雲桂香米線專門店

營業中

休息中

話說返學個陣成日同同學黎雲桂香食小窩米線今日咁岩去開葵芳就順便黎食下，懷念一下以前返學既日子。我叫既呢一碗係墨魚頭，魚腐小窩米線，跟麻酸辣湯底。佢既麻酸辣味道都夠，食到出晒汗，爽呀！男朋友唔食得辣，淨係叫左個普通小窩米線套餐，上面有好多餸，有腩肉，雞絲，冬菇，仲有樣好似係叫龍蝦卷，夠晒抵食。另外叫左個秘製豬頸肉，呢個係次次黎都必叫，因為真係好好食。野飲就叫左杯凍檸茶解下辣咁。呢間係我最中意黎食既米線店，大碗得黎味道唔錯，重點係有返學個陣既回憶呀嘛！

作為米線關注組成員之一，雲桂香經常都係我既選擇💛 因為實在好食又就腳！全港有成14間分店，總有一間在左近~ 諗唔到食咩 又或者糧尾都係首選🤣 豬軟骨豬耳小鍋紅薯粉 🍜 $32+$9+$9 (豆漿$8)豬軟骨同豬耳係兩個唔同嘅口感，豬軟骨好淋，姨豬耳就有咬口，脆脆地，所以呢個組合都唔錯👍🏻記住小鍋湯底一定要叫小辣或以上❗️❗️❗️好重要❗️因為呢個係佢精粹✨ 我自問係一個食唔到辣嘅人，但係雲桂香嘅小辣指嘅係肉碎🍖 有一次我叫咗唔辣。。。就失去左食慾了🙃 所以真係提一提大家一定要叫小辣~腩肉蘿蔔熱拌米線🍜 $30+$9+$6 (豆漿$8)相信腩肉係好多人叫米線嘅必備，因為佢唔係特別貴嘅一個餸，而且有微辣，幾惹味~ 而蘿蔔就可以用嚟中和成個米線，就算叫湯底都好入味㗎！如果唔食得熱湯或者夏天怕熱嘅人， 十分推薦熱拌或者涼拌✌🏻 會有少少汁同埋肉碎，撈埋一齊都好好味😋 另外仲會配有榨菜，酸菜，花生。我自己就唔係咁鍾意食花生，不過今次唔記得咗叫走花生🥜-環境:💛💛💛服務:💛💛💛💛推薦:💛💛💛💛💛

第一次系呢間米線舖食米線，都係因為米線群組推介（社交平台果個，唔係疫情個群組🤪）甘我就叫左個：1. 小鍋米線酸辣湯不過不失，冇咩特別2. 過橋米線第一次食呢款過米線幾有新鮮感，不過配料就cheap咗啲啦，如果佢啲配料再靚多少少咁就正啦3. 蒜泥白肉蒜泥白肉入邊包住一條青瓜條，青瓜條唔算新鮮，而且有啲微軟，口感一般，勝在醬汁調得開胃4. 口水雞口水雞個醬汁調校得酸酸辣辣非常之開胃，柵欄野食完之後都冇肚痛已經very good，不過如果佢比多幾舊雞肉會更加開心，以呢個價格每日只有兩三件，就略嫌貴咗啲啲

見到最近米線關注組成日都介紹呢間，所以就叫咗個外賣嚟試吓。叫咗重慶麻酸辣微辣芝士腸水晶粉。先講個湯底，好似開咗水咁，好水，唔似其他分店咁煮得好濃。完全唔麻，又唔係好酸，其他分店有好多榨菜，但係今次剩係得好少。芝士腸就超級普通，有三條，唔係好多芝士，個皮又唔脆。都唔緊要，都唔係好大期望。但係個水晶粉真係令我好失望，食落去好大浸味，而且一啲都唔滑，所以非常之失望。最近食過將軍澳新開嘅分店，就煮得好食好多。

一直以來都係雲貴香嘅忠實擁躉因為真係好好食，平時就去開沙田食，上次喺葵芳叫過一次外賣，有不愉快嘅經歷，明明叫咗兩個餸，點知碗麵得壹個餸，錢又比左，但係拎到返屋企先知今次諗住俾多次機會佢去食堂食，都係覺得沙田好食啲😂😂 我平時就叫開豬紅腩肉，佢同沙田嗰間好似有啲分別，沙田個湯好似味道濃啲，好味好多咁就算我叫豬頸肉外賣，都好食過今次嘅堂食😅之後我哋仲叫多咗個青瓜，估唔到咁辣，如果唔食得辣但想食青瓜嘅朋友千祈唔好叫😂

通常去葵芳都係去搵好味既小食🤩🤩🤩🤩🤩但我同朋友今日黎到行街, 都係想食米緞哈哈🤣🤣🤣🤣皆因我地都係米線迷!!!我地兩個都想食米線...錦.........就雲桂香啦!🥰🥰🥰🥰今次我就冇叫平時食開既腩肉,食豬軟骨+菜心,豬軟骨好入味,份量好多!!!又係好滿足既一餐!

已經好耐好耐都冇食過呢間既米線，琴晚係屋企hea到夜一夜，屋企人又冇煮飯，心思思唸起雲桂香，就去咗屋企附近食，可能太夜（成21:30），所以冇咩人，呢間野好似又再裝修過，高檔咗！座位挺舒適，寛闊，上菜速度都幾快，我必須説雲桂香既米線真係比譚仔好食好多，我叫咗豬頸肉腩肉米線同一杯凍奶茶，米線比較爽，同埋佢既湯底都唔輸比譚仔，由於本人之前試過叫小辣，跟住碗米線勁紅，雖然佢唔辣但本人一直對太紅既色水反感，所以叫咗微辣，色水係正常！至於餸方面，腩肉出乎意料外好食，之前好似食過係唔好食，但我期待既豬頸肉反而麻麻，口感似食緊豬扒，好失望！因為本身好鍾意食豬頸肉！總之叫一個餸算，到杯凍奶茶，就勁失望！勁快融冰，仲要唔係好凍，奶茶味道亦都唔濃！不過好過飲落似水既！整體來講都唔錯既！起碼米線真係保持水準，Total食咗$55，都有啲貴，最貴係叫豬頸肉，要加$13，仲要唔好食！BTW,一餐半餐就算吧！況且好耐冇幫襯過，當支持下

平時食親米線都係譚仔 你唔悶我都悶啦 所以今次專登食呢間 其實呢間都幾出名 分店開到周圍都係😂價錢嚟講呢佢就貴過譚仔少少 三餸加野飲差唔多要六十蚊埋單 不過佢呢隻麻辣就過癮過譚仔 啱哂我鍾意食辣既人😎

葵芳既雲桂香米線一直都係我心中最喜歡食既米線，差不多每星期六，諗唔到去食咩，就會去食依間米線，基本等於係我飯堂今次我食豬大腸(鹵水)小鍋米線(小辣)$35，我最喜歡它的湯底，因為辣得黎又會夠酸同香，而且仲會有麻痺感，配料有芽菜，吸哂湯汁，爽口又惹味，豬大腸鹵得非常入味，口感唔會太硬，淋淋地，好容易就咬開蒜泥白肉$38，依間做既蒜泥白肉，十分特別，出面其他米線鋪頭，我都未見過這種做法，就是用白肉將青瓜包住，食到青瓜既清新又同時食到皮薄肉嫩白肉，口感非常豐富

位於葵芳E間米線，佢真係做得唔錯，需言位置麻麻地，只方便區內居民，但我有時都會專程去食碗米線，佢地個湯底真係冇得輸，加辣後真係食到著火，招牌就係腩肉，一定要加杯凍檸茶，大大杯，夠晒凍

本人最愛吃米線，所以平時一個人吃飯的時候如果唔想用腦就會去食米線，呢間米線係我最鍾意嘅，呢度嘅湯底比較適合我，因為我唔鍾意太酸嘅湯底，所以通常會走酸，但係其他米線店，湯底走咗酸，就會淡而無味，但呢一間就仍保持鮮味，餸方面，平時食豬紅亦都唔會淡茂茂！一粒粒唔會太散！不過有時豬潤會一時失手，煮得過熟，通菜仍然綠油油都幾新鮮，芽菜份量亦好多，好爽口！仲有好多肉碎！口感十足！一碗米線已經好多食材，男士都夠食！

今日3pm去左葵芳既 雲桂香米線專門店一間平民價錢米線店🍜以前食過已經覺得好好食估唔到而家都keep到個水準3pm入去店唔算多人，已有卡位坐撞正職員洗緊冷氣隔塵網但職員姐姐們都非常之好禮貌👍🏻講下點餐先轉左新menu圖片簡介清晰左款式湯底都多左新選擇👀二人行點左杯凍檸茶兩碗米線同一碟口水雞口水雞 $42 係每次都必點👍🏻上碟賣相已經不錯雞都新鮮無冰鮮味d肉同汁都入味，辣味咸味都夠我地連花生都清哂小鍋米線$26 麻辣小辣我個人不喜歡食芽菜茜菜 所以全走湯底可選清/麻/酸辣個人偏愛吃麻辣另+ 2份竹笙辣味剛好 鍾意食麻辣又怕太辣的話小辣就最fit 而且湯夠味又唔會太漏而且有豬肉碎無咁dry襯口水雞食好好食！第2碗都係小鍋麻辣墨魚丸，肥牛，豬頸肉，炸醬墨魚丸好食有咬口肥牛同豬頸肉就普通啦炸醬米線份量超足，細食人士可要求少米線口感偏淋，合格啦2人TOTAL埋單只是$151好食又食得飽算係咁啦

中學時期已經好鐘意食，中學畢業後仲心掛掛想食。葵芳分店同其他分店嘅味道有啲分別，我個人比較偏好葵芳嚟間，湯底偏濃，即使唔加配菜都好好味，加埋飲品都只係31蚊，都算抵食又飽，服務態度還可以。平日午市會比較多人，等候時間至少要5至10分鐘左右，都算快。我個人喜歡雲貴多過譚仔。

相信唔少人愛吃雲南過橋米線，而眾多間之中我至愛雲桂香！葵芳呢間有點特別，辣度分得較仔細，而我係好鐘意辣架🔥，今次就叫中少辣❣️平時食開荃灣小辣，覺得唔夠喉，點知今次中少辣，一來就好驚訝個湯底超紅😂😂😂果然唔同分店都有唔同！雖然都幾辣下但真係好香呀個湯底！最後都飲左好多因為實在太惹味！最愛呢間撈左好多辣肉碎，而腩肉薄薄的好入味，唔會太肥，份量又多，每次必點！加埋爽口既竹笙，吸湯後更加好味👍🏻

之前我好鐘意食呀仔米線, 但最後我覺得味道愈唻愈差, 雞肉一定有雪味, 米線時硬時淋, 我開始去試其他米線, 依一間好近我公司, 有時lunch過去都方便, 食左幾次先醒起可以寫下食評我唔食辣架, 成日比人笑我少左好多樂趣...今次叫雞絲配菜, 好鐘意佢真係雞絲唔係雞肉, 咁樣會梗加入味, 湯底有酸菜, 所以酸酸地好開胃, 唔覺唔覺就食哂牛展雞絲少少辣, 佢配菜都幾足料, 絕對唔會每樣得一兩片幾條咁, 加野飲就加$5, 冇加一, 四十蚊左右一碗, 我覺得做lunch 唔錯既選擇！