雲海滙

雲海匯今人家人請食飯，去左南昌站呢間酒樓，沿V Walk D zone 經天橋去海達邨方向，酒樓小菜種類多，小菜，甜品，飲品任點，味道正常發揮，冇乜驚喜位，甜品吾太甜，有啤酒任飲，任飲任食4小時，每位$190有找，服務好，環境舒服，上菜收碟快，抵食呀！…Read More

喺OpenRice見到廣告，話深水埗呢間雲海匯有$198中菜放題，見咁抵食又有我最愛嘅片皮鴨就即刻去試！放題有足足3個鐘，可以慢慢食唔洗趕。食物方面，主角片皮鴨可以無限追加，鴨皮香脆，肉質嫩滑，配埋青瓜京蔥，好快就encore咗幾轉。除咗片皮鴨，仲有酸菜魚、海鮮同超過40款小菜任食。最驚喜係有三款定量頭盤，包括蠔皇鮑魚、燉湯同大虎蝦，用呢個價錢食到鮑魚真係好抵。點心可以逐粒叫，兩個人試多幾款都唔怕浪費。私心最愛順德炸鮮奶，外脆內軟！服務都唔錯，上菜同收碟都好快手。唯一美中不足係飲品選擇較少，特別係低糖或無糖嘅飲品。最後埋單連茶芥加一大約$260一位，整體嚟講食物款式多，質素對得住價錢，絕對會再encore！…Read More

屋企一向對粵菜非常講究，我們尤其喜歡吃北京填鴨。一直住在鄰近地區，但近期才知道這裏有北京填鴨優惠套餐。只抱着貪新鮮的心態，但很有驚喜。北京填鴨的質素非常好，其他菜式亦做得比其他價錢相近的酒樓好一倍，員工的態度也非常親切，已決定父親節又來光顧！豬肺湯非常出色，足料又正宗，但並不是白肺那種我們更喜歡。有幾蚊一隻冰鎮鮑魚必須叫非常好！其他小菜如生炒骨，龍蝦麵，煲仔菜等都非常好吃！最後叫了壽包，很完美的一頓粵菜晚飯😍…Read More

上網買咗片皮鴨任食放題，有小炒，海鮮，點心，燒味，飲品，上菜都幾快，雖然佢每一款二人份量，唔值錢嗰啲你畫多幾份佢都會照俾。但係好似片皮鴨同酸菜魚佢就計人頭，要兩碗酸菜魚，佢都係會比一碗 🥺而且仲要20分鐘先至出到一碗。感覺好似唔係好想俾你食咁，然後每次嘅酸菜魚都係越來越少魚，但係薯粉同芽菜就好多。 片皮鴨頭兩次都幾好食，不過之後再叫嘅片皮鴨就已經腍晒。炸生蠔就臭臭地可以唔使試，其他鮑魚，燉湯，小炒，大蝦，全部都熱辣辣都還可以。不過都係得酸菜魚會重叫😃最後埋單叫咗兩個侍應，等咗半個鐘仲未嚟到，最後要自己行出去埋單😓…Read More

之前食過佢嘅片皮鴨，唔貴另加小菜質素都唔錯。見佢有片皮鴨放題，KXday coupon都幾抵，買來試吓。一坐低就上三個頭盤，以人頭計，每人有一隻茄汁大虎蝦，燉湯同埋五頭鮑魚，呢三款只係上一次嘅啫，唔係任食，但係三款質素都唔錯，鮑魚好腍，個蝦好彈口夠新鮮。任食部份款式都唔少，飲品仲有果汁先生同紅白餐酒，我同老公戰鬥力其實都普通，淨係試咗圖片嗰啲，應該有五份二嘅嘢都冇試到，3小時放題，我哋其實食咗個半鐘都已經飽，坐咗兩個鐘頭左右就走。但所有嘢全部都好食，全部都夠熱，上得都好快同埋都冇漏單，片皮鴨主角正常水準，個炒麵夠乾身好味，唔係怕飽，我哋都想叫多次，老公好欣賞個炸生蠔，裏面隻蠔好大，個蝦仁炒蛋我覺得相當唔錯，隻蝦好大隻同埋都好新鮮，炸豆腐好脆，連最尾個紅豆沙我都覺得好好食。唯一有少少令人唔太愉快就係有一個侍應嘅態度好麻麻，因為我哋後尾想叫兩杯橙汁，諗住費事又寫一張紙就同佢就咁叫，佢話我哋要入紙落單，佢態度就唔係咁好，之後我有同佢講原由，其他服務員嘅態度就幾好，但見之前有人講話服務差。…Read More