁食喎! 又真係幾好味喎! 唔知係唔係假日冇咩人嚟食午餐, 全程都係得我哋, 除咗聽到韓國音樂之外就再冇其他聲, 好享受!

很愛韓菜的我忽然韓菜癮起，本想吃附近另外一間，看了食評臨時改變主意，走著走著，男友感到這間傳來的香氣不錯，就來了韓國宮。是次是一心想吃火鍋，而且只想吃香港較少吃到的牛腸八爪魚鍋，看到門前的食物模型和餐牌上都有，於是便order了。侍應只懂簡單英語，較難溝通，下單時才說沒有牛腸鍋了，而八爪魚鍋是個乾鍋，但我卻只想吃有辣湯的鍋，好讓我下麵餅，可能是季節不合吧，雖然好難溝通，但待應都好有耐性，結果我們選了韓國人最愛的鍋。那個鍋名字忘記了，我在韓國街吃過一次，辣鍋有很多的蔬菜，加的東西都是罐頭／醃製品，如火腿、腸仔、餐肉、茄汁豆...這次這一個是餐肉、茄汁豆、泡菜、豆乾皮、牛肉、菜，250元，可以說是唔抵但幾好味待應介紹時說韓國人很愛這個，是的，我聽說過韓國人愛這個是由以前打仗時開始，是他們的情意結。我地香港人見到這些材料一定覺得好搵笨，不過食過韓菜都知道除韓燒，韓國菜本身就是很貴，如果能放心食材平這個想法，這個鍋是很好吃的。這個最特別是那大粒茄汁豆，好似腰豆咁大，午餐肉都幾好味，個湯就因為有茄汁豆，所以有甜味，到最後我地order左一個麵餅(20元)，這是我吃韓鍋的指定動作，老板娘過來見到好

這天是媽媽的生日, 常看韓劇的媽媽說要品嘗一下韓國菜, 做兒子的就找到這間隱蔽的韓國菜館, book了七點半七位, 也許因為位置的關係, 整晚都沒有滿座, 很寬敞, 很舒服~後面的兩枱人都是韓國人, 可想而知這餐廳有幾正宗 首先來了十小碟前菜, 樣樣都好好味 (因為我姪仔姪女很愛吃蓮藕, 問一問老闆娘可否再俾多兩碟, 完全冇say no, 勁nice) 是晚菜式: 海鮮蔥餅 - 不錯, 加上醬汁, 送酒一流...(老闆娘見我地多人, 主動幫我地cut開一塊塊) 石頭飯 - 正呀! 味道剛剛好, 我覺得呢個係我食過咁多次最好食既石頭飯...(因為張枱多野食到冇位擺, 老闆娘又主動幫我地分小碟, 兩位小朋友的還特地不加辣醬) 燜牛肋骨煲 - 呢個真係必食, 好入味, 咬落口到軟軟的, 唔會太咸又唔會太甜, 正到爆! 烤牛肋骨 - 同出面的韓燒差不多, 最過癮係有一大舊骨頭痴住少少肉, 佢都俾埋我燒... 炒年糕 - 因為小朋友不吃得辣, order時叫了走辣, 以為會遜色, 點知....超好味, 佢d年糕咬落去剛剛好, 阿媽激讚 炒粉絲 - 呢個就普普通通啦... 炸醬麵 - 阿媽指定

很想體驗一下香港的小韓國，便和珍珍去尖沙咀金巴利街一帶行下夜街， 1845 時先到韓國宮晚膳，可能較早的關係，直至 1930時離開也只得我們一枱客，感覺清靜又豪（好似包咗成間餐廳）。內裏的裝修很有韓國舊古的感覺，韓藉女待應招呼周到，先來 10小碟前菜、有泡菜、泡蘿蔔、西蘭花、芽菜、蓮藕、土豆絲、魚仔乾、黑豆、翠玉瓜及煎蛋卷等都十分好味。雜錦石頭窩飯 $110 ，賣相靚，醬汁美味，辣度適中，有兩碗份量。燜牛肋骨煲 $130 ，有四大塊，肉厚味鮮甜。這是一餐傳統美味的韓式家庭菜。連加一共 $ 255。吃完晚餐再去附近行下，買咗 2 盒韓國米酒 $35 一盒，韓式炒粉絲 $30和黑豆 $30。珍珍還買了一些韓國護膚品。

1.) 前菜味道唔差 2.) 海鮮蔥餅冇咩味道,點左醬汁好小小.3.) 什錦石頭飯好似係羅左九成前菜既料去煮甘,肉得小小,菜太多,不過味道唔差,有飯焦脆脆地,仲要岩岩好冇燶到. 叫兩樣野就埋單$220...貴左d,不過坐得舒服又寧靜(因為得四枱人),如果冇估錯,應該係阿媽同女兩個人睇鋪,但係佢地服務周到又友善.(而家好多獨資經營既老闆服務好差又惡.)

見到食評寫得不錯, 於是今晚來了這裡跟朋友預祝生日和提早慶祝中秋.因想準備生日蛋糕給朋友帶來驚喜, 於是在預約時問了店員, 可為我們暫存蛋糕及不用額外收費. 店子位置偏僻, 但招牌很大, 門口很特別, 很容易便找到了.可能因為時間尚早, 我門是第一枱客人. 店子光猛,桌子排列不擠逼. 有家庭式的感覺. 有3名韓國女店員, 親切地招待我們. 首先店員端了10小碟前菜. 有豆腐, 白菜, 小魚, 旦角, 等等. 我最愛吃旦角, 豆腐 & 辣白菜.點了4道菜:1. 海鮮煎餅 : 煎得很金黃, 一點也不會燶, 很多料(但吃不出是什麼海鮮, 好像有蝦和八爪魚)2. 泡菜炒飯 : 不會太辣. 但味道一般3. 雜菜炒粉絲 : 不辣的. 粉絲較粗身, 但不會很硬. 好味.4 本想點牛尾湯, 但店員說沒有, 於是叫了辣豆腐湯. 湯很夠味, 但不太辣. 有豆腐,豬肉, 泡菜等材料.最後是很甜很多汁的西瓜. 本來不喜歡西瓜的我, 忍不住encore 來多一碟.全晚只有數枱客人, 所以不會覺得嘈吵. 也不會有趕客的情況. 可跟朋友盡情聊天.店員亦不斷為我們加熱茶. 而且店員為我們細心地端

又再一次食韓菜，本來想散叫的，發覺有個2-3人套餐好抵，$450有五款。套餐中本來有款煎魚，老闆娘好好人，可以俾我轉炆牛肋骨。又係先上前菜，一共12碟!真是有點嚇人。泡菜好好食，而且又比一般大碟，黑豆就沒有豐園咁蜜味。最特別有一款是火腿、大醬湯-是有辣味的麵豉湯，兩種味道恰好，不會因過辣而蓋過麵豉的味道，而且又唔會過鹹，不過D豆腐就唔夠滑。烤牛肉配生菜-牛肉味道唔錯，食得出有種牛肉味，不似其他的韓館，所有烤肉只得一種醃料味。而且碟生菜併盤，除了有生菜外，有生蒜頭、紅蘿蔔絲、青瓜絲、青椒絲、唐萵及一種不知名的菜，再配一碟麵豉醬，供客人點。海鮮餅-好過韓林雅十陪，雖然煎得唔夠香，但材料十足，粉又唔多，差不多啖啖都是料。炆牛肋骨-可能跟套餐的關係，份量好細，只有三四件，牛肋骨唔夠入味。石頭飯-石頭鍋好乾淨，沒有黐底，是我第一次食石頭飯是沒有飯焦的，好失望。飯多過料，而且飯身又較諗。服務雖好好，食物就不及同區的草苑及豐園。

剛剛的星期五，放工去了韓國宮試試。因為本人比較喜歡吃韓國菜，所以去試新的韓國菜。今次一行兩人點了三個菜，分別為燒烤雞肉、海鮮煎餅及石頭飯。(最高5粒星)燒烤雞肉﹕用黑椒調味很好吃！比錦城的好吃，但少了點，燒烤肉在燒鍋時不會有燶底。****海鮮煎餅﹕不是脆的，但好好味，餅底好像在吃日本墨魚球燒，海鮮料比錦城足，亦比它好味。*****石頭飯﹕很好味，分量比錦城多些。但它的辣椒醬是帶點甜味的。****前菜分量比較少和不及錦城好味。另外，韓國宮有一個二人的套餐。有六個菜包括健康石頭飯、燒魚、燒烤牛肉、豆腐湯、拼盤(記不起名稱，但散叫要$200，但又不知會否分量減少)及蔬菜。要$420，不知分量是否很豐富呢？以上三個菜連加一共$310。

同友人慶祝生日，佢迷上左阿rain話要食韓菜，當然緊係食正宗韓菜啦。整間餐廳都係韓國人，好好feel，討論左一輪，叫左1)海帶湯–濃厚的海帶味，幾好，但略為多油2)海鮮煎餅–好味，特別係個醬汁3)海鮮鍋–材料非常豐富，湯夠酸辣，正！4)水冷麵–d麵好似粉絲，但係好有咬口，個湯又凍又酸，好特別，唔錯5)煎韓國魚–外面煎得香脆，但一d都唔乾食，好有咸香，正！6)拼盤(唔記得正確名) –好味，但煮的時間較長，通常都係最後上枱的菜餚7)石頭飯–每次都必食，有飯蕉但唔乾食，個醬汁撈飯好好味值得一提就係佢地d前菜，有十多款，但款款都好好味，通常都差唔多清碟。

小妹第一次o係香港食正宗韓國菜，因為覺得會好貴，所以遲遲未試！上星期六，一班好同事補慶祝我生日，又知我係韓國迷，咁就去左試試！好開心入到去全部都係韓國人，可以俾機會我講講韓文，練習下，因為我正學梗，哈哈…佢o地個個都好nice，食物方面都好好！我o地叫o左個set，年糕，人蔘雞，泡菜炒飯，海鮮蔥餅，一支真露，total係$1043，除返七個人都係每人$150！不過…當我o地食飽坐o係度吹水時，竟然俾我見到有隻黑色o既物體，o係我遠處閃過！~~~ 特別推介~~~泡菜炒飯

天氣涼涼地，原本最好就去打邊爐，但太座晚上的行程臨時有變，邊爐打不成，唯有去食韓國菜。因為太座在附近買開野，順理成章亦在呢頭搵食，最後選擇了這裡。呢度其實開左好耐，話說初出道時在附近返工已經來吃過，除餐廳外，亦有卡拉OK的，幾受韓籍鄉里的歡迎。有一個天井樣子的小庭園，不過內部裝修不免有點兒舊。星期六，七點九，除了我們有三檯客，俱是韓國人。餐牌韓式食物仍是那幾種，有趣的是亦有以韓國人為對象的中式食物，價錢仲唔平添！因為吃完清湯腩無耐，只叫了炆牛肋骨、什錦石頭飯同海帶湯就算。例牌先來前菜，這裡的有十一碟，數量比平時的多一點，味道亦有水準。泡菜及漬辣蘿蔔都夠鮮味，單吃這兩味已知有基本功，其他如醃薯仔絲、豆角、黑豆等都好味，結果一個主菜也未到都給我們清晒十一碟，要侍應姐姐再添幾碟，真係唔好意思；先來炆牛肋骨，湯汁在石窩內沸騰著，看著聞著不知怎的有點肉骨茶的味道。湯汁偏稀，廚子沒有收汁，反而最怕杰汁的我是不太介意。牛肋骨也算入味，但汁底不夠甜美，配料如冬菇、紅/白蘿蔔等亦偏少，如不是幫忙吸點湯汁，這個炆牛肋骨會更有看頭；什錦石頭飯又係熱得「滋滋」聲的，侍應姐姐下點油，再加韓式甜辣醬去撈，好有尋晚

食一個setlunch, 有泡菜有湯有烤肉飯（可自選豬、牛或雞）,味道唔錯,但不夠辣(不喜辣的朋友可以一試)，店內格局很韓國feel , 連menu 都是韓文，店員也不會說也聽不懂廣東話，點菜要用手指著圖畫或者說英文，感覺相當”韓國”，整個感覺也很地道，又經濟，set lunch 只三十幾蚊，正！