雲家小鍋米線 (安寧大廈)

營業中

休息中

上次食完不停大讚，呢日又想食米線，就跑來買外賣一家人一齊食！.一口氣買左三碗米線！我就揀唔辣，小鍋米線有芽菜、酸菜、韮菜、蔥、芫茜，相當足料，湯底都好正👍🏻愛辣的有麻辣和酸辣，仲會跟豬肉碎！姐姐同老公表示辣得過癮🌶️.加錢就可以有多款餸，份量十足好有誠意👍🏻 豬耳爽口，豬大腸入味又大件，勁多生菜，豬紅都出色👍🏻.再加個小食，試左秘製豬頸肉不得了🤤厚肉大件有咬口，帶點泰式口味，再加泰式辣醬好好味😋.真的抵佢大排長龍，姐姐人又好，價錢親民份量十足味道出色，真係平靚正👍🏻

例牌食酸辣米線，小辣湯底有驚喜，酸辣比例岩岩好，食落每淡都有酸辣既味道👅夠哂濃味配料揀左蝦卷，腩肉蝦卷勁大條，好食，腩肉就係比較厚身的腩肉，而且份量都多身為米線達人，這間是推薦米線之一🩷🩷😋😋😋

呢間米線店係我之前喺荃灣食過，最近發現原來元朗都有分店,當然要捧下場啦❗️🥘麻辣小鍋米線🌶️ $31每次必食小鍋米線， 湯底黎講我個人中意麻辣, 幾惹味😛 留意番，如果揀唔辣就無豬肉碎喺入面啦！入面配料有芽菜、酸菜、蔥同芜茜等, 今次我如朋友就走咗青同揀咗小辣🌶️! 一個就揀咗豬頸肉(+$18)同腩肉 (+$10), 份量真係好多, 個人比較推介腩肉, 煮得好入味! 另一碗米線就揀咗豬扒(+$15)、紫菜(+$7)同墨魚丸(+$9),墨魚丸仲幾彈牙tim ! 米線本身都好滑溜，完全吸收湯底嘅味道，每一啖都好滿足, 呢個天氣食碗熱辣辣嘅米線係一個唔錯嘅選擇! 炸春卷 $24 & 炸雞中翼 $29除咗米線外，當然要叫埋小食啦! 春卷外皮炸得香脆，有茶樓水準ga! 至於炸雞翼酥脆香口, 都唔錯!

之前一直幫襯開荃灣店，見佢喺元朗開咗，入開黎順便食下。 點知侍應態度極差，對食客呼呼喝喝，難怪冇咩人排隊，即使米線幾好食都唔會再去。未聽過餐廳會因為外賣單多，而唔俾堂食食客落單。

以前係荃灣成日食既雲家原來元朗都開左分店，中午去到寶實在太多人，所以都係外賣算～✨️麻辣豬耳($39)豬耳爽口，入面既軟骨脆卜卜，搭配充滿蒜香既醬汁，香味十足。✨️秘製豬頸肉($46)豬頸肉飲質爽彈。外層煎到微微焦香，點埋泰式辣醬更加惹味✨️麻辣金錢肚($46）金錢肚已經滷過入哂味，仲好夠淋。✨️牛腩小窩米線+蘿蔔+螺旋藻($46+$7+$9)牛腩肥瘦適中，炆得夠淋。蘿蔔大大舊而且好淋好清甜。螺旋藻口感好似海帶咁爽爽地，配埋濃郁既湯底一齊食都幾夾

【雲家小鍋米線】📍地址：元朗馬田路20-30B號安寧大廈地下2號舖「雲家小鍋米線」來到元朗了！荃灣店一直大排長龍，今次不用走到荃灣了！每次看都會點雲家米線，$61一大碗，豐富的配料，真是物超所值！腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥和芫茜，這樣豐富多樣的組合讓米線的口感更加豐富。雞絲螺旋草米線(可選酸辣或麻辣)，每次我都會點酸辣的，因為酸酸辣辣很開胃，$49。鮮嫩的雞絲和獨特的螺旋草為主打，再配上芽菜、酸菜、韮菜、蔥和芫茜等配料，豐富的層次感。我選擇了酸辣口味，辣味與酸味的平衡恰到好處，越食越惹味。這裡的涼拌墨魚頭和秘製豬頸肉也值得一提。涼拌墨魚頭的鮮嫩口感和微微的辣味相得益彰；而秘製豬頸肉則以獨特的調味料烹調而成，肉質鮮嫩多汁。

元朗馬田呢邊由細嚟到大🤓有好嘢食點會唔知，雲家米線好出名，要食一定要食酸辣湯底！有得揀唔同嘅辣度，酸酸辣辣好惹味，另外小食墨魚頭真係屈機地好食✨雲家米線$61咩餸都有齊，墨魚卷、雞絲、雞翼、腸仔、冬菇、紅腸等等😃啱晒諗唔到食咩嘅人，墨魚卷好大件感覺好抵食。腸仔係煎過唔係就咁白烚，食落更加好味。豬扒小窩米線酸辣 $46小窩米線我更加推介，因為有更加多香辣肉碎同酸菜，我自己本身好鍾意食酸嘢😋酸辣呢個組合好正，豬扒大大件而且都幾厚，價錢唔算貴幾抵食。涼拌墨魚頭$45超好食🌟墨魚頭粒粒都爽脆，份量好多可以夠幾個人share，入邊有好多爆香過嘅蒜蓉，全個小食都好惹味。醬拌皮蛋 $24佢哋嘅皮蛋用咗黃金皮蛋，金黃剔透色澤靚，皮蛋芯軟滑，加咗啲辣油落去好好味。

近期才知道原來荃灣的雲家在元朗也有分舖非米線人控的我來就是為小食而來雖然這邊的選擇沒荃灣店多但王牌的醬拌皮蛋、豬頸肉及涼拌墨魚頭還是有嘞～～朋友專注吃豬扒小窩米線本人就在埋頭吃小食三款小食都是水準發揮墨魚頭超級與黃金皮蛋同類是撈蔥蒜末秘製汁惹味但不死咸，會令人愈食愈開胃至於燒豬頸肉肉質很好，亦不會燒到乾柴米線方面，朋友點的旦豬扒小窩米線湯底惹味，米線偏軟稔豬扒吸收湯汁吃不錯可惜小店真心有點遠，再回味大概還是荃灣店方便點 LOL

周末在元朗區食晏，難得泊到馬田路錶位，見這家小鍋米線外排了人龍，相信必有其過人之處，隨即排隊等候光顧；等了大約10分鐘便順利入座。點了招牌的雲家米線(唔辣）$61，材料十分豐富，有腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥、芫茜餸特多，珍寶級份量；冬菇大隻入味 😋😋；雞翼醃過有香味；兩個人食剛剛好 😋😋另點了幾款小食，先是秘製豬頸肉 $46肉質軟熟彈牙，配甜酸醬，好食！再來大熱小食涼拌墨魚頭 $45墨魚質感爽口，零韌度 👍👍！醬汁微辣帶點酸，加上濃厚蒜蓉味，超惹味！青菜是每餐必備的，腐乳通菜 $15，價錢無得輸。通菜嫩綠無渣，配腐乳一絕！飲品是鹹檸七 $16，跟餐可享$5優惠。檸檬可樂 $16食物優質，價錢實惠，難怪其門如市。

久違了的元朗國今日入元朗有嘢做中午已經食飽飽做完嘢預備離開嘅時候剛剛經過雲家小鍋米線隨口問老公要唔要買一兩個小食就要我影個餐牌畀佢揀雲加米線出名唔在講其實小食都唔會輸涼拌墨魚頭爽口彈牙個人喜好放雪櫃一陣再拎出嚟食秘製豬頸肉有獨特嘅鹹香唔乾身又啖啖肉麻辣金錢肚微辣得嚟好惹味醬伴皮蛋用溏心黃金皮蛋係我嘅至愛手拍青瓜青甜爽脆夠新鮮人均消費💰 ： ＄ 60總結✍ ： 米線出色,小食同樣出色NatNat評分💎💎💎💎(5💎為最高)🏠 雲家小鍋米線 (安寧大廈)🌐 元朗馬田路20-30B號安寧大廈地下2號舖

荃灣排隊米線店雲家係元朗開咗分店，麵控一定要去試一試味道🍜店內位置可以唔大但乾淨企理，餐牌上同樣有好多配料選擇，仲有不同小食，最驚喜係今次叫既兩份小食都好高質，一定會再回訪🫶🏻🔸魚肉春卷蘿蔔酸辣小鍋米線小窩米線夠晒大碗，芽菜、酸菜、韭菜、蔥同芫茜配料令整體份量更大！今次初訪叫左酸辣中辣，辣度完全接受到🙆🏻‍♀️酸味同辣勁平衡非常濃郁，食完都唔怕口渴。魚肉春卷夠大條，蘿蔔又入味，索哂湯底精華！🔸涼拌墨魚頭必點之選🎖️墨魚份量一點都唔吝嗇，大量蒜蓉鋪滿表面，加上辣油撈埋一齊食好惹味🤤🔸秘製豬頸肉豬頸肉係另一道必點小食，大大塊而且口感酥軟，鹹香但唔油膩，食唔停口🥰

係元朗要搵到好食份量又多嘅米線舖真係好難，星期六下午荼時段嚟到都要等一等先有得入座，舖頭細細間，員工亦都好快手落單再上菜👍👍麻辣豬耳豬耳好爽口，夠哂入味，麻辣味唔算好勁，平時食開BB辣都食到😌😌🐷豬頸肉燕皮肉餃米線配料有好多芽菜、酸菜、韮菜、蔥同芫荽，米線較平時食到嘅幼身，份量亦大大碗，細食嘅人一定食唔哂😆豬頸肉厚度啱啱好，有少少油脂，食落較爽口🤣燕皮肉餃係用一塊薄薄嘅皮包住肉餡，相比餃子，依款肉餃外皮比較Q😆🐷豬扒螺旋草紅薯粉豬扒肥瘦均勻，份量好多，大件夾抵食。螺旋草索哂湯汁同埋煮得比較淋身，易入口啲🤪🤪🧃凍檸杯好大杯好夠味，好爽!!

成日心思思想食雲家米線，大大碗食到好飽肚，而且小食都有好多款，當中最出色嘅一定係墨魚頭，每次都會叫嚟食！🍜雞絲螺旋草米線 $49米線超足料，勁大碗！一碗有齊雞絲、螺旋草、芽菜、酸菜、韮菜、蔥、芫茜！可以揀酸辣或者麻辣，酸辣湯底夠濃味但唔會油，小辣味道剛好，唔食得辣嘅朋友都應該食得到！雞絲份量都好多，一絲絲索晒湯汁，夠晒惹味，仲有螺旋草，質感爽脆，而米線煮到剛好，口感軟滑，食哂成碗勁滿足！🐙涼拌墨魚頭 $46小食都好吸引，墨魚頭份量多又大粒，口感爽脆又彈牙，好多特製蒜泥辣汁味道相當惹味！真係好好食，一口接一口

雲家開左黎元朗啦，每次經過都排長龍只好外賣，是日特登早啲過黎，希望無咁多人啦。等一陣就有位，今日真好彩🌟，難得堂食叫埋小食先。🥢豬大腸、豬紅、雲吞酸辣米線朋友叫的酸辣米線，要小辣的，湯底屬中酸小辣，幾惹味喎。大腸入味煙韌，豬紅爽，雲吞係厚皮個種，包菜肉餡，大大隻好飽肚。🥢豬脷、魚肉春卷、螺旋藻麻辣米線自己就要麻辣小辣，湯底屬小麻小辣帶少許酸，飲晒啲湯都無難度😋豬脷厚切有咬口，魚肉春卷紮實鮮味，螺旋藻就係海帶咁啦，食啲蔬菜嘛。米線爽口，連埋湯底的芽菜、韮菜、肉碎一齊食更有口感。🥢手拍青瓜清新爽口，酸酸的好開胃，個人覺得蒜多了點。🥢醬拌皮蛋皮蛋心綿綿的，蛋白位爽，辣油香口。但同樣太多蒜了，我個人都好鍾意食蒜，不過同皮蛋唔太夾。🥤豆漿&凍咖啡米線加八蚊有野飲，叫了支裝豆漿同凍咖啡，咖啡無得要走甜，因為店家話係三合一黎😅個湯底真係好好味，碗粉又大碗足料，正過連鎖店多多聲👍唯獨小店真係有啲迫，好彩坐到卡位😂

元朗竟然開左雲家 中意食米線的不能錯過🤫除左米線好味 小食都好出色💕最中意食雲家麻辣金錢肚夠入味炆得夠爽口舖頭細細坐滿人 見到有好多人都叫外賣🥡為左小食都好值得再食～📍豬頸肉小鍋米線🍜 HKD49全部都有得揀要酸辣定麻辣 辣度都可以再調整🌶️聽講可以兩溝 麻酸辣都可以等我下次試下先酸辣幾好味夠濃味 叫左小辣但再辣啲都可以每碗都有芽菜 酸菜 韮菜 蔥 芫荽仲有好多肉碎🤏🏻豬頸肉大大塊好爽口 唔會太肥膩米線唔會過淋幾彈牙同埋好掛酸辣湯～📍肥牛小鍋米線🍜 HKD46配料同豬頸肉果碗一樣肥牛份量都好足 味道都ok唔會過熟幾嫩😋📍麻辣金錢肚 HKD46多蒜多辣油 好重口味😎金錢肚好入味而且爽口易咬份量好多 小食黎講都夠三到四個人share食📍麻辣豬耳👂HKD39豬耳好厚切又粗身 好有口感～每條都好爽口好脆📍醬拌皮蛋🥚HKD24呢度既皮蛋唔係黑色的 係透透地黃色中間係溏心蛋黃 配上蒜蓉辣油🤓又係非常濃味 好岩重口味人士