雞米米

11月8日下午2:00去到，要排隊20分鐘後先有得入，真係多人食。我叫咗一個花膠竹笙雞湯米線$72 ，加$6轉油雞，套餐加$12叫咗一杯手打檸檬茶。油雞係去骨，個湯有金華火腿，味道濃郁，真係好好味，我差不多飲晒成碗湯。我個女叫咗椰子花膠竹笙雞湯米線$72 ，套餐加$6 要咗一杯凍綠茶，佢話椰子味好重，相對雞味淡啲，雖然一樣好飲，但係佢話鍾意我嗰碗雞湯多啲。另外再叫咗一份兩隻桂花醉鮑魚$38 ，有蟲草花及芽菜伴碟，鮑魚好入味，美中不足係鮑魚原隻上，如果切開相會食得比較方便😁總括嚟講，元朗呢間小店係值得支持！…查看更多

除咗好食之外，冇咩好講建議食椰子雞湯底，好正！辣湯底會搶咗湯嘅鮮甜。醉花甲屈機，好快賣晒元朗我最喜愛店舖！小店連個碗都好有心，個碗好內熱，所以成碗麵都會保持到好熱。OpenRice要200字先評分超好食，但我打唔到咁詳細。。。…查看更多

唔想解釋咁多，自己大家去食下！湯濃、料多、好味！就係咁簡單～唯一concern: 要排下隊，排咗20-30mins 左右～好味小店，咁嘅環境仲有d咁用心、咁高質小店，大家支持下啦～三哥一碗米線閒閒哋都6、70啦，食丸食肉碎，不如俾多少少食靚雞～…查看更多

又係食過唔知幾多次，返轉頭再返轉頭！💕有好多唔同種類嘅款揀🐥🐣🐤而我呢個雲吞專員絕對係會揀❗️砂鍋雲吞雞❗️先講雞，全部都係無骨，啱晒d懶人。味道，都係雞味，重點係佢個湯底！！！！超正！仲要砂鍋滾住上(冬天一流)。😍到雲吞，又係有誠意之作。仲要有4粒。🥰加埋其他配菜。你以為睇到呢度就滿足？實不相瞞，我已經好耐冇食普通雞，因為我係會加$6食豉油雞。超入味。呢個餐我試過跟飯，粉絲，再加錢轉稻庭烏冬。都係唔錯既選擇。我自己鍾意粉絲索晒啲湯，食完冇左大半碗湯！真既冇呃你，隔離枱都係！😋😋唔講你唔知，你以為頭先個鼓油雞係滿分？其實只係90分！點解，叫埋秘製無骨蔥油雞飯你就知，呢個肚餓去食，8分鐘左右Ko！雞嫩口唔講啦，係佢個秘製醬汁加雞上面既炸蒜京蔥！！完美！💯砂鍋椰子竹笙花膠雞🐥個湯底會偏甜！都係唔錯既選擇！小食炸雲吞，可以點綴下！！！總括而然，文字已經答到你應該揀咩？當然介紹得，我對雞米米既其他出品都有保證！都係果句，唔使加一，又贏💯…查看更多

成日行過都無留意佢係乜因為通常行過佢都收咗舖有次行過見有開閘就睇下個menu先知係食無骨雞花膠湯第一次食係平日夜晚8點到舖頭之後有次差唔多8點到已經賣晒所以要食都真係要襯早每次來都係揀A1同A4即係 花膠竹笙雞（$76）和 椰子花甲雞（$74）前者係招牌雞湯，味道較香濃後者就有椰水的清甜味雞真係完全無骨乾淨俐落肉質係滑嘅，所以好易咬開砂鍋上份量唔惹少就算揀米線（可以揀白飯）一般男士都會較夠飽另外試過兩款小食脆炸墨魚釀豆卜（$38）夠香脆桂花醉鮑魚（$36）酒香味濃，鮑魚夠淋豉油雞應該都幾好食但而家仲係好欣賞原味雞可能食厭咗先試豉油雞總結：食完飲咗好多湯都唔會口渴應該就冇咩味精啦～…查看更多

元朗雞米米，今次終於有機會試到！之前經過幾次都冇開，仲以為佢執咗，幾次好失望之後今日經過竟然見佢開左，終於入到去試😋點咗招牌竹笙花膠雞湯麵，味道唔錯，湯底清甜，雞肉滑嘟嘟仲有大花膠，食落去幾滿足！不過，呢度嘅座位比較少，適合一至兩個人食，唔係話好方便4人以上。另外中間仲發生咗一啲小插曲，我跟嘅粉麵揀左粉絲，但職員送上嚟嘅係米線，正當我通知樓面女職員時廚房嗰位男職員聽到之後即刻同我講唔好意思同即刻煮多碗粉絲俾我，態度良好之餘處理得好快，令我反而覺得有啲唔好意思。如果你都想試下，記得去之前上佢哋嘅社交平台望望開唔開，咁就唔會白走一趟啦！總體嚟講，雞米米嘅食物味道不錯，服務態度又好，值得一試同支持下！…查看更多

之前一直想試這間雞米米，好幾次在星期一至五 12:30-12:50嚟到，都未開門，當時門口已經有幾位食客在排隊。又試過差不多13:00左右的時間嚟到，店舖半開閘，等咗5 至10分鐘左右，店員出嚟講今日唔會開，但Facebook網頁並無任何通知，它的開門時間很難捉摸。如果大家特登嚟食，先上Facebook睇吓有冇通知會比較好，雖然都未必會有。今日星期六13:00來到，終於食到。點了一個招牌砂鍋花膠竹笙雞$72🐔，配米線。 可以選擇配 米線、米粉、粉絲、烏冬（加$8）、白飯，或者轉菜底（ $10 ）。跟餐飲品加$12，很多人推介的手打菠蘿檸檬茶很早就售罄。見到不少食客都點了砂鍋香辣花甲雞粉絲。除了招牌砂鍋花膠竹笙雞🐔，還有椰子花甲雞、香辣花甲雞、台山蠔花甲雞、雲吞雞、蟲草花膠雞可選擇。不選擇砂鍋系列的話，另外也有豉油雞和薑蔥雞。等了20分鐘左右，就有得食。🍲砂鍋上，熱辣辣，冬天食會很滋味。招牌砂鍋花膠竹笙雞米線，配菜有🥬娃娃菜、豆卜、雲耳。湯底清甜，竹笙有兩條，冇沙，吸收晒湯底的味道。花膠有兩件，煮得軟身，食落有海味嘅鹹香味，不會很難咬開。雞件都多，大約有8件，全部冇骨，食得方便，雞肉滑身，但完全冇雞味🐔。個人認為，可以嚟試一次，但如果要特登入嚟食，就不了。有很多雞湯米線的店舖，都比雞米米做得好，更好食。店舖不大，環境昏暗，店員的態度很差，食物一般，店舖主打雞🐔，但雞完全冇雞味，令人失望，不會再想來第二次。留意番，店舖只收現金💵或轉數快。…查看更多

每個星期也在元朗吃吃吃，但已好一段時間沒分享區內的美食，也許在2024 快要完結的階段，感覺積壓下來的壓力愈來愈大！好歹也得在年末分享一下，畢竟有誠意的新店沒有因經營環境變得惡劣而消失，值得跟大家分享！記憶中，雞、花膠與湯的配搭在疫情前已有出現，也許雞與花膠兩款食材也不屬自己的心頭好，一直沒有特意去嘗試。元朗雞地有一類似雞湯麵食的店子，試了一趟，可是沒有留下太深印象。直至每星期打波也必經的「雞米米」，眼見中午時段總是客滿的狀況，因而萌生一試的念頭。靈魂終於在一個冷冷夜裡被驅動了，一砂鍋熱燙的濃雞湯，吃得舒暢，也溫暖了腸胃。到訪兩次、共試了三款不同的湯頭。「雞米米」不造作的湯頭的確來得叫人感動，尤其是在冬天。至於雞，全是人手去骨(除了雞翼) 的啖啖肉，吃得超爽。黃皮下的雞肉很細滑，或許如我奶奶的愛雞之人會嫌雞沒有雞味，但我已收貨有餘，皆因幾十蚊一鍋的賣價，已包含食材、燈油火蠟和人工等，兼有大大個砂鍋的足料份量，不計花膠和其他如素翅、竹笙、木耳和娃娃菜等配料，在如今百物騰貴的香港，算是非常物超所值了！第一次嘗試的話，必然要點招牌砂鍋花膠竹笙雞 HK$72，因為雞湯味是最濃厚的！其次是砂鍋蟲草花花膠雞 HK$72，大抵加入了蟲草花，跟單純的雞湯味有丁點不一樣！欣賞雞肉處理得剛好，雞胸口感也不會粗糙。花膠仔不過腍，沒有腥味，完全合格！多加溏心蛋 HK$10，同時備有醉鮑魚 HK$18、轉油雞 HK$6 和轉脾位 HK$10 的選擇！然而砂鍋椰子花甲雞 HK$72 的湯底是三款湯底中最清甜的，入口先是撲鼻的椰香，有如椰青的清甜隨後而至，最後才是淡雅的雞湯。跟純厚的濃雞湯作比較，又是另一種風格。花蛤生熟度恰好，鮮甜爽彈的肉質盡現！滿滿一砂鍋的湯，連免費加配的米線、米粉、粉絲或白飯，很難不感滿足！向澱粉 Say No，或需要高纖的朋友，加 HK$10 便可換成菜底的雞湯，這安排實在太貼心了！原價 HK$30 的手打檸檬茶，跟餐只需 HK$12 (跟餐)，味道來得自然，是蠻不錯的飲品選擇。其他還有水果配綠茶系列、水果配多多系列、椰青水、利賓納同柚子蜜等飲品。餐牌雖有多款 Yummy 小食的選項，但由於砂鍋的份量足以將胃納填得滿滿，所以只試過當中的脆炸墨魚釀豆卜HK$38。豆卜炸得有如響鈴般酥脆，愛吃炸炸的朋友大可作考慮。「雞米米」平民價大滿足的暖心享受！…查看更多

其實今次已經係第二次嚟食，都係叫返我嘅最愛砂鍋竹笙雞湯米(A1)，個湯底一如既往都係好飲的。不過唔知係咪我黑仔，唔明點解去邊度食雞湯米永遠都係會比雞翼尖同埋雞胸俾我，不過都唔緊要嘅，因為人哋本身係有得加$10可以指定要雞髀，但係我自己冇加。我老公就叫咗蟲草花花膠雞湯米，佢啲雞係雞髀位，所以我之後同佢交換晒啲雞嚟食，哈哈。兩個米線得一樣配菜係唔同，但係都飲得出兩個米線嘅湯底係有分別嘅，都幾加分。啲雞係滑嘅，唔係煲湯嘅底料，同埋雞嘅份量係合理嘅。美中不足嘅係，雞翼嘅位置其實係撞瘀咗，而且都好明顯，但係舖頭都照比客人，覺得依個位置就有啲唔貼心，因為瘀咗嘅雞根本就唔應該拎嚟食，所以係扣返啲分。環境方便，舖頭係小店，而且間隔係好窄嘅，都坐得幾逼夾。服務方面，舖頭係用QR code落單嘅，所以其實都冇乜服務可言。但係本人今日咁啱用晒袋入面嘅紙巾，問個女店員有冇紙巾，佢就一句話冇，我都明白舖頭要提供紙巾會增加咗成本，但係如果見到顧客真係有需要嘅話，俾張紙巾我又唔覺得好過分，又或者可以賣一包包嘅紙巾，方便顧客會好好多。其實舖頭開係一啲咁偏僻嘅位置，都好靠做熟客生意，而且定價都唔係平，如果係服務嘅位置可以貼心啲嘅話，我諗應該都會有多啲回頭客。整體嚟講都算唔錯嘅不過服務就真係有待改善…查看更多

主打三款湯底砂鍋米線;招牌雞湯、椰子雞湯和秘製香辣雞湯,均選用無骨三黃雞,仲可以選擇豉油雞砂鍋熱辣辣上枱,每碗的配料包括木耳、娃娃菜、豆卜和仿魚翅,整體睇落份量十足.✨砂鍋竹笙花膠雞招牌雞湯濃郁,雞油香氣四溢,口感滑順,飲落完全唔油膩,轉咗雞髀所以啖啖肉👅👅花膠炆得恰到好處,既腍又有彈性,依個價位絕對值得.竹笙吸湯好正,米線粗身✨砂鍋香辣花甲無骨雞香辣花甲湯比原味雞湯味道更濃郁😝豉油雞味道偏甜,雞味不及白切雞突出,花甲份量夠乾淨無沙…查看更多

米線愛好者呢日嚟到元朗搵啲未食過嘅米線試試，呢間米線有得椰子雞湯又有花膠雞都好吸引。今次叫左砂鍋椰子花膠竹笙雞米線同埋招牌砂鍋花膠竹笙雞湯米線，再加一個炸雞翼。招牌砂鍋花膠竹笙雞湯米線，一上枱仲係滾緊聞落都好香，普通雞湯底有啲偏咸，雞件都大件同嫰滑，花膠亦都好大塊，竹笙完全係好入味，不過米線有啲太林；椰子花膠竹笙個湯底就比較清甜，呢個雞件轉左豉油雞，但唔會太咸豉油味；炸雞翼炸粉少，肉汁都多，都值得一試，最後叫左一杯香水檸檬，少少偏酸但香精味都偏重，會寧願飲返普通嘅檸檬茶。…查看更多

待客態度惡劣，有兩位客人進入想取餐牌，四眼短髮嬸嬸回應語氣惡劣。買外賣時，我聽不清楚她說什麼，她喝問我要飯還是什麼。我想問她取餐牌看清楚，她一副嫌麻煩的樣子。另外，找錢時隨便遞回，丟了在地上也沒一句唔好意思。…查看更多

呢間主打三款湯底砂鍋米線，有雞湯，椰子雞湯，香辣雞湯，我就試咗雞湯。蟲草花膠雞湯米線 $72湯底都幾濃，三黄雞冇骨都幾滑，入面仲有幾舊花膠仔，勁多蟲草花，仿魚翅，豆卜，木耳等，加埋米線都幾多料。桂花醉鮑魚$36 鮑魚爽口彈牙，酒味都幾香桂花醉蝦$48 酒香味滲入喺蝦入面好味， 但如果可以剪下啲蝦鬚蝦腳會再加分。香辣魚皮$48，魚皮都幾爽口， 但味道偏淡，濃味D再辣D就好。手打菠蘿檸檬茶跟餐加$12 菠蘿加檸檬茶都幾清新…查看更多

#招牌砂鍋花膠竹笙雞米線 $72湯底ok，如果再少咸啲就更好啲雞全部冇骨好方便，同埋都幾滑雞嘅份量正常、2舊花膠仔、竹笙豆卜木耳菜再加埋米線都幾飽！.#砂鍋椰子花甲雞米線 $72好有椰子清甜味嘅湯底！花甲好多，不過就細隻啲.食過2次都覺得唔錯～ 但第1次去先等位廿分鐘坐低落單後再等咗半個鐘！等咁耐我都餓到有啲躁底🥲.第2次去唔駛等位落單後仲好快有得食～然後佢仲突然播歌食個米線聽咗3首張天賦😹.#happyfriday#longweekend ✧*｡٩(ˊᗜˋ*)و✧*｡…查看更多

新店諗住支持下，見評論外賣試過有人中招已預早打去落單，5點半打去佢叫我WhatsApp’s 落單，咁我心諗重好白紙黑字重方便，最後覆我話最早6點半先有，咁我當然冇所謂又唔趕時間，點知6點半去到拎職員同我講冇落過單，搞左一輪先話睇漏單要再整比我，最後又等多十分鐘先有，都係個句，未食野體驗已經扣晒分.叫左推介既花膠雞，湯係不錯，雞就正常水準，淡口左少少，花膠就得一細舊，不過本身70蚊都預左，反而另外叫既豉油雞就較甜口但入味d，食物質素係正常水平，但服務真係有好大既改進空間，現場人流重要唔算多都可以咁甩漏…查看更多