霸嗎拉麵 (屯門市廣場1期)

營業中

休息中

#搞串個pantry#拉麵 🍜真係一種好神奇嘅食物，每隔一排📆都會好掛住佢嘅濃郁嘅味道，配埋掛汁嘅麵底😋，講起都想去食多一次😝。今次嚟到一間喺 #尖沙咀 、 #屯門 、 #中環 、 #機場 禁區都有分店嘅 #日本菜 🇯🇵拉麵店，過下口癮先😆。我哋嗌咗霸嗎二人前($248)，包括有🔴炙燒豚肉味玉拉麵、🔵雞叉燒味玉雞白湯拉麵、拉麵配料⚫️海苔、小食🟠枝豆、同埋🟡羽根燒餃子(5件)。炙燒豚肉味玉拉麵🌟🌟🌟湯底有煮過嘅醬油香😚、豬骨湯味、仲有豬嘅油脂香味🐷，濃度適中，唔會太過鹹，係預期之內嘅豬骨湯底🦴，唔錯😋。拉麵🍜嘅軟硬度揀咗腍啲，真係感受到廚師有特登煮耐啲⏱️。豚肉嘅油脂入口即溶🤤，喺口裏面爆發出油脂香味，不過肉質🥩部份就有啲老、有啲鞋，總括嚟講唔錯😗。雞叉燒味玉雞白湯拉麵🌟🌟🌟雞白湯🐔相較豬骨湯就比較淡味，飲到濃郁嘅肉味🍗，配合埋掛汁嘅拉麵🍜一齊食，味道都唔錯😋。雞肉係用咗雞髀肉，唔會黐牙🦷，不過都唔算好嫩滑，正正常常😎。另外，將大大塊嘅配料海苔🍙浸入去湯底，紫菜味好濃🤤，再索埋湯汁嘅味道一齊食，真係好正😋！小食枝豆🌟🌟煮得比較硬身同乾身😣。即使灑咗黑椒碎粒🌶️調味，食落仍然冇乜味，呢個比較麻

哥哥快要移民，近來我常常約他食飯，想珍惜多些相聚的日子。今日走入他住的地方，在屯門巿廣場揀了一間紅彤彤的拉麵店，門口幾個紅燈籠都好吸晴，令人覺得好精神。內有吧枱座的 “小屋”、多張二至四人枱，還有座位。牆身有色彩繽紛大圖畫和巨型的菜式海報，很搶眼啊!枱上放齊餐具、紙巾、檸檬水、調味料、餐牌和點菜紙，都幾齊備。餐店除供應拉麵外，還有餃子、揚物、石燒飯、豚飯、追加配料、甜品和飲品，另有期間限定系列、二人前和一人前，選擇不少。***************************夏日炎炎最好就係食啲酸咪咪，可以胃口大開。我要期間限定系列的檸檬炙燒雞叉燒拉麵 ($93)。拉麵有兩塊炙燒雞叉燒、兩棵清爽翠綠的西蘭花、一些櫻花蝦和爽脆的木耳，仲有三大片鮮檸檬。湯有檸檬香和雞香，感覺清新，美味!  幼身的麵條唔會太硬又唔會過腍，有些鹹鮮的櫻花蝦，配搭不錯! 連皮的雞叉燒厚度中等，雞肉腍嫩，有啲肥膏，肉味中食到啲檸檬酸香，酸咪咪可減卻油膩感，歡喜!******************************哥哥揀了不怕單一人前($108)，包一碗拉麵、一款小食和一罐汽水。小食點了一客唐揚炸雞(2件)，

霸嗎拉麵 屯門屯順街1號屯門市廣場1期3樓3233號舖檸檬酸辣雞叉燒拉麵+ 味玉 青蔥 紫菜三塊厚切檸檬 以酸辣口味搭配嫩滑雞肉叉燒酸爽的檸檬味道 唔夠酸？ 可以再加檸檬！櫻花蝦 木耳絲 西蘭花點綴選用了彈牙十足的中細麵一試難忘 的確幾特別燒汁唐揚炸雞以鹽、黑胡椒、醬油、味噌、蒜頭、辣椒、蜂蜜等調味料製成的燒汁口感方面，燒汁唐揚炸雞外皮炸得酥脆，內裡肉質多汁啖啖肉紅茶雪糕質地輕盈柔滑，口感順滑細膩，且不會太甜紅茶味道濃郁香醇，帶有淡淡的茶香，非常清爽怡人

為咗迎合香港熱辣辣嘅天氣，霸嗎拉麵推出咗最新款嘅檸檬清爽系拉麵。貪新鮮嘅我梗係要放工約埋啲friend去試下啦！今次嘅主打有酸辣檸檬同檸檬原味拉麵，我自己係食辣嘅弱雞就揀咗原味檸檬拉麵。檸檬炙燒雞叉燒拉麵 93湯底用咗濃厚嘅雞湯加咗瀨戶內海嘅檸檬汁，湯上面有三大片檸檬，望落都感覺好清爽好fresh。飲落真係好正，鹹味同檸檬嘅酸味balance得好好，一啲都唔油膩，飲落酸酸地咁真係好上癮。炙燒雞叉燒勁厚啖啖肉，炙燒外皮有陣焦香。配菜都係d好夾嘅清爽系蔬菜，成碗感覺好fresh 又飽肚0負擔。辛辣炙燒豚肉味玉拉麵 98另外朋友係重口味星人，就叫左佢嘅至愛元袓豚骨拉麵，唔好睇佢紅卜卜以為好辣，其實食落同10小辣差唔多，有辣味得來又唔會食到流鼻水咁好辛苦。另外炙燒豚肉太厚又燒得好焦香，糖心蛋又太好食。炙燒厚切叉燒 58因為叉燒實在太出色，忍唔住要再encore。單叫炙燒厚切叉燒的話，佢仲會配上味噌醬，唔洗單吃甘dry。

好耐無食拉麵，今日黎左呢間好多分店但我一次都無食過既「霸嗎」試下估唔到入面都幾日本風，上星期先去完日本黎，返到黎香港都仲有日本feelmenu全部都有圖片睇，一眼就睇到邊啲最吸引最岩自己食，飲品方面都比較特別，唔係一般常見既烏龍茶/樽裝飲品，而係日本地道特色野似，有啲新意限間限定檸檬酸辣雞叉燒拉麵，食拉麵都有酸辣食真係勁有新意。一放低即刻聞到勁香，第一時間緊係要飲下佢個湯底先啦，好濃郁油脂好厚身，酸酸地唔會太辣，叉燒用左雞肉取代豬肉，食落好軟身濃厚豬骨豚肉玉子拉麵湯底同樣係好香油脂好濃豬骨味，飲到停唔到口豚肉灸燒過好香口，半肥瘦食落無得彈唐揚炸雞外脆內軟，炸粉唔會好厚好硬，入面雞肉勁多汁日本先飲到既三矢梳打水同綠茶可樂，勁好飲，最中意支綠茶可樂！大家想試下就快啲黎啦

Bari-Uma ramen霸嗎拉麵由佢最初喺香港開店已經試過，難忘的雞叉燒。屯門市廣場呢間分店我成日都會經過不過附近有太多嘢食次次都食唔到佢今次經過見到佢有款新湯底檸檬酸辣拉麵，鍾意食酸辣嘅我一定要試一試湯底酸酸地，平時食開四川辣呢種辣度簡直係小兒科😂我諗唔食得辣嘅人都食到！酸酸地好啱夏天。雞叉燒質素還是一樣好，雞肉又嫩又滑。另外試咗豬骨湯底，味道濃郁得來又唔會太油鍾意食豬骨湯嘅人都可以試吓但肉類方面就必點雞叉燒，超正🫶🏻

my favourite ramen in Tuen Mun Popular as usualMany different ramen to choose from and have seasonal ones alsoEdamame (a Japanese Green) $22A healthy starterFried chicken $18/2Special offer, super valueCokeSeasonal ramenLemon ramen with chicken cha siu Rare ramen with lemon in it, can try if you are lemon fans Spicy chicken ramen, a more traditional onesSpicy with tender chicken 地址: 屯門屯順街1號屯門市廣場1期3樓3233號舖

點會有人話好食啊？$88原味唔要蛋，我碗麵湯少到連碗邊條紅色帶線都差一大截，好似已經被人飲完一大啖，成碗沾麵咁，點解其他人咁多湯可以滿到上紅邊？所謂湯鹹到苦食完要搏命飲水，豉油鹹味完全蓋過湯味，後邊上個檸檬拉麵雖然都麻麻地起碼個湯有到碗邊條紅色線中間位，而且係正常鹹度。你想要服務就更加唔好嘗試，門口貼咁L多優惠單張問一句都唔耐煩，出餐求其就算，食完麵個碗仲有D湯都未夠幾秒就趕住收碗趕客，成間鋪都冇幾個人。

熱辣辣又想食拉麵，又唔想食太油膩太濃味嘅湯底有乜好選擇？ 霸嗎拉麵 Ramen Bari-Uma最近推出咗兩款清爽口味嘅拉麵，分別有檸檬炙燒雞叉燒拉麵和酸辣檸檬雞叉燒拉麵，咁創新嘅口味梗係要即刻去試吓😋🍜▪️檸檬炙燒雞叉燒拉麵 $ 93 加味玉和栗米粒 $ 24湯底使用雞湯，加上三大片檸檬和瀨戶內海檸檬汁，非常清新嘅檸檬清香味道，而且湯底一啲都唔油膩，燒雞叉燒口感嫩滑，重配有木耳、櫻花蝦、西蘭花，和拉麵和湯底非常夾，亦可自行添加配料，為食既我就加咗溏心蛋同粟米，份量超級多，大滿足🥟▪️羽根燒餃子 $35最愛吃嘅日式餃子，呢度煎到底部有一大塊薄脆，餃子皮薄肉餡滿滿蔬菜和豬肉，口感又脆又軟，沾上餃子醋汁，超好食🍹▪️信州蘋果梳打 $28 / 🍨紅茶雪糕 $ 28 有多款日本直送嘅飲品同埋雪糕，咁吸引點可以唔食，這款信州蘋果梳打蘋果味清香唔太甜，紅茶雪糕亦係店員推介，超香濃的紅茶香，好味道

今日好開心同一班朋友去咗屯門嘅一間餐廳食日本嘢，第一次去呢一間日本餐廳，食拉麵，估唔到呢一間食物質素咁高，而且呢度服務態度非常好，真係食得好開心，又可以同班朋友相聚，真係一個聚腳點，如果住喺屯門嘅朋友唔知食咩嘅話，一定要嚟啊，我10分推介呢一間餐廳，頭先呢一間餐廳嘅裝修好靚，坐得好舒服，空間感好大，而且呢度嘅食物都好多選擇，唔同嘅叉燒拉麵，有濃郁嘅湯底，全部嘅湯底都好夠味，好好飲，而且佢哋嘅叉燒肥大獄口，好抵食呀，出面市區食到嘅拉麵都未必及上呢一間，而且呢一間小食都好多，我哋叫咗個餃子，雞肉，都係好好食呀，仲有佢哋近排宣傳緊嘅檸檬叉燒拉麵，我估唔到檸檬同拉麵都可以咁配搭得到，好清新，好好食，完全唔會覺得奇怪，所以如果嚟到屯門食拉麵嘅話，我一定會推薦呢一間，一定要泥試呀

今日好開心，同屋企人去咗屯門嘅一間日本餐廳食拉麵，真係好好食，好高質素的餐廳👍👍👍真係好抵去呀，住喺屯門嘅朋友，一定要去試呀，夜間服務質素好高，而且食物好好食，我叫咗一個鰻魚飯，全部好新鮮，我哋叫咗個叉燒拉麵，湯底濃郁，餐廳仲好貼心，有得揀下面適中，仲有軟面，所以可以符合晒唔同客人嘅口味，仲有呢度嘅小食，餃子，一定要叫呀，外脆內軟，外脆內軟，裏面全部都係肉，啖啖肉，好好食，熱辣辣，即叫即整，廚師好有心機，而且餐廳裝修有風味，全部都係好似置身於日本一樣，私人空間較大，仲有呢間服務好好呀，全部侍應都好有笑容，有親切咁，呢度有賓至如歸的感覺，所以呢度食嘢好舒服，好適合一大班朋友嚟食飯，仲有佢哋近排最出名嘅係檸檬叉燒拉麵，好有新鮮感，原來檸檬配搭拉麵，都係好好食，好友清新的感覺，如果想試清新啲嘅感覺，一定要泥試下呀！

今日約左朋友係屯門行街，次次黎到屯市呢個迷宮都一定盪失路今日行到又燥又餓想搵野食，見到呢間「霸嗎」，好似周圍都好多分店應該唔差，但又一次都未試過，就入左去坐低先算入面環境都唔差，似足日本啲居酒屋，主打木系裝飾，坐得好舒服，飲多幾杯佢啲凍檸水即刻無咁燥顧名思義呢到主打拉麵，見到有個檸檬拉麵即刻好想試下，平時都係日本先見得多用青檸/檸檬調味既拉麵，估唔到呢到都食到！檸檬拉麵賣相唔錯，同menu有8成相似，估佢唔到飲啖湯底先！檸檬味索晒入個湯底，唔會太酸，好清新，雞肉亦有炙燒過好香雞肉味，最值得一提係佢個拉麵，夠晒彈又掛湯辛辣炙燒豚肉味玉拉麵，唔好睇個湯底咁紅，其實唔係好辣，豚肉又係燒過黎，未價落口已經聞到陣肉味飲品方面呢到好多得日本先有既特色野飲，新鮮感爆棚！

試咗新品酸辣檸檬湯底，幾辣，唔建議唔太食得辣嘅朋友嘗試，我平時食開三哥二小。雞肉唔太好食，似中學飯盒d雞肉。另一碗就正常拉麵水準，冇乜特別，正正常常。湯好濃郁，我自己會覺得小小heavy，個人口味都係偏向台式中式嘅湯底。溏心蛋 永遠最好食嘅溏心蛋。不分舖頭）

霸嗎拉麵由尖沙咀開分店開到去屯門，實力有一定嘅保證~今次食咗幾樣野，果然唔錯！首先嗌左檸檬炙燒雞叉燒拉麵，呢個係期間限定特色味道，麵條夠彈牙，淥嘅時間剛剛好，湯底好香濃，仲有啲酸酸嘅檸檬味，非常開胃😋炙燒雞肉同叉燒都好正，叉燒肉夠香甜，雞肉燒得恰到好處唔會過咗火，啲肉保持嫩滑鎖住肉汁，真係令人食到欲罷不能！第二樣係辛辣炙燒豚肉拉麵，好夠辣味～豚肉都燒得好靚，火侯拿捏得好好，最後仲試咗佢哋嘅炸餃子，外脆內軟，餡料夠香，真係好好味！辣辣地嗌支波子汽水，又止渴又解辣，夏日飲一流！總括黎講，屯門霸嗎拉麵嘅食物質素真係幾高，服務亦都好好，環境舒適又乾淨。如果大家有機會去屯門，一定要試下佢哋嘅拉麵同炸餃子！

日本過江龍期間限定拉麵期間限定 檸檬炙燒雞叉燒拉麵 $93用咗瀨戶內海檸檬汁 仲有3塊檸檬 入面仲有櫻花蝦木耳絲西蘭花🥦 叉燒油脂分布好平均 湯底一啲都唔酸 有浸清香嘅檸檬味刺激味蕾 幾特別～不怕單一人前 $108炙燒豚肉拉麵秘製湯底味道香濃 咬落拉面都好彈口 枱上面仲有蒜粉同辣粉可以自己調味 豚肉勁厚！正！唐揚炸雞（兩粒）大大啖咬落好脆～雀巢檸檬茶羽根燒餃子 $35皮薄身煙韌 好香口 配埋餃子汁好開胃霸嗎拉麵 (屯門市廣場1期) (屯門)屯門屯順街1號屯門市廣場1期3樓3233號舖