雲川百味

營業中

休息中

23/7/25 2:10pm 電話下單，表明是急單，因為要趕巴士上班，女同事熱心幫助，最後剛好趕上巴士，今時今日難得的服務態度，值得表揚，最後超標大約5-6分鐘已攞到外賣

雲川百味辣得我心服口服！麻辣米線配香辣腩肉同蝦卷，湯底麻辣層次分明，辣得過癮但唔會嗆喉，花椒香同辣椒味滲入米線，彈牙又吸晒湯汁，食到停唔下來🌶️！香辣腩肉炆得軟腍入味，肥瘦啱好；蝦卷以為係卷物，點知係蝦滑，爽甜彈牙，鮮味爆棚🦐，同麻辣湯底夾到飛起！鮮魚湯麵配墨魚餅同蒜香雞扒又係另一驚喜，湯底清甜帶魚鮮，墨魚餅Q彈有嚼勁，蒜香雞扒煎得外脆內嫩，蒜香撲鼻，配麵食好滿足🍜！小食嘅日本海苔魷魚燒🐙更加係必試，魷魚烤得香脆，配上海苔同辣椒粉，點少少醬，香口到舔手指，食到唔想停！

元朗駕院學完車，搭佢架巴士廣場落，屯門人一開始仲以為係雲川，坐低先知唔關事🤣🤣可能下午茶，唔係太full，冇逼我搭枱食開雲川豬扒豬頸肉，癈狗食唔到辣，照嗌番清湯豬扒豬頸肉米線，豬頸肉加豬扒唔洗另外加錢👍👍清湯但湯底ok唔會死鹹或太稀，豬扒入味幾大塊，豬頸肉煎得夠香脆，凍鴛鴦走甜正常揾到間學完車可以encore既米線

入到咁遠嘅地方，都有一間食米線嘅地方，呢間米線嘅舖頭都幾抵食！餃子蕃茄湯米線推介$48濃濃嘅蕃茄湯，非常鮮甜！另外加配了蘿蔔和豬軟骨！餃子是韭菜餃，非常清香！另外點了一款麻辣米線豬頸肉麻辣米線$48麻辣可以揀選不同的程度，另外配搭了豬扒和豬大腸。麻辣的刺激非常惹味！豬頸肉也煎得非常軟腍腍！非常香口！自選面餐可以熱飲免費！特色小食也有非常多選擇，有辣有唔辣，任君選擇！家鄉手撕雞非常推薦$42滿滿嘅辣油沾滿了嘅手撕雞！非常惹味！

挺喜歡吃米線的，也經常吃🤩喜歡吃米線的朋友應該知道好吃的米線「雲川」這個招牌肯定是屬於數一數二的，而這次選擇了元朗豐年路的這家「雲川百味」位置非常方便，人客也是滿滿的，生意好到爆棚還需要排隊等候的呢。味道肯定也是棒棒的！麻辣湯米線（配香茅豬扒➕煙燻鴨胸$58 ➕凍檸茶$3）湯底濃郁，麻辣的口味向來也不會讓人失望，作為無辣不歡的我，表示很滿意👍香噴噴的肉碎配搭著獨有的麻辣口感，味蕾被衝擊的感覺簡直不要太好😀米線軟硬適中，豬扒堅韌有度，好香口！而鴨胸肉有著些許的煙燻味，附有彈性，也是不錯之選。鮮魚湯米線（配香茅豬扒➕蒜香雞扒$58➕可樂$3）魚湯很是鮮美，真是忍不住多喝幾口。不吃辣的朋友可以試試，也是不錯的湯底之一。雞扒的口感很嫩滑，每一口都是。選用蒜香的調配也是再適合不過。令到整碗的米線更加出色。家鄉手撕雞 $42招牌之一的小吃，一點點的麻辣汁調味其實不算很辣，朋友們可以試試，同時提供了芝麻醬供你體驗另一種風味。雞肉是新鮮的，入口感覺不錯。雲川百味 (元朗)元朗青山公路 - 元朗段242號福德樓地舖

洪水橋店。我掃碼入左單後即發現入漏左”加底”，即時舉手叫呀姐幫忙加番底，佢一下就斬釘截鐵回應：「而家好忙！唔會幫你揾單，唔會同你改！」呢啲咁既服務態度，唔怪得香港本地飲食業死沉沉上曬大陸啦⋯⋯單已經唔使你侍應入，改一改單都話唔做。

今日試了酸辣米線及麻酸辣米線，雲川酸辣米線是酸鹹味，而非酸甜味。個人偏好酸甜的米線，所以並沒有想像中好味。朋友試了麻酸辣味，加了麻辣，令米線更出色。雲川米線湯底夠濃，但同時都偏油，表面有一層厚油。它的配菜（芽菜及酸菜）份量不多。我覺得這間米線符合水準，但不算太出色，可以嘗試，但不會再去。另外，服務態度挺好。

🐽 豬軟骨蘿蔔麻酸樂金湯米線湯底豐富，麻味十足，中辣辣度好過癮！軟骨煮得剛好，啖啖都好入味，咬落去即散，搭配啲軟滑的米線，食落去好有口感。蘿蔔吸咗湯汁，清甜又爽口，食落去無渣，處理得唔錯🐽 韭菜餃肥牛胡麻湯米線呢碗湯米線真係好香！胡麻味濃郁，餃子皮薄餡靚，韭菜新鮮，肥牛煮得啱啱好，唔油膩，肉質鮮嫩，搭配湯底，簡直係天作之合。每啖都令人忍唔住想再嚟一碗🐽 家鄉手撕雞雞肉嫩滑，味道鮮美，配上特製醬汁，真係一流！麻麻辣辣既汁醬食落特別開胃

經過洪水橋附近，記得以前呢個位置係冇米線食，心絲絲想食米線又見到個招牌好清楚咁寫住雲川百味，於是同朋友入去食！鋪頭入面的座位都幾多，但坐低左一陣就有好多人入嚟食，職員都好多，但可能因新開，有些店員未熟悉工作以及不太會廣東話，但不太影響。香茅豬扒花枝丸蕃茄湯薯粉：呢個就係我朋友叫嘅，一上枱蕃茄湯十分之香，亦都聞到香茅豬扒的鮮味，香茅豬扒咬落十分鬆軟，有入口即化的感覺，湯底亦都很滿意，以呢個價錢食到咁大碗，抵食！螺旋藻豬頸肉酸辣米線：酸辣米線嘅湯底有少少酸，可能因為我叫少少辣嘅原因，不過整體來說好食過出面好多米線舖。螺旋藻同豬頸肉配搭十分夾！ 份量亦都十分多，豬頸肉真係必食推薦！另外叫咗個小食-家鄉手撕雞微辣，不過呢個手撕雞份量就真係有啲細，如果以呢個價錢嚟講就真係唔太抵，細細份就需要$42，而且如果唔係好食得辣嘅人，微辣都接受唔到！推薦指數：8/10🔥

我和朋友在進食的過程中咬咗落去發現係硬㗎🤢（圖片內的物體），即刻把吃了的都吐了出來，原本以為是曱甴，但是很硬，像一塊指甲/甲片🤮，去電和他理論他本來都不承認有問題，又話下次再去先補償，試問大家進食到一半的時候發現了途中的物體，怎麼會再去食？之後讓我提供照片，一看到圖片他即時表示退錢給我……我是購買了整個套餐，但他只退了該麵的價錢👎再怎麼樣都不應該有異物在食物內吧😮‍💨覺得非常不合理並且體驗極差，原本都去過幾次，以後都不會再去了😑

以為關注組榜首第一個間係全港最好食，點知原來📍#雲川百味 先係真正嘅Number1。湯底基本上同出面嘅米線鋪差唔多，但呢到叫豬扒/豬頸肉就唔洗另加10蚊，飲朱古力華田都唔洗加3蚊。今次叫左豬骨湯食（仲可以加蔥），個湯係易入口，冇咁嗆口。最正係佢地個麵竟然會掛湯😭豬頸肉好好食同朋友都一致認為係好食過第一名個間，個皮係再脆啲同甜啲！雞軟骨會有埋孜然同泰式辣醬送，炸到岩岩好，會爆少少汁。食過呢間先好同我反駁話兩隻字個間係世一😭😭😭😭

之前食過很多次 都保持到水準 但最近吃 品質差了很多豬頸肉 沒有之前那麼好吃 不夠香口 燒得不夠焦香，而且切得太大件 以前是幼很有焦香味 本人之前不吃豬頸肉 就是你們之前做得好吃 才吃 豬扒太淋 不要拿到太腍 味道選可以 如果水準不保持下去 真的不會再來

在元朗逛了一天街，選擇了一間人氣很旺的米線店鋪，排隊等了一會兒入座，店內的冷氣很夠🤓座位分隔有度 舒適👍職員熱情，主動詢問🙋🏻‍♀️為顧客下單步驟很快速🥰喜歡吃米線的朋友可以來這間試試～湯底不錯，濃郁入味，米線配的菜品小食也是很讚！！麻辣大辣米線+豬頸肉+蒜香雞扒 $58由於本人無辣不歡，所以選擇嘗試麻辣中最辣的口味，整碗米線賣相不錯，湯底很濃，米線很軟熟，入口感覺非常好，選擇了本店招牌必吃的豬頸肉和蒜香雞扒的搭配，口口都是肉的感覺使人快樂😁麻辣大辣米線+蝦卷+韭菜水餃 $58蝦卷的味道是不錯的，有些許彈牙，喜歡吃丸類或者小吃的朋友可以選擇～而韭菜水餃則是正常發揮，薄皮包上韭菜肉碎作為一個配菜也是不錯的選擇。椒鹽雞軟骨 $34喜歡吃雞軟骨或者燒烤的朋友必須要嘗試這個小食，雞軟骨炸得酥脆爽口，每一口咬嚼都可以發出清脆的聲音，十分好吃😋雲川百味 (元朗)元朗青山公路 - 元朗段242號福德樓地舖

元朗米線店越來越多這間新開的米線店則走傳統路線提供多款經典麻酸辣湯底而小食種類亦非常多首先點了一碗麻酸樂金湯湯底集麻酸辣甜味於一身湯底有大量肉碎🐖和酸菜整體味道非常有層次而且酸味比較突出非常開胃而米線則是我很喜歡那種比較幼身軟滑但又帶點煙靭的那一款配料選了墨魚餅帶點鮮甜墨魚🦑香味而豬頸肉醃得非常惹味另一碗點了麻辣湯🍜味道同樣濃郁香辣腩肉肥瘦適中墨魚咀很爽脆而小食則點了一份炸豬腸份量十足沾上旁邊辣粉同吃更惹味

今日收工同朋友嚟到元朗食米線單餸$48 加一個餸就+$10小食都有好多選擇我哋就嗌咗2碗米線同1個小食share豬腸墨魚嘴紅薯粉 (豬骨湯) $58 湯底有辣肉碎同酸菜 所以帶點酸辣 都幾好飲豬腸同墨魚嘴 兩樣都好有咬口豬扒金菇米線(麻酸辣金湯 +$2) $60湯底又麻又酸又辣 越食越惹味香茅豬扒份量都幾多 好淋好入味 又juicy豬頸肉 $40切得好薄好幼 有更多焦香嘅位每條都好香口 調味甜甜哋巧巧食der~~仲可以配孜然粉 好惹味