雲桂香米線專門店

營業中

休息中

都係難得出城 經過見到呢間雲貴香 諗住食下啲回憶嘢落單開始 阿姐已經叫我重複三次講完 我同我朋友碗嘢嚟咗都係一樣漏單 仲要比班阿姐兇返人轉頭問咁你想點🤡🤡 咁我咪同佢講 如果冇嗰個餸就算啦 唔使補返然後佢話返我 話我自己講得唔清楚 下 心諗咩事??? 😂然後皮蛋 成碟皮蛋心都係綠色嘅 味道怪怪地 勁酸 懷疑壞咗 叫佢哋退錢 一開始唔肯退 然後嘈多兩句黑住面咁退🤡講到好似我哋屈佢咁🤡講真真係食到一肚氣希望佢哋留意番 客人因為想食 先會嗌皮蛋 然後成餐飯 佢哋嘅服務態度俾人既感覺係 我哋好似黎呃飯食咁😂😂😂永不光顧 ~

疫情期間，要人搭枱都算，但冇隔板，其他人都唔想我搭枱啦😑有空位蝦我女人唔俾我坐，後面有個大隻啲男人先俾坐，我問可否加番隔板，個呀姐唔情願又不斷罵我，全餐廳望住我，搞到好尷尬🥲米線幾好食都冇用，我不會再幫襯🙄

總知野食黎到有問題 一定係客人錯我講明走辣 佢整個胡椒湯我隔離枱黎左米線加雞翼 但人地要炸雞翼阿姐d 廣東話 一舊舊 其它真係聽唔清楚 總知 黎錯野 一定唔關阿姐事 一定係個客錯啦

食得出成個廚房 包括水吧師傅係無心機整嘅湯底 重慶酸辣叫到中辣 都淡味 又唔酸又唔辣 仲要比漏腩肉豬耳汁又係難食 得個酸字 杯凍奶茶得甜味 已經叫咗少冰都淡到得甜味樓面仲衰 唔講以為佢地先係食客勁大聲傾計 又落漏單 隔離幾張枱一樣又落漏 又比錯以前都算幾好食 而家竟然變到咁差真係失望幾時執咗佢

是日收工後同朋友出到旺角，諗住食啲簡單野食先返屋企，最後揀左雲桂香食米線！嗌咗個酸辣小窩米線同埋蟲草雞米線，麵類可以揀薯粉、水晶粉同米線，小窩米線都算正常，配菜都幾多選擇，有魚肉春卷但比較普通唔係南記嗰種魚肉春卷！而蟲草雞湯米線比較遜色，味道好似只係白切雞米線

👍🏻👍🏻豬軟骨小鍋米線(中小辣)$40米線偏幼身，但係煮得岩岩好彈牙煙靭，之前食過其他分店麵底食唔飽，太子分店麵底好似正常啲，湯底夠味唔會死咸，豬軟骨都有3大舊+1小舊～ 但係今次就唔見有軟骨，全部都係肉加小小肥膏，某幾舊都幾淋既，都幾入味好食🤌🏻🐖豬頸肉小鍋米線(中小辣)$46豬頸肉有6塊有大有細，有一兩塊都幾薄，無豬軟骨咁出色🈸不過真係堂食先好食，外賣會質素差好多，米線變得無咁煙靭

做完gym gym，同🐣行過太子，見到有雲桂香，本身又餓餓底，兩個就入咗去食🙂其實雲桂香我地成日都食，米線嚟講，首選一定係佢🥳🥳🍜🍜🍜🍜 小鍋米線 （微辣 竹笙 鮮蝦卷）🐣表示竹笙索個湯嘅精華，佢嘅湯底酸度同辣度都適中！每一啖都好滿足🥳鮮蝦卷一分為二，細細粒，都好彈牙。🍜🍜🍜🍜 小鍋米線 （小辣 腩肉 豬頸肉）🦦食肉獸表示，豬頸肉好出色！必定要試！加上碗湯有大量芽菜，食米線同時，有芽菜嘅爽口，增加層次感。腩肉本身自帶辣度，所以如果唔太食得辣嘅，要叫微辣！太子分店相對坐得闊落，無旺角咁逼，又有2人卡位，岩哂2人又唔想同人搭枱，地方乾淨。味道：4/5環境 : 4/5服務：3.8/5衛生：4/5價錢：3.8/5

湯底濃但每次叫外賣，聽電話員工唔耐煩上一次更佢鬧我，利申已經表明唔係佢鬧嘅當時人完全好無辜貴公司應該要品格培訓下員工食物方面好出式，一路以來都係長期客人黎無任何不滿過，所以各位堂食同為美食推薦呢間但服務方面唔好咁大期望堂食同外賣送餐都有，堂食完全無問題正正常常（旺角分店）（太子分店）外賣送餐，負責聽電話既員人好好訓練一下，唔好含血噴人叫個外賣無端端比人鬧叫咁多次黎第一次遇到咁嘅經歷對呢一次體驗好差

大食妹平日晏晝成日帶飯, 今日難得一日冇帶, 同同事一齊嗌咗雲貴香嘅外賣, 超級掛住嗰種麻麻辣辣嘅湯底平時覺得雲貴香真係有啲貴, 三餸米線要成80幾蚊, 但係一次半次就算啦今次嗌咗個三餸米線, 麵底揀咗小窩米線, 近排腸胃比較敏感, 辣度就揀咗微辣, 三餸分別係豬頸肉、魚肉春卷同竹笙近排減肥米線就嗌左扣底費事食唔晒會嘥嘢豬頸肉甜甜地好爽口, 魚肉春卷同竹笙份量好少, 但質素唔錯湯底揀咗微辣, 胡麻香突出, 配搭竹笙黎吸收湯底嘅精華果然係最好嘅選擇

今次媽咪晚餐話想食粉麵就揸車🚗出嚟太子..因為媽媽唔食得辣..所以去雲桂香就啱晒啦Vienn叫咗個🥢「小鍋紅薯粉」𝗵𝗸𝗱$𝟯𝟰特辣、2份滷水豬大腸(+$𝟭𝟴)、必要嘅墨魚頭(+$𝟭𝟱)+腩肉(+$𝟵)..特辣都唔辣但已經好過幾間連鎖米線舖😗點解叫紅薯粉係因為冇咁肥同埋食辣會比較出個辣味（純屬個人意見分享）反而媽媽個🥢「海鱸魚米線」🍜𝗵𝗸𝗱$𝟲𝟳海鱸魚炸到脆卜卜,但魚肉都滑👍🏽 魚湯底嚟講算係咁,起碼唔係水鬼尿！豆卜好入味,仲有黃芽白👍🏽👍🏽🥢蒜泥白肉 𝗵𝗸𝗱$𝟯𝟳因為太肚餓食晒冇影相，中意超多蒜泥既必點！五花腩肉入面包住青瓜，外面毫不吝嗇地鋪滿蒜泥！夠入味又抵食👍🏽🥢炸魚卷 𝗵𝗸𝗱$𝟮𝟯呢個又係點雞醬會叫既小食🥢秘製豬頸肉 𝗵𝗸𝗱$𝟰𝟮呢個豬頸肉應該炸過之後處理,媽媽好中意食豬勁肉呢個炸過既..佢覺得好正有時候想食米線唔想伏都會諗起雲桂香！起碼價錢抵同埋唔會失望先～而且份量夠大～上菜又夠快～如果大家中意俾個like支持下🤟🏽 𝗖𝗶𝗮𝗼~..🥢雲桂香米線專門店 (太子)🥢太子西洋菜南街101號金德行地下AB舖

出黎旺角同朋友傾project，傾傾下肚餓，打電話去嗌外賣。前前後後嗌左三碗外賣加一杯野飲。兩個朋友都系嗌小鍋米線清湯加兩餸，而我就嗌左重慶酸辣粉小辣加兩餸。嗌完之後，職員叫我地即時就可以過去拎，去到又真系整好晒，我地既路程只不過系10分鐘內。 ⦁重慶酸辣粉 $28重慶酸辣粉以麻為主，辣味都重，朋友一食就要飲水。薯粉爽口彈牙，但我配既貢丸食到中間有點兒凍，仲有豬血唔夠彈牙，有點兒鬆散。 整體要讚既系店只既速度，真系好快！雖然都有少少甩漏，但尚算可以。

今晚一個人晚餐，突然掛住碗豬軟骨熱拌米線🍜，所以特登黎食夜晚7點都唔算好多人，有位坐睇吓餐牌啦睇完我都係食返熱拌米線配豬軟骨同菜心啦！！等左一陣黎到啦⋯⋯相機食先📷影完相發現👀點解係薯粉嘅？於是叫阿姐換返碗米線俾我啦⋯⋯等左一陣到啦雖然知道都係將啲餸夾返過去，然後玩返個米線，但係都唔緊要啦，跟住我夾住米線食，咦！點解唔熱嘅？唉😮‍💨佢又唔係凍既...但咁既情況我都唔想再叫阿姐嚟換啦唯有上黎打篇文呻下啦🥲

🔻🍴熱拌米線➡️豬耳·魚肉春卷💲50🌟推薦指數：★★★★☆雲桂香既秘製撈米線，配有［微辣肉醬、花生、榨菜、鹹菜、秘製撈汁］另再叫小辣，對唔食得辣既人，應該會越食越辣，係辣過小鍋米線［小辣］。熱拌撈米線醬汁份量恰到好處，而且米線軟硬度適中，好味😋🍴小鍋米線➡️腩肉·菜心💲49🌟推薦指數：★★★☆☆都係叫左小辣湯底，同撈米線有對比之下，即刻覺得係「小小辣」😆，無辣不歡既我 即刻覺得應該叫中辣😛 小鍋米線如果可以有多多肉碎就應該更加好食😆🍴蒜泥白肉💲37🌟推薦指數：★★★☆☆每一塊蒜泥白肉入面都包左條青瓜，青瓜中令到成個感覺更加有口感！評價：7/10

行過太子，唔想食譚仔 🙊所以去咗佢隔離既雲桂香 🍜🔻腩肉，豬大腸，通菜 酸辣小鍋米線 （五小辣🌶️）五小辣既辣度同三哥三小差唔多酸辣湯底以酸菜味為主，酸酸甜甜，好開胃 🥢而且入面有大量肉碎同芽菜，好啱配米線 配料方面，每樣份量都好足 🐷 腩肉滷得入味，而且肥瘦適中，有少少似豬頸肉大腸都係滷過，但滷水味無腩肉咁濃，食落淋淋哋，無異味，有少少脂肪黏住 🐖通菜幼嫩無渣 🥬，點埋湯食，好正 加埋杯凍檸茶，埋單啱啱好 $60 💰整體味道幾好，下午茶 +$4 可以配埋嘢飲，幾抵食 但四點幾嚟到時撞啱放飯，得一個姐姐樓面，招呼一般下次喺太子想食米線，都會再嚟食 👍🏻

雲桂香（太子）😋有冇人同我一樣係酸辣粉愛好者😆😆襯平日得閒去左太子食雲桂香重慶紅薯粉（小辣）+雞絲 $38😆薯粉好Q彈，花生好多，勁足料😋雞絲浸耐左好惹味。湯底夠酸，中意酸既朋友仔可以嚟試試佢❤️整體評分：4/5環境：3/5味道：4/5抵食：5/5地址：雲桂香米線專門店 (太子)太子西洋菜南街101號金德行地下AB舖