雲川 米線．紅薯粉 (卓爾廣場)

營業中

休息中

重口味米線，雲川特式係酸到一邊食一邊D口水係咁分秘。留意keep住鋪頭外，都有人攞票等位，好食既米線唔使咩招牌都客似雲來。💕微酸辣小鍋米線（香茅豬排&腐皮蝦卷）👍🏼米線口感真係冇得彈，軟糯。但個人感覺米線量唔算太多，食完一碗未係好飽充。大食既真係要考慮$10加底👍🏼湯底夠酸，個人唔太食得辣，微辣已夠。👍🏼豬排香茅味好出，大塊既，切開有4舊。👍🏼腐皮蝦卷唔錯，不過細條左D會回頭再試其他湯底其他菜式。私心評價：雲川>三哥>譚仔

雲川 米線·紅薯粉（Tuen Mun)嚟到屯門梗係要食小編心目中數一數二嘅米線紅薯粉舖頭🍜⌖ 豬骨湯紅薯粉🍠🍜（豬頸肉）🐷💰$43今次揀咗豬骨湯底 賣相夠吸引🤩 配料好豐富😙😙 包括蔥、芽菜、韭菜、酸菜、辣肉碎🌶️🐖 飲落有酸酸地 有帶有淡淡嘅豬骨鮮味 配菜方面 豬頸肉一定係必食🤤 切絲嘅豬頸肉燒得夠香口 有少少蜜糖味 油脂感爆棚🤪🤪 份量又幾多 完全食唔停口👅 性價比幾高～⌖ 餐飲：熱阿華田💰$0唔會過甜 正常發揮😌😌 一碗紅薯粉飲埋杯嘢真係會超飽🙈☻ 回頭指數：8.5/ 10 #Fatshit_ami #Lunchtime #屯門美食 #港式美食 #食好細 #香港美食 #港式米線 #港式紅薯粉 #小窩米線 #小窩紅薯粉 #豬頸肉 #豬骨湯小窩紅薯粉

米線控表示夏天一定係狂食米線聽聞呢間米線世一wor仲係得屯門先有分店wor🤭唔係唔去食掛🍜 酸辣米線 $42 包自選一餸 (豬頸肉 +$1)再加一餸另+$10 豬大腸呢一碗係豪華版🤣 想講佢豬頸肉真係好出色 勁入味 切成薄薄一條豬大腸都係 肥瘦剛好 勁入味痴線 仲要係勁多料 食極都仲有🍜酸辣米線 $42 包自選一餸 (炸醬)炸醬唔係分開上 🤤 都唔係一舊舊痴埋一齊 係可以同d湯, 芽菜, 肉碎溶合淨係一餸都唔會dry 而且個湯會有另一風味酸辣湯係食得出酸味 小編揀小辣 覺得下次可以試中辣 湯底濃郁 唔油 足料 大量肉碎芽菜蔥~🥟炸韮菜雲吞$28 (6粒)有驚喜 佢層皮係食煎三寶個d 炸雲吞皮 好酥脆 皮唔會太厚大量韮菜 配泰式甜辣醬 好夾🧡員工好nice 手殘小編唔小心倒左杯凍檸茶成地都係 員工即刻來幫手 拖地 同埋比餐紙我抹🫡超唔好意思📍雲川 米線．紅薯粉📌屯門青菱徑6號富麗大廈地下F號舖📌屯門良德街盈豐商場地下A27號舖📌屯門震寰路6號貝爾特酒店地下2D號舖📌屯門湖翠路2號美樂花園商場地下46及61號舖📌屯門石排頭徑1號卓爾廣場3樓316號舖

生為屯門人必定要去雲川，被評為屯門牛第一推介美食，當然要慕名而來！點了必食推介豬頸肉紅薯粉配麻辣湯底，紅薯粉煙煙韌韌好彈牙，豬頸肉一d都唔韌，帶有濃香既炭燒味，而且份量都唔少，好正而且湯底內配件豐富，包含了大量蔥，韭菜，芽菜，酸菜及辣肉碎！另外，朋友點了韭菜雲吞小鍋米線配豬骨湯，韭菜雲吞大大隻，皮薄多肉多韭菜，因為湯底包含了酸菜及辣肉碎，所以湯底酸酸辣辣，米線軟硬度適中，足份吸收了豬骨湯既精華，好味道，值得推介

突然想食米線就同屋企人去咗食屯門好紅嘅米線-雲川！佢已經好幾間分店，但一樣好多人排隊！今次去咗卓爾居分店到食～今次就叫咗招牌豬扒同白蘿蔔拌紅薯粉同炸韭菜餃子。份量我覺得係大碗嘅，蘿蔔好清甜無渣。豬扒的確好入味又香口，仲要都好大塊👍🏻拌紅薯粉個汁微微酸酸辣辣又有啲微甜，食落好開胃！炸餃子粒粒都好漲卜卜，好多餡料。雖然係炸但唔油膩～每碗米線都送熱飲，凍飲就要加$3。另外都有枝裝豆漿就加$5。不過係凍嘅有糖豆漿。而卓爾居分店啲店員好有禮貌，服務又好好。

味道就同其他分店一樣 正正常常好食的但人手安排同外賣處理真的很差今日電話落完單 去到等左好耐都未有人手首先已經不足，廚房仲要儲埋一次過整，所以等好耐。眼見堂食人客落完單無耐就有得食 外賣客人就一直呆等而且外賣飲品懷疑一早沖好，結果放到啲冰都溶埋。。。希望人手不足單多可以說一聲 唔洗我地去到門口呆企 放完工都係想買外賣快快回家休息 希望雲川流程上可以安排好。。唔好比我地覺得同堂食顧客有差別待遇 。豬頸肉比往時感覺更肥了 變回以前一樣就最好了

身為屯門牛嘅小編，點會未食過屯門米線名物店「雲川」，就算出到九龍、香港都會心掛掛想食番佢。店有五款湯底選擇有豬骨湯、鮮魚湯、酸辣湯、麻辣湯、熱拌，每一次嚟到都想試佢最原本嘅湯底「鮮魚湯」，試一試冇添加任何辣椒嘅湯底，但係似次次一嚟到渠係想食辣湯底😂，而且有冇人同小編一樣鍾意食薯粉多過米線嫁？麻辣湯，中辣 (🌟94.89/100) 💲41(+$10香辣腩肉，$10墨魚咀)吾好睇佢紅卜卜，其實佢一啲都吾辣(⛑利申食到譚仔二小)，而且湯底好濃郁，建議如果食到麻嘅，可以叫大辣麻味會出好多，薯粉係幼身，好煙韌，而且好吸湯勁入味。香辣腩肉完全吾辣，但肥瘦適宜，肉質亦吾會柴，偏爽口；墨魚咀勁細粒😂😂，但好有咬口，越咬越有鮮味😋麻辣湯，大辣(🌟96.79/100) 💲41(+$10魚腐，$10豬頸肉)麻香味極正😍😍最愛食到個口麻曬，而且魚腐勁吸湯，好豐富魚鮮味，就連食咗落肚乘個口腔都keep到魚鮮味😋😋豬頸肉好爽口，亦吾會食到油膩咁，而且好似滷完再炸，所以有種脆脆哋嘅感覺👍

特登過嚟屯門就係為咗食雲川🤤🤤🤤🤤🤤呢間主打係食米線或者紅薯粉☺️🥢豬頸肉魚湯紅薯粉🤤再加凍檸茶 $47（阿媽最愛）豬頸肉味道好夠，就算紅薯粉冇分湯，都唔會梅晒，軟硬適中🌞🌞🌞🥢鹽酥雞粒$29雞粒鬆脆，麵粉唔厚，咬落去有種好爽脆嘅感覺👍🏻👍🏻👍🏻👍🏻重點係唔係好鹹😜😜😜好味過好多舖頭嘅鹽酥雞粒喎🤟🏻🤟🏻有驚喜🥢香菇貢丸墨魚咀豬骨湯紅薯粉再加凍檸茶$56爽脆彈牙香菇貢丸，紅薯粉吸收晒所有豬骨湯🤤🤤🤤🤤非常入味👍🏻👍🏻入屯門推介紅薯粉💃🏻💃🏻💃🏻💃🏻

叫左一個麻辣米線配豬頸肉，好味但係收銀姐姐既服務態度十分倒胃宜家大家都帶住口罩有時聽人地講野唔係好清楚好正常問多兩句收銀姐姐即刻翻白眼勁唔耐煩企係隔離等外賣見到佢對個個都係咁既態度唔食都有d飽如果員工態度好d下次會更樂於再幫襯

米線嚟講雲川燒係我心目中排頭三，而且位於屯門卓爾居廣場嘅雲川燒環境十分不錯，嗰日我哋兩個人坐卡位，地方大，唔迫，而且坐窗邊位，光線開掦，侍應都幾熱情🤩▪️麻辣(小辣)紅薯粉，配豬頸肉👍🏻配菜分量多，湯底濃郁，薯粉好彈牙，個豬頸肉都算keep到水準，一啲都唔柴，仲要嗰日啲豬頸肉煎得啱啱好，表面仲脆脆地添！😋推介！▪️豬骨湯米線，配豬頸肉👍🏻個人認為如果鍾意食辣嘅話，豬骨湯就暗然失色啦。湯底都算濃郁嘅，但就冇麻辣嗰種刺激味蕾嘅感覺。▪️雞軟骨👍🏻煎得好香口，食落去仲食到啲油吱出嚟，完全唔會話好乾，而且面頭仲有啲鹽，即使佢隔離有泰式辣醬，但個人認為唔使點都已經好夠味🤩👎🏻份量比較少

今日求其食午餐，朋友建議食呢間，未食過就試下啦，本身都唔係太鍾意食米線既我見到餐牌有熱伴薯粉，咁就可以一試。鋪面環境裝修都幾企理，餐具果d要上菜時先跟俾你，唔知係咪感覺會衛生d，卡位都幾多但如果1-2人既話就要搭枱，中間會再加多塊防疫板，會食得無咁舒服，都係果句感覺上衛生d囉。講返食物，朋友食豬骨湯米線，佢話都有少許辣，見個湯底都紅紅地，跟餸揀左豬潤同腐皮蝦卷。我個熱伴薯粉有少少汁底，酸酸地味幾開胃，唔會好乾，餸揀左豬排同豬大腸，豬排炸得好靚但肉質偏乾，豬大腸滷得咸左少少，整體不過不失啦，個人覺得好過食譚仔既。

一早打定電話叫外賣，等咗15分鐘都冇都算。見到外賣台拎住一個個整好咗嘅外賣袋出嚟，但就冇人叫號數，白白等咗好多時間，詢問職員做咩唔叫號碼時，仲要賴話隔離裝修聽唔到（但我就企正門口）食物質素方面，該新開分店嘅質素差過其他分店，尤其係配料方面，豬頸肉份量少左近一半，而且肥膩咗好多，同其他新店比真係相差極遠。米線就尚算正常，冇咩特別。嘢飲方便，感覺比其他分店覺更加甜，唔飲得甜嗰啲建議叫少甜。總括而言建議改善外賣制度，適當分配人手，同配料質素

卓爾居三樓開左雲川米線紅薯粉，呢間其實平時都有食開，新分店開張又去試下。🤔裝修算企理。味道同其他分店差唔多。大大碗，但花枝丸麵$40得3粒真的單薄了點。花枝丸好淋粉多😌平時超市買的仲好食。豬扒大大塊，但其實被湯浸淋晒，無咩口感。想當年第一次在建生吃雲川是驚喜的，現在分店開多了，却不太好吃。諗住新開張會否好些，却也一樣難食。而且餐牌千篇一律，毫無新意，價格却不斷上升。真係隨意入一間麵店都更好食。與其開分店，係時候重新審視一下食物質素。