青悅·越泰料理

晚上八點半左右，唔想快餐就來了，選擇頗多，我就試撈檬，然後再來一個滴漏咖啡。好快來咖啡，過多約五分鐘就來撈檬了。撈檬份量剛好，豬頸肉札肉都足料，九十幾蚊唔係平但質素都OK。咖啡同奶濃度剛好，都幾好飲，亦唔細杯。至於服務，可能我無咩要求，唔覺有咩問題。帶位的姐姐比較醒目快捷，我一個人就即刻帶去走廊位細枱，係有D唔自在，不過其他枱都有人我就唔要求喇。最後收銀的哥哥仔好好語氣，呢點係我寫呢個食評最大的動力。…查看更多

我同屋企人去完機場送機，原本打算隨便去麥當勞醫肚，但見到有間越南餐廳，環境望落去乾乾淨淨，氣氛又幾舒服，心血來潮就話不如試下啦。一入門口，已經有同事主動走過嚟招呼我哋，笑容好親切，安排位都好快。因為我哋有老人家同行，啱啱坐低，職員主動問我哋要唔要水，感覺貼心，又主動同我哋講，如果風口位太大，可以調位。之後經理過嚟比餐牌，我成家人都唔太食辣。經理聽到之後介紹咗幾款唔辣、適合老人家同小朋友食嘅菜式俾我哋揀，好細心。我自己叫咗個炭燒豬頸肉飯，份量好足，豬扒厚切得嚟又唔乾，咬落去有啲炭香味，唔係普通煎出嚟嗰種，真心有啲驚喜。屋企人咗碗生牛河，牛肉算新鮮，湯底唔太濃味，份量算啱啱好，唔太多但夠食。餐廳整體算乾淨，唔嘈，最緊要老人家坐得舒服。服務方面，由入門口到落單、叫水、送餐，去到埋單都有人招呼，唔會覺得被忽略。埋單時經理問我哋啱唔啱食，叫我哋下次再嚟。總括嚟講，我覺得青悅食物質素、定係服務態度，都係唔錯。下次去旅行，都會再嚟幫襯。…查看更多

今日要送家人機，由於翠華已經執咗笠。喺沒有辦法嘅情況之下去咗呢間餐廳！一入去就知道伏！餐廳小貓三隻！用Apps點餐好多嘢都冇！最後叫咗雞扒公仔麵，啲麵硬到要等5分鐘先軟返啲！另外叫咗一份炸魚早餐，炸魚嘅份量同薯餅係一樣大細、雞蛋一啖就食晒！多士硬到咬到咬唔開！牛油、茄汁，要問先有仲要等好耐！另外加$8要咗一條腸粉唔係蒸嘅！係微波爐叮嘅！仲要硬到咬唔開！水同碗全部要自己攞！唔明點解差不多冇服務質素，但要收10%服務費！職員態度奇差但一致！係一致所有態度都差！呢種餐廳，除非你係機場職員有半價，否則要俾正價一定唔會嚟！…查看更多

是日去了機場送朋友機，送完機後，因為難得去了機場，所以突然想在機場吃完午餐才回家原先想吃的幾間餐廳都正在裝修，所以最後就選了「青悅越泰料理」這間餐廳。叫餐落單都是用二維碼，食物種類都很多選擇，越式、泰式都有我就選了「悠閑午市套餐」，相信這麼多款午餐，最熱賣就一定是「生牛肉湯粉」。有講明每日限量10000份，我點餐的時候，已剩餘751份。就是因為寫到限量，所以最後就叫了「生牛肉湯粉」「生牛肉湯粉」湯底味道不濃，湯底味道清淡，牛肉簿身，而不韌，但我覺得整碗生牛肉湯粉就很一般，可以一試…查看更多

11點幾去幫襯，全場空枱其多，目測起碼20幾張枱係吉既。幫襯完之後簡直成肚氣不吐不快，比硬負評！首先，自助用手機落單後發現落漏單，好禮貌地叫個高大的男職員（自稱副經理）幫手補番，佢即刻黑哂口面，一副唔願做既樣咁，侮氣到爆炸😀第二，去自助區拎熱水壺洗餐具同碗仔，剛才嗰位黑面男職員黑口黑面走過黎，話「我其他客要用架！我要拎番走呀！」 首先，請問你全間舖（成30幾40張枱）得一個熱水壺嗎？係嘅話真係笑死人😇 同埋點解要將個熱水壺擺喺自助區可以俾啲客自由攞走黎用？第三，用兩張櫈擺隨身既袋，已經擺左起碼20分鐘，剛才嗰位黑面男職員先至拎住個兜過黎，黑口黑面話「我要拎番啲櫈比客坐！」。到左呢個時候，現場目測起碼仲有10幾張吉枱，吉凳就起碼有20幾30張，請問用你兩張櫈會影響你做生意？同埋擺左成20分鐘先講唔好再遲啲？你唔該都無句，真係咁樣招呼客人嗎？😇總結黎講呢位自稱副經理既男職員嘅態度超級惡劣，唔講以為殺咗佢全家，喺一個國際城市嘅機場入邊呢一位員工簡直可以用趕客嚟形容，真係未試過食餐飯都咁嬲😀至於野食方面，叫左個蕃茄蟹肉檬粉，難食到癲，個湯底根本係蕃茄撈蛋花，勁少蟹肉，咁就成為港幣$94，另外個撈檬亦都係非常普通，呢間野仲要係喺機場入邊接待唔少嘅旅客，真係笑大人個口奉勸各位寧願食隔離麥當勞或者入閘食其他嘢，都好過幫襯呢間嘢。…查看更多

店員無禮貌，態度差，食物難食而且貴建議可以去其它店。份量很少， 一小杯凍檸茶要$48， 一碗牛肉粉要$98！ 你好食我都算了，店員服務態度還差，要10%服務費。 不值得。 很難想像這樣的服務態度和食物質量可以生存。 問多一句，職員就不耐煩， 求其做事，沒有聽到客人的要求，客人都沒有吃完就收走食物。 難道是聾了，聽不到😳 好奇怪的店員， 粵語講不好，國語也講不好。 目測，客人都是內地人。不懂，為什麼國語講的那麼差， 需要改進。 希望可以改善店員態度和食物質量…查看更多

朋友來港旅行，去送機。上機前吃點食物，選擇這間。18:30左右到。去到餐廳門口沒有人主動招呼我們，見到食客不多只有兩三桌，我們自己找座位，也沒有送上清水，只見職員在閑談閑聊。掃碼點餐後送上食物，沒有說多謝等等的字眼。送餐員把食物放在桌子旁邊，感覺不太良好，食物很一般。價錢就係機場價格，呢個冇得說因為全世界都是這樣。期間也沒有人過來為我們加清水。這間餐廳給旅客和消費者帶來很差的體驗，有這樣的餐廳，難怪咁多香港人北上消費。…查看更多

在機場找食店，看似氣氛還好，但一進內帶入去兩人位，都還沒夠1點午餐時候，且空枱一堆堆。我們想找張沒太陽哂的位置居然說沒法子。態度很差，沒禮物且像只有這家店有得食咁樣。連對不起位置緊張都不說。太差啦！…查看更多

地方寬敞，食物味道正常，份量足。如果坐廉航無訂飛機餐，喺呢度食早餐啱晒。三文治用越式法包。個包本身好大個，切開三份，方便進食，配埋薯條，好飽。不過個包可以再脆啲~ 湯河正正常常，份量夠，可選擇另配腸粉或滑蛋加多士。今次揀咗滑蛋多士，滑蛋真係滑，好食，好似有兩隻蛋嘅量咁。坐得舒服，又夠食。搭早機不妨喺度食個舒服的早餐。…查看更多

開工前趕快同老公在機埸客運大樓吃個午餐，最終決定到《青悅·越泰料理》，可能上左八樓的原故，無人排隊，地方又大，午餐時段還可直接入座。點了海鮮喇沙檬粉，海鮮都很豐富，湯底惹味，奇怪在明明平時食開應該是油麵，這裡麵底給予太多選擇了🙈另一個點了青咖喱豬頸肉飯，咖喱送飯一流，多多飯都食得曬，豬頸肉薄薄切片不膩口，香脆爽滑，真係好好吃😋機埸員工仲有85折添！😉…查看更多

點了餸15分鐘，叫侍應跟一跟單，他說係咁耐㗎啦，我話嘢飲都可以先上吧，他說今日全場爆滿。如果機場嘅服務都係咁樣樣，香港個市真係要多謝呢班害群之馬。未食嘢，已經一套氣。…查看更多

難得6位家人一起係機場，晚飯時間。經驗人士推薦了呢間泰國餐廳.因為已經過咗夜晚8點，餐廳也只營業到夜晚10點，客人已經唔多，我哋6人也拿拿聲落order（by barcode）1）軟殼蟹菠蘿海鮮炒飯 HKD112.- （8/10）味道與賣相一樣，不錯！可以推薦👍2）海鮮冬陰功湯 HKD98（2人份） （8/10）冬陰功湯係泰餐招牌食物，一般都唔會失敗，呢度也OK啦👌3）鮮蝦炒金邊粉 HKD92.- （9/10）物美價廉，性價比最高的一碟！推薦👍4）青咖喱豬頸肉 HKD116.- （8/10）5）炭燒厚切香茅豬扒 HKD88.-（8/10）與配料一起食，味道不錯👍，推薦👍6）馬拉盞炒通菜 HKD78.- （8/10）7）泰式魚餅 HKD92./（5件） （8/10）8）香芒芋茸黑白糯米 HKD68.- （9/10）好味！尤其係黑白脆軟的雙色糯米～推薦👍飲品：3個椰青，3個特飲連10% 加一，HKD1,062.-/6人，抵！…查看更多

突如其來嘅快閃台灣，真係放工即刻趕去機場。由於未食晚飯嘅原因，今次試吓青悅。我哋一行四個人，我覺得份量都算正常嘅，可惜味道偏鹹，同埋湯唔夠熱。唯一係覺得春卷真係好好食😍…查看更多

初二去旅行，早咗出機場所以醫肚先，機場好多都係大眾化嘅餐廳，然後見到呢一間餐廳，因為泰愛泰國嘢食，唔洗考慮即刻入去。估唔到咁繁忙嘅餐廳，職員依然Keep到咁好禮貌，尤其一個叫Bobo嘅女職員，超好笑容，不停留意每一檯嘅需要。仲有一個幾靚仔男職員，都係著便服嘅，應該係負責人，雖然餐廳好繁忙，但佢都keep住餐廳運作，令到我哋唔係等咗好耐就有嘢食，見到隔離檯有啲人落單兩分鐘就催單，仲嘈嘈閉，真心覺得香港服務行業真心辛苦，尤其做機場更加分秒必爭。講返食物，兩個人叫咗一碟蝦餅，一碟馬拉盞通菜，一碟豬頸肉濕炒河，一份越式豬頸肉+札肉飯，一份芒果糯米飯，一杯泰式奶茶，一杯凍檸茶埋單平過九龍城😳😳味道仲要超好味，估計廚師係泰國人，所以先有咁好風味，本來機場食嘢冇乜期望，但係今次竟然喜出望外，下次去旅行之前都提早啲到機場，返嚟呢度食嘢!!…查看更多

啲食物就不過不失去啦，叫左碟豬頸肉，估唔到有三塊咁多。啲職員態度就好過茶餐廳少少啦，悔悔氣氣唔想做咁咯，請唔到人咪唔好開門咯，洗唔洗我地幫埋佢打工。如果食茶餐廳係咁既態度我又接受到既，其他就無乜特別啦…查看更多