雞翼山 (T.O.P This is Our Place)

營業中

休息中

呢間已經食左n次，一放假總會想起呢座山🤓 由剛開業到而家，見證住愈來愈多人，一家大細又有、見到有d附近做野買黎做lunch、買一大盒好像去開party食！空間不算大，食客都好快品嚐完就讓地方比其他，有企位、旁邊都有位置坐！ 店員煎煮時，不同味道的都用不同的穫，確保味道絕不混合！今次到文青風玫瑰，是店長推介，外有蜜糖甜甜地帶點清香，肉身肥美🍗 ！果然是翻食之冠！！我今轉依然不可擺脫鼠尾草鹹蛋黃哥，鹹蛋蓉好豐厚，一d都唔膩！野莓伯爵冰茶清清口腔，好快又要再黎喇！

食完尼到既雞翼之後，真係一試難忘！知出左新口味，等我encore下先😍$118/12隻雞翼+一杯飲品，雞翼仲可以揀三款口味😃熱情果紅棗寶寶最中意食酸酸甜甜既野，尼款岩哂！面層有蜜糖加紅棗，甜甜的，再倒上新鮮熱情果～成個配搭好fresh😍韓式蟹皇蟹籽Oppa面層鋪滿了蟹柳肉和蟹籽～每一啖都食到咖！最驚喜係食到韓國的蟹皇醬！超香！鼠尾草鹹蛋黃雞翼尼款之前已經食過，好喜歡！雞翼充滿超濃郁既鹹蛋黃味！食落香口又鬆脆👍經過幾個月，雞翼仍然keep到水準啊🤩！

Xmas gathering in friends home , 諗住終於有機會一試大名鼎鼎嘅雞翼山Order 12隻雞翼set 配1杯飲品 （ 可選擇3款雞翼口味），包括港式避風塘蒜香雞，鼠尾草鹹蛋黃哥同埋西檸香酸酸雞翼 不過4個人想食4款，所以另加4隻黑松露蒜香武士滿心歡喜返去準備party, 一打開。。一大盒。。全部都係鼠尾草鹹蛋？？賣大包仲有廿隻！？另一小盒應該是黑松露，但變成西檸？4個人點食廿隻鹹蛋黃雞翼呀。。 明明張單冇打錯！但到店舖再換太遠，大家都肚餓。唯有食啦。。。味道其實好好，西檸醒胃，不太酸鹹蛋甘香同沙沙～ 正！可惜4個人再努力。最多一人食到3隻鹹蛋雞翼only.......可惜現在留有陰影，雖然想食其他口味，但應該不想再食雞翼一段時間。。

今日行過雞翼山見好多人幫趁，之前已經聽過佢個名，知道佢主打唔同口味嘅雞翼，朋友食過話都幾好食同價錢唔貴，就一於試下。雞翼山店面唔大，主要做外賣，店內只有幾個座位，另外靠牆位有枱俾人堂食。食客喺櫃枱落單同俾錢後就可以等叫號碼。雞翼山有十款不同口味雞翼同四款冷熱飲品，單點雞翼$38/4隻或$48/6隻，如果想試唔同口味雞翼，叫set就會抵啲，我就點左$118/12隻雞翼+一杯飲品，當中雞翼最多可以揀三款口味。雞翼都係即叫點炸，所以都要等幾分鐘先有，店內除左叉，仲有膠手套提供，都算貼心。港式避風塘蒜香雞翼雞翼熱辣辣，避風塘蒜香鹹鹹辣辣幾惹味，蒜香味好突出，雞皮炸得好脆但唔會太油。鼠尾草鹹蛋黃哥雞翼成隻雞翼表面都係鹹蛋黃醬，入口鹹蛋黃味超濃郁，非常邪惡！橘柚片片白雪雞翼雞翼表面柚子醬，白雪其實係糖霜，雞翼入口甜甜地，都幾好食。番石榴香妃綠茶番石榴香妃綠茶係少甜版，感覺比較健康，番石榴味唔太突出，味道普通。總結，雞翼口味幾多同特別，雞翼熱辣辣每一款都各有特式幾好食，set比散叫抵食，不過堂食位唔多，建議外賣。

作為雞翼專門店雖然獨沽一味只賣雞翼，但勝在口味眾多，多達10款特別口味，亦會不時轉換口味，至今仍然人氣旺盛！文青風玫瑰用上自家設計玫瑰醬，入口散發玫瑰花香，味道天然不會感覺像吃香精，香甜清新，甜而不膩。鼠尾草鹹蛋黃哥鹹蛋黃醬掛滿雞翼，十分邪惡！鹹蛋黃醬特別加入鼠尾草煮製，令醬汁多了一份香味，亦不會過膩。入口質感幼滑，吃到沙沙口感，相當香口。西檸酸甜雞翼入口有淡淡檸檬清香，味道酸甜開胃。全部雞翼即叫即炸，新鮮熱辣，外層酥脆，內裡嫩滑多汁，令人百吃不厭。

行過見到呢間小食店好多人係度排隊，走過去睇下食啲咩⋯⋯原來呢間係一間雞翼專門店黎，有好多種口味既雞翼提供，而且全部都係即叫即製，可以keep住雞翼既脆度，唔怕淋哂唔好味！店舖仲提供QR code落單，可以係電話落左單先，整好左先去拎，咁就可以減省好多等候既時間，行住街等都得喇！雞翼既口味都好吸引，樣樣都想試下。好彩佢有套餐選擇，$118有12隻雞翼可揀三種口味，仲可選一杯飲品。我就揀左三款仲多人叫既時味喇。文青風玫瑰🌹淡淡既玫瑰花香味，再加了蜜糖去調味，夠哂sweet 又夾，雞翼食落夠juicy!幾開胃鼠尾草鹹蛋黃哥🥚鐘意食鹹香味就岩哂，用左好多既鹹蛋黃醬去炸，炸到好香脆！避風塘蒜香雞翼🌶味道夠哂特別又惹味，辣辣地炸到又金黃香脆，唔會好厚粉！另外叫左杯士多啤梨番石榴乳酸，解解油膩感先！

2019年12月7日 星期六今日同女朋友仲有佢細佬係旺角行街，行到去銀行中心附近，見到有新商場落成，就入咗去行一陣，行完出返嚟突然聞到一陣好香嘅味道原來商場嘅入口附近開咗呢一間雞翼山，餐廳係開放式，所以無論店員煮嘢食嘅香味或者食客品嚐中嘅食物行過嘅人全部都會聞到見到門口有電子餐牌，主要係賣雞翼，有多款唔同嘅味道，於是我哋揀其中三款黎食先黎既係鼠尾草鹹蛋黃味，每隻雞翼都包晒係鹹蛋黃醬之中，每咬一啖都充滿住鹹蛋黃味，邪惡得黎好好食之後有檸檬茶味道，同樣地每一啖都好似港式檸茶咁酸酸甜甜，隱約有啲苦澀味，真係好似茶餐廳檸茶咁最後有避風塘口味，雞翼上面有勁多炸蒜，辣得夠滋味，好有港式風格，完全係食到停唔到口

其實我係勁憎係街食雞翼如題，但係同行朋友一見到就死命拉我入去，話死都要食，咁無辦法啦🙃我係勁憎係街食雞翼嘅人，因為會食到好論盡又好樣衰。但係當我朋友落完order拎d雞翼過嚟嘅時候，真係好香！叫咗3個味：文青風玫瑰/鼠尾草咸蛋黃/黑松露蒜香（共9個口味，各$38/4件）我第一隻拎起嘅係文青風玫瑰，食完一啖真係驚為天人！🤯令我將我平時有幾憎係街食雞翼嘅諗法拋諸腦後！🤯呢個味除咗玫瑰仲有好濃郁多到滴嘅蜜糖！2樣野係夾到唔知點形容，同時雞翼又好脆，最重要係皮入面嘅肉都入味，仲鮮嫩都仲有肉汁！影相為証！最後我係一隻玫瑰味都無留俾朋友食😋其他味道不過不失，口感都係外脆內嫩，可惜鹹蛋黃有少少失望，因為佢只有香味，食落嘅味遠不及佢濃郁香味應該有嘅味道，比較淡😕食完係隔離行咗陣已經想番去再食過！🥰🥰

今晚行旺角，經過雞翼山好多人排隊，於是入左去望望，結果受唔住誘惑，買左三款雞翼黎食。我地揀左文青風玫瑰，港式避風塘蒜香同我係鹹檸七味，有一杯野飲，揀左野莓伯爵冰茶。店長推介既玫瑰味好有驚喜，本來以為係蜜糖味雞翼，殊不知佢整到好似拔絲既野食甘，甜甜地得黎有咬口，而且唔會痴牙，帶淡淡玫瑰味，好食~避風塘蒜香味辣辣地，整到好入味，果然好有港式風味。鹹檸七味好特別，第一次食呢隻味既雞翼，唔會有衝突。配埋杯冰茶好爽，佢有建議你食邊款雞翼就配邊種野飲，好細心。呢間既雞翼好有創意，雞翼大大隻，啖啖肉，味道創新之餘又好夾，唔怪得甘多人食

自從上次 KittyRun 响西九龍食過 文青玫瑰雞翼 後, 一直念念不忘, 好掛住靚得黎又甜脆皮 嫩滑多汁 嘅玫瑰蜜糖味雞翼啊...今次食咗 3款口味, 除左我嘅心頭好, 佢簡咗 2款心水... 雞翼控表示: 講得好啱啊! 呢款就係我念念不忘 不斷強烈推介比同事嘅 - 文青玫瑰雞翼 靚靚嘅佢令我好想快啲食...香甜外皮 有質感, 肉剛熟 熱辣辣 keep 到肉滑有肉汁... 滿滿幸福感啊!!! 港式避風塘蒜香 夠香口 皮脆肉嫩 啱啱好熟 嘅多汁雞翼香香辣辣好過癮唔食得辣嘅我都可以接受到鼠尾草鹹蛋黃哥香噴噴 帶點creamy味道香濃得很吃著有點滿足感呢個口味記得要分享啊~一個人怕會有點膩啊!!!

每次經過雞翼山,見到雞翼控食得好滿足既樣令到我都好想食.今日收工就約左朋友去食.見到餐牌,每款雞翼都好特別,好吸引.我地叫左3款口味, 文青風玫瑰,菠蘿啤酒麥香風,鼠尾草鹹蛋黃哥&野莓伯爵冰茶.文青風玫瑰雞翼,果然係即叫即炸,外皮好金黃,食落好脆,有蜜榶既sweet,再滲出玫瑰既清香,肉質仲好嫩滑,做到外脆肉滑,成隻雞翼都好清新.菠蘿啤酒麥香風雞翼,呢個配搭已經好特別,真係有原粒新鮮菠蘿,酸酸甜甜,又帶啤酒既麥香,食多幾隻都唔會膩.鼠尾草鹹蛋黃哥雞翼, 鹹蛋黃舖得好平均, 鹹蛋既甘香,又唔會鹹,好野味,果然係翻食之選, 雞翼同鹹蛋都係我最鐘意既,下次一定會再encore.野莓伯爵冰茶,野莓味都好出,一邉食雞翼,一邉飲,真係好滿足,下次要約多幾個朋友來試齊D新口味.

今日放假一個人行街街shopping，行過見到雞翼山難得無排長龍，一於叫番兩兜食下先😬😬😬點餐變咗電腦化更加方便呢😊😊😊9款味道仲有冷熱飲選擇，如人多選擇套餐會更抵食👍🏻👍🏻👍🏻我一個人叫左兩款4件雞翼加飲品，好貪心呢😂😂😂即叫即炸，新鮮熱辣，香噴噴，見到都流口水🤤食之前當然要打下卡先啦！仲有個靚靚影相位比大家影下相，好有聖誕🎄氣氛😍😍😍文青風玫瑰🌹味，每次必點，雞翼隻隻金黃色，漲卜卜，仲灑上玫瑰🌹乾花瓣，賣相一流，味道甜甜的，咬落有麥芽糖feel，肉質鮮嫩，口感好有層次，大家一定要試吓😋😋😋黑松露蒜香武士口味，尼款口味偏咸，非常惹味，配上紫菜絲令味道更有層次，正，尼款係我第二最愛🤤🤤🤤最後來一杯士多啤梨🍓蕃石榴乳酸，酸酸甜甜加上濃郁嘅果香味，十分醒胃止渴去油，食完雞翼飲真係perfect🥳🥳🥳

各位雞翼痴既朋友，終於有好消息，依家除左d任食煎雞翼既放題舖頭之外，原來旺角仲有呢d特色雞翼，一個個set咁叫，又唔驚食得太飽，又可以試曬唔同口味，得閒叫幾隻當下午茶/宵夜真係咪話唔正呀！！雖然佢堂食既座位真係好細，要企係到食/得2個座位，不過眼見大部份都係拎走返屋企慢慢嘆，所以都無乜所謂。而抵讚既係，佢地餐廳真係幾環保，堂食既盒會回收，支持環保本人就最鐘意食佢個避風堂雞翼，因為週邊好多脆脆，食落非常惹味。另外，佢個咸蛋黃雞翼都唔錯，雖然淋左咸蛋黃汁，但外皮依然都係咁酥脆好味，但就唔可以食太多隻，因為真係會好「利」。野飲方面，本人就麻麻，雖然d野飲唔係好甜，但有種好似飲涼茶既味咁，可能想大家食完雞翼，有得降下火喇，本人就推介邪惡既可樂喇

鷄翼山之傲(雞翼山) 路經旺角，见此食店，很吸引我！因我自小也至愛食雞翼，食極也唔厭！即入店子！叫了我至愛的雞翼，吃了三款！ 我係咸檸七雞翼，入味及咸甜交錯很特别，外皮脆內肉滑嫰，好好味， 鼠尾草咸蛋哥雞翼，果然出色，见其他人也叫此，便知出品非凡，吃得很滋味，再來個文青玫瑰雞翼，甜甜蜜蜜，雞翼如戀愛中的温柔，互相依伴！而配上一杯青蘋果薄荷冰綠茶，再大大口渴一下，味覺非常好！正呀！此店好食雞翼之餘，款式也多，讚！我而仍意猶未盡之感，腦袋運，計算下次我又要多吃其他未食之各款！滿足我愛食雞翼之情！😊

7/12/2019 @ 旺角雞翼山每次同朋友經過，見好多人企哂係度食雞翼都覺得好好笑… 今日我哋就試下究竟有咩咁吸引推使啲人企喺度食雞翼！雞翼有九隻味選擇，啲味道都幾特別………我哋叫咗12隻三個人食等咗大概十分鐘就有得食店內唯一有得坐嘅位…做生招牌嘅位左起： 避風塘味，檸檬茶味和鹹蛋黃味避風塘味雞翼夠香辣！ 非常惹味！亦都食得出十分熱氣鹹蛋黃雞翼超級足料鹹蛋黃，味道而且十分之香又不會太咸！港式檸檬茶味， 味道幾特別 檸檬茶的味道有點似不鹹的鹹檸味，帶少少酸少少澀雞翼每隻都大大隻而且炸得十分香脆不乾身， 是好吃的！