雞蛋仔屋

呢間小店位於土瓜灣一個勁隱蔽嘅小巷，網上對呢間嘢都好多好評，但我親身去試食咗一啖就唔想再食落去，感覺比網上嘅評論呃咗佢嘅雞蛋仔雖然即叫即整，但食落去根本冇脆嘅感覺，就咁問都聞到超甜嘅糖漿味，雖然係即食，但係第一啖咬落去軟腍腍，好似放咗好耐咁，味道得兩個字就係死甜，完全食唔到有蛋香嘅感覺，從門口個小窿仔可以見到個廚房，感覺廚房環境亦都好差，好似好污糟咁，冇網上所講嘅蛋味同埋香脆，整體上只有造型比較特別，雖然價錢唔貴，但食一粒已經想掉咗佢，本人就建議大家可以避雷呢一間。最後唔知係咪我嘅口味問題，但個人意見真係覺得呢一間嘢超級失望，可能係我人生中食過最難食嘅雞蛋仔，仲要廚房環境超差，咁嘅劣質店真係值得咩？…查看更多

家住土瓜灣多年，近期發現有家雞蛋仔屋專做心型雞蛋仔紅了起來，剛好路過一試。店家隱身在大廈小巷的後方，主要賣雞蛋仔、格仔餅及炸物等小食。貪心選了三色口味，有齊原味、綠茶及朱古力味。雞蛋仔即叫即做，上手熱辣辣，三色配上心型非常可愛，很適合打卡。雞蛋仔蛋漿開得不錯，雞蛋仔做岀外脆內軟口感。口味方面，原味最為岀色，蛋味香濃。綠茶味對個人來說稍甜，朱古力味則可更濃。整體而言雞蛋仔相當岀色，造型可愛味道亦好，價錢亦相宜，三色雞蛋仔只售$20，值得一試。…查看更多

甚少去土瓜灣，唔熟路，間鋪又隱蔽，所以搵咗都一陣先去到。去到個商場，仲未搵到間鋪個位置，不過個鼻開始聞到香味，好快就到達。店舖細細，店主一人主埋，一腳踢又好有禮貌。二話不說我叫咗個心形蛋糕仔原味，即叫即整，所以都要耐心等候。雞蛋仔嘅味道唔可以話驚天地泣鬼神，但係夠香脆，熱辣辣，蛋漿都整得好，佢比傳統嘅細雞蛋仔係細粒少少，我估係因為就心形個形狀，所以食落去個口感可能就冇咁多蛋漿，口感有啲分別。店主會為每一客雞蛋仔加上一個心形嘅牌仔，真係so sweet🥰…查看更多

隱藏嚟舊式商住大厦內街地鋪位，由大街上幾乎唔會見到佢既存在。 亦因為咁，識得嚟既都係識路街坊或者慕名而至。有鷄蛋仔、格仔餅及各種煎炸小食。推介百味豆腐。 豆腐切成一個個小塊，大小剛好一口一件。 上面沾少少粉醬再炸到金黃香脆。 鬆脆既表面，包含住嫩滑嘅豆腐。 可以同時感受到香口惹味同嫩滑既口感。 仲有多種醬汁味都可以選擇。至於雞蛋仔，好有趣地係心形既。 可能蛋醬配方既關係，整體上口感比較硬，蛋香味頂多亦只可以算係中等。 反而加麻薯餡會比較夾。至於其他炸類小食，選擇眾多亦都做得唔錯。…查看更多

土瓜灣雞蛋仔屋嘅Oreo雞蛋仔真是一個令人驚喜嘅街頭美食體驗！小店位於土瓜灣小巷裏，環境簡單但充滿地道風情。Oreo雞蛋仔外脆內軟，混雜濃郁嘅Oreo朱古力碎，甜度適中，令人一試難忘。雞蛋仔烤得金黃均勻，每粒泡泡都充滿空氣感，口感輕盈又帶點嚼勁，Oreo碎粒仲增添咗一絲脆口嘅驚喜，唯蛋味有點不夠。配搭一杯凍奶茶，簡直係完美嘅下午茶組合！老闆態度親切，製作過程一絲不苟，即叫即做，保證新鮮熱辣。價錢親民，份量十足，性價比高。不過，旺場時可能要等一陣，但新鮮出爐嘅雞蛋仔絕對值得耐心。整體而言，雞蛋仔屋嘅Oreo雞蛋仔係土瓜灣街頭嘅一顆小寶石，無論係同朋友一齊分享，定係獨自享受，都能感受到香港地道街食嘅魅力。強烈推薦俾鍾意甜食同街頭美食嘅朋友！…查看更多