雲在線小鍋米線紅薯粉

出開觀塘買羽毛球,於是又係駱駝漆搵野食,聽講係屯門好出名,見觀塘有開就去試。本身唔食得太辣(譚仔10小既程度),所以叫左碗小麻辣米線試下水溫,餸揀左豬頸肉+香茅雞扒,餐飲係凍檸茶。原先仲以為叫兩樣餸會唔夠食,點知送到黎係堆到成碗都係!淨係視覺都有夠衝擊。米線硬度適中,小麻辣湯對我黎講都唔算辣,下次可以辣一級。豬頸肉同香芽雞扒份量多,性價比超高。切得咁細既豬頸肉仲以為會無乜咬口,但其實香口得黎仲可以沾多d湯汁,都幾好。香芽雞扒油香四溢,都好惹味,杯凍檸茶都少有地好大杯!!整體黎講食左一碗肉落肚,非常滿足!而且咁大碗Total都只係$73,好抵食!不過我係中午飯點去食,所以都幾多人,要搭枱,令我依個I人唔係好敢係咁影OrzP.S. 只收現金!豬頸肉小麻辣米線 $56+香茅雞扒 $14凍檸茶 $3…查看更多

今個星期日，因為要去觀塘工廠區拎啲嘢，上openrice搵吓食咩好先。禮拜嘅工廠區冇乜嘢食見到呢有開同埋之前細佬有講過係幾好食，所以決定試吓。一入到去見到只收現金，心感不妙。最後硬着頭皮，埋單佢都肯俾我PayMe解決。呢間舖頭以米線店嚟講，都算係比較闊落同乾淨。坐低叫左個麻辣小鍋薯粉，一餸豬頸肉，熱鴛鴦。豬頸肉有焦香。切到一條條好襟食。薯粉煮到晶瑩剔透。另外碗底有好多肉碎，真係惹味。一開始小小貪心，諗緊好唔好叫兩餸或者三餸，但係諗諗吓因為想睇吓佢嘅份量有幾多，所以都係放棄咗呢個念頭。手機用QR code落單，幾方便。會再食。…查看更多

‼️ 屯門開到觀塘的 雲在線小鍋米線紅薯粉 真係咁好食咩… ‼️·①［ 麻＋酸辣湯（ 豬頸肉 + 麻辣豬手 + 雞中翼 ) // 熱拌•米線 ( 豬頸肉 + 韭菜餃子 ) ]| 會話除咗 豬頸肉 ， 其他都真係好普通 ᯣ_ᯣ豬頸肉 係真係醃得好入味，高質嘅。如果真係比較，會推介 「 麻＋酸辣湯 」 因為 「 熱拌 」 真係好普通，係平時都食到嗰隻味。「 韭菜餃子 」 比較乾，麻麻地。「 雞中翼 」 有浸藥材味，唔係我鍾意嗰種味道。｜𓋪4/10•雲在線小鍋米線紅薯粉 (觀塘)觀塘開源道60號駱駝漆大廈第三座5樓U室…查看更多

聽聞呢間米線係屯門好出名?係咪撞名嫁咋?? 食完我真係唔知有咩咁特別 真係唔好食 我叫左雞排酸辣紅薯粉大辣 個湯食落口有一陣好奇怪既味 係咪香料我就唔知啦 可能我食唔慣呢陣味 覺得陣味好影響成件事除左呢陣味我仲食到有苦味,一開始我以為係自己嗌得太辣先會咁 之後我問同行既朋友仔 點知佢食麻辣湯微辣都食到呢陣怪味 食完真係要即刻買杯廢水平衡返自己心靈同味覺…查看更多

聽講話呢間米線好出名，專程過黎試下好好彩咁岩唔洗等位就入得餐廳環境門口細細，但入到去原來都幾多座位，比想像中大Ｄ枱好細好密集，冷氣都唔夠隔離枱個個都食到流晒汗點完餐之後，都等左一陣就上菜食物評價叫左個好多肉既米線，豬扒雞扒酸辣米線由於本人唔係咁食得辣，亦唔想食到流晒鼻涕咁，所以叫左BB辣酸係幾酸，好多酸菜同埋配菜，令到個米線口感都幾豐富仲可以叫多䓤，令到成碗米線賣相提升左好多最後，食米線一定要叫埋杯凍檸茶解渴，因為一定食到個口好咸同好熱整體講米線係唔錯，不過環境略嫌擠逼…查看更多