青松韓食

營業中

休息中

今天中午光顧附近的韓式小店，店內座位不多，窗明几淨，舒舒服服。因為不太肚餓，只點了一份辣炒年糕，上菜竟還有兩碟小菜。食物的味道不錯，很有家庭feel。埋單$45，覺得物有所值，值得推薦。

原本我想景霖食粉線，內部裝修，可能執了去榮發食豬手米，無開。我記得每星期一休息有想過去三河屋食天婦羅，但烏冬湯底比十幾年前咸好多我有時去青松韓食買飯卷，但我未試過堂食堂食超窄本想叫炸醬麵,試下是否同附近的韓國店咁好味點知麵賣晒，我無興趣食公仔麵我叫了牛肉便當。前菜比主食更好味!

中秋節反傳統去食韓國嘢，選了韓式炸雞，紫菜壽司卷，炒粉絲和kimchi。外賣回家後韓式炸雞雖然多汁仍香脆，啲汁係甜辣汁，但辣度唔係好多，所以好容易入口，炸雞全部都係雞槌，唔會炸得太乾，真係好好味紫菜壽司卷: 紫菜少少林，但仍然都好好味酸蘿蔔在中間好夾最後炒粉絲和kimchi就正正常常，都係處理得好好

約女性朋友一齊去寶石戲院附近的食店，選了這家青松韓食，食過店門口賣的前菜，都非常可口、有水準。先影一下菜單：時間是平日晚上七點，店裡有一個準備食物，一個遞送，水自己斟，自己拿杯，比較家庭式的感覺。店員送上四碟前菜，沒有想過有前菜，叫了碟波菜 後來店員又收走碟波菜，話俾錯，原來換碟大的。$40 的菠菜，唔知大家覺得值唔值？個人覺得比我想像中細。$25 芝士煎蛋卷 熱騰騰上枱，感覺很不錯，芝士無特別，未有拉絲的效果，芝麻另加添風味，蛋比較實，即真材實料。平常都是用蛋漿，有軟綿綿的效果，但這間是不同的。如喜歡挺身的、香香蛋味的蛋卷，有蔬菜蛋卷和紫菜蛋卷也可選擇。$50 辣炒豬腩魷魚飯 醬汁令碟飯好惹味，豬肉吸收了醬汁會食不停口，魷魚水味好重，醬汁濃而顯得魷魚淡味。這一濃一淡都挺有趣。$70＋$10 七件炸雞加甜辣醬（可選其他醬）。這個炸雞的糊皮脆口，加上甜辣醬、香嫰剛熟的雞肉，超級美味！！最推介這道菜，醬汁是必不可少的，否則將會大打折扣。必叫這道菜~

行過韓式小店，見幾特別就同朋友入去試吓芝士蛋卷份量頗多，芝士味濃厚，啱晒鍾意芝士嘅人牛肉紫菜飯卷足料，牛肉調味香濃，正常發揮甜辣醬炸雞調味落略嫌過重，但雞非常嫩滑多汁泡菜煎餅大大塊煎餅，好飽肚，泡菜配料都幾多

店面小小的韓食家庭式餐廳,食物實而不華。泡菜香口好食,蛋卷配上芥末醬很搭擋,十分開胃。很欣賞辣炒豬肉飯,薄薄的五花肉片炒得很香濃惹味,雖然有點多油,但酸辣泡菜却又中和了油膩感,十分好味!!

下午同老公試下韓國小菜小店又平份量好好夠食 叫左餃子🥟送飲品 老公叫左泡菜炒豬肉飯 好好食😋我叫左紫菜飯卷原味 又好好食😋店內會俾伴菜四碟 甜番薯我最鍾意食下次會再食

韓式牛肉便當$60好有住家飯的味道，雖然前菜和粉絲牛肉，都是韓國一般慣常的菜式，但每個人煮出嚟的味道係會有啲唔同的，呢間都唔錯和價錢合理，有我最愛的泡菜、大豆芽、菠菜和燉薯仔☺️

放工去睇戲，就去附近揾嘢食，上 open rice 揾咗間韓食小店，買咗飛就坐定定食飽等開場 😬泡菜飯卷好味，有點驚喜，食到香香吞拿魚，飯唔算太厚，口感正。泡菜煎餅有點失望，軟軟糯糯咁，食唔到香脆口味。泡菜炒豬肉飯，原本以為係炒飯，點知係炒完個餸放白飯面，食落好香口，豬肉見到有點肥，但食落唔膩，不過係細碟咗啲。送上 4 小碟伴菜，味道都好好味。題外話：店內兩位女仕傾談係用普通話，我仲以前店鋪是韓國人開添 😅😅

位於紅磡嘅一間韓式外賣店 轉賣醃製小食 另外有飯麵 蛋卷 飯團 飯卷等 ▶️ 魷魚紫菜飯卷 ($40)一盒有10件 一開始見到有啲覺得佢貴 因為望落去好似好細件 做lunch一定唔夠飽 但係呢個價錢可以食到一個飯🍱不過都要睇吓味道先知 咁就返屋企試吓擺上碟上面又感覺上冇咁少😂視覺效果佢包得幾好 唔會一夾就散材料豐富 有辣魷魚 醃蘿蔔 日式魚蛋 蛋絲 魚糕 火腿 紅蘿蔔 青瓜 荀真係估唔到細細件可以有咁多材料 十分精緻😍- 🐷火腿有少少煙燻味- 辣魷魚幾多🦑咬落好淋好鬆 口感一條條咁 仲好出魷魚味 食落辣辣地 好惹味- 青瓜🥒 荀 咬落超清脆爽口 - 醃蘿蔔味道同口感上係最出嗰個 唯獨佢係酸嘅 我自己就好鍾意❤️- 蛋絲煎到變成蛋皮 咬落有啲空氣感🥚好泡泡- 魚糕少少似魚蛋味 不過薄薄地同埋食落黏啲- 日式魚蛋🍥同紅蘿蔔🥕味道較淡所以唔出🍚佢啲米飯唔錯 粒粒分明 仲幾香米味 質感飽滿 好嘅係佢個飯唔會好厚一層 反而主要材料多👍🏻即使冇特別落醬 味道已經好足 食落又酸又鹹又辣咁😋跟住咬落又超有層次感 又脆又淋雖然價錢上貴咗少少 因為份量唔大 做lunch都要另外再買野食 只係佢味道好 材料足🤤

紅磡有好多小店，其中青松韓式係我最鍾意嘅一間小店，因為老闆娘好好人，我見到佢同好多大學生嘅互動就覺得呢間舖頭充滿人情味，所以每逢冬天我都會不斷嚟食吓人蔘雞，暖下身子。人蔘雞湯，包一個白飯同埋三個小菜（注意堂食先會送小菜）另外叫多杯桃汁。佢個人蔘雞湯好夠火喉，一般喺出邊食到嘅人蔘雞可能都會連住骨，佢呢度每一次都係滾到骨肉分離。P.S. 佢個自家製泡菜真係好好食！！！我哋差唔多每次都會買盒泡菜外賣拎返屋企

幾個月前朋友一直介紹我去食呢間餐廳，但我放工佢地只可以做外賣，我住太遠無得試。終於開返個晚市堂食，我可以去試呢間韓國菜啦。平時去尖沙咀都唔鍾意食太重味嘅韓國菜，今次黎到呢度可以試啲輕食啲嘅菜式。所以揀左餃子配粉絲，本身都驚會好油，但食落岩岩好。粉絲餃子又唔會太膩。另外配埋個甜薯仔就完美啦！近期睇驅魔面館睇到上哂腦，食食下仲會諗佢地放左工係咪會去驅魔🤣🤣點解間咁好食嘅餐廳得咁少人讚？#廿#一#田#金

點左炒牛肉飯，泡菜豬肉飯，生淹八爪魚。前菜有4款，同一般韓國餐廳有前菜的都差唔多，但有送一碗湯，都好飲，但唔似牛骨湯。炒牛肉飯 50分呢間飯份量比較多，睇落去餸就較少，牛肉有d乾，唔夠汁亦唔太夠味道，略失色。泡菜豬肉飯 65分呢個味道唔錯，辣辣地，味道同一般有少許唔同，可能係辣醬的唔同，有特色同驚喜。生奄八爪魚（60蚊） 70分呢個有大蒜，八爪魚腳，用辣醬奄成，其實除左八爪魚腳有少少硬，整體都好味，個大蒜提升左味道，但如果唔喜歡蒜就唔好點，因為都幾多蒜頭。

今日同朋友home gathering， 因為唔想又叫串燒，所以其中就叫咗屋企附近青松韓食外賣回家。我地叫左韓式牛肉定食， 賣相非常吸引， 價錢便宜，定食外賣仲有折， 定食包含四前菜，有醃薯仔、 青菜配芽菜、甜蝦乾同泡菜， 特別喜歡甜蝦乾， 令我食完想再食，主菜係牛肉配上紅蘿蔔及粉絲等，牛肉唔靭，味道不錯，韓式白飯份量足夠，非常有口感。另外仲叫咗泡菜、紫菜蛋捲及魷魚紫菜飯卷，全部都美味， 醃菜類仲有好多款選擇， 下次人多要叫多幾款嚟食呀。

韓式牛肉便當，樣樣都有些，可以試多幾種食品。試咗5種冷菜，各款配菜都做得很出色。芽菜、菠菜：無太多的調味添加，雖如白灼但能嘗到原味，而混有芝麻既健康又可增味。炒小蝦：甜甜地，又有咬口的，如蝦乾般但鮮味十足。韓式魚蛋：軟中帶韌又有甜味。泡菜：混有很多的辣椒碎，看見以為好辣，食落原來其實唔辣，只有辣椒的口感，爽脆好味，最重要係唔鹹。韓式炒牛肉，有椰菜絲、韓式粉絲，囗感豐富又爽口彈牙。蘿白湯，家常煑法，清清哋。