雞駅花膠雞米線專門店

營業中

休息中

放工後去觀塘工廠區覓食，天氣涼涼哋想食啲有湯嘅暖嘢，就諗起駱駝漆有兩間米線。平日呢兩個米線都好多人，夜晚就冇咁多人排隊。呢間位於低層，當日大概七點去到，等咗大概5分鐘就有位，而且都流轉得好快。主打係花膠同雞嘅米線，一碗米線連飲品大概七、八十蚊，價錢都算合理。舖頭人手都可以，主要用QR code落單。我哋一行二人叫咗招牌花膠雞米線同椰子雞米線，下單後兩三分鐘就上菜。首先睇落賣相都OK吸引，第一啖飲雞湯都有幾濃郁嘅雞味，而且亦都唔係好鹹，我都有飲到幾啖。米線就係屬於比較韌身嘅，我欣賞佢冇煮到太腍。雞件都有唔少件，整體而言係足夠嘅，米線份量就適中，應該一般女士都食得晒。花膠都煮到好腍，浸落湯度一齊食都幾好味一人一個米線連飲品買單都係每人$70左右，絕對係物有所值

今日與同事到該餐廳食lunch, 發現門口的宣傳單張與落單app既價錢不同，就問店長點解落單app價錢貴d，店長回覆：宣傳單張價錢是係東廣場新優惠（但宣傳單張並冇講只係東廣場優惠），但佢表示我地埋單時，亦都會減返價錢比我地，當時我與同事2個都聽到店長既說話，但當食完埋單時，店長竟然反口話即刻減唔到。此舖有不誠實行為，大家衡量選擇。

天氣轉涼補補身，食返碗花膠雞湯米先🤤之前要排隊冇試，今次下午茶時間去幫襯，雖然唔洗等，但都好多人架喎😯🍽️姬松茸竹笙花膠雞湯米線$78 招牌花膠雞米線$68 🐷食後感：掃code落單，我咁鍾意食菇🍄緊係揀姬松茸竹笙啦😆老實講價錢就唔算平啦，不過勝在落足料👍湯底有濃濃雞味，雞件嫩滑，仲有幾件花膠。姬松茸同竹笙吸埋湯汁，甜甜地，好食。不過佢啲米線偏硬，唔係我鍾意既口感，呢樣就好個人啦🐽🤑性價比：7.5/10🤤色香味：8/10🐖邪惡度：4/10🤗推薦度：8/10

見咁多人話好食，我又去試吓。花膠雞湯米線 $68先飲湯,味道唔濃，唔係好飲到雞湯味，同埋米線煮得有啲過淋｡雞肉冇乜雞味,同埋碎骨都幾多｡至於花膠,我嗰碗同foodie 嗰啲相有出入,好薄｡碗米線都叫做勉強可以接受,因為只係$68又唔係貴｡ 最嬲係我另加嘅麻藥蛋｡麻藥蛋 $28 (2隻)超級貴,不過今日好想食,所以叫埋｡ 點知,睇我張相就知佢只係一隻普通冇味蛋,完全唔知麻同藥去咗邊,早知自己烚可以慳返$28｡呢餐夾埋差唔多成舊水,但性價比真係極低,到底以後 foodie 介紹嘅嘢係咪可以唔使試?

尋日同朋友買左飛去睇戲，睇戲前去左醫肚，朋友推介食呢間，就決定去試下，排隊既人龍無減過，我試左招牌花膠米線加杯檸檬薏米水，朋友就食藥膳黃酒花膠雞，花膠雞真心無得輸，雞又滑花膠都算大件👍🏻👍🏻👍🏻檸檬薏米水都好好飲

雞駅價錢: $78/ $68/ $42/ +$18好味程度: 4/5 服務🍴: 3.7/5環境🗾: 3.3/5性價比🥢: 3.7/5回頭率😚: 3.7/5-不嬲都知道駱駝漆大廈有兩間雞米線，平時食開上面嗰間二撇雞，今次就試試下面呢間雞駅。星期六lunch time都等晒位，入面keep住坐滿，超高人氣。佢地有各款雞米線，全部個湯底都係超黃色，用鮮雞湯熬出嚟。-✅姬松茸竹笙花膠雞米線。呢間嘅米線都比較煙靭，幾有口感，就算浸咗湯都唔會軟晒😋呢個湯底鹹味幾夠，飲落啖啖雞鮮味。因為多左姬松茸，所以都有菇香味🤩係飲晒成碗湯都唔口渴，證明冇咩味精！竹笙索湯超正🤓花膠偏硬，可以煲耐啲先食到膠質。雞件胸位唔算滑，但都唔算好鞋。翼/脾位肉質好啲。-🆗藥膳黃酒花膠雞米線。呢個比起姬松茸嗰款口味甜啲，飲落有啲紅棗嘅甘甜，同藥材嘅香氣🙂‍↕️ 但係黃酒嘅味就一啲都唔覺… 當佢藥膳雞湯咁飲會好啲。仲有啲木耳同蟲草花。如果兩款嚟講我會鍾意上面嗰個多啲。-🆗悍匪雞翼。呢個雞翼沾左薄薄一層粉去炸，食落好脆，同埋都幾大隻😬入面唔乾。但冇孜然胡椒味，好似一般炸雞翼咁🧐-✅ 凍檸檬薏米水。除左檸檬，仲有薑味的薏米水。比一般凍

服務態度不是很理想，一開始將個袋放喺隔籬個位度，員工就叫我"拎開啦，轉頭有人坐架"，唔該/唔好意思都冇聲，態度差到極點，食咁多間餐廳第一次有人咁同講野，仲要個時個場唔多人。食到最尾幾啖，企喺側邊望你兩眼。好似趕住收你走你個碗咁，感覺令人唔舒服。嗌咗一碗招牌花膠雞湯米線，並冇加$10去轉雞髀。花膠同雞嘅份量都正常，花膠都有三嚿，雞未算去到好滑，但都可以接受。米線係偏幼同煙靭個種。花膠雞湯底沒有評論寫得那麼好食感覺好似俾啲好評呃咗入嚟食咁，很普通。試過一次就夠，諗唔到下次再嚟食嘅原因。希望大家睇路，睇吓願唔願意比d 好評中伏啦。

剛剛入坐都無乜問題。但一黎野食就趕頭趕尾喺你身邊叱咤咁轉。而且佢哋餐廳嘅員工都唔算少，仲要一邊食一邊望住你食野進度，唔講以為你食緊omakase，當你差唔多就企你隔離扮望其他人，比壓力你食快d，食完就秒速收碗。態度好有問題，知你多客，但真係無下次。食物唔會稱得上係好食，有其他嘅花膠雞專門店一定會好食過呢一間。而且食完會想飲好多水，可能落咗大量嘅味精。食物份量算正常，如果女仔去食嘅話一定夠飽。男士就可能要加多一份小食。總結嚟講絕對係網紅過度吹奏，不值一試。中晒伏。

🩷駱駝漆就最多嘢食！同媽咪喺附近做完運動，就過嚟食下午茶❤️天氣轉涼，食啲補嘢潤潤佢🧡花膠雞聽落好吸引，補充骨膠原最啱💛媽咪點咗藥膳黃酒花膠雞上海麵！雞肉好嫩好鮮味，花膠好大舊，湯底都好鮮甜帶又少許酒香！💚我就試左胡椒豬肚雞米線，湯底胡椒味辣辣地，全個人暖笠笠！豬肚又咬口又唔會霉爛或者太韌，雞件數量都好多💙豆腐超好食😋外層薄薄脆皮一碰即裂，內裡豆腐水嫩嫩，又唔重味，一口接一口！💜麻藥蛋正常發揮

喺觀塘駱駝漆好出名嘅花膠雞米線🍜小編作為花膠雞湯愛好者梗係唔可以錯過！夜晚8:00去到都排晒長龍等咗起碼半個鐘先入到去不過好彩係值得㗎！🐥招牌花膠雞米線 $68雞肉淡淡肉唔會過分柴雞湯唔會好似味精湯咁超濃郁雞味飲完唔會好頸渴花膠爽口彈牙超好食！🍜椰子花甲粉 $62椰子湯頭好重奶味入邊加埋雞湯同花甲嘅味超濃郁花甲超鮮甜！竟然小編我鍾意食呢個都過花膠雞米線🤣⭐️金磚豆腐 $42切到細細粒嘅豆腐好嫩滑而調味料超惹味令人食到一啖接一啖🤤🤤

週六特地到觀塘的駱駝漆大廈拜訪這間人氣花膠雞米線專門店🐓中午1點多未到店門已看到人龍，想不到大家都是衝着花膠雞湯而來🤣幸好才排了大概15分鐘便能入座🍜 姬松茸竹笙花膠雞米線（$78）雞湯味道非常順喉🥰花膠厚身，雞肉還帶點嫩滑，味道確實不錯👍🏻加了$18配了白桃烏龍冷泡茶🍜 藥膳黃酒花膠雞米線（$68）友人直接把米線轉成了飯🍚黃酒的香味與花膠雞的配搭感覺超補身的，冬天暖身之選❤️‍🔥加了$4加配熱檸茶🥚麻藥蛋（$28/2隻）非常入味的溏心蛋

#foodiezo食在觀塘 #foodiezo九龍篇我諗好多人都食過花膠雞米線，我自己都試過唔同嘅鋪頭，湯底各有特色😌 有啲著重生滾雞骨嘅味道，湯底都係呈黃色；有啲就著重雞肉+豬骨湯嘅奶白湯底，真係好睇個人口味😗 而我就兩樣都欣賞😘 今次食呢間正係濃雞湯嘅湯頭，果然長期有人排隊係有原因㗎！—————————————————————🍜姬松茸竹笙花膠雞米線 $78 （轉雞髀+$10）因為有姬松茸同蟲草花嘅加持，湯底超甜同濃厚！花膠有嚼口，比較花膠筒又係另一番滋味😉 雞髀肉好滑，加錢係值得㗎！雞皮無毛，滑到好想食埋😛 竹笙索曬湯又係超甜，爽滑，食到停唔到haha 米線屬於幼身米香味濃☺️ 口感紥實又掛湯食完好滿足😋 encore!

佢哋嘅湯底真係100分，可以食唔晒啲麵，但一定唔可以飲唔晒啲湯🤤Omg兩樣都食晒，平時出去食麵好少飲湯，但呢個椰子雞湯超級creamy，又夠濃鮮雞湯味，椰香十足🥥😍椰子雞米線 $60一定要加$5轉每日鮮製上海麵😍口感好好！又索湯😋+$10轉左雞髀🍗肉超嫩！好正😍藥膳黃酒花膠雞米線 $83呢款藥材味較重，好養生嘅感覺❤️不過我鍾意椰子雞湯多啲😝麻藥蛋 $28超級糖心蛋😍蛋黃有啲芝麻油香😋凍檸檬薏米水 跟餐+$18唔會好甜！好清新🥳

位於駱駝漆大廈一樓，lunch time 比較多人需要排隊🐔 姬松茸竹笙花膠雞米線 $78呢碗米線真係好足料😍 雞肉滑嫩，花膠又大塊，米線滑身又有咬口～ 湯底係香濃嘅雞湯，充滿雞嘅精華😋 呢幾日天氣凍凍地最啱食碗米線，又養生又暖身☺️另外餐廳仲有多款口味嘅米線或花甲粉比客人選擇由於餐廳空間有限，建議於非繁忙時間光顧～ 小熊貓通常3:00-4:00嚟食就唔使排隊～ 由於大廈wifi 接收比較差，所以餐廳貼心地提供Wi-Fi同密碼，方便客人掃QR code落單👍🏼

平時都有去開駱駝漆大廈行街，每次經過尼間食肆都唔少人排隊，剛巧平日6:15 左右經過冇人排隊，可能早啦，咁梗係要去試吓啦☺️。呢間主打花膠雞湯，總有椰子雞、胡椒豬肚雞、藥善黃洒花膠雞、松茸花膠雞等等的選擇。今次我試咗期間限定胡椒花甲雞湯米線 🍜（$82),奶白色又濃郁湯底，很香胡椒味又唔會太辣，個湯幾好飲，雞件花甲份量都唔少，雞件嫩滑，花甲好鮮甜，配埋胡椒湯同米線一齊食，真係唔錯，價錢都算大衆化，加上近日天氣凍凍地，飲完胡椒雞湯好暖胃。食完出嚟已經見有人龍排隊，果然係人氣米線店，大家如果去開觀塘可以去試吓，唔係想排隊就盡量避免繁忙時間去吃。