雲川風

營業中

休息中

每個星期總有一日會經過荃豐中心嗰度上堂，上堂先順便喺呢度搵食，呢個商場超多麵食餐廳選擇，今次終於輪到試試呢間米線，雖然我鍾意食米線，但唔算食得好辣，見到佢哋餐牌有蟲草花雞湯米線，感覺清新得來又養生，餸就叫咗辣腩肉，冬菇及西生菜。店員有禮親切，似是家庭式經營，除咗米線之外，佢仲有好多小食炸物，感覺不錯。米線到了！蟲草花湯底清得來有好重嘅蟲草花味，配上我最愛嘅芫荽，湯底感覺沒有太重嘅味精味，辣腩肉份量唔少，自家醃料醃得好入味，辣腩肉出色啊！冬菇浸得都夠軟身，食食吓見到隔籬枱嘅墨魚丸好似幾好食咁，咁樣就可以俾個機會自己下次再嚟食多次，自家用心製作👍🏻

荃灣係米線店集中地今日經過見雲川風岩岩開門雖然店內暫時無其他食客 不過有我鍾意既麻酸辣湯底 一於就入去試下 坐低店員立即好親切咁介紹下餐牌 相信係家庭式經營 用心服務既小店叫左辣腩肉、豬頸肉麻酸辣湯米線（少米線）以少米線黎講 份量都合理不過相信原本既份量 一個女仔應該都食得哂 米線屬於比較淋既類別 不過都仲可以接受 湯底叫左中辣 味道都唔差 夠辣夠麻 😋 酸味就相對無咁明顯 相比下 我鍾意老闆娘麻酸辣湯底 / 雲家既酸辣湯底餸既特別程度上 雲家、老闆娘都會相對較有特式 係荃灣呢個米線集中地要突圍絕對唔容易 🙈如果改去其他地區 可能都會成為街坊人氣小店不過…呢間雲川風完全唔需要排隊 再加上店員服務態度好 餐廳環境都乾淨整齊 落雨天、食飯時間唔想等位時候 都係一個非常好既選擇希望大家支持下小店 💪🏻

看了介紹決定幫襯一下，一打開發覺湯底有點油 和充滿甜味，味道一般 （叫了麻酸辣湯底, 沒有麻辣味，也不夠酸味，湯底也比較甜）, 而且叫了3餸 （蘿蔔，辣腩肉及豬扒）菜底麻酸辣湯，只給了 2餸我 （蘿蔔和豬扒）。

Ooo值得推介小店米線ooO荃昌中心一向都有很多小店，最近行過見到新開了一家米線🍜，有蟲草花雞湯底😍決定試吓！OooooO三餸蟲草花雞湯米線 $60蟲草花雞湯味道唔錯，無味精而且真的有大量蟲草，湯底不錯👍🏻另外有麻辣湯及麻酸辣湯選擇。配料選了菜芯、蘿蔔、秘製豬扒，蘿蔔非常清生入味😋，秘製豬扒大大件的，味道非常惹味，真的是推介必點！店主非常親切有禮，我用餐那天幾枱的客人都是街坊，大家都在讚這家米線還互相傾計好親切。

星期四晚同朋友仔去咗荃灣揾食，揾到呢間新開嘅米線小店叫「雲川風」！🍜💕兩個人點咗兩碗米線🍜、兩個小食、一個菜🥗、兩杯飲品！🍹💕1️⃣🍜米線兩碗$64我同朋友都叫咗蟲草花🐔雞湯，湯底清甜，配上清香嘅芫荽、韭菜、蔥，我加咗爽脆芽菜另加$7同嫩滑冬菇$7，朋友加咗蘿蔔$9同枝竹$7，蘿白清甜無榨，枝竹吸汁雞湯好入味。👍🏻2️⃣新彊孜然雞翼（3隻）$24味道惹味，好有新彊風味 👍🏻3️⃣椒鹽豆腐$26豆腐炸到外脆內軟👍🏻4️⃣腐乳通菜$22正常發揮👍🏻5️⃣飲品🥛豆漿$9🍋凍檸檬水$16正常發揮👍🏻6️⃣涼拌青瓜黑木耳$26青瓜、黑木耳夠爽脆，腌得好入味，加咗清香嘅芫荽、韭菜、蔥，口感豐富👍🏻埋單先知做緊88折！只係$165！CP好高！🤓

荃灣的確係一個米線福地 米線店真係多到數唔曬 今次又唔打唔撞經過見到間 就試佢啦～麻酸辣湯底小鍋米線（小辣）佢嘅麻酸辣湯底認真不錯 完全唔會唔夠味 酸中帶麻香 米線方面佢係類似車仔麵店個D米線 偏粗身同硬 至於配料 最出色應該係佢嘅辣腩肉 醃得好入味 蘿蔔都清甜無渣 其他則不過不失 值得一提嘅係 尼間嘅面底可以免費轉菜底 岩曬正在節食中嘅友人 佢就叫左娃娃菜底試下 不過菜底就唔算多菜 整體黎講都surprise 左Sa妹 本身見佢冷冷清清 本身都不大期望 但食落又真心不錯

秘製豬扒麻酸辣湯（微辣）老闆娘話佢地既豬扒好食 所以我就叫左黎試下佢咩料😆 同埋佢話佢地既小辣等同譚仔小辣 所以我就叫左微辣 試下佢先～ 點知真係微辣對我岩岩好👍🏻🥰 豬扒好易咬開 同埋好貼心地剪左幾刀令啲客人可以容易食到👍🏻好細心！ 佢地既麻酸辣 麻味比較出 食完成個口痺左😂😂柱侯牛根蘿蔔蟲草花雞湯呢個相對黎講非常清淡同養生😚 牛根處理得唔錯 無肉 炆到好淋 易咬開 但又唔會淋到一pat漿糊咁 蘿蔔都好甜😋 四川麻辣雞翼（三隻）麻辣雞翼係出面比較少見 食落都係非常麻 鍾意嘴唇麻痺既感覺會好鍾意食呢個🤣 麻我好過癮多春魚配麻辣脆脆原來佢既麻辣脆脆係講自家製既麻辣干粉 呢個我覺得比起其他黎講 稍微普通一啲～豆漿凍柚子蜜

荃昌中心一帶一直有很多小店從這邊起家，剛剛見到一間新開嘅雲南米線小店除左米線外，都很多小食選擇，所以試試麻酸辣湯米線： 蘿蔔加雪花肥牛第一次食，所以叫咗微辣。湯底本身有碎肉，還奉上大量芽菜、韭菜和蔥花，所以十分香濃，麻辣味適中。之前都食過一啲米線關注組推介嘅餐廳，呢間絕對值得關注。除此之外蘿蔔清甜沒有渣，肥牛肥瘦適中，讚。麻酸辣湯米線： 豬頸肉、柱候牛筋豬頸肉份量充足，而且件件厚切。最欣賞係啲牛筋，超入味，又夠淋，必食。秘製韭菜豬紅豬紅一口咬落夠滑，配埋香濃嘅汁底，好味。新疆孜然雞翼大份五隻雞翼，大隻，皮脆肉嫩，沒有煎炸得太乾身，孜然味道濃郁，真係食唔停口。值得再試的米線小店

今日lunch係位於荃灣嘅地鐵站附近昌安大廈既雲川風嗰度食咗米線同雞翼,一坐低就叫咗碗麻辣酸辣小辣嘅米線加咗牛展同埋雞片，另外一碗要咗蟲草花湯底嘅米線呢碗就加咗豬頸肉，另外小食就要咗一份大嘅四川雞翼。感覺可以一試。

話說琴日約左朋友去荃灣食lunch+行街，佢話想試下呢間米線好耐，叫左碗雲川風招牌薯粉$60 包左7個送，有香茅魚餅、墨魚風味丸、黑木耳、豆卜、冬菇、芽菜、韭菜，叫左小辣，酸味好夠，呢碗配料有：芽菜、韭菜、芫荽、蔥、酸菜、辣肉碎湯底可以揀：酸辣、麻辣、蟲草花雞湯、熱拌無湯、麻酸辣湯，我朋友食麻辣湯米線$32 ，湯底夠麻🍜👍🏻$12豬扒，豬扒大塊，唔柴仲叫左豬頸肉$48，好大碟，口感爽彈，配埋蒜蓉辣椒汁，好開胃孜然雞翼$36，每隻炸得香脆，外脆內軟👍🏻d送大份又抵食

唔知大家鍾唔鍾意食米線呢？貴為米線關注組的一員，我成日瓹窿瓹罅搵高質米線🍜今次介紹呢一間米線位於荃灣！係新開架！但質素絕對不輸老牌米線鋪，有過之而無不及！湯底同埋餸係最吸引同出色！唔試下真係會後悔！💪🏼💪🏼💪🏼💪🏼🌸🌸🌸🌸🌸🌸🌸🌸🌸🌸🌸🌸🌸🌸🍀 微辣豬排米線$44 🍀（+$9魚餅 +$9 蘿蔔）湯底好似屯門名物雲X燒，同樣都係帶點肉碎，而且湯底甜甜地，不會太辣同埋太酸，恰到好處，加上米線掛湯相當美味！最出色係米線餸！ 老闆介紹蘿蔔、魚餅真係無介紹錯！蘿蔔煮得超腍軟，清甜至極，都算香港數一數二好食既蘿蔔！至於魚餅都有四五件，口感好彈牙，香茅味好出！好好味🤭🍀蟲草花米線 $44🍀（+$12牛𦟌 $9魚餅 $9蘿蔔）🍀如果完全唔鍾意食辣，呢個湯底好啱你！湯底十分清甜，能夠突出配菜、餸菜的濃郁。特別一提牛𦟌份量相當慷慨，成四五塊。嫩滑又爽口，牛肉味濃，一定要試下！

荃灣米線/薯粉家庭成員又添一員，米線好重料，5款湯/拌麵任選，蟲草花雞湯、熱拌麵、麻酸辣湯我都勁想試，豬頸肉真係我嘅心頭好，粉量足料，而且我第一次見米線都有擺盤🤣🍜米線 $32起加配料，麻酸辣湯/秘制豬扒店舖推介🤤🐖蒜蓉辣椒汁豬頸肉 $48邊緣焦香，肉質嫩滑，醬汁似泰式醬，酸酸少辣，配上豬餅肉就不會膩，很開胃，本人完全食唔停口🤤🍗孜然雞翼 $24一樣係食肉獸之選，孜然味重，雞翼燒得外焦內嫩，滑嫩好味🥜椒鹽豆腐 $26唔好淨係食肉，豆腐一樣有驚喜，椒鹽香脆嘅外皮，加上豆腐的軟滑，雙重口感埋單兩個人二百蚊，支持香港家庭式經營小店，兩夫妻🎎一齊開店好sweet，麻雀雖小五臟俱全，大家多多捧場！

隱世！隱世！隱世有驚喜又好食嘅小店！格局雖小，但食物應有盡有。係味道方面食得出小店嘅用心製作。麻甩專員同朋友經過見到有間幾吸引嘅米線店好似唔錯就入左去經過小店老闆推介最多人叫嘅分別有秘製豬扒 / 柱侯牛根 / 川味鹽酥雞 而專員同朋友分別點左兩碗特色米線，兩份小食，兩杯飲品《川味鹽酥雞》$32鹽酥雞即點即炸，所以上檯時一陣陣嘅香味漂上黎雞粒上面灑上辣椒乾碎，辣度合適唔會辣得過份外皮炸粉唔厚，炸得夠乾身脆身雞粒唔細粒，保持到雞粒口感，唔會放入口就消失肉汁依然保持係肉入面，非常滋味之餘，係非常好嘅開胃小食《新疆孜然雞翼5隻》$36雞翼都係即叫即整表面大量嘅孜然粉，由廚房出黎嘅時侯已經有陣陣嘅孜然香料香味傳出黎雞翼嫩滑非常入味，大量嘅孜然粉經過烤焗後，味道直接滲到入埋雞骨肉質鮮嫩，表皮唔會太乾身除左香料外就係得香料，並無任何特別加工，但反而咁樣最可以保留雞肉嘅味道之餘仲可以食得出香料嘅香！《雲川風招牌米線》 - 配蟲草花雞湯湯底 $60 招牌米線餸菜非常多，包括有香茅魚餅／墨魚丸／辣腩肉／黑木耳／豆卜／冬菇／鮮芽菜／韭菜另外仲有唔少嘅蟲草花同莞茜雞湯湯底清甜，味道適中唔淡亦唔會太咸，無味精飲

荃灣真係好多米線鋪🤣次次米線關注組都介紹荃灣，今日又係米線關注組見到有米線鋪介紹，特登黎潮聖🙈.🍴麻辣湯米線 $32配料：芽菜、韮菜、芫茜、蔥、辣肉碎；配 豆卜 $7、豬頸肉 $12、 雪花肥牛 $12中辣麻辣湯，香料味重，米線食落比較滑身同爽口。配料真係幾唔錯，尤其係豬頸肉👍🏼好多舊又燒得好惹味，雪花肥牛份量足。.🍴蟲草花雞湯米線 $32配料： 芽菜、韮菜、芫茜、蔥、配冬菇 $7 炸醬 $9 腩肉 $9；清湯底係雞湯米線，雞湯好清甜，加上蟲草花感覺好滋補，炸醬分開上，花椒味較重，比較重口味，係辣身個種炸醬，腩肉係一片片既，唔係平時一舊舊細舊既腩肉，感覺足料大舊。.小食類必點「川味鹽酥雞 $32」，好好食😋炸得岩岩好，好香香葉既味道得黎一咬落去仲脆卜卜咁。「新疆孜然雞翼 5 隻 $36」雞翼都唔錯，但因為只有孜然味，所以比較淡身啲。.跟餐凍飲+$6，正常價錢，不過不失，總結黎講個人幾鍾意佢個雞湯米線，好少食到好清甜既清湯底🙏🏻配料都抵食又大份，值得再encore 😍😍

今日同朋友來到荃灣搵食，聽講荃灣有好多唔同既米線小店，香港人鍾意食米線真係出哂名，香港米線可以開到去日本就知道香港米線幾多人鍾意食啦,成日幫襯開連鎖米線店，食來食去都係o個幾種選擇，有時幫襯下小店其實都會搵到驚喜架！呢個鋪頭最出名既係個豬扒米線我就揀左個 酸辣湯底豬扒來到勁大塊，成半個湯碗咁大，食落去食得出啱啱炸起o個種香口感，又唔會炸得太乾，咬落去d肉汁出哂來，呢個要讚既，另外 酸辣湯底我叫咗中辣，加埋牙菜同 韭菜配料一齊食 ，整個湯底感覺有用心調配既！我朋友就叫左牛展麻辣湯米線痴左幾塊來食，都ok既，唔夠豬扒咁有睇頭另外小食真係要讚，佢好多唔同既選擇，最重要價錢真係唔貴，我最鐘意係個多春魚，佢放左d 辣椒粉o係面，同好似紅椒絲 既物體，我真係唔太清楚係咪椒絲啦，賣相真係一流，食落去辣辣地又香口，推薦既！雞翅叫左三隻 食落去都係雞有雞味啦，哈哈完雲川風 #berry #smoothietime #springday #icecream #blueberries #strawberries #blackberry #vitaminc #sweets #pietime #raspb