雲南風味過橋小鍋米綫

營業中

休息中

$35過橋米線：開先就覺個湯底清甜，但個種味又感覺係重左d，其實隻酸味都幾重，米線、配料、湯三份分別上，講下d配料先…蔥蒜、兩塊生菜、雞肉鮮、幾塊小小的火腿ok、腐片正、豬潤香、米線並非太滑最欣賞這裡懷舊的酒樓純樸裝潢，像酒家般的飲茶的茶壺和茶杯

呢間舖頭係我十幾年前第一次接觸米線呢家嘢!果時仲揸住部成皮嘢嘅StarTec…但幾年後出現咗譚仔就好少再番去呢度幫襯,除咗好想食氣鍋雞.炸醬腩肉豬潤 X 2---炸醬味濃小小辣偏咸,唔似出面其它鋪果Ｄ似蕃茄肉醬咁核突!腩肉同豬潤份量越來越少…亦都越來越淡!(黃鱔最衰賣晒!因為最好食係佢,鱔肉加豬皮加大粒蒜頭……)米線份量亦少了起碼三份一!湯底無咩感覺因為加咗好多辣油.勁厚粉炸雞翼---懷舊情意結!上脆漿炸好似以前茘園門口炸果種!唔好理面果浸皮,裡面雞翼係幾滑吓溉！原味氣鍋雞---呢樣嘢好在咁多年水準都未變過！大量雲耳墊底,索晒鍋底嘅雞汁!雞肉細細件肉質滑份量唔算少, 仲有最欣賞嘅係每次打開個蓋都出晒蒸氣夠晒熱!隔一排想起個氣鍋雞又會再嚟!

　　每日行經這間米線舖已有几年但都沒有入內食過，看過食評話唔錯便走入去試下，先叫了一個炸醬腩肉過橋米線＄２４及炸豬扒＄８．　　送到埋枱，我不期然嘩了一聲，個湯底相當清澈，跟住就試下啦，原來跟鹽水沒兩樣，腩肉相當白烚，炸醬用麵醬炒的，味道很怪，千祈唔好食．炸豬扒則有薄薄的麵包糠同埋用鹽腌過，跟本唔好食．　　可能我食過五坡坊那間，人地真係用心去做，好好味！以後不會再來！！！

好多食評都話好食, 決定去試下, 在35度高溫下, 充滿期望, 走到店門, 店舖很細, 等了一會, 入座便急不及代叫了一個酸辣腩肉米線及秘製炸雞翼喝了一口湯, 很像生痱滋時喝的鹽水一樣, 只有喊味, 酸菜得個酸, 腩肉是白烚的, 與煲湯豬肉不相伯仲, 秘製炸雞翼, 粉厚, 肉喊, 賣相奇差, 吃不出秘製了什麼 唯一可取的, 只有米線的質感, 不是太差吃了一半, 真的受不了, 留下半碗, 快快結帳便走了很遺憾的一餐.....發誓不會再來

老公最愛的米線小店。常常叫他來這裡為這小店寫個食評但還沒有成事，那就讓我來吧！說也奇怪，每次來到這小店都很有親切感，儘管如樓下很多人所說的那裡的阿姐態度都不太好，但習慣了之後其實還感覺蠻溫馨的。可能是因為老公說他從很小的時候就常光顧，到這裡來可以讓我感受點點他童年時的餘韻。他每次也會點腩肉腐皮，而且都會點清湯湯底，因為他說這裡的湯底是他吃過的米線店子中最美味的。腩肉很肥，這裡的腩肉是白洽，而不是外間米線店那些是辣的。我也是每次都會點雞肉魚蛋，雞肉算是嫩，有質感。我最喜歡這裡的酸辣湯底，很惹味，不知不覺就會把整碗米線吃下。來這裡一定要嚐嚐炸雞翼，外皮炸得很香脆，雞肉卻還是很juicy，而且一點雪味也沒有。這裡的菜心雖然不是好貨色，但蠔油很美味，都是我們熱點的東東。老公說他對米線很執著，除了這裡外沒有地方讓他光臨過兩次以上。我笑著問他，那對我執著嗎？他卻竟然答不上話來…哈哈！我就是喜歡這樣的一個他，也喜歡他常常帶我到這裡吃米線。這是我的小小幸福。

呢間野我食左十幾年,可以講係我食過最好食既過橋米線,成間都識哂,佢個老細同伙計次次見親我都係果2樣野,一.咁耐唔來,有時真係好耐,有時明明早兩日先來過,二.你又瘦左咁多,明明肥左好多,都係咁講,十幾歲時佢岩岩開就開始食,食到我家下就來30,我次次都係食同一樣野,一定要食過橋唔洗問,見有人話佢唔夠譚仔好食,有咩可能,一睇原來講小鍋,小鍋我唔知,因為十幾年都係食過一次,過橋佢可以講佢打遍全港無敵手,另一間食得人既係旺角川居,不過都輸幾條街,好過譚仔咁解,只係太大碗好多人唔叫,佢過橋最近有d縮水,又係物價高升,好心佢加價啦,十幾年啦先加得果幾蚊,個是頭話我粒鑽石大過佢果粒,好心佢就加多幾蚊啦,佢既汽窩雞又係一絕,d人話油,好心啦雞唔油搵你食啦,唔滑架麻,你要知道佢個雞係冇加水架,真才實料,講返過橋先,佢地個過橋真係十幾年都係咁好食,有時就味重左d,但係雞肉一樣次次食都好鮮,米線又滑,豬潤又香,我病都咩都食唔落時只有佢既過橋可以令我開胃,救過我唔小次大病架啦,,譚仔個過橋似車仔麵多d,魚旦又來,垃垃雜雜放埋一齊,d人話佢油,以經唔夠油架啦,知唔知咩係過橋米線,過橋係應該有一層油係面阻隔d冷空氣

呢間都算係老字號，食物質素認真唔錯。我試過雞肉、腩肉、炸醬、酸辣等小鍋米線、氣鍋雞、過橋米線。米線軟硬適中、湯底清甜。炸醬有風味又唔辣，酸辣湯底有雪菜狀物體有咬口。氣鍋雞雞肉夠滑份量頗大，都幾油，如果兩個人未必食得晒。最特別係每臺都有茶杯茶壺，可以自己斟唔洗等。不過真係好多人，星期六日見到出面企滿人，要食就要早D去

是日行經深水埗,差不多1400hrs個肚又有少少餓,双腿好自然就走到雲南風味過橋小鍋米綫.我以前比較喜歡譚仔,近黃金而且味道都好好,但現在譚仔的水準每況愈下,愈來愈差,上一次我去譚仔食的米線竟然淋到一夾即斷,唉.....說回雲南風味過橋小鍋米綫,今次我又點了黃鱔腩肉米綫,我覺得無理由叫那些什麼魚蛋,龍蝦丸的,因為都是來貨再煮熟,咁不如街市買返屋企自己煮.說回這個黃鱔腩肉米綫,黃鱔很可口,很彈牙,但我覺得那些豬皮更好食,如果可以單點豬皮,我會選豬皮而非黃鱔,腩肉一貫的肥美可口,坐位很迫,真的是好多人好迫但又好好吃!

一向都愛吃這間的米綫，味道不錯。然而，阿姐的服務態度真的不行。黑口黑臉，粗聲粗氣。下次要吃，建議大家於非繁忙時段去，免得一肚子氣。

依間野, 細佬我食左十幾年 (真係有). 講真, 係好o野黎o既.好似上左癮咁, 個個星期都要食. 唔食, 唔舒服, 有時我都會諗, 係咪加左料? 不過, 唔緊要, 加左都要食.細佬我次次去都要叫過橋, 加黃鱔. 我女友就一定叫酸辣. 兩條友, 係咁食係咁食, 中間完全冇講野冇傾計, 食到不知人間何世, 兼一行鼻涕, 就好滿足咁走人.十幾年, 都係咁. 不過, 有時太夜就唔好叫黃鱔, 有時會有油益味, 不過我實鬧爆佢.正宗? 一d都唔正宗, 係好港式o既米線. 服務? 一d都冇, 只係食左咁耐已經冇趕我快d走而已. 我從來冇當過佢同雲南有乜關係, 不過只要好食, 就ok喇.

一概一個月會起癮去一次，初報到時叫過其他麵食，但最深刻的是黃膳小鍋米線。黃膳米線的長處在於口感。我不懂分新不新鮮，但是豬皮、鱔、九菜配搭很彈牙有層次，辣度適中。上菜快，水準維持得好，一年來只試過一次米線過淋。環境方面非常惡劣，店主要用盡每處地方，因此通道狹窄，迫過地鐵rush hour，就算你攜有一袋兩袋他們不會給你地方放，一定要騰出位子。曾有阿姐執檯時不小心將筷上的汁液沾到我身上….因此我決定…以後光顧不會穿針織衫。

真的, 很鹹。26元一碗的三食送米線, 我叫了腩肉炸醬及腐皮。碗是比譚仔少, 份量是一碗滿瀉的。味道嘛... 只是不過爾爾, 沒有任何值得談的地方。反而朋友的酸辣幾討好, 絕對比普通的好多了。也叫了炸雞翼及炸豬扒各一, 香酥的炸雞翼, 確係幾好, 怪不得檯檯都食; 豬扒也夠厚切, 肉汁叫多, 可惜兩者都有一通病: 太油了!環境一般, 味道一般, 真的想不到再去光顧的理由。

外賣叫了碗黃鱔小鍋米線($24)唔使加一蚊,打開碗蓋,鋪滿晒料,但實情佔了一半都是豬皮,黃鱔得八九條,我唔吃豬皮,搭幾條菜,所以實質無乜料落肚,好空虛,黃鱔叫做好入味,米線就屬於爽口0個隻,今餐唔知直係食過d乜囉~~~

這間食店由我在這附近工作開始幫襯, 真係食足十年, 依然係我的至愛, 好似上隱咁, 每個月起碼吃一兩次不過本人就從未吃過過橋米線, 因為我比較鍾意吃辣,所以鍾意叫酸辣, 吃過清湯就不過偏鹹我的推介係酸辣炸醬雞肉米線或者係酸辣黃鱔, 再加辣椒油, 真係流曬口水, 不過吃得辣嘢就預咗要飲多啲水, 豬扒好正, 新鮮炸就當然熱氣啦, 菜就抵食夾大件, 如果要外賣就最好叫分開粉, 即係湯料一碗, 米線在另一個盒, 需然要加一蚊, 不過份量會多小小又唔怕淋, 氣鍋雞都唔錯, 不過就最好人多先食, 譚仔就完全唔係嗰皮, 不過就唔好預咗坐得耐, 他們工作效率很高的, 吃後立刻幫你收碗, 不過我習慣了所以會嘆埋杯茶先走P.S. 有位食評話吃過麻辣, 又話吃過炸醬墨丸, 我想他弄錯了, 這間店從未有過這些吃

一次過上來打回之前的飲飲食食之旅...哈~1月尾時和阿哥來吃米線...聽朋友介紹而來...一入去...超多人！不只多人，更是"逼"人...逼死人，很焗促...小小的檯擠了很多人！...可能很多人慕名而來吧？！雖然店裡的位都幾近飽和..但阿姐仍叫人入來...真誇張！地方的擠逼真是使人吃得非常不舒服...至於米線...我們也不覺得有什麼特別好食...我們吃完後"檢討"...結論就是和譚仔沒有什麼分別啊！...哈哈，我們笑說...可能我們不懂欣賞這裡的"特色"吧？！...一般啦...雖然譚仔也是會逼...但密度不像這裡高！相比之下...譚仔比較舒服...而且分店多...