雲米家

環境： 枱唔多 但睇落好整潔 都好光猛 服務： 幾好 落左米線 仲會備隻碗仔比你食物：依間米線店真係超正！必點涼拌肥牛大腸米線，酸酸辣辣既湯底超開胃，肥牛嫩、大腸Q，米線吸哂湯汁一啖一啖食到停唔到落來。燒雞翼外皮烤得脆脆的，咬下去肉汁直接爆出來，啲汁香到超犯規！跟住個牛肉串醃得超入味，墨魚頭串爽脆彈牙，炭火香出哂黎。可惜一個人食唔到太多，唔係一定叫多幾串，試埋其他串燒！每啖食都超滿足，絕對是唔輸出面啲燒墨魚頭，一定要黎多幾次！！…查看更多

石籬雲米家，不知是否荃灣的分店！先評硬件：是日中午來幫襯，過了午飯時段人流不多。職員有禮貌，衛生好，冷氣足夠，坐位舒適！上菜速度適中。評食物：叫了這碗，麻辣米線，小麻小辣。配料味道夠，紅燒肉是自己做，不錯！但想評評，個麻辣湯十分唔掂！個湯底真係淡到飛起，心入面很想問佢攞調味粉！整體係又唔辣又唔麻，無任何味道，咸味都無，係十分淡，應該一點鹽味鮮味甜味都無，整體個湯係得碗辣油加水咁…………….$30米線+$30配料+$10飲品。…查看更多

話說一個人經過呢間米線鋪入去試下，見到隔離檯賣相都Ok,於是叫咗一碗豬腸、腩肉、豬耳的麻辣米線，碗米線好精緻啲餸分開咗擺好整齊，叫左碗少少麻辣，麻辣味道剛剛好，米線份量又足，湯底足料可以一試。但如果你一條友食要有心理準備，店員淨係會關心同胞，阿同胞話現在座卡於唔舒服，即刻命令我轉去隔離搭檯，店員淨係會關心同胞是否需加野，所以一個人食預左要對住香港式服務，一食完即刻衝埋黎收走你隻碗。會唔會再食，諗下先🤔…查看更多

不知道同樣九十後的大家，讀書時是否都有經常吃四川米線的時候？以前的選擇不多，現在選擇多，但就愈來愈貴🫠但最後物識到一家又平宜又好吃的雲南米線店.🍝 涼拌紅薯粉 加牛栢葉紅薯粉很彈牙，易咬，不像市面其他店那麼硬，辣味很香很刺激.🍜 過橋米線鮮肉片很嫩，清湯很鮮，配粉來說，都是芽菜最多.🧄 蒜泥白肉少少辣都很辣，但肉很嫩.🍹 荔枝紅茶很解渴，不會很甜.雖然地方又點偏僻，不是在人來人往的路旁，但雲米家葵涌分店可以為上葵涌居民帶來平民價但能夠享用到高質雲南餐…查看更多

杞子蟲草花雞米線 $60+$8 金菇菜 $12 牛展上枱係大大碗嘅米線，見到有好多蟲草花同雞，雞嘅口感都幾嫩滑而且入口好軟口，個米線仲有啲娃娃菜，煮到口感幾爽脆，米線口感偏淋，再飲埋個湯底真係feel到真材實料，因為個湯底好鮮甜，雖然望落去好似好油咁實際上入口唔油膩。加咗$12有3塊牛展，勁入味👍👍。🧋香芋珍珠套餐凍飲加$10，濃郁嘅香芋味，就係珍珠有點硬。下次再嚟試埋酸辣米線同其他麻辣小食🥢先。…查看更多

今日去肥豬朋友屋企，係附近搵到間米線店。地點唔係大街既地方 ，要街坊至會知！點左一碗酸辣米線，一碗麻辣米線同埋涼拌牛柏葉，見到野飲有優惠價配餐加錢 就有珍奶飲 叫左杯凍檸茶同蜜瓜珍珠奶茶。🧋野飲估唔到有珍奶，質素都正常。今次想推介係米線同小食🥢🍜 酸辣米線 小辣 墨魚頭+豬耳，一上枱就散發出陣陣誘人既香氣。米線口感Q彈 順滑，好既米線係口中會順滑，一d都唔會黏。湯頭好濃香醇,能夠勾起食欲，食完一啖又一啖，特別一提係甜湯頭 ，微辣而又酸爽。我個人係鍾意呢種甜湯頭，會配埋酸菜蔥芫荽等配料,如果唔鍾意可以叫走青。配菜簡左墨魚頭 同埋豬耳 爽口彈牙，配埋個米線 好夾！🍜肥豬叫個碗係麻辣米線 墨魚丸+豬肚呢個湯底既米線上面會放左肉碎粒,每件都好大粒，而且肉質鮮嫩帶小小麻辣,仲有木耳等配料 ，同麻辣湯頭完美融合。所有配料比得好多 😂好足料 ，成餐食到好飽。🫓 小食 簡左牛柏葉 ，可以簡辣度，簡左小辣 ，牛柏葉個調味係麻辣 ，口感爽脆，一d都唔會un 配埋花生碎,口感層次豐富。黎到一定要試！另外一讚係餐廳仲會提供紙巾牙籤 ，好貼心既一間餐廳 👍🏻呢到絕對是米線愛好者必去之地！…查看更多

中午過嚟全場爆滿，餐牌啲米線$30起跳，加杯珍珠奶茶系列都只係$10麻辣米線逐款餸加錢 $8/$10/$12/$20，最鍾意佢自由選擇加唔加嘢飲都可以選擇，加$8普通咖啡奶茶檸茶檸水汽水，加$10已經可以飲到啲珍珠奶茶、肧芽系列。加埋呢啲特飲系列，埋單都可以只係$50！重點係佢碗米線個湯底好好味，雖然係會有少少油，但佢嘅少少辣少少麻，做到清湯同十小辣之間嘅辣度，亦都比譚仔嘅惹味。米線亦都煮得剛剛好，不會過硬亦不會太淋！將會係可以成日嚟食嘅米線店！好食！…查看更多

估唔到工廠大廈附近竟然有間米線鋪🫨 去partyroom玩之前緊係要食飽先啦✌🏻食食吓發現點解咁熟口面🤨原來好耐之前已經食過荃灣嘅分店😮多咗好多款式同味道都好味咗🫨 📌黃金酸湯魚米線$60勁推薦哩個酸菜魚米線好好食😋湯底完全唔輸任何一間酸菜魚嘅味道！食米線緊係要飲咗佢個湯先啦✌🏻佢湯底酸辣適中，酸菜的味道好出😋佢辣就係用泡椒嘅辣同酸菜勁match酸酸辣辣勁開胃！而且佢魚肉係用脆鯇切成片 魚肉嫩滑又夠厚實份量又多 男仔都會夠食😂🧀🧀🧀🧀+0.5 📌跟餐黑糖珍珠奶茶+$10好少食米線嘅鋪頭會有珍珠奶茶賣😮 而且佢哋款多選擇 基本上你講得出嘅味都有🤨 我哋就嗌咗跟餐黑糖珍珠奶茶😋飲落有驚喜喎😮佢地啲珍珠奶茶飲落去似港台合作咁😂飲落似係用港式奶茶加台式黑糖珍珠 飲落又幾特別幾好飲 大家可以一試😂🧀🧀🧀🧀 📌蒜泥白肉$50佢哋嘅蒜泥白肉用嘅肉片厚實且有少量軟骨增加口感😮用嘅係辣椒底蒜蓉面夠辣夠重味😂鍾意啖啖肉的蒜泥愛好者可以一試！🧀🧀🧀+0.5💬鋪頭唔算好多位但都有唔少人食😮我去嘅時候都等咗一陣1x分鐘🫣📍 雲米家 (葵涌)葵涌青山公路 - 葵涌段438號名德大樓地下H號舖#食乜cheese #香港美食 #香港旅遊 #葵涌美食 #美食 #雲米家 #米線 #石籬 #hkfoodies #香港好去處 #港女 #打卡 #港女日常 #照騙 #餐廳 #葵涌好去處 #新界 #香港美食地圖…查看更多

【葵青區】【雲米家】呢排同上司嘅上司羶鹵獅多咗合作工作機會，自然都多咗一齊食飯嘅機會啦。嚟到葵涌呢個遠離地鐵站嘅地區搵食，實有啲隱世好嘢。好多年前我都係喺呢頭返 internship，硬件上好多嘢都冇乜點變，感慨萬千。不過嘢都係要食嘅，我哋就決定試呢間米線。佢試 $60 嘅「過橋紅薯粉」，有鮮雞、鵪鶉蛋、鮮肉片、雲耳、腐竹、芫茜、蔥花、芽菜，配以大大碗紅薯粉同埋小辣湯底，我係會以「秒清」嚟形容，好似真係好好食咁。我試唔辣嘅「杞子蟲草花雞米線」，都真係唔錯，足料得嚟啲雞好香好滑，抵食。小食我哋試咗各 $50 嘅「麻辣蒜泥白肉」同「麻辣牛柏葉」，前者辣得嚟蒜味好香，後者亦整到索晒汁入晒味，正。嘢飲方面我地都係加 $10 要台式飲品，我飲「朱古力胚芽」，佢就飲「百香果綠茶」加珍珠，我覺得都可以嘅。埋單 $240，勁多嘢食，勁飽。。。（地址：葵涌青山公路 - 葵涌段438號名德大樓地下H號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #葵興 #雲米家 #過橋紅薯粉 #杞子蟲草花雞米線 #麻辣蒜泥白肉 #麻辣牛柏葉 #朱古力胚芽 #百香果綠茶 #1am1441 #1ambackup…查看更多

雲米家今日推介喺葵涌嘅一間米線店叫「雲米家」，呢間係「雲米家」第二間分店，位置喺葵興再入少少，開咗大約半年，第一間就喺荃灣。呢間米線店門口係有一級，要入去就要自備斜板，門口係裝上自動門，但只係開到四分之三，我入去都好驚撞爆玻璃門，好彩啱啱好夠我部輪椅入去，入面卡位佔多數，好彩有一張大圓枱，店員安排我坐大圓枱，好彩我早咗入去食，坐低無幾耐就已經爆場，要速戰速決快d食完比返個位其他人入嚟食！1.水煮牛肉麵（辣）$60+原味珍珠奶茶$10（9.5/10）呢碗水煮牛肉米線份量好多，牛肉新鮮軟淋又唔韌，大約都有十幾片牛肉，辣度啱啱好，米線好滑彈牙又掛汁，其他配料仲有芽菜、娃娃菜等！原味珍珠奶茶：原味珍珠奶茶唔會好甜，茶底夠香，珍珠口感QQ煙韌，抵飲！2.過橋米線 $60（配鮮雞、鵪鶉蛋、鮮肉片、雲耳、腐竹、芫茜、蔥花）（小小辣）+泡沫咖啡胚芽$10（9/10）呢碗過橋米線入面配料超足料，有大約5舊鮮雞件，雞肉肉質唔鞋、鵪鶉蛋有5粒、鮮肉片大約有5片、雲耳、腐竹、芫茜同蔥花，我叫咗小小辣，辣度算啱啱好，米線另上放在另外一碟，米線好滑彈牙，份量又多！泡沫咖啡胚芽：影完相之後，好綿密嘅泡沫無咗好多，咖啡配胚芽都幾香，好好飲，好抵飲！2人總共價錢$140個人口味總評分：9.25/10@wmk.hknoodles 地址：葵涌青山公路 - 葵涌段438號名德大樓地下H號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#雲米家 #葵涌好去處 #葵涌美食 #葵涌 #米線店 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

#chuchu食在葵涌📍 雲米家好耐冇食米線，以前成日食荃灣嗰間！最近開咗係屋企附近！！又有多間米線食✌🏻—————————————————————❣️豬大腸雞翼金菇酸辣米線 $30+$12+$10+$8嗌左豬大腸(+$12)雞翼(+$10)金菇(+$8)！配菜真係好足料，好多芫荽😍 豬腸半肥瘦，醃得好夠味！雞翼都好大隻！金菇索湯好正！✨ 酸辣米線可以分開講酸同辣度！.❣️吉列豬扒蘿蔔海帶酸辣米線 $30+$25+$8+$8嗌左吉列豬扒(+25)蘿蔔(+$8)海帶(+$8)！吉列豬扒超大塊，炸得超好！蘿蔔大大舊都好甜！海帶都good good ! .❣️ 涼拌皮蛋 $30超大碟！好多辣辣，酸酸辣辣咁好開胃！.❣️ 朱古力珍珠奶茶 +$10❣️ 蜜瓜珍珠 +$10朱古力味好濃，蜜瓜就係蜜瓜奶，珍珠好煙韌！.💬食住米線飲廢水😍————————————————————— 不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 雲米家 (葵涌)葵涌青山公路 - 葵涌段438號名德大樓地下H號舖👉🏻荃灣都有分店！🕑營業時間: 11:00-21:00—————————————————————#chuchu食米線—————————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架…查看更多

葵涌有新發現。食材新鮮嘅麻辣米線，同特色雲南菜。雲米家。過橋米線（或紅薯粉）（$60）：配鮮雞，鵪鶉蛋，鮮肉片，雲耳，腐竹，芫荽，蔥花，芽菜。懷舊又興返鵪鶉蛋。專門獨一嘅紅薯粉，極之彈牙，爽口。豬肉片亦都新鮮爽口彈牙。雖然揀咗小辣，但係都好辣。佢哋用嘅辣椒配料都好新鮮。涼拌米線（配：麻辣雞丁，雲耳，芽菜，芫荽，蔥花）（$30起）- 花生份量，剛好。麻辣雞丁小肥多肉，略帶麻辣味。方磚芝士魚豆腐，特別在有車打芝士餡。味道主要係甜同辣。麻辣金錢展（$70）：大碟得來夠一圍枱分。肉實而且深入麻辣味。再加上鮮蒜蓉，蔥花配搭。重口味人士必試。香芋珍珠奶茶（跟餐加$10)泡沫咖啡肧芽（跟餐加$10）總括：環境企理乾淨，內部新裝修。佢哋嘅青，辣椒都係經過挑選。佢哋勝在新鮮嘅食才。全部特飲跟餐加$10可以換到。…查看更多

今日食既呢間係位於葵涌既米線店，聽講係區內都算幾好食既一家店位置唔算好方便，近巴士站但係唔近地鐵站既所以我諗佢既定位都係區內既居民價錢唔算貴，餸既選擇都幾多，我揀左既係麻辣米線配既係雞翼同豬肚雞翼超入味，豬肚口感keep到爽彈最正都係個湯底，辣得黎麻味十足，幾有質素本身個麵底已經配有雲耳雞肉碎等等，其實幾足料同埋勁濃郁的湯底小食點左個藤椒魚皮份量幾多，不得不說又幾出色魚皮既爽彈加上藤椒既麻香，成件事係勁Match…查看更多

呢排天氣好熱無乜胃口，尤其食晏時間，見到有間食米線就啱哂啦，一於入去試下。畢竟食晏時間，人都幾多。搵到個位就叫個清湯過橋米線，加左個麻辣青瓜。米線睇相就知勁大碗，份量好多，一個女仔真係有時會食唔哂，不過本人咁啱肚餓，食得哂😝講返個米線，湯頭幾好，唔係味精湯夠濃味。我叫左幾款餸，特別想讚下個鵪鶉蛋，平時好少見有米線舖有得食，有蛋味，連埋湯一齊食好夾。麻辣拍青瓜我叫左小辣，不過都好辣😅，如果唔食得辣嘅要叫個bb辣先得。雖然係咁，佢個醬好夠惹味，辣得好過癮，所以雖然辣少少但我都清哂😚最後我叫左杯珍珠奶茶，茶底幾好，唔太甜，珍珠Q彈，合格有餘，重點係夠大杯，好抵飲😆我食緊嘅時候，見有唔少外賣人，而且keep住有人流，應該都係街坊/附近工作嘅人嘅食堂。呢d小店經營嘅值得支持，呢度推薦下大家去開附近可以嚟食。…查看更多

平時絕少嚟到葵興，今次專程搵米線食搵到嚟葵興😆想試盡曬香港米線既小店🤤發現呢間米線既配菜同出面有少少唔同，例如會有蓮藕片、竹筍、紅燒肉、豬肚等等都係出面米線舖少有既選擇😳✨酸辣米線我就揀左豬腸、蓮藕片、腐皮配菜；蓮藕片口感好爽脆，配埋酸辣湯底，好入味；腐皮口感比較硬身，一片片的😌✨炸雲吞(4隻) $20見到少食有炸雲吞又係好想食既選擇嚟，如果個餡係鮮蝦就好了😂不過韭菜豬肉都好食，外皮炸至香脆可口，每一啖都「索索」聲🤤✨泡沫咖啡珍珠 +$10通常都係珍珠奶茶，好少會有咖啡珍珠，既然同其他凍飲一樣價錢，就試吓新嘢先，珍珠好食😋口感好煙韌彈牙！火喉控制得剛剛好，珍珠真係要試吓😌…查看更多