韓嘉嵐韓國料理 (QRE Plaza)

店子由韓國人主理。環境一般，也有點凌亂，但坐下便覺得自在。像進了首爾街頭的烤肉小店。服務員姨姨叔叔講韓文英文都通，招呼爽快。前菜一上便擺滿桌，約八到十款。每次都有新意，酸辣鹹甜各一碟，味道好極，可以續添。這晚點了牛肉紫菜包飯，米粒緊實，牛香與芝麻油相依。煎韭菜餃圈成小卷，焦底脆口，蘸醬更起味。韓式炸雞一大盤，外層粗脆，裡頭多汁，配啤酒剛好。重頭戲是炭火燒肉。我們點了豬腩、豬梅花和牛肋骨、牛舌，服務員在旁照看火候，翻面、剪件，熟了便提醒。豬腩油花滴落，帶微焦香；梅花肉較厚，咬口實；牛肋骨脂香明顯，包生菜加蒜更順口。另點炒泡菜豬肉拼豆腐，辣醬包住豬片，配白飯最對路。這裡不是講究擺盤的地方。勝在份量足，前菜多，烤肉有煙火氣。幾杯酒下肚，邊烤邊聊，夜就圓滿了。…查看更多

今日下午同同事食lunch，心情極佳，這間小店小碟很多款色而且好好味，我哋3位食完refill2小碟，坐cashier個員工態度極差，話隔離4位可以refill, 你哋3位唔可以，唔知道乜嘢logic ，我哋3個人叫咗4個餐，我哋真係激氣，叫我哋同經理講，我哋永不錄用。…查看更多

🔥韓式泡菜煎餅 一上枱，香氣撲鼻，煎餅煎得金黃微焦，賣相相當對辦。佢同一般食到嘅薄身版本唔同，呢度做得比較厚身，直徑大約有八吋，份量十足。用筷子輕輕撬開，外層脆口，內裡軟熟，帶點煙韌口感，粉漿調得恰到好處，唔會過份厚重。材料方面絕不吝嗇，每一啖都食到大量酸辣爽脆嘅泡菜絲，仲加入咗少量韭菜同蔥段，增添香氣同口感層次。泡菜嘅酸味有效中和咗油膩感，辣度溫和，唔會搶喉，反而越食越開胃。點上隨附嘅微酸醬汁，更加提鮮。呢個煎餅絕對係高質之作，香口惹味，作為一餐嘅開始，或者佐酒都非常一流。🔥韓式豬手呢道絕對係餐廳嘅鎮店之寶，亦係極具挑戰性嘅分享菜式。全隻豬手上枱時極具視覺衝擊力，份量驚人，足夠3-4人分享。師傅已細心地將豬手起骨切片，方便食用，擺盤整齊，旁邊伴有生菜、蒜片、青椒圈、韓式麪醬用嚟點食。豬手本身滷得極之入味，用上多種韓式醬料長時間炆煮，醬油鹹香中帶一絲甜味，完全滲入豬皮同瘦肉之間。豬皮充滿骨膠原，口感黏糯彈牙，卻毫不肥膩；瘦肉部分鬆化軟嫩，一啲都唔「鞋」口。最好嘅食法當然係用新鮮爽脆嘅生菜葉，包住一兩片熱辣辣嘅豬手、少許生蒜片、青椒，再加一點麪醬同鹹蝦醬，一啖放入口。各種口感同味道——軟糯、爽脆、鹹香、辛辣、清新——喺口腔內一次過爆發，味道複雜而有深度，令人回味無窮。雖然價錢唔平，但以其份量同製作功夫而言，絕對物有所值。🔥韓式醬油蟹 嚟到今晚嘅高潮——醬油蟹。對於未試過嘅人可能會卻步，但對於識食之人，呢道係韓國菜中嘅極品鮮味。選用肥美嘅奄仔蟹，以傳統醬油、蒜頭、薑、芝麻等秘製醬汁生醃至少兩日以上。上枱時，蟹膏飽滿，呈現誘人嘅橙黃色。輕輕一啜，冰涼嘅蟹肉如啫喱般滑溜，極之鮮甜，完全無半點腥味。醬油嘅鹹鮮恰到好處地襯托出蟹本身嘅海洋氣息，而唔係死鹹。最好食嘅方法，係將佢伴入一碗熱騰騰嘅白飯，再撈埋濃郁嘅蟹膏同醬油汁一齊食，嗰種鮮味同油香，真係令人欲罷不能，每一粒飯都充滿極致鮮味。餐廳亦提供紫菜，可以包住飯同蟹肉一齊食，增添多一重口感。呢道菜係對食材質素同師傅手藝嘅終極考驗，而呢度絕對交足功課。…查看更多

友人忽然要食韓國菜，來到這家老字號餐廳共晉午膳。各式各樣細細兜的前菜一湧而上，包括茄子薯仔、齋薯仔、芽菜菠菜、鵪鶉蛋鮑魚粒、泡菜、西蘭花、青瓜條等等，陣容之多是嚇得了人的。可惜全都欠味，只有泡菜竟是出奇的鹹，應有的酸辣卻不知跑到那裡去。由雪花肥牛、肉眼扒、牛肋骨、牛胸片以及兩片厚菇組成的牛肉拼盤，肉是沒有醃過的，無味可以理解。但肉味完全發揮不出，燒完亦不覺肉香！配上的蔥絲又辣，生菜當然無味，蘸醬不鹹也不辣。海鮮煎蔥餅沒有很多的海鮮，不過至少夠熱夠脆，還有蘸點的醬汁夠味，尚可接受。然而理應不會失手的韓式炒粉絲，牛肉是大片的，無奈粉絲炒得不夠爽，問題是同樣地欠缺調味，得個甜字！是食而不知其味的一餐。…查看更多

😡!! WORST CUSTOMER EXPERIENCE EVER !!😡I have never encountered such impolite restaurant staff in my life. A few months ago, me and my friends visited this restaurant for the first time. Having ordered a lot, we received three VIP cards as a result.Recently, I wanted to introduce my other friends (12 people) to the restaurant because of the good food. However, when I called to inquire about reserving a room, I was treated very rudely! At first, the staff who picked up the call quoted $5,000 for 11 people in a room. When I asked if I could add one more person, she quoted me $6,000 for 12 people in total. So I asked why the huge difference and the staff aggressively questioned me: "Shouldn't you spend more to help our business? Since you have a VIP card, you should know our menu prices!"I messaged the restaurant 2 days later to cancel the booking as I found a better substitution and the manager of the restaurant offered to give me a call to explain and apologize. I replied that they could call anytime but they eventually never did!I was so shocked by how the restaurant staff treated a returning customer, and I'm NEVER EVER EVER giving it a second chance nor encouraging anyone to visit!Visit at your own risk and if you would like to have a taste of an EXCEPTIONALLY BAD customer experience.…查看更多

合和中心對面既QRE樓上有間都幾地道既韓國野入面 D staff 全部都係韓國人每次 Lunch 都極多人排隊但老實講其實食物唔算好好味不過佢D前菜多到你嚇親！！全部都大大碟總要幾好食我地成日都笑話呢間前菜總好食過主菜✨牛肉石頭鍋飯$99✨冇也特別既石頭鍋飯沒有飯焦 味道亦唔係特別好除咗大份 諗唔到有咩理由要食佢😂所以唔推介大家黎呢間食石頭鍋飯✨牛肉麵豉湯$105✨呢到D 湯飯真係冇失望☺️食過幾款湯飯都好好味好夠熱而且少少辣食下食下會唔小心食多左飯不過肉就偏少🥲由於成日都黎食所以都試過唔少菜最推薦大家食海鮮煎蔥餅！真係好好味架🙂‍↕️不過大家想食到就12點15分前好黎到啦入面位置唔多等位起碼半個鐘以上…查看更多

今日南丫島半日遊，不能再宅在家中，生菇了。難得在港島區，搵間好嘢食下，懷念一下鄉下的味道，韓國菜。當然要搵一間韓國人經營，有歷史，有實力，仲有人情味的餐廳，好好對自己。老闆娘姜女士，第一時間想起她，QRE ,27樓吧。菜單太多嘢想食，叫左個牛拼🥩，炒粉絲，牛骨菜乾🥣湯，生菜🥬藍，黃花魚🐟，醬油蟹🦀，最加上八小碟前菜，應該係食唔晒，不過太想食，最後都係要打包。前菜最愛薯仔🥔，好好味😋，酸蘿蔔，又開胃又解油膩。炒粉絲，好滋味，食完又回味。醬油蟹🦀好多膏，仲加埋紫菜飯，食完又食。個個都食飽飽，非常滿足，下次再嚟。…查看更多

好local同少有好食嘅韓國餐廳❤️首先一黎勁多小菜已經好surprised✨仲要全部都好好食🤤泡菜好大條同夠甜 食得出唔係買係自己醃😌1️⃣燒肉我地叫左 濟洲島黑毛豬五花腩 好好食！不過另外烤雪花牛肉個肉quality麻麻地，少韌2️⃣安東炆燉雞呢個燉雞係勁入味！因為我地想食少辣 於是佢地就直接推薦我地食醬油版（本身係辣醬嘅 醬油應該係hidden menu黎！）個雞槌一夾起已經係淋到直接拆得肉🫡個鍋仲配埋薯仔粉絲同年糕，全部都已經好入味🥰3️⃣牛肉紫菜包飯好大份同好香麻油味！佢地仲送左個配kimbap嘅sauce比我地點，超級夾🤤4️⃣海鮮韭菜煎餅略嫌厚左少少🤏唔脆 覺得太重粉漿🫥Overall覺得煎炸dish好似都比較遜色，不過呢間做傳統湯燉嘅dish真係💯，超級推介大家去食！仲要睇得出大部分staff都係地道韓國人超級好客同friendly 係咁教我地韓國人係點食😍成餐飯都keep住好多韓國local黎食 加埋個環境真係好似去左轉韓國咁🤭值得encore！因為太大份食唔到好多 下次一定會再黎試埋其他嘢食☺️…查看更多

午餐去到呢間韓國餐廳食。時間較早，唔洗排隊，入去發現附近幾台都係韓國人，睇嚟食物應該幾正宗。侍應幫我哋落單之後即刻就送上小菜兩個人食竟然有七碟小菜，有一半係辣嘅啱晒我胃口，另一半就好重麻油味同行人好鍾意食。我叫嘅係海鮮豆腐湯，搭配一碗白飯婆個辣湯係傳統韓國嘅味道豆腐係比較結實嗰種海鮮方面有一隻大蝦同埋一啲魷魚貝類，大蝦食得出係新鮮嘅。整個湯係最基本嗰種韓國湯飯味道。今次可以話最滿意嘅係小菜配角，變咗主角。…查看更多

午市同朋友去食，本身冇諗住寫食評所以冇影相，但食完覺得幾不錯值得推介下午市一個人大概$100-120左右啦，闊落乾淨坐得舒服，算係合理既價錢！驅使我寫食評既係佢啲前菜配料🤣我地6個人去，好似有8款前菜，菠菜 泡菜 青瓜 魚肉餅 全部都大大碟，勁出色！如果可以免費添我應該會成日去🤣主食冇咁驚喜，不過都相當唔錯！對得住個價錢先。款式都非常多，淨係lunchset都有十幾款，樣樣都有！味道都非常正宗，由韓國人打理係唔差得去邊既！…查看更多

星期五26/4中午我們六個朋友一起在這間餐廳午餐。大約下午1:30左右到達，起初店內客滿，我們等了大約5分鐘後便安排我們一張四人枱加一張小型摺檯，但我們不接受再多等了5分鐘便安排一張六人枱給我們坐，我們六個人點了六個午餐，小吃點到達後有七款多的選擇，有西洋菜、泡菜、薯仔、青瓜、矮瓜、芽菜等，主食物到達後，大家開開心心地進食，高談闊論一餐。怎知道，食到一陣間，我頭頂上無啦啦流了很多水落嚟好似落雨咁，這些水應該是冷氣儲水箱滿溢啲水，十分汚穢，竟然直接流落枱面上的食物，有些食物汁液灑落我和我的朋友身上，服務員一聲道歉也沒有，只是立即取走我們枱上兩碟食物和叫我們搬去後面的枱，《可能想毁滅證據啩》，後來也只重新換過兩碟給我們，我朋友對收銀員姐姐說，還有兩樣食物也有被污水灑上。但她竟然說，這兩樣你們也差不多食完啦，仲要換，我們聽見後也不開心，好像是我們要騙你家的食物，我和朋友身上被灑的食物汁液也沒有要求你們賠償洗衫費用，雖然你家的食物質數不差，種類繁多，但你的收銀員態度真的無法接受，在我心中，香港又少了一間美味的韓國餐廳。…查看更多

成晚餐最好食嘅就係橙話說生日同朋友食餐韓國菜一早WhatsApp 預訂咗位講明我有bb車要放回覆話noted.去到同我講唔俾放bb車真係o咀😨😨😨😨早講我揀其他餐廳坐得舒服好過啦咁近火種真係唔太啱bb嚟😓食又無啖好食鰻魚咸到我只能夠食一口雖然好浪費，但真係超咸，價錢仲要3位數泡菜煎餅又係咸五花腩如圖示肥膏仲多過肉真係伏味濃👎🏻👎🏻👎🏻👎🏻一係過分咸一係過分辣朋友們都食到一肚氣搞到要轉場食糖水9個人食咗$4000幾😿😿😿…查看更多

午市時間12點到達餐廳，未入場已聽到大量思咪達，原來餐廳播放韓國新聞台。其後店員用唔鹹唔淡嘅廣東話安排我就坐，之後向我表達一定要45分鐘之內結帳。當時只有4檯客人。今次點餐選擇炆牛肋骨，$158/位。首先，上四碟前菜，分別係泡菜、茄子薯仔、菜心芽茶及魚糕。大概等了10分鐘，店員將主菜炆牛肋骨上檯。牛肋骨非常之大份，一大三細。炆得骨肉分離，但不是一夾就會散的程度，不會黏牙，配合白飯一流。由於四碟前菜非常大份，記得留肚食主菜。聽講午餐有甜品，我未遇到就已經要去埋單。…查看更多

韓國夫婦來港多年友人經常光顧的小店約20張小桌 、古典設計簡單舒適友人選了雜錦豬拼盤 大約$378超大盤有豬不同位置豬胸最正我們加了生菜和芝麻葉！倆老板同員工都非常友善不停為我們加配菜和送了墨魚非常正宗美味！試了頂級韓國纯米農酒大約$200 －支超順滑值得推介－定要再回來試其他菜式！整體美味指素高！交通也方便在合和對面離地鉄站三分鐘自家制泡菜和前菜家居風味…查看更多

食物質素：小菜不錯有多項選擇，正餐炒豬肉正常味道價錢：午餐時間每人至少$110+1　，價錢中上服務：除了一開始點菜時服務員很快點餐，其他時間都不應理人又西面，要三催四請才肯加2項小菜和加茶結論：試1次便算，性格比不高…查看更多