雞仔去骨海南雞專門店 (靄華大廈)

今日同朋友試咗「雞仔去骨海南雞專門店」🐔，聽個名都知主打海南雞啦！我哋叫咗幾樣嘢試下，整體嚟講都幾唔錯喎😋。首先係個「招牌海南雞油飯」，啲雞真係好滑溜，完全去晒骨啖啖肉，好方便食👍。雞皮爽口，雞肉嫩滑有雞味，配埋個黃澄澄嘅油飯，飯粒分明索晒雞油香，正呀！🍚另外仲試咗個「金沙香蒜雞油飯」，呢個就喺海南雞上面灑滿金黃色嘅炸蒜蓉，食落去勁香口惹味🤤。啲蒜蓉脆卜卜，同滑雞一齊食口感好豐富，鍾意重口味啲嘅朋友可以試下呢個！小食方面叫咗個「泰式無骨鳳爪」，酸酸辣辣好開胃🌶️。鳳爪爽彈，已經去晒骨，食落啖啖都係骨膠原，夏天食一流！仲有跟餐送嘅雞湯🥣，雖然係送嘅，但都唔馬虎，味道清甜，飲完成個人暖笠笠。整體嚟講，呢間雞仔啲雞真係做得幾好，去骨夠晒貼心，油飯亦夠香。價錢都算親民，可以encore！💯…查看更多

扎根長沙灣多年，就係明愛醫院附近，經過就去試下呢間街坊名店。除左馳名海南雞飯，亦叫左豬脾飯試下。上菜好快，覺得好岩返工 lunch 過黎食。講返海南雞飯 雞肉滑嫩，雞皮小爽，配3種醬，酸辣汁似係自己有調過，同外面有d 唔同，好味既，送既例湯都好足料。油飯亦香，overall 成個餐都唔錯。相反豬脾飯就正常發揮，覺得d 肉柴柴地，個人鐘意海南雞飯多d. 餐廳有個 $70 套餐，除左主食仲有碟油菜同杯野飲，送例湯，好抵食。經過都可以試下。…查看更多

午市海南雞都係$50起，有靚湯飲先講吓啲雞皮薄肉嫩，啖啖肉加上黃油飯，做到色香味俱全黃油飯柔軟甘香，靚湯仲要每日唔同雪耳紅棗椰子雞湯，滋潤適合乾燥季節午市吸引唔少人客…查看更多

近期買大碗肉骨茶外賣，肉越來越少，除原有豆卜外，添加了腐竹（栗米芯沒了）。今日買大碗肉骨茶，結果有8粒豆卜、3塊腐竹，成碗得一條連骨肉，條骨比我尾指略短，上面附著的肉同我尾指差不多。雖然符合商品說明條例，但⋯⋯仍能叫肉骨茶嗎？…查看更多

姐姐🧍‍♀️端午節連續兩日放假🏖️，連續兩日叫Deliveroo,今日叫雞仔🐣，免運費，用埋$40 coupon。叫咗招牌海南雞飯，轉白飯，口水雞汁，咬雞仔大脾，熱🔥檸檬🍋茶（$99），因為叫餐，有油菜，口水🤤都辣，可惜雞脾🍗唔夠滑，有埋椰子🥥雞湯，幾清，ok，普通雞有送埋三色醬。陳皮二妹食食下飯爆喊😭…查看更多