雍雅山房

營業中

休息中

乳鴿又乾又嚡，釀豆腐豬肉未熟！完全拆咗雍雅山房燒乳鴿嘅招牌！ 除咗環境優美之外完全唔值得嚟食！真係差到唔知點樣可以寫呢個食評。服務員只有幾台，都不停趕住收晒我哋啲碗碗碟碟一定唔會再有下次。以前沙田嘅雍雅山房乳鴿真係好好食，而家隨便去一間酒樓嘅乳鴿都好食過佢！其他嘢食亦都唔值得一試！ ！放一間咁嘅餐廳喺旅遊區完全會丟埋香港美食天堂嘅名。最起碼真係應該煮好啲乳鴿，其他嘢就算啦希望餐廳見到呢個食評會盡下能力改善下佢哋煮乳鴿嘅能力。如果想選擇一個環境清靜嘅地方食飯，呢度係一個唔錯嘅選擇！因為午餐時段都冇人！

慶祝生日飯，訂位說明有老人家有輪椅，貼心安排近窗大枱。對正夜景，由日落天黑。食物美味、叫了四人套餐、加4隻乳鴿（有水準，皮脆有肉味）、乾炒牛河、山水豆腐好滑，多寶魚很大條，肉質鮮味，青口亦新鮮美味😋，醬汁適中。還有蛋白杏仁茶很滑溜。服務周到，碗碟執碟勤快，細心，主動幫忙合照，雖然沒有蛋糕可安排，一早提醒個半自備蛋糕，而且主動取碟更換，仍提供咗支蠟燭俾我哋，仲俾埋打火機，很細心，滿足的一餐，值得推介👍

地方比較隱蔽難尋，但對於人流如織的山頂來說反而是好事吧，夠清淨。當日booking已經full嗮，十一點半walk in有位，和家人舒舒服服坐六人台靠窗，一邊欣賞靚景一邊歎美食，性價比不錯！食物方面偏西式fusion，當日1888元四人套餐包括鮮蝦toast（香酥可口，讚），蟹肉salad，白酒青口，西冷牛排，鮮茄汁多寶魚（肉質火候一流，外脆裡嫩），炒飯（乾濕適中，香口），鹹魚芥蘭（哇塞這個清脆的口感真的超愛）和甜品杏仁茶，分量十足，非常滿意啦。 服務生也很不錯，幫兩位小朋友也➕咗甜品。

朋友生日，佢想去山頂懷念一下，兒時同父親係山頂嘅美好時光，所以搭纜車上山頂搵餐好嘢食生日飯。但大部份餐廳價錢都偏高，最後竟然俾我搵到呢間雍雅山房，我哋五個人都係食咗$1000左右，不過當然係食晏晝啦。環境超級舒服，服務員知道朋友生日唔熱得坐唔到室外，所以揀咗個窗口位俾我哋😍，跟住每樣餸都好精緻，特別個熊飲奶茶，一大嚿冰係熊人公仔超級可愛，生日蛋糕可以喺個碟度上名，唔需要額外收費，真係特別開心。朋友原本話唔想嚟呢度，因為覺得好似普通餐廳，點知真係好有驚喜。

晚上去完全冇人，入到去很寧靜舒服的環境，可以慢慢傾計又打下卡📸侍應有禮地詢問坐室內或室外，會留意客人進食速度來上菜，能夠渡過愉快的時光✨煎釀山水豆腐味道比較啖，芡汁可以黏貼在豆腐上，豆腐好滑✨紅燒炸孔鴿皮有紅燒汁連肉食，口感嫩滑，但好似骨多過肉✨瑤柱蛋白炒飯淡淡的瑤柱香味加入蛋白，將食物提升到另一個層次✨鳳梨酸甜咕嚕肉原塊鳳利配上酸酸甜甜的咕嚕肉，很開胃可口✨蛋白杏人茶蛋白滑和有淡淡的杏人味，甜度適中

今日去咗間食肆，環境佢唔錯，古色古香嘅裝潢，幾有情調。先來說說呢個沙角蟹肉多士啦，多士烤得啱啱好，外脆內軟，滿嘴沙角和蟹肉的清新味道，真係好消暑。然後就係魚肉釀山水豆腐，豆腐滑溜溜嘅，魚肉又爽口，豉油醬啖啖都惹味，啲靚味真係好過癮！羊扒味道就一般喇，啲薯仔同蝦粒倒係出奇咁夾，食落有個新意。提起紅烧乳鸽，肉質真係鮮美到不得了，一啖落去，滋味係咁喺心尖打轉。最後，個椰汁紅豆冰，簡直係解暑救星，紅豆咁多，椰香咁濃，食完個心情都爽曬！嗱，轉頭望望窗外，果然係食完盤大餐还能欣赏維港美景，實在賞心悦目。😍🌆🌿

見到優惠訂購平台有這個優惠"懷舊紅燒乳鴿精選晚餐" 朋友想去嘗試食, 加上也很久沒有去過山頂,  順便可以睇埋夜景.套餐價錢還可以接受($248一位) ,  要是散叫的話, 價錢相對地比較貴.晚餐是沒有包飲品  和 炒時菜, 都係我地自己另外ORDER.  雖然預先己付款到優惠訂購平台購買, 但因額外再ORDER, 所以埋單連加一也要再付 $3XX    總括環境不錯, 服務員也有禮貌. 想和朋友傾計也算係一個好既地點. 

服務態度極差，食左45分鐘已經叫人埋單，兩次落錯單-已經係午市唔係晚市，見我同埋兩個工人姐姐去-唔尊重工人-叫佢地幫手傳菜，人生第一次寫負評比人， 可想而知真係幾咁差，我埋單時都同 侍應講真係冇下次，態度又差。趕客

有朋自遠方來，當然去山頂觀光下同時可以睇下日落，換咗新纜車朋友都未搭過，山頂上面唔太多人，可能平日嘅關係。估唔到山頂睇日落都唔錯，風景好靚👍大約五點零鐘，想卜間靚餐廳食晚飯顺便睇下香港嘅夜景，行行吓見到有間雍雅山房，以前喺沙田非常出名，問侍應佢話系由沙田搬過嚟，不過知真定假🙄小编一行5人揀了近露台枱，餐廳環境氣氛都唔錯，侍應都好有禮貌。餐廳提供套餐亦都有得散嗌，於是叫了以下食物👇鳳梨酸甜咕嚕肉，賣相都唔錯，生炒骨配上新鮮菠蘿，不過生炒骨個炸醬炸得比較硬，口感麻麻地。羅漢上齋份量偏少，味道唔錯，若果份量加大少少，就perfect 😂一个系飽汁福建炒飯，另外一个大蝦海鮮汁意粉。兩樣食物都OK合格，不過小编应為福建飯好吃些👍功夫蝦子柚皮，依个袖皮，真係唔得，可以叫做難食，可以放棄😪還有椒鹽大虎蝦，掛住食冇影到相，大虎蝦有5隻，大蝦都好新鮮同彈牙。紅豆椰子沙冰，友人話好好食，不過價錢略貴，88元一杯，真係贵。甜品tiramisu好軟滑好好食，這個甜品幫餐廳加咗唔少分😋總括嚟講間餐廳小编覺得係食環境多啲囉！食物質素好有改善空間，可能人少招呼都唔錯，抵讚👍

一早訂咗枱坐露台位 仲book 咗甜品+字 電話已經問定到時要唔要提一提加咗字 但職員話會寫低 唔洗提 同事會知 咁我仲覺得 嗯 山頂餐廳 服務有返咁上下 點知…..夜晚去到餐廳 服務員就好殷勤咁帶我地去露台位 都幾開心 因為佢地安排嘅位我覺得係最好個張🥰 香港夜景真係好靚 個晚仲要有啲風 一啲都唔熱 非常舒服 坐低睇下餐牌 傾下計咁 服務員就忍唔住行埋黎問 揀好食咩未😏 咁我地就有啲唔好意思咁拿拿聲叫😨🥩秘製紅燒乳鴿 $168呢個係餐廳推介 所以即管試下 又真係幾好味 皮好薄好脆 肉都算嫩滑 而且燒得好香 好惹味 本來唔太肚餓嘅我 突然多返啲食慾😚😨食食下見到有個客應該食完埋單 個客咩好晒袋企咗係圍欄邊睇風景影下相 突然個服務員就問佢係咪埋單 仲拎部機出黎示意可以埋單 個客就話想陣間先 因為想睇下景影下相先 個服務員就企係側邊等 一路望住個客 好似驚佢走咗唔埋單咁 我地見到都覺得少少odd😳……….🥩烤法式羊架配杏鮑菇 西蘭花 薯仔 $288上菜個下 俾個賣相🫣….er 麻麻地 不過羊架幾juicy 肉質好嫩好腍 個面少少脆 唔錯 但其他配菜就好似冇咩特別烹調 所以一般 ..🫣😨食食

預約十一煙花夜套歺$880+10%每位，共消費七千幾元。用歺環境唔錯，伹很遺憾難以接受食物實在太差！頭盤海鮮，生蚝腥味異常！斑腩基本係炸魚骨與豆皮之類、蟹肉明太子意粉，基乎唔見蟹肉，絲都冇！ 又漏又難食！4位以上送半隻清遠難，也很難食！最後甜品所謂24年陳皮紅豆沙完全冇登場！ 向服務員查詢也未有結果！服務混亂，剛食完頭盤，服務員話我們已食完。等多近大半個鐘才上其他食物，仲要一再催促！ 實在很難接受！令我的客人對香港飲食及服務嘆為觀止⚠️⚠️⚠️⚠️

♥️雍雅山房♥️山頂🏞維港景色✨️下午茶 平時食afternoon tea 都係以甜為主，今次黎到雍雅山房試下懷舊點心下午茶💖 欣賞住最頂流的維港美景✨️奢華的裝修✨️真係好舒服呀✨️而且唔使趕住走👍可以同班姊妹可以慢慢坐啦😘😘每粒咸點都係沾有黑松露醬，令每件咸點都有少少黑松露味，當中以鳳眼蝦餃同炸鳳城水餃最令人回味！咸點🫖野菌酥皮沙葛毛豆蟹肉多士帶子鳳眼餃酥炸鳳炸水餃串燒牛柳粒意大利黑松露飯球甜點 🍰意式提拉米蘇蛋糕特色桂花糕 餐飲🍸椰子紅豆冰特色波蘿冰

高級茶座【雍雅山房】Yucca de Lac昔日為多部粵語長片的取景勝地，1963年於沙田馬料水開業並於2005年結業，時隔17年後於去年2022年重新開業，餐廳新址位於山頂廣場並設有露天茶座，既讓食客享受到中西美食及餐廳浪漫又懷舊的氣氛之餘又可打卡共賞維多利亞港的美麗景色～👍😍雍雅山房懷舊系列：👉1963特色乾炒牛河～自1963開業以來的懷舊招牌之一～河粉根根分明～筷子一挟能感到河粉的韧性和弹力～牛肉選用了西班牙的牛柳～焦香滑嫩而且份量十足～而美味的神髓離不開那一抹紅色辣椒醬🌶️～絕配～😍😍👉秘制紅燒乳鴿～上臺時已香味撲鼻～皮脆肉嫩超juicy～😍👉懷舊煎釀山水豆腐～味道可以不過沒甚驚喜～😀👉懷舊菠蘿冰～好喝～👍👉黑牛～港式傳統飲料～任何時候都覺得好喝～😍

雍雅山房開了在山頂，見到客人也不小就試就罷。天氣很好但十分熱，室內窗口位是最佳位置。 午餐價錢不便宜， 但係即叫即做， 味道也不錯。除了沙律就十分—般。現在少有的服務， 需要幫助時 一定會有人喺附近。 有時間坐耐啲我覺得係不錯的選擇。

前兩日喺山頂廣場2樓雍雅山房訂咗三位食飯 ,講真 呢度環境唔錯,可以話係一間觀景餐廳 ,其實景幾靚都無用，D服務態度唔好，食物一般，落單嗰個Waiter心不在焉，同佢講要菜心 ，講幾次最終都係整咗煲芥蘭出嚟, 再次搵另一位Waiter問佢點解？淨係話冇意思幫你重新整過 ,即係又要我哋等？坐低飲啖水都要等擺咗個水壺喺度，想加水等勁耐都冇人幫我哋加水, 收+1服務費 茶餐廳都不如 ,原來傳說中雍雅山房就係咁架。