雲川 米線．紅薯粉 (盈豐商場)

營業中

休息中

係屯門有成6間分店😮Lunchtime勁多學生打工仔咁又真係幾抵食嘅 lunch又包野飲香茅豬扒魚湯米線 ($48)可以揀湯再揀一餸個魚湯幾濃郁魚味 surprise!豬扒都幾冧唔鞋 米線都幾彈牙！豬頸肉小麻辣米線 ($49)豬頸肉要加$1 呢個都幾多人推薦食落好似豬肉乾😂 加d醃料味都好食嘅～ 另外小麻唔算好辣食得辣嘅可以叫再辣d飲品就叫左熱西洋菜蜜同凍檸茶(+$3)正正常常 抵食！

最近係網上突然睇到哩間米線既介紹，好似好吸引咁，食譚仔同食南記食到厭厭地，就試一試佢。果然名不虛傳，魚湯底驚喜，本人覺得好食過魚米的魚湯。🐷豬頸肉魚湯米線 $49 （豬頸肉爽口彈牙，有燒烤的味道，而且份量不少，難怪是必點，魚湯鮮甜。）🐙墨魚咀豬骨湯米線 $48 （墨魚咀比較失色，沒有任何調味，但湯底出色。） 🐟炸魚腐 $26 （第一次食炸魚腐，外脆內軟，口感不錯）湯底不會過咸，食完唔覺得口渴，已經做得好好。屯門人真是有口福👍🏻👍🏻

今次我帶大家去飽一飽口福，直衝屯門嚟食雲川燒！🥢真係人見人愛嘅地道川味米線。食咗麻辣大辣紅薯粉，辣得啱啱好，啖啖粉都吸滿咗湯汁嘅精華，咬落去Q彈又爽口！🌶講呢碗，啲豬頸肉真係不得了，炭燒味噴鼻，咬落去微焦香口，肥瘦分明，腍滑惹味。韭菜水餃呢，就係另一個驚喜，包裹韭菜同豬肉餡嘅餃子皮煮得啱啱好，不嬲咸香咁爽口，一啖咬落肉香同菜香即刻環繞喺口腔！仲有我大愛嘅湯底，濃郁香麻又帶啲辣，即刻惹起食慾。我啲米線添嘅豬扒、冬菇同腩肉，都係咁味美多汁。尤其係啲豬扒，外皮微微焦脆，真係好入味，令人越嚼越開胃！啊，講到令人目不轉睛嘅麻辣手撕雞，呢啲就係頂尖嘅小吃啦！雞肉滑嫩之餘，當中嘅麻辣味仲帶出雞肉嘅鮮味，夠晒味，邊食邊點頭，真係食指大動！係呢間店，每一樣都係有特色，令人回味無窮，增添口福喜悅。好啦，留返啲胃口，下次再試新滋味啦！🍲👅💦

屯門名物 雲川米線每次去屯門都必叫嘅米線🍜食過返唔到轉頭甚少食辣既我我每次去都會嗌豬骨湯底豬頸肉加韭菜雲吞每次配料都好足再加杯凍檸茶冇得彈不過間中晚飯時間人流比較多，等候時間要耐少少

每個禮拜都嚟嘅雲川，今個星期有啲特別，就係有唔係屯門嘅朋友嚟咗屯門，梗係帶佢嚟試吓屯門名物，雲川～雲川最出名嘅就梗係豬頸肉啦，邊可以唔叫，仲叫咗個炸雞軟骨，豬頸肉嘅份量依然好多，而家軟骨亦都炸得啱啱好，金黃香脆，朋友第一次食，都十分認同呢一個絕對係屯門名物，甚至已經講定，下次嚟屯門一定要再食，仲係咁問點解其他地區唔開分店，雲川老闆喺唔喺度啊？可唔可以解答吓我朋友嘅問題？🤣😁好啦，下個星期再嚟食

食左咁多年，滿充回憶豬頸肉、螺旋藻、豬扒和鴨胸都好好味，而且熱拌紅薯粉都不錯，經常介紹九龍人入黎試。今次外賣，照舊點菲菜餃、炸腐皮蝦卷，小酸辣小鍋米線。可能裝修完之後開始，感覺份量少左，配菜明顯少好多，芫茜沒有了、芽菜、酸菜少到得一兩條，啱晒「全走」朋友的要求，都我就比較喜歡食配菜。味道和以前相比，肉湯底稀左。已經不是以前的優秀酸辣米線啦價錢加左不少，店員的態度十分惡，不再是街坊有講有笑。外賣比堂食還貴。失望。往事只能回味。

今次去咗屯門紅橋好出名嘅雲川食雲南米線，下午去到，門口已經有好多人等位，但唔算等咗好耐就入得去食。餐廳裝潢類似茶餐廳風格，裡面都容納幾多人。點咗一碗麻辣湯底嘅豬頸肉小鍋米線，配一杯熱飲。湯底好入味，辣度啱我口味，豬頸肉好食，值得一試。麻辣湯豬頸肉小鍋米線 + 熱華田 $47

入去屯門做完野順便去醫返個肚呢間雲川暫時共有5間分店🖐️但只係遍佈屯門🥹要入黎先食到🥹希望將來可以擴散到九龍區🥹用手機掃QR code直接落單📱主打米線，紅薯粉，熱拌及小食湯底有好多款有辣有唔辣任君選擇🤣酸辣鯛魚片紅薯粉🐟🍜叫左1個配餸，加$5鯛魚片🐟好薄身約有8片左右，唔會一夾就散，食落爽口嫩滑，而且食唔到有骨，揀左小辣🌶️的酸辣湯底，小辣程度都食到辣味，無愈食愈辣的感覺，入面有辣肉碎，酸菜，芽菜，韭菜及蔥(但我唔中意所以走青及芽菜)，紅薯粉煙煙韌韌，好索汁味道超濃郁酸麻金湯豬頸肉腐皮蝦卷米線🐷🦐🍜叫左2個配餸，見到周圍食客都叫呢度出名的豬頸肉🐷，所以我都叫來試試，豬頸肉切成條狀，外層燒到焦脆香口，肉質爽口唔會覺得肥膩，腐皮蝦卷🦐裡面有蝦及粟米，口感彈牙，份量都幾足料，湯底是中辣🌶️的酸麻金湯，第一啖飲個湯有點嗆喉，帶點麻的後勁，米線軟硬適中夠彈牙凍檸檬利賓納🍹套餐加$5轉，味道偏甜，可能落左好多利賓納糖漿覆蓋左檸檬味凍檸檬茶🍹套餐加$3轉，味道跟茶餐廳一樣，正常發揮食物質素有驚喜，價錢唔貴又好食🤤，下次入屯門要再黎🤣

🔸豬頸肉酸辣米線雲川燒既豬頸肉真係全港數一數二架，佢雖然唔係一塊塊咁上枱，而係以一條條咁上，我反而覺得仲方便咬口😊又唔好諗佢一條條會冇左爽口既口感，因為都有一定厚度，所以仲keep到口感👍🏻雲川既湯底都係逐碗調味之後再連同配菜（酸菜、韮菜、芽菜、肉碎）煲多次，所以一定係熱嗱嗱。今日食酸辣夠酸夠辣，肉碎同芽菜都係入哂味👍🏻我由佢係盈豐本店開始食，食到宜家佢都開左幾間分店，但我都係最愛本店💓

秘製豬頸肉米線（1餸）爽麵中麻辣湯底個麻辣湯好食 可以一啖米線一啖湯豬頸肉好食過豬扒好多 都係加多1蚊餸份量幾足 可以接受啲服務員姐姐幾好記得以前有串燒食 都幾好食 依家淨係做米線 有啲可惜 不過米線都做得幾好食耐唔耐去食個回憶都唔錯

雲川可以話係去盈豐食野既飯堂即使附近有好多其他食肆但最尾都會揀番雲川食😗😗😗-單餸份量真係好多 一啲都唔吝嗇分左好多豬頸肉比朋友 依然有好多😋豬頸肉爽口彈牙 好入味米線軟硬適中～朋友都分左啲螺旋藻比我呢個係第一次食 份量都係超級多吸晒啲湯汁真係好正❤️❤️❤️

今次領教到加咗又縮晒水到離晒譜，小食之前係用長方形盒，家陣轉左細一半既圓形盒仔，分量仲要1/3都無，碗粉啲餸俾少咗就唔再講，成碗都係湯，可唔可俾多少少粉等人食飽肚啊，都明白租金貴、人工貴、乜都貴，打開門口做生意錢係要賺嘅，但唔好食水咁深囉。

米線係香港人經常食嘅食物之一，近年大家對米線嘅喜愛程度真係越來越高甚至有米線關注組！呢一間就係米線關注咗好多人推介嘅米線，住喺大西北嘅我當然要去食下。豬頸肉好林同埋好香嘅湯底同米線都係好出色嘅。

香港既米線店真係愈來愈多！食米線都成為左香港人日常既午，晚餐，所以對於米線，當然要有返咁上下要求😏除左米線本體，湯底，酸辣感，配菜，以及小食都列入講究範圍。今次朋友帶路去左間聽聞係屯門必食米線🤔店面唔算大，坐爆晒人，我地一行6人，等左陣就有位嚕。酸辣湯小鍋米線 （微辣）$54+豬頸肉+韭菜雲吞呢兩個配菜都係朋友必推，所以都加埋落去😋首先一來到見到個份量已經驚人，豬頸肉亦都好多第一次食唔知辣度係點就叫左微辣，馬上飲一啖湯，個酸辣係帶點甜味，好易入口，而且夠酸🥺下次可以升級試試小辣，米線軟硬適中，湯夠多。秘製豬頸肉真係好惹味🤤仲好貼心好特別咁切成絲狀，外層帶點蜜香而且食到焦脆，烤得岩岩好呀👍🏻韭菜雲吞就咁睇已經睇到皮好薄，餡料非常飽滿，加上雲吞索晒酸辣湯汁，食落真係好正，雙重響受。家鄉手撕雞 $38不得不點的仲有佢地招牌手撕雞！雞肉好嫩滑，尤其好中意個麻香味，出面試唔到，真係會令人上隱😍份量亦好大份，配埋個醬仲正😌脆皮豬大腸 $32炸大腸亦都好多人點。外皮炸到超級香脆，咬落仲有少少肉汁，味道香濃，外脆外軟。秘製豬頸肉 $38必點小食之一！肉質夠細嫩，真係好惹味🤤仲好貼心好特別咁切成絲狀，外

屯門最愛之米線-雲川至從有一次同男朋友食過呢間米線之後就一發不可收拾！之後上網search 先知屯門最出名既一間米線，我竟然咁多年都未食過！超推介豬潤，有啲酒味，要浸係湯度一陣令啲再香啲！另外推介豬頸肉，又係要浸湯，好好好入味！仲有！要食魚湯，呢個真係佢個招牌，冇得輸呀！有一日帶左媽咪黎食，佢都話好食過譚仔，可以再食😆有幾次我同男朋友放假特登黎食佢既早餐/晚餐☺️哈哈好食到不得了😋😋😋而家仲有自助落單，都幾方便！