雍雅食堂

送左塊羽毛球拍去穿線之後,去到冠力工業大廈搵食。叫左份大連鮑魚粉絲蒸肉餅,有送湯＆時菜一碟。坐低無耐 菜,湯,時菜已隨即奉上,份肉餅送到我呆一呆😯兩隻鮑魚既size超出左的預料😂反而肉餅薄左少少,不過淨係食鮑魚都抵左!!整體好味道,而且都夠飽👍等緊期間,望下其他人叫咩食👀發現好多人都食魚🐟蒸倉魚,油封黃花魚等等!後尾先知原來依度出名食海鮮。餐廳好有屋企感覺,似食緊住家飯咁,下次黎食可以試下佢啲魚!!睇隔離台條煎封黃花魚好吸引🤤大連鮑魚粉絲蒸肉餅 $67…查看更多

呢間位於觀塘巧明街既樓上工廈食店，午餐時段十分之多食客，主要做同棟大廈員工生意。我就之前食咗碗魚蛋粉，咁就較遲先食午飯。上到去d食客剛食完離開中，所以座位好闊落。望下餐牌，本想點個咸魚蓉煎小肉餅，但就賣哂，咁我只好點個荷葉蒸雞，點之好有驚喜，首先雞既份量好多，件件有肉食得既，味道一流，好有雞味。跟餐仲有一碟白灼菜芯同一碗例湯。整體非常滿意。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

同朋友去雍雅食堂食Lunch，原本諗住試下扇貝粉絲蒸肉餅($67)，點知無曬，改咗咸魚蒸肉餅，雖然有啲失望，但試完覺得咸魚版本一啖肉一啖飯，真係好好味，冇白嚟！食品部分咸魚蒸肉餅：呢個咸魚蒸肉餅完全冇辜負期待！肉餅香滑又有肉汁，鹹中帶鮮，咸魚嘅大條程度真係有驚喜，唔係啲細碎邊位咁敷衍，而係夠厚實有肉嘅咸魚，香味即刻提升幾個層次。配埋白飯，食到停唔到口，完全值返個67蚊。不過，如果可以揀，我仲係想試返個扇貝粉絲，始終掛住嗰啲粉絲嘅滑溜口感。⭐食品評分：5/5菜：送嘅清蒸菜，簡單但健康，保持咗菜本身嘅甜味，冇多餘油膩，感覺清爽。搭配得好啱，有種平衡感。⭐食品評分：4.5/5湯：例湯味道清甜，有啲淡淡嘅中藥香氣，飲落覺得好舒服，係健康嘅類型，唔會過重味。⭐食品評分：4.5/5環境與服務雍雅食堂最大亮點係可以免費加菜加湯，CP值即刻升咗一個level！出菜速度快，服務員態度幾好，唔會催你快啲食，成個用餐過程幾舒服。如果想食得健康又飽肚，呢度係個好選擇。⭐服務評分：4.5/5總體感受咸魚蒸肉餅絕對係呢餐嘅亮點，味道夠鮮夠香，配埋健康嘅菜同湯，成餐飯平衡又滿足。雖然冇機會試到扇貝粉絲蒸肉餅，但改成咸魚版本一樣唔失望。下次一定會再嚟補試扇貝粉絲！⭐總體評分：5/5…查看更多

雍雅食堂個名好高貴，現實係一間工廠區食堂，但唔影響我對佢嘅喜愛，我好鍾意食魚，但平時放工好晏，屋企留飯通常都唔會蒸魚，因為好難留，通常假期屋企齊人先會買條魚返嚟蒸或煎。發現呢間食堂有咁多款魚真係好開心，今日食咗煎封馬友，個皮係好脆，但唔係油炸，馬友魚本身肉質嫩滑，加埋有蔥豉油，簡直係人間極品，非常好食。一人獨享真係自私得嚟好快樂。呢度套餐仲配菜心同例湯，完全係一餐住家飯，觀塘返工嘅朋友不容錯過哦。…查看更多

觀塘返工嘅人都會明白，一到放飯時間四圍都係人，而且來來去去都係價錢唔平嘅西餐/茶餐廳，呢間位於工廈內嘅食堂就啱晒我口味。平時放工晏屋企留飯就好少有蒸魚食，所以發現左呢個食堂好開心。午飯時間呢度嘅套餐幾乎乜魚都有，黃花，鱸魚，馬友，䱽魚，盲曹，海斑，清蒸豉汁，冬菜蒸都有，最適合鐘意食魚嘅朋友，仲有例湯加時菜，完全係家的感覺。蒸魚餐$69-$90不等，性價比好高。呢度晚巿仲可以食私房菜，最低消費$3000，三日前預約，下次公司食飯可以試下。…查看更多

今天我在雍雅食堂享用了美味的海鮮午餐，點了清蒸彩虹雕🐟，同事則選擇了豉汁蒸倉魚。這裡的海鮮新鮮度讓人驚艷，特別是我點的彩虹雕，魚肉鮮嫩，清蒸的做法更是保留了魚的原汁原味，搭配輕盈的調味，讓每一口都充滿海洋的鮮味。同事的豉汁蒸🐠倉魚同樣引人注目，魚身肥厚且肉質結實，豉汁的香氣透過蒸汽散發出來，讓人垂涎欲滴。兩道菜的份量都非常充足，讓我們在享用美食的同時，也感受到飽足感。配菜方面，雍雅食堂提供的選擇也很不錯，清爽的時蔬能平衡油膩感，讓整體餐點更加豐富。而白飯則是經典又必不可少的搭配，餐後的茶水清新解膩，為整頓餐點畫上完美的句號。這次的用餐體驗非常愉快，無論是食材的新鮮度、菜品的口味還是環境的舒適度，都讓我對雍雅食堂留下了深刻的印象。下次一定會再來，繼續探索他們的其他美味佳餚！…查看更多

觀塘打工仔唔洗帶飯都有住家飯食!?雍雅食堂主打無加味精住家飯，主打煎魚、蒸魚及其他海鮮料理，幸運的話還會遇到龍蝦!!而且價錢相宜非常抵食，每逢午時時間都滿座相當誇張!!👵🐟- 大連鮑魚粉絲蒸肉餅 HK$67 🦪🐷有肉又有海鮮充滿家的味道!!鮑魚蒸得柔軟鮮味，而且非常大方放上兩隻鮑魚!!粉絲吸收所有豉油及肉餅精華，咸香十足拌飯一流!!肉餅肉汁甘香油潤，添加粒粒馬蹄增添口感，而且即叫即蒸新鮮出爐非常幸福!!- 芝麻海蜇太爺雞 HK$78 🐙🐣- 鮮蟹肉帶子蒸蛋 HK$63 🦀🥚- 黑椒薯仔炒牛柳粒 HK$74 🥔🐂…查看更多

應家中長輩及小朋友要求， 訂了四款外賣 （龍蝦伊麵, 雞蛋蒸魚腸, 花雕浸鮑魚, 芝麻卷) 。雞蛋蒸魚腸（連砵上）- 現沒有多少酒樓會做這個菜，因為手工太複雜，美中不足，魚腸不夠肥味。 花雕浸鮑魚 - 食後齒頰留香 但沒有酒的濃烈味道， 加上話梅的甜味，絕配😋😋😋！！！芝麻卷 - 而家好多地方都仲有得食, 但係同以前的味道完全不一樣，現在的芝麻卷一般沒有芝麻香味只是甜，而且芝麻卷用的粉不一樣，很黏口。 但大家記得記兒時的芝麻卷，通常是爽口而且能夠攤平食😅， 每一啖都有好香嘅芝麻味。 今日完全食到四十年前的味道👍🏻👍🏻👍🏻…查看更多

今日依然係寒冷既天氣，lunch time又要諗食咩，其實甘凍既天氣應該叫外賣好啲，可以留係公司暖下😂不過日日係office成日，再唔襯lunch出去行下，個肚腩真係會越黎越大，同事話想食魚，所以今日就去左一間食堂到食魚，呢到有好多唔多款式既魚選擇，而且價錢合理好有住家飯既味道，不過無論外賣定堂食都一定要係十一點前whatsapp 落order，walk in係無得食！因為啲餐已經賣唒🤣.佢哋每日既餐牌都唔同，每個餐都會有例湯，白飯，時菜同紅茶～湯白飯同菜係可以無限添😊岩唒食量大既朋友😁餐廳夜晚仲會做私房菜但需要提早預約。.今日個例湯係粉葛海底椰合掌瓜甘笋豬骨湯湯好入味，唔係味精湯.大連鮑魚粉絲蒸肉餅$64呢碟餸隔離枱都有叫，一上枱佢大叫左一句真係有鮑魚架😂肉餅上面有兩隻鮑魚，鮑魚唔會好韌但就無乜味，肉餅肥肉唔算多唔太夠味不過配上調味過既粉絲就岩岩好.花甲粉絲蒸蛋$58蒸蛋好滑，配上蜆同粉絲好鮮味(可能花甲賣唒所以變左係蜆🤔).姜葱霸王雞半隻$78隻雞一上枱，除左我哋嘩嘩聲，連隔離枱都嘩！碟雞比我哋想像中大碟，個個都話無諗過份量係甘多，霸王雞肉質嫩滑配上葱油香味再加上佢哋獨家烹調既豉油，連同事都忍唔住要添飯。.豉汁蒸盲曹$66呢到最出名就係食魚，每日都有好多唔多既鮮選擇，魚好大條雖然係養魚但都幾新鮮幾嫩滑配上鼓油~好食！…查看更多

官塘晏晝想食魚鮮，朋友推介工廠大廈有間雍雅食堂，聽個名以為好貴，菜單各款菜式都只係$5x~$80左右，包一湯一菜一飯，主要係蒸煮菜式，聲稱不含味精。食堂唔算好大，但座位郤有番咁上下，加埋外賣客，同時招呼咁多客人，㕑房都有啲踢腳。如果想去試吓，就要早少少打電話留位及叫埋嘢食，即埸叫餐加餐就有排等，而且佢哋每款嘅餸菜數量有限，好快就沽清（一點左右乜都冇）。話明係食堂，都預咗座位都係排排坐，招呼唔到果種。我和朋友慕名去試食，叫咗蒸盧魚、原隻花蟹蒸蛋、貴花蚌粉絲蒸肉餅，上枱賣相唔錯，食落就一般，冇諗過主打既魚蒸得太熟、老咗！…查看更多

有日觀塘街上有個叔叔派住雍雅食堂既餐單，標榜無加味精嘅住家飯，而佢個menu又幾吸引，於是就嚟試下~ .佢主打新鮮魚類，無論堂食定外賣都要11點前落單，所有野食賣完即止~😇 豉汁蒸倉魚 ($66)倉魚大大條，熱辣辣新鮮上枱~ 倉魚肉質本身係較結實，食落有魚味，加埋豆豉嘅酸鹹味，真係忍唔住爬多幾啖飯！🤩跟餐仲有住家湯、菜心同埋紅茶，湯同飯仲可以無限添，真係有住家既感覺！🥰 .朋友就食左條豉汁蒸左口魚，魚肉好滑又有左口魚嘅油香，都唔錯，但就$118比倉魚貴幾多~😛 .呢度日日都有唔同嘅menu，一間咁用心嘅家庭經營嘅小店，食物質素又高，好值得試下！👍🏻…查看更多

本來覺得觀塘有間住家飯有海鮮食幾好。價錢正常食物口味較淡，但海鮮係好新鮮嘅。蒸魚配嘅豉油甜多過鹹。whatsapp叫過幾次外賣，成日唔覆/好遲覆，送餐時間試過遲半個幾鐘到，照住佢俾嘅每月menu黎order，朝早9點就order，10點半覆我話冇左。我覆遲半個鐘就話嘢食已沽清，問多句confirm係咪冇晒又唔覆，叫左第間之後又打電話黎話句沽清係群發，唔係話我叫嘅嘢冇晒，真係溝通能力為負。真係唔憂做嘅生意態度，我哋都唔會再幫襯。…查看更多

雍雅食堂其實就係我最近去觀塘client office 嘅一個canteen 。佢嘅食物全部都係冇味精、超級健康嘅住家飯。但係可惜嘅就係佢超級受歡迎, 如果大家想食嘅話就要每日十一點嘅時候用電話佢落單預留啲食物, 如果唔係你想walk in就乜都冇得食㗎喇。Lunch set薑蔥霸王雞 ($70)今次食嘅係薑蔥霸王雞, 拎到嚟我畀佢個份量嚇一跳。雖然我知道佢係半隻雞, 但係冇諗過係咁大嘅半隻雞。我好努力咁淨係食啲肉都食唔哂, 我唔係好肯定佢係新鮮雞定係冰鮮雞, 但係我覺得就算佢係冰鮮雞, 你都食唔出佢嗰種冰鮮嘅感覺, 因為佢處理得非常之好。Address:觀塘巧明街106號冠力工業大廈13樓1306室Room 1306, 13/F, Crown Industrial building, 106 How Ming Street, Kwun Tong港鐵觀塘站 B2 出口, 步行約5分鐘#food #foodie #foodhk #foodiehk #觀塘 #美食 #觀塘美食 #hkrestaurant #hongkong #foodlover #香港…查看更多

真係估唔到觀塘臥虎藏龍，收收埋埋呢一間好有人情味，家庭式嘅住家飯！下午時間嘅超多魚嘅選擇，黃花魚，倉魚，馬友，甚至好多我都唔知係咩魚嘅魚差唔多有成10款，有啲可以揀煎嘅，大部份都係蒸除咗蒸魚之外，仲有小菜選擇，每日有五款左右。今日我上到嚟糖食，就揀咗梅菜蒸黃花魚。餐廳首先會上冇味精餐湯，同埋一碟油菜，等大家等緊魚嘅時候有啲嘢食如果想加野飲嘅話，有紙包飲品或者汽水選擇，好似係加$2都主角黃花魚出場啦！比想像中更加大條食落雖然係養魚，但係都幾新鮮！只係豉油比較甜，其他方面都幾滿意！…查看更多

成日出街食飯，但又冇住家飯食好慘？最近就發現左觀塘工廠大廈竟然搵到充滿屋企的味道嘅餐廳🏠一嚟到店員就送上例湯同菜芯🥬見到有菜食真係幾感動😹唔夠菜食的話，仲可以免費加多碟！例湯幾足料，不過味道就有啲似茶記例湯🤣🤣🌟蝦仁炒蛋炒蛋係極滑身，蝦仁大大隻又爽口🥰 加上有蔥花調味，蛋汁撈飯一流👍🏻🌟煎封黃花魚煎黃花魚嚟到，同行朋友都”Wow “左聲！真係煎到好金黃脆身！加上黃花魚魚油，唔洗點醬汁都好好味呀😋🌟黑松露墨魚膠蒸蛋冇諗過住家餸都會有黑松露🤣 墨膠爽口，食到有墨魚粒🦑，滑蛋滑到同茶碗蒸差唔多！不過覺得淨食蒸水蛋好味啲😣🌟蟲草花雲耳蒸雞調味同所有配搭同👧🏻屋企食係冇分別😝 好味👍🏻🌟丁香魚魷魚筒蒸肉餅蒸肉餅肥肉唔算多，保持依舊滑身唔鞋口👍🏻配上有啲似白飯魚仔嘅丁香魚，即刻可以食得幾啖白飯。魷魚筒似用曬乾嘅魷魚，就咁食覺得過咸🥲…查看更多