雲桂香米線專門店

營業中

休息中

今天晚餐，小鍋米線😁我係一個唔鍾意食米線的人，但是雲桂香我是耐唔耐會食的，其他連鎖的，一般都唔食。因為我覺得佢啲餸係有味的，好過一些連鎖米線，佢地啲餸係一啲味都無，我真係唔識欣賞。不過宜家食碗米線都好貴，求其叫都$7-80走唔甩，重記得以前都係$2-30。物價真係漲得好快😂今日點左蘿蔔，豬頸肉，腩肉，肉醬，雞翼。感覺上，雞翼比較遜色，煮得有點過耐。豬頸肉，腩肉依舊好味，蘿蔔今日就差少少，正常應該要用湯底煮，但今日就似只係用水煮。肉醬就俾得太大😂不過整體都滿意👍🏻保持水準

今天與老公來到雲桂香，好耐都冇嚟過品嚐正宗雲南風味， 這裏食材新鮮，湯底濃郁，我叫左最愛雞翼尖,豬大腸同豆卜小鍋米線，這裡雞翼尖好吸收湯汁的精華，十分入味。 豬大腸滷得入味，好彈牙， 不會堅硬恰到好處，真是令我食完一舊好想食第二嚿 。 豆卜吸收湯底精華，微脆老公選擇了 豬紅, 蘿蔔 豬大腸小鍋米線 小辣 ，豬紅好滑嫩，帶著淡淡的香，咬落去好爽口。蘿蔔煮得恰到好處，吸收了湯汁的濃郁風味 ，好飲食到啖啖肉🥰🥰🥰😍😍 我地仲叫左腐乳通菜我好鍾意食這裡的配件，因為有我最鍾意食個芽菜， 同埋佢嘅清湯酸酸味味，令人 好開胃大家都試下

職員長期圍埋吹水，要客人行埋去叫佢先心不甘情不願咁落單上餐時間不嬲要半個鐘以上今次等咗半個鐘都無餐，其他檯遲過我十分鐘都到齊野食，忍唔住問下咩事，點知佢話漏單，仲要食客唔多嘅情況下。仲要一句道歉都無。

我在這次用餐體驗之前對這家餐廳的評價挺好的，面底都可以選擇爽口度，味道濃郁，送餐速度快，小吃也好吃，只是有時候點同樣辣度食物的辣度會有明顯差異，建議新客人由少少辣開始，餐廳用餐位置尚否接受，高峯時間會靠擁擠。可是這次我點了一碗冷面可是送上來的是一碗冒煙的面，我就問了侍應一下看是否送錯了，她在沒有檢查的情況下立馬否認並說就是這樣的，最後雖然面是還好的，但就不是我點的餐點。最後付款方式不支持八達通，能用支付寶現金。

今日我去咗新都城既雲桂香，想試下佢哋嘅小鍋米線同炸魚卷。小鍋米線果然唔負所望，湯底濃郁，味道十足，米線吸咗好多湯汁。不過，炸魚卷就有啲失望，雖然外脆內嫩，但味道有啲平淡，油膩感重，食完之後有啲悶。講到環境，雲桂香入面真係有啲逼，座位之間距離窄，坐得唔太舒服，筷子用得時候感覺發漲，唔知係咪清潔做得唔夠好。更重要嘅係，職員嘅態度有待改善。整體而言，小鍋米線值得一試，但環境同服務係時候改善，否則會影響食客嘅體驗。如果你只想食米線，雲桂香仍然係個好選擇，但記得保持心態開放。

因為譚仔令我討厭左食米線，所以我都好幾年冇食啦🤰🏼嗰日喺附近做完產檢（Kala仲係我肚肚入面）突然戚起條筋想食🥹唔知點解唔想放湯，最後揀左比較冷門嘅熱拌，整體覺得一般喇😪不過唔知係咪我叫錯嘢～⍥ 菜肉雲吞·紫菜·熱拌米線 ❙ $52配有微辣肉醬、花生、榨菜、鹹菜、秘製撈汁米線要求軟稔啲，仲有溫度既，所以所有野唔係凍冰冰。配料都非常好撈，每條米線都痴滿肉醬，微辣鹹香又夠晒口感。上網睇有人介紹菜肉雲吞，但係個人覺得麻麻哋，皮又厚，仲硬係形住有浸味🤔勝在幾大粒幾足料，至於紫菜完全唔知點解自己會想食，成舊假髮咁最後都食唔晒😅

第一次同friend 嚟食，叫咗個姐姐落單，一聽到落單就即刻黑臉，到佢講要熱拌紅薯粉，之後佢好似聽唔到咁，再同佢講多次就即刻用勁西嘅語氣講，「一早就咁問你啦。」大佬我係過嚟食嘢唔係嚟受你啲西氣😅咁嘅態度建議你唔好返工啦，咁巴閉點解要做服務性行業？

10點半可以堂吃，我今日10點20就同我講無堂吃只有外賣，即係點？什麼道理，我都未夠鐘就截單咁同趕客有什麼分別，如果係咁樣趕住收工，不如提早10點堂吃截單啦，只做外賣啦，咁樣架做法同呃人有什麼分別，不知所謂，我依家係黎幫襯唔係黎受氣呀，激到成肚火都唔洗吃啦，咁做生意的我都係第一次見，如果你話我過鐘我無道理我無問題，但係你依家咁我就不服氣，我一路都係長期幫襯你地，但今次咁樣我真係十級失望，咁樣做完全無道理

荃灣，旺角很多間雲桂香我已經食過每間都覺得佢很好，在將軍澳工作所以就去，到新都城一期哪間雲桂香試試，入內叫單也要等15分鐘先到已經不好感受因為他們外賣單很多,不停咁 做外賣,叫了豬腸腩肉腐皮小鍋米線小辣,米線碎濕濕,豬腸咬唔開,腩肉韌到一個點,連腐皮都好像沒有浸泡夠就送出來給客人食,埋單連八達通也沒有,香港都唔收八達通

今日唔想食飯,所以去食吓米線~醬拌皮蛋味道淡淡的~雲吞酸辣米線好食~!雲吞大大隻酸辣湯惹味!! ~熱拌米線配豬軟骨好好食!!豬軟骨好夠淋,拌米線有肉醬,炸菜,花生,好香口,好好食!!

雲桂香米線專門店 (新都城中心一期) (將軍澳)將軍澳寶琳運亨路1號新都城中心一期G樓G105-106號舖係香港食飯，講求快、靚、正👍🏻但日日都要諗食咩真係好傷腦筋啊！當諗唔到食咩時，我就會去食米線，快、靚、正啊嘛！而我首選都係雲桂香😂放便啊嘛，周圍都有！來到雲桂香，必定要點他家的冬菇，真的賊好吃的，好入味、好香、好好吃喔！我通常必點的： 酸辣，小辣。冬菇、豬紅、腐皮春卷、龍蝦丸、腐皮還有炸豬扒🤭每次諗唔到食咩都想食佢，食完米線就好似充滿能量咁！混集的酸辣味，濃濃的湯，淡淡滋味！

今日放半日,所以搵左間米線舖食Lunch~酸辣米線佢d酸好夠酸,我叫左bb辣,味道剛剛好~炸蝦卷即叫即炸,上到枱時起熱辣辣,好好食配埋D泰式甜辣醬,Yummy!!~蒜泥白肉肉入面夾左青瓜,非常清新不過欠左D咸味

頭先食米線叫咗雲吞同埋通菜兩個餸叫咗小辣嚟到嗰陣好似冇乜辣味，我問佢係咪小辣，不過聽唔到走咗，跟住搭枱對面男人嗰碗都係話小辣但係超級紅，所以真係幾飄忽。。。。味道就一般還可以，都大碗

好中意食寶琳呢間雲桂香因為有得坐商場半開放式位環境比較開揚米線都係一樣咁好食 佢比其他米線舖麵條會比較幼所以特別掛湯湯叫左大辣 夠酸夠辣 味道有層次最中意佢有落肉碎勁好食!!!!配料極度推介雲吞 菜肉餡 大大舊 皮厚多肉唔好以為皮厚唔係好野End up又好好食每次食雲桂香都一定叫雲吞另外仲叫左芝士腸芝士腸就正常質素啦 無乜特別見好多評論都有講服務態度唔好我就無乜同侍應太多交集所以唔係好覺不過唔會主動帶位 落單就真既態度唔會話好友善殷勤果種囉🤔

去過都知道新都城間雲桂香喺商場正門隔離下晝四點 兩個人入 我哋揀咗最入面嘅一張枱 （避開開商場開門閂門，今日真係好凍，好大風）點知有個阿姐話員工7:00要食飯留枱唔俾客人坐 我就同佢講而家四點轉頭我食完都走咗啦 佢即刻掉咗個「留座」牌喺枱面 我哋已經坐低咗㗎啦喎. 未食嘢要先受氣 明明人又唔多 冇人等位 有吉枱 死都唔俾你坐入面 🤷🏻‍♀️ 平時都算 今日得10度，你唔係要我喺門口食風啊. 即係為咗佢唔使行多兩步 …