雙魚座咖啡館

營業中

休息中

週日結束一週的忙碌，找個地方享受一頓舒適的晚餐被一溫馨的店面設計吸引，白色門框搭配木質天花板復古的花磚地板，營造出一種文藝又舒適的氛圍窗邊掛著白色蕾絲窗簾，窗外的街景與室內的溫暖形成有趣的對比假日精選套餐泰式去骨海南雞飯配是日餐湯：蕃茄忌廉湯及油飯伴秘製醬擺盤非常精緻煙三文魚全日早餐份量十足，有煙三文魚、炒雜菇、黑松露炒蛋、特色豬肉腸、炸薯餅、忌廉粟米粒、車厘茄和牛角包窩夫小食金沙鹹蛋黃單骨雞翼金黃酥脆，帶點微鹹的滋味甜品草莓蜜糖吐司伴雪糕及開心果粒視覺與味覺都令人滿足飲品冷箤虹吸式咖啡，莫札特咖啡豆入口帶輕微的果酸，後味則是淡淡的堅果香

假日約了友人去旺角行街食飯,   出地鐵時經過快富街,   見到 雙魚座咖啡館,  店名好特別,  大間又吸引.從玻璃窗往內看,  格局有規模. 門面佈置有格調, 我們決定在此吃個晚餐. 看看餐牌.    主打多國菜, 食品種類很多. 入門有大型開放式水吧,  座位多, 窗邊座位還可看街景.朋友點了  All Day Dining,  美式 BBQ 手撕豚肉, 升級套餐, 只加 $25 配鮮奶咖啡.   咖啡氣味香醇, 拉花做得非常精緻. 美式 BBQ 手撕豚肉,  煎蛋漢堡,  配海鹽薯角伴田園沙律,  好大碟.漢堡包有烘過, 外層鬆脆而內柔軟,   BBQ 手撕豚肉 肉質嫩滑, 肉汁調味極濃郁,  不油膩.  配料有生菜,  鮮甜蕃茄, 沙律醬, 煎蛋, 舖得滿滿在包內,   好豐富.  朋友提議切開一半一齊食. 海鹽薯角已去皮,  炸得很脆口,  調味好, 薯味十足. 吃口薯角, 再吃口田園沙律好爽啊.第二個送到的分嚐小食,  芝士煙肉野菌焗薯皮, 伴田園沙律.  焗薯有三件.焗薯烤得完美, 芝士烘得香,  內裡薯蓉, 煙肉, 忌廉伴磨菇,  食得滋味, 連脆脆薯皮也吃清我叫的

今日嚟到旺角同朋友食飯。朋友話想試吓呢間，就嚟咗試吓。餐廳有唔同類型嘅主菜、飲品、甜品，以西式為主。（1）南瓜湯叫主菜跟餐加配嘅，係是日餐湯，唔係日日都會有。唔記得咗要加幾多錢。味道賣相都唔錯。（2）焗芝士白汁野菌帆立貝長通粉 🧀$98賣相唔錯，味道麻麻哋。白汁味道好淡，長通粉略為過遠，得面嗰層嘅芝士同帆立貝好啲。唔太推介。（3）美式BBQ手撕豚肉.煎蛋.漢堡🍔 配海鹽薯角 伴田園沙律 🥗 $108賣相都算幾好，味道正正常常，冇乜特別。呢個質素嚟講，價錢略貴。餐廳環境簡潔舒適，係同朋友聚會傾偈嘅好地方。但食物質素麻麻哋，呢個價錢嚟講性價比唔太高。

二人套餐 $347前菜龍蝦餐湯非常濃郁，帶有龍蝦的鮮甜沙律菜新鮮爽脆，配沙律醬蟲草花杞子黃金雞湯真材實料飲完根本唔會口渴，唔會太鹹剛剛好又補身米粉吸收曬湯汁，軟滑順口，雞肉入味我同朋友幾乎清埋啲雞汁，因為佢朔晒落米粉度真係超好味😍😍韓式雞腿肉煎蛋石鍋拌飯雞腿肉拌泡菜好開胃雞腿肉嫩滑，調味都恰到好處草莓蜜糖吐司最正既甜品雪糕奶香係最香最滑個款，唔係假牛奶蜜糖配多士粒粒配雪糕，口感層次豐富咖啡拉花好靚

位於旺角的雙魚座咖啡廳，這裡的環境清新舒適，讓人瞬間放鬆，適合悠閒地享受美食。蟲草花杞子黃金雞湯配米粉，湯底清澈卻味道濃郁，蟲草花的鮮香與雞湯的甘甜完美融合，讓人感受到一種暖心的滋味，米粉吸收了湯汁，滑順可口，絕對是養生保健的好選擇。芝士煙肉野菌焗薯皮，薯皮外酥內軟，香氣四溢，搭配上濃郁的芝士和煙肉，簡直是味蕾的享受。而田園沙律新鮮爽口，增添了一絲清新的氣息。香煎鯛魚柳外脆內嫩，配上薯菜和白酒忌廉汁，更加提升了整體的風味，忍不住想多吃幾口。草莓蜜糖吐司伴雪糕及開心果粒，甜而不膩，外脆內軟，搭配雪糕簡直是完美的結尾。

其實強烈建議大家要小心呢一間一不小心真係貼錢買難受點了burger餐 加埋野飲加一成200蚊一餐價錢貴無問題但食物質素慘過食麥當勞😀和牛漢堡又乾又柴都算最慘咸到食唔到唯一沙律菜係正常😀另外仲叫了芝士石鍋飯。。。成碗野除左咸同咸就無其他味食物質素完全對唔住個價錢🙃最嚴重是服務態度收加一服務費但完全無服務可言特別是一位長直髮女服務員態度簡直差到入去佢CAFE的客人都係仇人黑口黑面不在話下，問佢野個態度差到殺左佢全家咁仲要係加一，個服務費嘅服務係係邊？其他員工都係一樣，連係廚房煮野嗰個男人都係咁😀手多再搜尋下發現在網上COMMENT呢間都有不少負評關於食物和服務態度可一不可再小心貼錢買難受

只想輕鬆食個午餐，一入有好多規矩，規矩規矩，一開始人齊未，兩個三個，又要限時又要每人點餐. 非常之大壓力，結果即走. 其實唔係好多人，定位係coffee shop 應該係清閑.可以同朋友傾吓偈. 而唔係限時限時限時,規矩規矩規矩. 本人就是不喜歡.喜歡好似返學校咁就去啦.自由就唔好啦.整體嚟講門面係冇問題,但是還是服務.門口的可能都係因為老細的問題所以有啲無助.但是一個疑似老細的,目送我離去亦冇乜感覺.服務是沒有的.

當我想食西餐但朋友卻偏愛中餐時我就諗起雙魚座，無論是西式的精緻還是中式的家常雙魚座都有，完全冇違和。地點又方便，係旺角行完街行過去超近。🍴「快富貴」酸菜魚配「寬粉」就快新年，叫左個菜名幾有意頭嘅「快富貴」套餐，套餐裡有沙律，還可以升級加杯鮮奶咖啡。酸菜魚的魚塊幾滑，分量又多又大塊，寬粉比起一般的寬粉還要寬闊，吃起來煙韌又彈滑，微酸微辣的味道剛剛好。🍴照燒雞扒 全日早餐雞肉滑嫩，外皮有少少脆。窩夫是酥皮款，咬落去酥脆可口。🍴自家製百利甜酒味巴斯克芝士蛋糕芝士味濃郁，酒味更香濃，食完唔會感到膩滯。#雙魚座咖啡館 #香港 #旺角 #旺角美食 #咖啡店 #多國菜 #全日早餐 #AllDayBreakfast #Cafe #Piscescoffee#hkfoodie #hkfood #foodhk #foodie #food #美食 #香港美食

一直都好支持呢間餐廳，覺得好好味，但係今次用餐體驗極差，今日受到一位深黑色頭髮冇瀏海嘅店員態度惡劣對待，對我呼喝，強烈建議店舖專注做好食物同時，亦應該要加強店員培訓，做好基本服務水平響社交平台，睇到他們熱情地看待工作，但事實卻事與願違，非常諷刺，尊重客人係首要嘅條件

因為餐廳名字同星座有關，所以可以約到朋友來吃，估不到這間咖啡館不只是吃西餐還有中餐吃，有海南雞飯、酸菜魚粉、肉骨茶，所以中式和西式都點一些來吃。酸菜豚肉配寬粉平時吃酸菜魚，通常是米線，這間是寬粉感覺又不同，寬粉滑嘟嘟易入口，微辣味道令人開胃，二人份量都幾大碗。黑松露忌廉煙三文魚扁意粉大量黑松露忌廉汁，每條意粉都有黑松露味道，三文魚有兩大片，另有蘑菇，意粉彈牙。金沙鹹蛋黃單骨雞翼鹹蛋黃不會太濃味剛剛好，就算不吃鹹蛋的人也會喜愛，雞翼炸得很脆口。自家製巴斯克芝士蛋糕芝士味好濃而且又滑口，吃完一啖好想繼續吃下去。鮮奶咖啡跟餐叫咗一杯咖啡，入口已聞到很濃郁的咖啡味，入口順滑，不知是什麼咖啡豆，我喜歡喝。

呢間Cafe地點方便，食物又便宜又高質，侍應服務態度良好芝士煙肉什菌焗薯皮伴田園沙律🈶3件，每一口都充滿濃郁嘅芝士🧀食落好滋味晚市套餐包埋是日精選沙律🥗，個餐揀咗「唔係」馬來西亞肉骨茶跟豆卜配珍珠米飯🍚 肉骨份量多，湯底濃郁又唔會油膩，飲落以香辣嘅胡椒味為主台式紅燒牛肋條配台式蛋餅伴田園沙律都好豐富，牛肋條燉煮得非常入味，咬落多汁，台式蛋餅入口酥香，仲配有新鮮田園沙律甜品揀咗紅棗、杞子、桂圓、雪耳燉鮮奶，呢個好啱我口味，牛奶味香濃得黎又有咬口，每一啖都能感受到滋潤飲品叫咗杯熱鮮奶咖啡，奶香與咖啡嘅甘香完美融合，口感順滑

這間位於旺角的【雙魚座咖啡館】，主打西餐CAFÉ，有多款西式小食及主菜，亦有些FUSION菜，食物擺盤精緻，甜品更是打卡之選。晚餐全部由$70起，包了沙律。煙鴨胸沙律沙律菜淋上芝麻醬，新鮮又爽脆。韓式豚肉石鍋拌飯泡菜、豆芽、加上韓式辣醬，豚肉份量超多，拌飯一流。金沙忌廉大蝦扁意粉意粉每條都沾滿了醬汁，忌廉汁香滑，十分爽口，蝦仁彈牙。芝士煙肉野菌焗薯皮焗薯皮表面香脆，中間有些薯蓉、煙肉及芝士，十分惹味。Affogato咖啡配上雲尼拿雪糕，苦中帶點甜。Latte香滑的Latte，拉花精美。

今日同朋友到旺角食飯，去到餐廳不需要等位就可以入座 。我們叫了馬來西亞肉骨茶跟豆ト配珍珠米飯、卡邦尼煙肉野菌扁意粉餐，配沙律和龍蝦餐湯、再叫了小食八件玫瑰風味單骨雞翼和甜品紅棗、杞子、桂圓、雪耳燉鮮奶 。馬來西亞肉骨茶，這道菜的湯底濃郁，香氣四溢，搭配著豆腐和珍珠米飯，讓人感受到肉骨茶的傳統魅力。肉質鮮嫩，湯汁中帶有淡淡的香料味 。接下來是卡邦尼煙肉野菌扁意粉，這道意粉的醬汁濃郁，煙肉的香氣與野菌的鮮味相得益彰，意粉的口感滑順，讓人感受到意大利料理的精髓。搭配的沙律清新爽口，為整體餐點增添了層次感。小食方面，我們點了八件玫瑰風味單骨雞翼，這道小食的獨特之處在於玫瑰的香氣，讓雞翼的味道更加迷人，外皮酥脆，內裡多汁 。最後，甜品方面的紅棗、杞子、桂圓、雪耳燉鮮奶，讓人感受到濃厚的養生氣息，甜而不膩，完美地為這頓餐點畫上句號。整體而言，這家咖啡館的菜品不僅味道出色，服務也非常周到，環境舒適，讓人感到放鬆。

係小巴站見到間裝修好靚既餐廳又入去試下，入到去既裝修好柔和，好有食fusion 菜既感覺，啲擺設都好特別主食叫左蟲草花杞子黃金雞湯米粉，個湯底同雞都好濃味，啲雞仲要係無骨既😍台式紅燒牛肋條配台式蛋餅牛肋條既份量超多，多過啲蛋餅而且炆到好淋，食晒啲蛋餅都仲有好多肉剩至於味道方面紅燒汁甜甜地估唔到個汁同蛋餅都好夾金沙鹹蛋黃單骨雞翼單骨，岩晒懶人食，雞翼外皮炸到好香脆😍未食都聞到好香，食落個味又唔係超咸👍🏻Cold Brew Coffee個杯好特別，咖啡豆係藍莓味既莫札特豆，飲落少少酸，不過係接受到既巴斯克芝士蛋糕🍰細細件唔會太膩，甜度適中，配上幾片士多啤梨同幾粒藍莓🫐食完甜既有少少水果食下👍🏻

今日去咗旺中斜對面一間文青feel Cafe食Dinner （唔係）馬來西亞肉骨茶 跟 豆卜 配 珍珠米飯肉骨茶非常暖胃 亦帶有少少藥材味 排骨係有咬口唔會硬斑斑 豆卜更加吸曬啲湯汁 可以用嚟送飯是日精選沙律（跟餐）當日係煙三文魚沙律上面落咗胡麻醬 非常開胃台式紅燒牛肋條 配台式蛋餅 伴田園沙律 牛肋條煮得都算淋 蛋餅可以點牛肋條嗰個紅燒汁度食 不過雖然佢叫蛋餅 但係好似唔係幾覺有蛋 似係普通薄餅鮮奶咖啡（熱） Latte 超靚嘅拉花 香濃嘅咖啡味 飲落口好滑 亦唔會酸 係一杯好好飲嘅咖啡 睇得又飲得芝士煙肉野菌焗薯皮伴田園沙律 叫咗個小食 呢個portion唔係好大 得三件 但係焗薯皮好香好脆口 面頭有啲野菌肉碎 食落都幾夾嘅味道浪漫星空 上枱嘅時候有盞燈墊底 裏面都有幾多料 包括桂花愛玉、雪糕球、三色小芋圓、椰果、芒果星鑽QQ果、黑糖寒天、香甜脆片 所以有好多唔同口感嘅食材 有煙韌嘅有香脆嘅亦有爽滑嘅 味道亦唔會太甜