雲桂香米線專門店

營業中

休息中

My boyfriend suddenly wanted to have rice noodles for dinner, so we headed to the nearby Yugu Noodles in Sha Tin.Roasted Pork Jowl 秘制豬頸肉 8/10 ⭐️Served hot with crispy skin. Well combination with the Thai sweet chilli sauce. Very savoury but it became dry pretty fast.Chongqing Sour & Spicy Noodles 重慶酸辣粉 7/10 ⭐️There were many topping options, I chose daikon radish, pork intestines and Chinese lettuce. The radish pieces were tender and sweet. Pork intestines were soft but chewy, and very flavourful.

初三要搵食🫢唔算多選擇下午4點左右去到雲桂香要等一等先有位新年期間收加一🙇🏼‍♂️🙇🏼‍♂️重慶麻酸辣小辣水晶粉配雞絲&豬扒$56，湯都夠辣唔算好酸，配料都算多，雞絲份量都多但肉質麻麻地，好老，豬扒都係麻麻地，食米線豬扒真係唔可以亂叫，真係冇幾多間係得既，唔厚，好乾身，唔掂🙇🏼‍♂️🙇🏼‍♂️港式米線中辣配紫菜&墨魚頭$53，中辣唔算好辣，個湯食食下有另一間大品牌既感覺🫢🫢好飲唔錯。紫菜算少，冇乜特別🤷🏻‍♂️墨魚頭都算多，又有墨魚鬚，有口感都幾正👍🏻總結：一般既米線，醫肚就算。冇要求就得。

呢間雲桂香成日幫襯，一個星期基本上都會一次。今次食完真係好有衝動寫一寫我叫左重慶醜辣粉中辣既，但係今次我覺得佢並唔係中辣啦，係大辣啦，平時都成日食辣都係食開中辣的，都成日食韓國三養肥雞面，但係呢，呢間雲桂香，真心好飄忽啦，有時個中辣好似小辣咁或者冇咩辣味，但有時呢就好刺激咁，次次食佢都好似有種俄羅斯輪盤賭運既感覺，今日辣唔辣完靠廚師心情。。我都唔知係冇咩辣味好定咁刺激好啦希望廚房大佬可以心情穩定d啦

自己一個去開沙田，突然想食米線，又唔想去譚x，就來到雲貴香米線,中午時間，門口都幾多人等，幾多學生黎食，入座後，叫了碗魚腐，魚肉春卷小鍋米線，少辣，加杯凍檸茶米線份量都多，魚腐就平時食嘅味道，魚肉春卷好食，個湯好惹味，食到好滿足，米線又一好選擇👍

我哋晚上約9:00到，仍然人多，好多人9:00先放工⋯。叫咗個小鍋米線酸辣，小辣，轉芽菜低，餸要咗雞絲，黑木耳。酸辣湯底係有少少甜，酸味合適，小辣唔太辣，合我口味，轉左芽菜底，份量都夠嘅叫合理啦。雞絲本身冇味但吸咗啲湯就好好味。

工作地點附近沒有很多餐廳選擇，所以午餐就吃了這間雲桂香。熱拌米線（雞絲、海帶、豬軟骨）：海帶是凍的，有腥味。雞絲好像肉鬆一樣，又乾又鞋，像手絲後再風乾過。豬軟骨也是煮得很乾。

今次叫左口水雞，肉煮得太熟，好難咬😅吾辣，吾入味，份量少🐤個肉似係煮左好耐，感覺冇咁新鮮蒜泥白肉🌶 有啲油，吾太入味，煮得太熟🥩吾辣同平時食開差好耐，入面配菜似攞左好耐，有啲冧😢醬拌皮蛋 ，份量多，足夠兩個人食👯‍♀️入面個醬都係麻麻，冇咩香口辣椒🌶️小鍋米線加雞翼🍗豬軟骨🐖 酸辣湯底(麻麻地)豬軟骨好似瘦肉，冇咩軟骨🐷雞翼🍗係好食嘅，幾入味，米線份量多🍲最愛嘅小鍋紅薯粉🍜加墨魚丸 ，清湯底🍲個薯粉有少少甜，墨魚丸係好食嘅，幾彈牙🥚份量幾多下

第一次食雲桂香！食吓米線、薯粉，大大碗都幾抵食。通常大商場入面，食肆定價都比較貴，呢間雲桂香喺商場附近，係唔錯嘅平價選擇！熱拌紅薯粉$36- 入面有大量辣肉醬、花生、酸菜，非常重口味。水晶粉口感煙韌，索晒調味料，香辣惹味，唔錯！過橋米線$64- 呢個過橋米線大陣仗啲，店員會幫你將材料倒入去小窩入面，焗幾分鐘就有得食。材料有鵪鶉蛋、蟹柳、墨魚頭等等，墨魚頭都幾爽滑彈牙。不過相信呢度用嘅湯底或者調味料都有味精，食完都比較口渴。

常行過門口都很多人，今日見人少少，快手叫個外賣，十分鐘拎得走人過橋薯粉（比米線貴$2）$34+豬耳（$9）+腩肉（$9）+跟餐凍檸茶（$7）+外賣盒$3=$62過橋薯粉內含豬肉碎（份量也不少，食到最後，隔去湯汁，碗底仍有五至六湯匙的碎肉）芽菜、酸菜和芫茜，湯底有不同辣度選擇，我叫了微辣，一點辣味也沒有😅下次可挑戰小辣豬耳和腩肉份量足，腩肉有十多片，不辣；豬耳略嫌煮很過腍，連耳骨的爽脆咬口都消失了，有點失望總括而言，是值得常吃的街坊小店P.S要小心計數，今日店員心算一收收了我$75，幸好我即時發現，才退回$13

天氣潮熱，今天不想吃飯，於是就來一個米線吧！雲貴香米線店往往見人龍，疫情下也大受影響，所以現在下單後，只等了一會兒，便可踏上歸途。今天我選了三種配料：豬紅、竹笙和腐竹；全部都是較清淡，易入口的食材；配紅薯粉來吃是最好不過。外賣湯底是和食材分開盛載，所以不會有過度浸泡的情況。紅薯粉爽口糯軟，好有口感，我選配了一個微辣的胡麻湯底，非常惹味醒胃，正適合炎熱天氣下吃。豬紅入味、竹笙爽口、腐竹滑溜，材料吸收了湯底的精華，味道討人。不消一會兒我便將整碗紅薯粉吃掉了，非常滿足。

雲桂香係我鍾意食嘅米線之一，荃灣、旺角等等唔同地方都有開設分店，今次係沙田新城市廣場行完街之後，朋友帶左等黎食米線，價錢合宜之外，仲有唔同麵款可以選擇，包括有酸辣粉、撈米線等等。而我最常食嘅就係小鍋米線。日常叫開嘅一定係小鍋米線，呢次叫左豬紅、蘿蔔做配菜，湯底就揀左微辣。雲桂香仲可以比客人走芫荽，多芽菜，鍾意食芽菜嘅朋友唔驚要收多一份配菜錢了，又食得滿足。湯底少少辣而且酸酸味味咁，好開胃，豬紅唔會太淋太散，蘿蔔清甜，味道都算夾嘅。食完要飲番杯凍奶茶解渴。

相信係香港好多人都有食過雲桂香雲南米線雲桂香比起某間有得叫勿丸米線既店舖味道更好味，而且每碗米線中入面的配料也是滿滿的而我每次都會選擇食小窩米線轉紅薯粉，再必揀雲吞做食材之一，湯底雖然很油，但的確好食，而雲吞好大粒嫁😹😹😹都係我鍾意食嘅韭菜餡。不過唔知係咪疫情下少左人外出，所以店內比起平時都很少人，而最近兩次食，一次外賣，一次堂食，都不像以前好吃🥲味道好像不同，而我選擇的雲吞和肥牛味道也是很淡，與湯底好像分開上一樣似的。千層豬耳味道也是不像以往的好吃，味道也不一樣，不知道是否轉了師傳還是怎麼樣，希望下次再吃會正常返😹😹雖然食物品質下降有點失望，但店舖職員姐姐們也是很好，會說會笑，也有禮貌

一直都係嗌腩肉豬紅小辣米線嘅我，覺得佢啲質素越嚟越差，腩肉都係好好食嘅。但係豬紅就太碎，好似舊舊都唔成形咁🥲 同埋都冇以前咁好味，食落冇咩味同埋叫多咗個皮蛋，啲辣汁唔夠辣，食落好似兩樣嘢完全分開咁，同譚仔有好大分別，有啲失望

我最鐘意既米線，莫過於係雲桂香啦呢個大家一定有食過。沙田分店既門面以前成日都食小鍋米線， 但最近發現佢既雞湯米線原來都好好食雖然係清湯口味，但超級重雞湯味，飲起佢d湯時，好似飲緊雞湯咁， 而且過橋雞湯米線係份量超大，岩晒遇着好肚餓嘅人士😂。 因為太大碗啦，店員會幫你整埋，圆請唔使落手去整。

如果好鍾意食米線既朋友揀雲貴香就一定冇錯。小窩米線湯底真係無得輸，而且可以揀小辣，味道真係超級，真係超級正😋小窩米線配腩肉真心推介，重點味道更加野味。令你會不斷想食，哈哈哈，連湯都想飲埋🤣🤣另外覺得重慶酸辣粉都好好味加埋杯凍檸茶簡直就係平靚正嘅選擇。小食方面鍾意食涼拌既可以叫皮蛋，果個味都係超級正，雖然份量有d少，不過偶爾食下cp值都幾好。但係姐姐的服務就真係見人見智喇。心情好就對你好d咯😂個人比較鍾意沙田呢間。