雲香園小鍋米線

營業中

休息中

以前係附近番學成日食今日黎懷緬下😌⭕️ 雲香園米線 ($64)好！大！碗！ 勁多料😋好豐富面頭海量螺旋草同雞絲😍比得超慷慨餸有台灣腸、冬菇、雞翼、魚春卷 每樣兩件當然仲有腐竹、芽菜、酸菜、韭菜、蔥、芫茜等配料但重點係個湯底好好味🤤唔似係味精湯 應該足料熬足5-6個鐘 好正🫶🏻⭕️ 熱拌紅薯粉 ($69)+墨魚丸+蘿蔔+金錢肚另一碗叫左撈紅薯粉 個汁又係好正好惹味😌要讚下蘿蔔超大舊 似好乾但食落又係好juicy多汁💧金錢肚份量都好多⭕️ 秘製豬頸肉 ($48)有驚喜 比佢個樣呃左以為好乾好柴 點知一咬都幾淋身半有油脂 好鬆軟 最緊要點埋個酸辣醬味道會再提昇👏🏻⭕️ 熱奶茶(跟餐加$7） / 咸檸七 （跟餐加$11）杯茶好得😳👍🏻茶香味好濃老板用左幾款茶葉溝埋黎沖 好正宗茶餐廳果啲風味👏🏻

來來來😳係米線關注組發現左一間出色米線，果然利害，未到7點全場坐滿🫡門口等已經聞到陣陣嘅米線香👍🏻終於入座啦！叫左兩碗小鍋米線，個湯頭堅出色勁順口，一啖接一啖，仲有肉碎，酸菜，芫荽，芽菜同韭菜做配菜，好豐富😃再黎啲配料都好正，豬紅、豬腩肉、墨魚春卷、同豬腸都好正，份量好足🥰值得推介❤️另外米線嘅軟硬度適中，唔會過淋🤩我哋仲叫多碟小食係炸雞翼，佢哋係即叫即炸，新鮮熱辣辣上枱，外皮勁香脆，入邊啲雞肉又勁Juicy🫶🏻配埋我最鍾意嘅甜酸醬，完全💯無得頂！正正正！

朋友介紹我嚟食呢間呢間排隊級嘅米線小店，食物份量超足料, 絕對係大大份，CP值好高，怪不得咁多人食！湯底係每天大火牛6小時嘅豬骨湯！ 而且係用廣西米線，我都聽到隔籬枱讚啲米線好得～牛腩小窩米線加豬腸，配料嘅份量都冇同你慳，出面好少可會俾咁多餸你🥹而且牛腩同豬大腸都非常入味！另外一個係雲香園米線，啲配料真係多到嘩一聲，入邊有海帶、雞翼、雞絲、冬菇等等～小食叫咗涼拌墨魚咀同埋炸雞翼，個人大推涼拌墨魚咀，上面勁多蒜泥，而且調味都剛剛好！即叫即炸嘅雞翼非常Juicy，落去仲有好多肉汁！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 8/10環境： 7.5/10CP值： 9/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾俾個心心+分享給愛吃嘅朋友仔啦( ´͈ ᗨ `͈ )◞‎♡⃛

喺尖東搵嘢食真係好頭痛，一街都係食肆，完全唔知點揀。經過雲香園門口，啱啱有客人食完出嚟，聽到其中1人講：啊呢間真係唔錯喎，個酸辣湯底唔係死酸死辣果種，味道夠濃…………。既然講到咁，我又未諗到食咩，一於試吓先。叫左個小鍋米線加左腐竹、魚肉春卷；另外再叫埋蒜泥白肉、芥蘭，加埋杯大檸樂消暑降溫。 小鍋米線真係如剛才嘅食客所講，湯底味極濃，微微帶酸，而我揀左小辣，相比起其他米線連鎖店呢度小辣彷如bb辣，極易入口，下次可以挑戰辣度再高一點。講返個湯，牆上寫明係老火慢熬6小時，我相信都應該係，因為飲得出唔重味精，唔會涸喉，而且帶有肉香味同重香料味。加上酸度適中，湯底真心高分。魚肉春卷亦值得一讚，因為勁大條，咬落又唔會覺得剩係得舊粉團咁，味道都ok。 小鍋米線縱然都算係高分之作，但本人今餐至愛係蒜泥白肉。d蒜蓉真係多到嘩嘩聲！真係名乎其實嘅蒜泥，完全把豬腩肉蓋過，我呢個蒜頭控一見上枱，已急不及待𢳂了滿滿的一啖蒜蓉送入口，勁香蒜味，雖然顏色幾深，但又唔會好鹹喎，鍾意食蒜嘅記住一定要帶香口膠，因為真係好多蒜，食唔停口。食左濃味嘅小鍋米線，仲有重口味嘅蒜泥白肉，芥蘭就刻意要左走汁，清清爽爽，平衡返口味至得

雲香園小鍋米線尖沙咀漆咸圍1-3號多福大廈地下B號舖經開科學館嗰頭，老友想食米線，帶咗我去附近嘅雲香園，配料新鮮，湯底冇味精，好chill。😸雲香園米線配料夠新鮮，醃得夠入味，款式夠多，好有層次，有台灣腸、冬菇、雞絲、雞翼、魚春卷、螺旋草、腐竹、芽菜、酸菜、韭菜和芫茜，我追加了金錢肚😋。湯底夠清甜，我揀咗bb辣同bb酸，比較輕鬆，下次嚟試吓小辣先。🤤涼拌墨魚頭爽口煙韌的墨魚頭原汁原味，加埋大廚調配的秘製醬汁，好惹味，食到停唔到。到中段可以加醋，更加開胃。😻檸檬可樂冰底夠正，檸檬新鮮，飲完好爽。😄雲香園小鍋米線 食材新鮮冇味精，份量十足好抵食，侍應服務態度好，喜歡小鍋米線的朋友不能錯過。🤘🏻😎

🦑涼拌墨魚頭（$47）份量十足，出面比較少機會食到用墨魚頭做嘅小食，墨魚頭爽口彈牙，加上滿滿嘅蒜香，本身已經好入味，但強烈建議點埋個醋一齊食，個醋簡直係將成個墨魚頭嘅味道升華🐖秘製豬頸肉（$48）豬頸肉即叫即製，需要少少等候時間；上枱熱辣辣之餘仲要食到外脆內juicy，個醬辣辣地好惹味🍲 雲香園米線（$64）坦白講，我無諗過咁大碗同咁足料，如果比較細食嘅真心可以兩個人share；入面有台灣腸、冬菇、雞絲雞翼、魚肉春卷，螺旋草同腐竹，米線用左廣西原產地嘅優質米線，食落去Q彈唔會太腍，而湯底就係每日用左6個鐘大火熬制嘅豬骨湯，今次我叫左BB辣，食落口味道啱啱好，唔會好似平時出面食米線咁會食到好口渴🍜熱拌米線（$37）我地叫左酸辣小辣，平時最怕食辣得個死辣，呢度嘅酸辣係食到有層次，而唔係側重哂系任何一邊，不過如果份量再多少少就完美啦雖然今次無叫到野飲，不過聽講雲香園係使用自家拼茶葉，茶葉味道更係全港獨有！下次會嚟試下

作為靈魂嘅湯底好唔錯，加上配料份量多又足料，值得回訪👍🏻🍜小鍋米線 (豬耳 + 腐竹 + 腩肉) $88揀咗酸辣的小小辣，配料有芽菜、酸菜、韭菜、蔥、芫茜。湯底幾鮮味香濃，又唔會太咸，唔係味精個種，好唔錯😋！豬耳彈牙，腩肉都大大塊👍🏻🍜小鍋紅薯粉 (螺旋草 + 豬扒) $85依款揀酸辣BB辣，似唔辣。豬扒都幾大塊，加埋螺旋草好爽口清新。薯粉煙韌彈牙。🥓秘製豬頸肉 $48外層香脆，肉質彈牙鮮嫩，有肉汁又唔乾身，好好食！🤤☕️美利奶茶王 +$7茶味濃郁醇厚。

經過尖沙咀食晚餐，朋友忽然想食米線就揀了這家～ 店家介紹係用廣西米線，口感會更Q彈～🥢雲香園米線（酸辣@小辣）大雜燴好多材料，台灣腸、冬菇、雞絲、魚春卷、螺旋藻草、腐竹～ 湯底原來係用豬骨大火長時間熬製～難怪非常惹味～ 整體感覺同平時食開，大牌子嘅米線店有得輝🥢涼拌墨魚頭墨魚條的質地爽脆，口感十分爽口，而墨魚頭部分則帶有濃郁的鮮香氣息，兩種口感層次分明又Q彈。再加入微辣和酸酸地嘅醬汁，讓整道菜的滋味達到了一種恰到好處的平衡。🥢秘製豬頸肉豬頸肉像是燒到脆邊再切片的。肉質緊實彈牙感。最關鍵是秘製醬汁，味道滿滿的鹹香再加有點點辣味。惹味又會令人回味無窮。🥢炸春卷新鮮即炸，正常發揮🥢最後仲食多個通菜同凍柑桔蜜，兩個人勁食到勁飽

💪🏻 雞絲螺旋草米線 - 加生菜 ($50 + $7)呢個米線揀咗酸辣湯底，本身都有酸菜、辣肉碎、韮菜、芽菜等等配料，所以湯頭食落都鮮味，幾開胃😋 而雞絲撕得好碎，所以浸咗湯之後完全索滿湯底嘅味道，撈埋米線一齊食好惹味🤤 而米線係用廣西原產米線，滑身Q彈，條條分明，啖啖米香！另外，湯底都唔會死咸，所以食完唔會覺得勁口渴😎💪🏻 涼拌米線 - 加雞絲、墨魚丸、炸醬 ($37+$9+$9+$10)涼拌米線亦都啱晒夏天咁熱嘅時候食，涼浸浸😆 涼拌米線同炸醬同雞絲一齊撈，炸醬嘅醬香味沾滿米線同雞絲，啖啖肉！墨丸亦都彈牙。份量都好充足，大大碗。💪🏻 秘製豬頸肉 ($48)豬頸肉炸得好香脆，肉質都彈牙爽口😋 點埋泰式甜辣醬一流！味道：8.5/10性價比：8/10 食住瘦指數：💪🏻💪🏻💪🏻💪🏻💪🏻/5 (Gym Friendly)

👍🏻豬扒小鍋米線+魚肉春卷+蘿蔔 $64湯底揀左bb辣，酸辣湯底比較溫和，唔會太刺激，適合唔太食得辣嘅朋友～本身小鍋米線已經有齊肉碎、芽菜、酸菜同韮菜，豬扒好大塊肉質幾嫩～另加嘅蘿蔔清甜冇渣，索左湯底好惹味，魚肉春卷就好彈牙！米線口感剛剛好，唔會煮得太腍！👍🏻雞絲螺旋草米線+魚腐+豬軟骨 $69呢個揀左麻酸辣湯底，多左麻辣口感更豐富～ 螺旋草口感好爽，索湯一流，另外豬軟骨大大舊，炆到入晒味，魚腐味道都唔錯！✨秘製豬頸肉 $48豬頸肉燒得好乾身，表面仲有啲焦脆，食落油脂感唔算太重，不過好香口～肉質唔柴！仲加左碟油菜（$16）～無論係米線加餸定小食嘅選擇都好多～份量超足！雀仔胃可能食唔晒一碗🤣性價比好高～食厭左平時嘅連鎖米線鋪不妨一試！👛人均消費 ~$70(冇加一)⏱冇限時

小窩米線（少少辣）配餸：雲吞+豬紅+魚腐+蘿蔔成碗米線份量都好大碗證明好足料👍🏻，一個女仔食有機會食唔晒🤣，而碗米線最精粹嘅就個湯底，湯底煮得唔好碗米線就白費咗，餐廳嘅湯底好夠酸，辣味有好多種唔同嘅辣度可以調節，由唔辣去到勁辣。菜肉雲吞都幾大粒大約有3粒，雲吞吸晒啲湯底精華好入味，豬紅好出色食落無腥味，一咬落去爆曬啲汁出嚟好正😋，蘿蔔好大嚿咬落好淋，唔會食落有渣，魚腐口感彈牙。秘製豬頸肉豬頸肉外面好香脆，肉質啱啱好唔會燒到太乾太硬，食到椒鹽味好惹味😋，再配旁邊嘅泰式辣醬味道好夾，忍唔住再食多幾嚿🤭。

作為米線控～除咗食連鎖店之外當然都會食下啲小店呢間店雖然店仔細細 但就不斷有人幫襯✔️雲香園米線選擇困難症嘅人士就啱晒喇～本身default 咗有台灣腸、冬菇、雞絲、雞翼、魚春卷、螺旋草、腐竹、芽菜、酸菜、韭菜只需要揀湯底就得我就揀咗酸辣湯底 食落好開胃碗米線真係超巨型 冬菇好厚身 滷水雞翼炆到好入味魚春卷好彈牙 雞絲份量亦都好多✔️秘製豬頸肉即叫即炸 外層好香口 裏面就充滿肉汁一份都好大件 醃得都好夠入味✔️熱拌米線配墨魚頭、豬軟骨麻辣醬配埋少少豉油同肉碎、仲有花生、榨菜、咸菜正正係我鍾意嘅味道 配料就自由配搭豬軟骨係有咬口嗰種 個軟骨係爽口嘅墨魚頭係白灼 冇特別嘅味道 撈埋個米線嘅麻辣醬就剛好✔️腩汁通菜腩汁on side～正正啱晒我心意 鍾意點幾多就幾多✔️凍豆漿唔會話好甜 重豆味 枝裝飲唔晒重可以拎走添！

😋估唔到尖沙咀都有間咁地道嘅小鍋米線播👍而且價錢仲好親民添✅🍜雲香園米線 清湯 $64🌈若果你同我一樣乜嘢都想試吓嘅話✅呢個就啱曬喇👍我揀咗清湯湯底🔥入面仲有台灣腸、冬菇、雞絲、雞翼、魚肉春卷、螺旋草、腐竹、芽菜、酸菜、韭菜、蔥同埋芫荽🌿大大碗好味又抵食呀⛔️🍜小鍋米線 $68🌈呢個小鍋米線可以自己自由配搭👍都係揀咗清湯湯底🔥加埋大大粒奭口嘸雲吞、魚腐、魚肉春卷同埋貢丸😋都唔錯噃💯🤩烤台式小香腸 $30🌈都算幾大份✅即叫即烤💯好香口又多汁呀🥳🥬油菜 $16🌈加多碟爽口嘅生菜❤️大家滿足呢🥳☕️熱奶茶 $7🌈估唔到食米線嘅地方都有杯咁有水準嘅奶茶☕️茶底夠曬濃✅奶茶控好滿意💯

早前聽聞有間米線店的港式奶茶十分出名🫖👨🏻老闆特意學沖港式奶茶, 十分有誠意🤩☺️隱身於金巴利道尾的巷仔內🥣湯底每日新鮮豬骨🦴熬製6小時🔥火候足, 味道濃厚😌小店不大, 約6張4-5人枱左右, 環境鮮明整潔📱採用QR code 自行落單😉點餐個人化照顧不同客人口味需要, 貼心之舉👏🏻☑️米線可揀: 爽啲｜淋啲｜少米｜走蔥｜走酸菜等🧚🏻‍♀️餐廳預設較清淡, 中意較濃味的朋友, 記得落單時要求🔸小鍋米線(酸辣｜BB辣) $32 7/10+$9 雞絲｜螺旋草配料: 芽菜, 酸菜, 韮菜, 蔥, 芫茜, 豬肉碎🥣酸辣湯底, 唔會好酸, 都幾香😙🥢選用廣西米線, 口感Q彈🐔雞絲同螺旋藻的份量十分多😲🔸涼拌米線(酸辣｜BB辣) $37 7/10+$3 轉紅薯粉+$9 豬耳｜+$10 腩肉👂🏻豬耳爽脆, 腩肉肥瘦均勻👌🏻紅薯粉口感煙韌😋BB辣的辣味唔會好出🔸涼拌墨魚頭🦑 $47 6/10🫨好大碟! 除咗蒜蓉山🧄, 墨魚份量都好足☑️墨魚頭, 墨魚鬚, 墨魚肉🦑墨魚頭爽口彈牙, 但感覺份量比例上偏少🫣🔸手拍青瓜🥒 $23 6/10🥒青瓜呈長條形, 表面同樣蓋滿蒜蓉清爽可口的消暑前菜👍🏻🔸美利奶茶王 

一入到間嘢嚇親我，雖然有少少格攝，但不至於我一個客。不過好彩過咗5分鐘，就慢慢有人入黎，最後仲全場爆滿。我哋兩個人食叫咗一碟芥蘭一碟生菜，兩個米線埋單唔使200，其實價錢唔貴嘅，係唔想小心食多咗啫。個芥蘭做得好好，有口感又唔會好腍。有個細心位想讚一讚，蠔油冇直接淋上菜到，倒咗落油隔符合返唔同人口味，抵讚。米線都好多款送可以揀，叫咗芫荽紫菜豬頸肉，同埋好竹見既螺旋藻所以叫埋，但係唔小心叫得太多草，最後眼闊肚窄咗食到勁滯。上野速度好快，話咁快就有得食，個擺盤幾靚好欣賞。老實講，啲草就冇乜特別㗎啦，個豬頸肉有油香不過未算好嫩滑，我比90分。個麻辣湯底都幾濃，我自己就好鍾意啦。叫咗杯凍奶茶，夠茶味同夠滑身。所以雖然佢地方有啲隔涉，但係有啲驚喜，下次一定會再嚟過。