影片
港鐵佐敦站 D 出口, 步行約9分鐘
繼續閱讀
電話號碼
27237887
開飯介紹
韓國菜好地方，店內菜式全屬正宗韓國菜，食物份量十足
繼續閱讀
營業時間
今日營業
17:30 - 23:00
星期一至日
17:30 - 23:00
以上資料只供參考, 請與餐廳確認詳情
食家推介
招牌菜
食評 (58)
見到前面差評加上好少人以為唔好食，結果好味到食晒。因為無醬蟹，求其叫咗套餐：有兩個烤牛肉、泡菜豆腐湯、海鮮煎餅（好好味）、蔬菜飯（有飯焦）。每樣都好食，唔咸，辣可以同老板娘講。服務都好熱情
繼續閱讀
22/4/2024多謝朋友請客 ， 我同另一朋友有口福了😋😋😋😋😋😋去咗尖沙咀 ‘韓國宮’，感覺上係一間比較耐歷史嘅韓國食店，同埋凝住係有啲貴嘅🤪🤪🤪🤪入到去全場得我哋一枱初時真係有啲驚，不過主理人韓國女士十分親切，見我衝入去嘅時候，流晒汗就即刻開大啲冷氣😂😂。見到暫時冇乜人，所以又俾我哋參觀吓vip room , 超nice . 當然我都曬吓啲韓文啦，佢就超級驚喜咁好開心😁😁😁我哋嗌咗個3-4人套餐，有牛仔骨、自選牛肉（另外可以選擇雞肉豬肉）， 蝦 （已除中間位置的殼）配上蒜蓉（或者可以選擇魷魚）、泡菜湯 （好辣、但好味的），海鮮煎餅（有用蛋去煎，好香。海鮮就少咗啲，勁多蔥）、韓式拌飯。另外叫了啤酒、2罐桃汁。所有要燒嘅食物都有侍應負責，非常貼心。主理人係咁叫我哋慢慢食，佢話通常星期一同星期三都比較冷清（好彩食到中途都多咗三枱二人嘅客，其中嗰兩個仲係韓國人，擺咗個cam喺枱面，唔知係咪YouTuber 🤣🤣) 臨走嘅時候主理人仲同我哋講話母親節去食嘅話，會送’cake’ , 咁我哋以為係咩嘢蛋糕啦，跟住佢俾相我哋睇原來係嗰啲’日式雞仔‘ （去日本會買嗰啲手信嗰種呢），真係好貼心，佢係特登搵人喺日本買返香港。另外仲話如果新年嘅話就會送合桃紅豆餅/糕。Happy
繼續閱讀
想講反呢間因為見到鋪頭外觀有韓宮feel 同食評好似都幾好，所以一直都想試，經過呢次，雖然服務態度好好，阿豬媽好好笑容好nice 但真係唔好意思，我好少打食評都要打返篇劣評😞😞😞想講返2個人因為有每人最低消費$250，2個人都局要叫夠野食，但都唔緊要，係冇一樣係好食。😩首先原諒我唔係食飯影相先既，所以係食到一半影。我地叫左3樣分別係八爪魚海鮮煎餅，辣牛肉湯同餃子年糕湯想講個煎餅係一夾就散開哂同埋係冇乜味，除左係加左紫蘇葉比較少見外，佢係厚身重蛋而且唔脆真係失望第二樣辣牛肉湯，入面係一塊牛肉都見唔到同埋係只係飲到辣既荳芽水味🤢第三樣叫既餃子年糕湯，正常野，冇特別話好好食，餃子只係得2隻，同埋食得岀同超市買餃皇既餃子味道係99.99%😂但由於係第一樣黎同太肚餓關係已食完冇影😂真心建議搵過個第二個廚師，唔係再好服務態度都唔會令人想去多次，最後真係太難食再食過第二餐晚餐😖
繼續閱讀
🥢尖沙咀有間經過咗好多年，但一直未去幫襯過的一間韓國料理，門口幾有趣整到好似城牆咁，聽聞佢地係由一位韓國媽媽主理，係韓國媽媽味道的韓國菜，口味夠曬貼近韓國，近排凍凍哋就想食辣辣嘅嘢，一於去試吓🥢店內客人都係熟客仔，入店都會同韓國媽媽傾計，仲話自己20年前已經幫襯，韓國媽媽已經變咗白髮婆婆，佢識少少中文有一口流利英文，所以溝通無問題，佢當所有客人都係佢嘅屋企人咁樣照顧，唔怪之得咁多熟客都會返嚟搵佢食，真係有一份香港久違咗好耐嘅人情味同親切感，坐低後佢細心咁問我哋凍唔凍，可以閂細冷氣，仲好熱情咁推介有咩好食，最抵食嘅就係套餐 $800 兩人份量就已經有燒肉，湯，主食飯麵類，今次因為想食好掛住韓國海鮮鍋，所以點了鍋物同少少嘢食🥢海鮮辣鍋 $550海鮮鍋入邊材料好多吸引人嘅就係韓國八爪魚腳，上勁大隻又新鮮嘅八爪魚，婆婆話只要一滾咗煮，佢一陣間就可以即刻食仲好細心咁幫我哋剪細件，果然係超級爽脆，而且好有鮮甜味同韓國食到嘅一樣，另外入邊仲有蜆，青口，新鮮帆立貝，蔬菜等等，雖然冇圖片上嘅蟹但估唔到個湯係非常之清甜，飲完唔會覺得好口渴甜味完全來自食材海鮮嘅味道，味道感覺唔會好似出邊嗰啲湯底咁搶口，但係呢一種就係家庭式溫暖嘅味道，飲晒都唔覺得係好重味好有負擔嘅感覺🥢醬油蝦$250呢度嘅醬油蝦同出邊有唔同，婆婆話俾我哋試吓一份裏便有兩隻唔同口味一隻就會係比較清爽啲嘅另外一隻就會重味啲嘅一半一半，佢自己就話鍾意食龍尾啲嗰隻叫我哋兩隻都試吓，先食清爽啲嘅味道，一咬落去係超級爽係脆口嘅感覺，醬油味入晒落蝦裏面，而且佢呢個醬油味甜甜鹹鹹嘅味道真係好好味，龍尾啲嗰隻感覺上就冇之前嗰個咁爽，但係都會覺得係爽口，係新鮮嘅感覺，醬油味濃啲更好味，兩款蝦嘅味道都都鍾意，暫時喺香港食過咁多間覺得呢度嘅醬油蝦最好食🥢海鮮煎餅 $130成日都好想喺韓國舖頭食煎餅，但係又好怕一嚟就好大份，同埋都會有點糾結好想食到韓國嘅味道，但係又好想食香港嘅煎餅煎好脆卜卜嘅感覺，因為韓國食嘅會係腍啲嘅唔會脆嘅，但係呢一度最尾都有嗌到一個海鮮煎餅，好彩個份量都唔算大兩個人食剛剛好好鍾意去落咗好多蔥仲要事前煎到好香，海鮮配料就自由發揮，但整體整個蛋餅都煎得好香，好有蛋香味道🥢馬格利酒 $100食韓國嘢梗係要飲酒米酒最啱最容易入口🥢好鍾意呢一間店嘅婆婆，好似去咗屋企咁樣好有家庭溫暖，呢一種人情味同埋熱情嘅招待香港真係買少見少，再唔好話香港嘅服務態度唔好啦，細心啲搵其實都仲有一啲有人情味嘅舖頭，雖然嗰日去到剩係得三台客，佢都話有時會好忙，有時就好似今日咁靜，佢仲帶我哋去佢餐廳入邊一個神秘包房裏便可以坐到30人可以開party有個小酒吧同埋一個露天小花園，花園出邊嗰啲草全部都係真嘅係婆婆自己去買返嚟佈置，估唔到入邊別有洞天，雖然呢度嘅味道唔算好特別，好驚為天人，賣相都係好普通，甚至乎好似冇乜點樣擺盤，但係正正就係呢一種家庭式嘅感覺先至留得人心，有機會真係要再過嚟試吓佢哋嘅醬油蟹同埋佢哋嘅套餐係咪咁抵食先📍韓國宮 (尖沙咀)尖沙咀漆咸道漆咸圍5-7號宏富大廈地舖
繼續閱讀
因為有韓國媽媽的溫馨，有韓劇家常菜的感覺 真的每個月至少來一次菜單上有很多真的很地道的菜 是那些連鎖韓餐店沒有的每次送的自家醃製小菜 都不一樣 都很好吃基本上就是我的韓國菜食堂夏天想吃醬油蟹了 來這兒想吃冷麵 豆乳麵了 來這兒一年四季想喝米酒 燒酒棒了 來這兒想吃韓式烤肉了 來這兒想吃辣炒年糕 泡菜餅 綠豆餅了 來這兒冬天想吃土豆脊骨鍋 部隊鍋了 來這兒和媽媽熟了之後 過來一起喝酒 媽媽還去後廚切幾塊豆腐和年糕 放進鍋裡 接著煮想喝人參雞湯了 來這兒餐廳的最高境界不就是有 媽媽和家 的味道嗎
繼續閱讀
您可能會有興趣的...