霸嗎拉麵 (已結業)

同朋友係銅鑼灣睇完戲見餓餓地就係附近餐廳醫肚，見到呢間日式餐廳有lunch set好抵食～一於過黎試試我叫左lunch set雞叉燒雞蛋白湯拉麵配唐揚雞（3件）+汽水只係$78蚊 另外加配味玉和一份燒汁餃子($38)大約等左7分鐘左右就上枱，雞叉燒一向好少係拉麵店見到，同叉燒做法一樣只係轉左用雞腿肉，少了一份油膩感頗不錯的想法，而湯也轉用雞骨為主材料！唐揚雞用了秘製醬汁去醃再去炸，非常惹味！燒汁餃子，一向吃餃子也是用豉油用醬汁，呢次試試新意用燒汁，別有一番風味！不錯的配搭！…查看更多

📍 霸嗎拉麵 銅鑼灣駱克道487-489號駱克駅地舖炙燒豚肉拉麵💰$83雞叉燒辛辣雞白湯拉麵💰$88辣味就冇乜 但成碗都辣油 冇豬骨味雞叉燒味玉雞白湯拉麵💰$88整體3碗味道湯底好咸 味精重 炙燒豚肉大塊 燒得香 但肥膩 蛋做吾到溏心蛋 小食南蠻炸雞就炸得好脆不再回頭😞…查看更多

作為拉麵控的我即使天氣嚴寒也阻止不了吃拉麵的衝動這一家是我比較推介的拉麵店好一陣子沒有到來一坐下來就立刻點了兩碗辛辣炙燒豚肉拉麵個人認為這款拉麵是這一家最拿手的兩個人吃點了一碗中辣一碗小辣吃起來竟然很不同先說小辣的誠實的說吃不了辣的小辣也不要點因為辣度不算是輕微重點的是湯底很不一樣了豚骨味沒有以前那麼濃郁加上它的辣跟吃川菜好像差不多吃起來不像傳統的日本拉麵中辣的辣度更強烈一點喜歡吃辣的朋友可以一試炙燒豚肉依然那麼讚份量足味道亦很濃郁流心蛋亦很滋味…查看更多

首先我覺得佢嘅service麻麻地啦一張大嘅枱嗰壺水真係好鬼重連個樓面都斟 到 瀉曬老老實實你自己都做唔到嘅嘢點樣可以expect到客人都做到呢嗰日咁啱有啲客人 唔知呢間嘢嘅規矩啲筷子啲 匙羹又或者 唔知要自己寫紙仔 點嘢食啲樓面就用一啲好奇怪嘅眼光望住我哋未食過梗係唔知啦我叫咗佢個 擔擔麵我問佢可唔可以揀辣度原來係唔得嘅點知一啲都唔辣佢除咗有少少花生碎之外 仲有少少辣油我真係唔覺得有咩分別啲肉碎都唔好食啲麵條係好彈牙但係我唔會再食呢個…查看更多

係銅鑼灣附近食lunch既人 (包括我自己在內), 一定有聽過呢間黎自日本廣島的過江龍「霸嗎拉麵」! 不過平時既午市真係太多人排隊, 黎遠都見到長長既人龍, 所以一直都未有機會試到。難得今日放工約左朋友shopping, 行到肚餓之後去覓食, 竟然無人排隊, 直接入得, 正🤩 同大部分拉麵店一樣, 麵質、湯底油度可以自由選擇, 我地一行三人叫左3個拉麵同埋2碟小食。因為餐廳本來已有檸檬水🍋💧提供, 所以無另外再叫餐飲。店裡燈光偏黃, 木系既佈置裝修加埋廚房窗口既紅色旗幟好有日本風格。餐廳善用高樓底既好處, 將天花改成斜面, 再鋪上長竹, 令成個設計更特別之餘, 又唔會令成個空間產生壓迫感。枱面上面有調味料 (一味粉, 蒜粉同餃子汁), 醬油碟, 筷子, 紙巾等用具, 因為長枱既設計係三人共用兩Set工具, 所以每個客人都一定接觸到, 比起其他拉麵店要兩人共用一套工具, 呢度已經好得多。等緊上菜既期間, 見到最面頭既白色小碟係用保鮮紙包住, 仲有字寫住叫大家拎下面既碟用, 令人感覺比較衛生同貼心。特盛炙燒豚肉拉麵 ($118)炙燒豚肉味玉拉麵 ($88)特盛既意思即係多D叉燒, 而味玉即係溏心蛋🥚。上面兩款拉麵味道相差唔大, 主要係配料不同, 所以一齊寫。當你食第一啖炙燒豚肉既時候, 你就會明白點解佢會成為招牌菜! 雖然佢超級厚身超大塊, 但肉質軟嫩😋。炙燒過的豚肉有微微的烤肉香, 仲非常香口! 唔係平時食果D好薄身既叉燒。而就係因為佢咁大舊, 而且油脂分佈平均同埋肥瘦適中, 咬落去唔會肥膩。至於味玉方面, 一開頭見到原隻上都有少少擔心隻蛋會唔會因為放係熱湯入面太耐而熟哂, 點知篤開之後好驚喜! 蛋黃漿湧住出黎, 流心效果非常好! 湯底飲得出係用心製作, 非常濃厚同埋具有鹹香, 飲左一啖就停唔到。拉麵既麵條比一般既麵粗少少, 幾掛汁。雞叉燒味玉雞白湯拉麵 ($88)叉燒拉麵就食得多, 雞叉燒真係第一次試🙊。一碗拉麵有兩大件厚而扎實的雞件,外形扁身呈圓型, 咬落去好嫩滑。湯底充滿住濃厚既雞味 (可能加左少少雞油?!), 同豚肉拉麵一樣, 麵身好掛汁, 同埋雞湯一齊食, 雖然質感無豬骨湯咁厚身 (相對清少少), 但仍然濃郁。唐揚炸雞 5件 ($35)上枱時, 每件炸雞都熱到出煙, 應該係岩岩炸起! 每件炸雞都好大舊, 外皮炸到香脆熱辣, 正! 食之前落左少少檸檬汁, 酸酸地, 解膩一流。咬落去炸雞度就會發現雞肉雖然炸左, 但係仍然非常嫩滑, 有肉汁! 好好食!羽根燒餃子5件 (使用app優惠 +$15)因為發現左原來下載左個app, 登記左之後就會有一張優惠卷可以即時使用。$15就可以食到原價$35的餃子, 好抵食! 呢個餃子做法好正宗, 餃子底部向天, 5隻餃子由一層薄薄的脆皮連接住, 唔同其他拉麵店咁樣, 一隻隻獨立分開。唔太肯定係唔係即叫即煎, 因為上枱時的餃子唔算超級熱, 所以外皮只係略脆。入面既肉咬落去有肉汁, 沾埋酸酸甜甜的餃子汁, 唔錯。…查看更多

今晚係銅鑼灣上完堂，想食一個簡單的晚餐，筆者和同學剛巧經過這兒，看見不用等位，決定不如就係此店食拉麵吧！店舖的裝修頗清雅，又帶有日本風味，座位又不會感覺擠迫。我要了一碗炙燒豚肉海苔味玉拉麵（$98）。而麵的軟硬度就選了（適中）。厚厚的豚肉，燒得非常香，口感一流，流心蛋原隻上，還有三片大紫菜，麵的軟硬度恰巧就是我喜歡那種，再配上濃郁的湯底，這碗拉麵對筆者來說又邊會有得輸呢！同學係嚐辣一族，所以要了辛辣炙燒豚肉味玉拉麵（$93）（中辣）（硬麵），同樣讚賞那塊厚厚的豚肉非常好味。話咁快就完成了一餐簡單又満足的晚餐！…查看更多

話說 除夕日個晚要ot..最終成八點幾先出到銅鑼灣..個一晚係除夕夜 所以周圍都比較多人....係唔知應該食咩又餓之際..就見到呢間拉面🍜店啦 其實之前係尖沙咀都見過 一直都好想試 不過無奈次次都好多人排隊就冇試到..今次見唔洗排隊梗係要即時沖入去試下啦😂😂入到去我叫左個豬骨拉面加粟米 🌽碗粟米一嚟到 完全比佢嚇親😂成座山禁大碗初初諗住加$10都係比一碗仔或者比擺埋落個拉麵度做配菜但我基本上食完呢個都飽左半😂😂之後主菜嚟啦個湯底都幾濃而且佢係我鍾意食嗰種面質我最欣賞佢係有得揀小油同埋正常嘅油份咁俾我哋啲怕肥嘅人可以冇咁大罪惡感😂夠叉燒同平時出邊嗰啲有啲唔同但係都幾好食幾香口。。平時食拉麵我最鍾意就係食佢隻蛋...雖然佢隻蛋流心係做得幾好但我略嫌佢冇乜味淡左少少..不過如果再有機會都會再嚟食。。…查看更多

去日本之前首先在香港感受一下日本的味道haha這次來了霸嗎拉麵，裝修的確是充滿了和風。之後都未嘗過這間呢，晚上都是滿滿的客人。店面的日式燈籠還挺吸睛。原來正推廣天婦羅軟殼蟹櫻花蝦湯拉麵，賣相看起來不錯。餐牌設計得也很像日本的款式。我和朋友點了濃厚豬骨豚肉玉子拉麵和醬燘雞叉燒味玉拉麵。雞湯相當濃厚，適合喜歡比較重口味的朋友。整碗拉麵最吸引我的還是溏心蛋，十分惹味。豚肉十分足料，厚度十足。麵條吸收了湯中的精華，很香濃。濃厚豬骨湯底正如其名，的確充滿肉汁精華，吃完一碗都相當飽。所以，還是點了一枝蘋果梳打，日本製的有品質保證haha總括而言，餐廳的位置就近附近交通工具，不失為一個和朋友聚聚的地方。…查看更多

響銅鑼灣行街經過見倒呢間拉麵店嘅門面好吸引～ 好有日本風味～ 睇埋餐牌嘅相片，佢地嘅叉燒好靚好大條 一於入去試吓佢～同一般拉麵店一樣，都係自己手寫落單，呢度可以選擇拉麵嘅軟硬程度、走蔥、走筍等等，如果order辣味拉麵仲可以選擇三種唔同辣度。我地點咗一個炙燒豚肉味玉拉麵同埋一個辛辣炙燒豚肉味玉拉麵。呢度嘅叉燒係用五花腩嚟燒 極似響大阪食過一家好出名嘅拉麵店，好好味唔會乾曬～ 湯底非常濃郁 流心蛋原隻無切開上，咬開係好流心嘅蛋黃，可能就係唔想切開浪費咗個蛋黃🤣另外朋友點嘅辛辣味揀咗中辣，不過我都試咗一啖係完全唔辣嘅😂 只係覺得有辣香味，如果鐘意食辣嘅朋友要選大辣。綠茶可樂... 幾得意，不過好甜，我麻麻地…查看更多

CWB 行街街後，肚餓又想歇歇腳 吃拉麵，快靚正有啲似我屋企擺設夠乾淨好貼心靜岡蘋果蘇打小丸子的靜岡蘋果蘇打蘋果味好濃好好飲心大心細選擇邊個好？ 幸運兒係：：：雞叉燒味玉雞白湯拉麵雞叉燒味玉雞白湯拉麵濃湯但味清又鮮麵可以選擇硬，適中或軟麵選擇適中就 流心味玉 滑又香 湯好味，全部飲曬 唐揚炸雞炸得好好，香脆又有肉汁自己在家都懶得炸 羽根燒餃子一片5隻日本式煎餃子真的好特別下次在家，可以試試這樣煎順道一提店員是滿滿熱誠的銀髮族主動服務客人 讚多多支持熱誠的銀髮族！…查看更多

今星期一晚上係銅鑼灣上堂，臨上堂之前就同朋友去左霸嗎拉麵食飯.....晚上7點到，人客不算很多，所以一入去就有位了....一坐低就梗係望下個menu有咩食，選完邊款就揀麵質....我就嗌了個雞白湯拉麵，我個frd就叫左個豚骨湯拉麵....其實霸拉個湯我一向都覺得不錯😂，都有點雞味既（好像是講緊廢話😅）但我個frd就成日覺得偏淡同d麵唔好食....但又要加個底咁我個拉麵既叉燒今次都不錯，厚得黎都算入味，麵質我就鍾意偏軟，覺得食上黎會好味點總括來說，霸拉係拉麵店來說是中規中矩吧，性價比都還可以既....…查看更多

#cassiegocwb-今日瘦編同朋友又去試新野，依間係位於駱克道嘅霸嗎拉麵，佢有好幾間分店，有陣時行街都會見到，今日就要去試試佢。🤩-佢嘅午餐Set $63起，好抵食，供應時段仲好長11am至5pm，放飯時間無咁穩定嘅朋友可以考慮下。總共有7個餐揀，瘦編同朋友分別揀左A同D餐。A餐係灸燒豚角醬油拉麵配羽根餃子3件($83)，D餐係醬炆雞叉燒味玉丼配羽根餃子3件($63)。每個餐都可以配汽水或熱綠茶。🍲-上菜速度好快，好快已經黎左啲熱辣辣嘅羽根餃子，個皮好脆，裏面好多肉汁。灸燒豚角醬油拉麵湯底比較濃味，好岩我。豚肉粒有超過7粒，肥瘦適中，超級飽！醬炆雞叉燒味玉丼上面隻半熟蛋絕對係重點，整爛隻雞蛋，之後撈雲成個飯食，一流！😍-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌑 (4)-➡️霸嗎拉麵 (銅鑼灣)📍銅鑼灣駱克道487-489號駱克駅地舖-IG: cassiecwy/ cassiegetfat-…查看更多

炙燒豚肉味拉麵 $88選了走蔥走荀，拉麵就選擇了適中，個人認為湯底好咸同埋味精好重，食完成晚都好口渴，飲左好多水。豚肉大塊，唔會太肥，好味，玉子唔係糖心，個蛋黃完全流心…查看更多

✿╮❤╭✿ ✿雜感女生   好味日記✿ ˚*•✰。霸嗎拉麵Bari-Uma．濃香拉麵。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤稍有拉麵底的人都知道 「霸嗎拉麵」這名字 今次與同事開完會 去了銅鑼灣覓食 很久沒吃拉麵 於是就入去霸嗎拉麵吃一吃我點了 「特盛炙燒豚肉拉麵」 超香濃的豬骨湯底 大量的蔥蔥非常對胃口 微辣的蒜香醬 勁入味的4件燒豚肉 賣相一流，味道亦稱心 麵度自選軟硬，我選了適中的口感出品亦合乎水準！讚！綠茶可樂 來自日本的口味 很有童年回憶：可樂糖 非常香甜好飲，配拉麵是很正的選擇羽根燒餃子 即點即製夠新鮮 入口香脆，多肉汁 皮夠薄，令人非常滿意信州蘋果梳打 似一杯飯後甜品，蘋果味極濃，果然名產！ 信州古稱長野縣，奈良時代為信濃國，今稱信州最著名的水果就是信州蘋果！小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆❤霸嗎拉麵Bari-Uma 銅鑼灣駱克道487-489號 駱克駅地舖❀ 感恩呢 ❤❤❤❤拍個好碼頭！❤❤ ❤❤…查看更多

我在12月4日在銅鑼灣店, 用YAHOO COUPON, 可惜店員15分鐘仍不能SCAN COUPON, 她告訴我YAHOO 機不能用,她用她手機也不能運作,叫我付現金, 我話唔得. 她和公司上層反映或向YAHOO 投訴! 最後我留低COUPON 和我電話號碼給她拉麵質素好，份量大，可惜店員對電子貨款唔識，要培訓…查看更多