雲南啊老表黑山羊湯鍋米綫 (觀塘工業中心) (已搬遷) 新店位置

今日難得收早，就同朋友試吓新野，忽然好想食米線就去觀塘附近一帶搵吓有冇，結果有一間個名比較特別，就去決定試吓嗰間野主要係食羊同牛嘅米線比較出名呢就係牛腩同埋羊，我哋叫咗兩碗米線同埋一個小食分別係牛腩米線同埋豬頸肉米線，另外有豬耳，先講吓牛腩米線肉質好滑而且份量量都好多咬落去好林而且係煮咗好耐嘅味道，而豬頸肉米線瘦肉紛紜而且味道亦都好配合用嚟餸米線簡直一流，小食方面豬耳普普通通冇乜特別加埋個辣汁，除此之外，仲嗌左個醉雞食，醉雞普普通通而且份量都幾多有少少麻辣嘅味道，簡直係冇得輸而價錢方便10分合理唔會偏貴好適合放工之後去買你安慰下自己，下次有機會嘅話可以試吓嗰度嘅飯因為都係好出名嘅。

去到觀塘搵d特別既野食！見到有間接近200好評既米線店，諗住不妨一試，點知小妹食個碗好似係係平行時空既另一間餐廳環境更加吾似係香港，吾知係咪因為就收工所以質素有變，食吾到別人介紹的美味💀💀💀傷心💔🍜羊肉細碗米線 ($50) (🍚1/10)米線份量多湯更多，湯底普通只係有少少咸味不濃郁食吾到鮮味可能真係吾識欣賞傳統羊肉湯，羊肉好淋有騷味但份量十分少，好似大概得3、4片其他係羊肉碎，個隻騷味吾係個個接受到同普通羊肉不同，酸菜只有酸同由於太多湯令到好稀疏，味道太特別吾識形容。 🍜牛腩湯鍋米線 ($50) (🍚2/10)好大個碗亦好多湯，海量既湯令到睇吾到配料，湯好清似好淡既湯，米線偏淋，只係搵到好少好少又好細好細粒既牛腩粒，大既係半普通牛腩1/4size，牛腩算淋應該係坑腩呢個可以比分，因為有好清既清湯令牛腩有好清既牛腩味，可能比較適合喜歡清淡既朋友。🌶美味口水雞 ($32) (🍚1/10)個汁只有酸無麻無辣，雞肉似係雪櫃岩岩拎出黎，好凍好實而且無咩肉，成碟都係好多骨既部位，比之前介紹黃埔原生米線既口水雞差太遠。呢個價錢想份量多既米線應該有更多選擇，應該會搵到識得欣賞佢既人。

依間店係觀塘工業中心，成間店有好多黑山羊同大草原嘅圖畫，令人有種係雲南嘅感覺。湯底係用羊骨同中藥煮嘅，感覺都幾養生。羊肉切到幾薄，羊肉味好重，但唔羶，仲好嫩滑添，價錢都唔太貴。

啊老表的羊肉米線，大碗的巨型份量，已經吃了很多年，最近在觀塘竟看不到舊店，原來搬了舖新店比較大一點點，但米線依舊大碗，我依然是點我最愛的羊肉大碗米線（酸辣）羊肉大碗米線（酸辣）$62那個湯碗大得像平日茶樓窩米的窩一樣。這稱為地上最健康的羊肉，奧米加三比例高，數量不少的羊薄片肥瘦相間，入口即化，羶味不濃，正！湯底很清，帶點肉香，這清湯如果不加辣油可以就這樣喝！米線份量也是有夠多！這裡夠兩人吃了吧！通菜$12那麼多通菜，而且質素還不俗，無太多渣，菜葉油亮，只要$12！雖然腐乳咸了點，但論性價比實在高！

最近疫情關係好多朋友都好幾個月冇見過了，近排稍為平服，終於可以約個朋友出嚟見吓面食下野！觀塘係一個工業區，要搵嘢食其實一啲都唔困難，我同朋友就是但搵咗一間近地鐵站而又值得推介嘅一間食店，就係雲南啊老表黑山羊湯鍋米綫！首先牛腩湯鍋米線跟蒜泥白肉，雖然我轉左做清湯，但係湯底真係好清甜，唔重精調味。同埋真係無偷工減料，有好多件牛腩啖啖肉好足料。個湯都係清清地，唔會好heavy! 而蒜泥白肉，白肉厚度適中，蒜香味十足，也有點蒜的辣味。作為小食也份量十足！另外朋友 叫咗個口水雞米線，米線好彈牙，微辣湯底啱晒我呢啲鍾意食辣但又唔係好頂得信嘅人。再叫多一份麻辣豬耳，吃起來口感非常好，柔韌又脆，味道鮮香不膩，且富含膠質！呢餐真係滿載而歸，老闆娘仲好好人又細心又熱情，真係要介紹多啲朋友來食嘢，值得推介！

明明唔食羊，都要去試下呢間廣獲好評嘅米線，可能評語會有少許偏頗，各位唔好意思除咗名菜羊肉米線外，仲有豬、牛、雞同餃子選擇。揀咗豬腩肉米線，湯係酸菜豬骨湯底，但唔知點解呷一口湯有陣陣「蘇」味，唔夠酸。豬腩肉份量尚可，味道唔錯，有預先醃過，夠味。如果鍾意食雲南酸辣米線，坊間有更好選擇。

要去觀塘搵朋友食飯，無意中見到呢間餐廳我朋友話 :”羊喎！你ok?!”我見唔止得羊既選擇，所以試下！除咗米線，亦都有唔少小食既選擇。揀左一碗大既牛羊雙拼米線涼拌豬耳豬手涼拌青瓜整體都唔錯，願意再黎食過！

經過觀塘知道有間叫雲南阿老表黑山羊湯鍋米綫 ，見到個名幾特別，加上係lunch time關係，其實唔係咁想食飯，食米線就啱曬。叫咗羊肉大碗米線、牛腩湯鍋米線，小食揀咗避風塘辣雞翼、上湯時菜同埋兩杯飲品。羊肉米線超大碗，入面好足料，羊肉又多又淋而且好重羊味，鍾意食羊肉嘅朋友一定會鍾意，而牛腩鍋米線嘅牛腩又係炆得好爽口而且入曬味，最主要想講係兩碗米線嘅湯料都好有鮮味，而且最緊要個米線唔係斷開一截截，爽硬度適中。雞翼就甜甜辣辣好開胃，鍾意食香口食品嘅朋友一定鍾意，上湯時菜都有好多菜喺入面而且上湯個味道一流。

朋友們一直說老表羊很美味掀起了我吃羊的心 未下班便約飯腳店在觀塘地鐵站旁 走大概三分鐘門面不起眼 但食客郤不少=羊肉細碗米線=真的是細碗嗎 分量之大 很難想像大有多大湯底比較清 但有羊的甘香味看牆上的介紹 所羊的是黑山羊羊肉味濃而且不羶羊肉不只用了一個部位有連皮的羊腩 嫩滑羊味濃也有較瘦的羊肉 令口感更有層次米線滑而且煙韌 加上幾粒豬油渣又香口又美味=牛羊雙拼酸辣細碗米線=將清湯加入爽口酸菜 朋友係酸菜愛好者額外問姐姐加了大量 酸酸辣辣的確幾開胃=口水雞=以為會十分麻辣 比想像中温和 但還是很惹味 雞口感挺嫩滑=涼拌土豆絲= 口感清脆 絲絲分明 咸酸比例調的好 開胃菜要角

今天又有機會吃羊， 朋友介紹這間食店有地道嘅雲南黑山羊米線～ 非常期待！店舖在觀塘工業中心內地舖， 餐廳牆壁都掛滿黑山羊和大草原圖畫， 有雲南少數民族感覺。當然要試羊肉米線， 這款是細碗但係個湯碗都幾大。要試原汁原味梗係揀清湯底。 先嘗湯底， 清甜無比又不失羊嘅鮮味， 店員介紹湯底係用羊骨，羊肉和一些中藥材料熬製而成， 充滿羊的香味而非羶味， 回家後也不覺口渴， 絕無添加～！ 羊肉切成薄片，連皮，嫩滑， 份量足。 湯底也放上韭菜粒，青蔥翠綠令湯底更添香氣。 米線彈牙，唔易斷， 好吃極了！檯面也放上一瓶醃菜莆， 放些入汤更提升味道。菜脯會唔會好辣或過咸嘅調味， 甜甜哋😋👍👍重點係勁·爽·脆！ 好吃嘅菜譜不容易遇上😋牛腩湯鍋米線（细）$50牛腩味道也不錯 ，牛腩帶著少少肥真太合心意。補充每款米線都放上幾塊燒豬皮， 增添口感但浸耐咗已經唔脆。自家製豬手$25， 豬手皮好似燒過皮比較乾身冇曬油份， 口感和味道都唔錯。口水雞$32 賣相唔係咁靚仔不過很惹味， 口水雞嘅醬汁夠辣夠入，雞皮夠爽脆肉嫩滑， 價錢平實覺得好抵食！仲試佢嘅鮮製豆漿（凍）， 幼滑香甜豆味濃， 配合米線實在冇得輸。超滿意呀！😍

自從鋪頭搬左去呢個位就無去食過啦，因為唔算好就腳( D4出口附近 )，以前佢係官塘廣場嘅時候就經常去食😆😋😋😋，應該都有成五年前啦😹😹今日行開附近，就去回味一下💓一打開餐廳門口，已經可以聞到濃濃嘅羊肉香味🐏，呢個鋪位比以前官廣闊落好多，我諗都有大成三倍咁上下啦！！餐牌黎講無記錯就同以前差唔多，少少唔同嘅應該就係價錢啦😹😹係比以前貴左啲啦，不過合理嘅！而架物價貴左啊嘛😹我就叫左碗👇🏻細嘅 羊肉米線 加 可樂($9)，大家無睇錯，以下呢碗的確係細嘅😹不過其實已經好大碗，男仔都夠食😆羊肉份量十足，而且舊舊都係肉，所以50蚊絕對係抵到爛！羊肉嘅獨特香味，不會太大陣騷味，加上半肥瘦咁又好juicy，真係可以食極唔厭😹😹😹咁當然啦，鍾意食羊肉嘅我相信會鐘意食😃經過嘅可以一試啊～

星期日朝早出咗去觀塘工業中心嗰邊拎集運，之後就買埋外賣午餐返屋企食。本身諗住幫襯沙X王，但我搵唔到個入口😂。再行多兩步，就見到有間好似工廈食堂嘅餐廳，門面有啲羊嘅相，個名仲好鬼長同特別，叫做「雲南啊老表黑山羊湯鍋米綫」。咁一句講晒即係食米線啦🍜！入到餐廳，堂食環境不過不失，冷氣充足，舖入面亦係有好多山羊相，旁邊仲有啲文字介紹食羊嘅好處。過咗陣阿姐就走埋嚟招呼我，但我未諗到食乜，因為未食過，所以要望下啲餐牌👀。我同呀爸呀媽三個人食，叫咗兩份正餐同兩個小食已經夠哂飽👍。餐廳抵讚嘅地方係會主動將湯同飯麵分開，避免浸淋。羊肉大碗米線($60)，我要咗清湯，因為唔鍾意酸辣。大碗米線份量真係夠哂大，兩個人食啱啱好，但略嫌麵質比較淋身，底部有啲碎。🐐羊肉幾好食喎，個樣薄薄哋，有啲似牛腩，但係一食有陣羊羶味就分得出。不過羊羶味唔會過盛，幾好食😋。羊肉以外，我加咗$9要豬大腸，呢個就一般般，因為比較肥😳。另外，呢度米線嘅其中一樣特色係有落豬油渣，雖然佢唔係脆嗰種，但過下口癮都OK。牛腩湯飯($45)，呢個有啲似麵舖嘅清湯腩，味道唔錯啵！🐮牛腩量唔少，以正方體為主，肥瘦適中，餐廳仲搭多兩條生菜喺個湯度。美

聽聞觀塘這家的羊肉湯米線不錯，奈何本身不喜好羊肉，所以還是點了其他吧。下班後到這邊順道買外賣回家吃，點了一碗米線及一份小吃。小吃選擇蠻多，主要都是涼拌、麻辣、酸甜的川式味道為主。米線的湯底有清湯或酸辣的選擇。份量有大小之別，價錢相差不多。美味口水雞涼拌小菜，開胃之選，尤其是加了辣汁十分過癮。口水雞不算嫩滑，但浸著紅油，雞肉都很入味。水餃酸辣大碗米線這份是大碗的。份量蠻足料，無論米線、韭菜餃及酸菜都是放滿整個外賣碗。不過由於較喜歡濃味點，所以略嫌湯底不夠麻辣也不算酸。另外，額外加添了菜脯乾，增加口感及味道。水餃方面，餡料平均，皮不厚，喜歡那韭菜味道出眾。

呢間都算係觀塘好有名氣嘅米線餐廳，主打羊肉米線。聽就聽得多，今日第一次試又幾有驚喜😋。.🍜羊肉大碗米線 $62清湯底有淡淡藥材味，一啲都唔單調，配埋任加嘅菜脯就更惹味😋。羊肉份量多，兩個人share都好夠。肥瘦有致，質感軟腍，入口有少少羶味🤪。.🌶麻辣豬耳 $25豬耳爽脆，麻辣汁麻香但唔算辣。.🌶口水雞 $32醬汁同麻辣豬耳一樣。雞皮爽滑而雞肉嫩滑。.🥬上湯時蔬 $12上湯即係有淡淡藥材味嘅米線清湯，比起白烚好食得多。.🐏雲南啊老表黑山羊湯鍋米綫觀塘觀塘道472-484號觀塘工業中心一期地下D號舖

😍望落平平無奇嘅小店，原來有啲咁好食嘅麵！今日要去觀塘工業中心攞嘢，順便喺附近食埋野，😂由於趕時間嘅關係，就諗住喺附近快快手食完就走。今次真係開心大發現，一入到店，😍就有好香嘅羊羶味撲鼻而來！心諗一定要叫碗羊肉麵！⭐️羊肉酸辣細碗米線雖然叫細碗但係都好大碗。👍🏼羊肉都好多片，而且食落一啲都唔羶，😋好易入口亦都好好味。⭐️口水雞口水雞佢就唔算太辣🌶，不過佢切咗啲部位俾我就麻麻哋。😂⭐️白菜餡水餃🤩呢一個極力推薦！超級好味！🥬我叫咗白菜餡所以帶點甜，✨皮同肉嘅比例啱啱好。而且我覺得佢個皮都好好食！🤤而家成日都會叫外賣，如果我喺附近住我一定成日叫呢一間野嘅外賣！好值得翻桌！🤤